ელზა პაპოშვილი
18.05.2022

უკრაინაში რუსეთის ომის 84-ე დღეა - სარაკეტო იერიშების შედეგად, დონეცკისა და ლუჰანსკის რეგიონებში 8 მშვიდობიანი მოქალაქე დაიღუპა, დაჭრილია 4. უკრაინული მხარის ინფორმაციით, უკრაინელმა სამხედროებმა ოკუპანტების 12 თავდასხმა მოიგერიეს. ამ ეტაპზე ბრძოლა 4 ადგილას გრძელდება. უკრაინელმა სამხედროებმა გაანადგურეს რუსების 15 საჰაერო სამიზნე.

თამთა ჩაჩანიძე
17.05.2022

რამდენიმე კვირაში გაირკვევა მისცემენ თუ არა საქართველოს ევროიკავშირის კანდიდატის სტატუსს. ამის პარალელურად ბრიუსელში პრემიერ-მინისტრი ირაკლი ღარიბაშვილი ევროკავშირის მაღალი თანამდებობის პირებთან შეხვედრებს მართავს. აანალიტიკოსთა შეფასებით, ეს ვიზიტი დროული და დიდი მნიშვნელობისაა. ამასთან, აღნიშნავენ, რომ საქართველო ამჟამინდელი მდგომარეობით, ევროკავშირის სტანდარტებს ვერ აკმაყოფილებს, ევროინტეგრაციის პროცესი კი სწორედ მაგ პრინციპზეა აგებული, რომ ქვეყანას ჯერ წევრობის კანდიდატის სტატუსს აძლევენ და წარმატებული რეფორმების შემთხვევაში ევროკავშირის წევრობაზე მიიღება გადაწყვეტილება. რა შანსები აქვს საქართველოს?

ელზა პაპოშვილი
17.05.2022

მარიუპოლისთვის ბრძოლა დასრულებულია - ქალაქის უკანასკნელ დამცველებს, რომლებიც ქარხანა „აზოვსტალში“ იყვნენ გამაგრებული, უკრაინის სარდლობამ საკუთარი სიცოცხლის გადარჩენა უბრძანა. რამდენიმე ასეული მებრძოლი ორშაბათს ღამით უკვე დანებდა მოწინააღმდეგეს და ეს პროცესი ამჟამადაც გრძელდება. რა სახის გარიგება შედგა რუსეთსა და უკრაინას შორის, მოხდება თუ არა ტყვეების გაცვლა და რა ფსიქოლოგიურ გავლენას მოახდენს მებრძოლ მხარეებზე „აზოვსტალის“ გარნიზონის მიერ იარაღის დაყრა?

ია აბულაშვილი
17.05.2022

ოპოზიცია ნიკა გვარამიას გათავისუფლებისთვის ბრძოლას უცვლელი სტრატეგიით იწყებს - ისევ გაერთინების მცდელობა და საუბრი პარლამენტის დატოვებაზე. „ნაცმოძრაობის“ ლიდერი ნიკა მელია ფართომასშტაბიან კომპლექსურ აქციებს აანონსებს, რომელსაც ორგანიზებას პოლიტიკოსები, არასამთავრობო ორგანიზაციები და მედიის წარმომადგენლები გაუწევენ. „მთავარი არხის“ ჟურნალისტები კი აცხადებენ, რომ „ნიკა გვარამიას ბოლო წლების მთავარი ქმნილება „მთავარი არხი“ აგრძელებს ბრძოლას ნიკას თავისუფლებისთვის, რომელიც, „ქართულმა "ოცნებამ“ გახადა ქვეყნის თავისუფლების კიდევ ერთი სიმბოლო“.

ია აბულაშვილი
17.05.2022

ნიკა გვარამიას ტიპის ხელმძღვანელს „მთავრი არხისათვის“ სარგებლობა უფრო მეტი მოჰქონდა თუ ზიანი, ამას დრო გვიჩვენებს. ენმ-ის თავმჯდომარის განცხადება კი, რომ არხის ფენქციონირება საფრთხის ქვეშაა, გაუგებარი და არაადეკვატურია - ამის შესახებ „რეზონანსს“ ანალიტიკოსმა რამაზ საყვარელიძემ განუცხადა.

თამთა ჩაჩანიძე
17.05.2022

„მთავარი არხის" დამფუძნებლისა და გენდირექტორის, ნიკა გვარამიას დაკავებას დასავლეთის მხრიდან უკვე მოჰყვა კრიტიკული შეფასებები. ანალიტიკოს ვახტანგ ძაბირაძის შეფასებით, ხელისუფლებას ესეც გათვლილი ექნებოდა და სავარაუდოდ, ამის გათვალისწინებით მოქმედების სტრატეგიაც შემუშავებული აქვს. როგორც მან „რეზონანსს" განუცხადა, „ოცნება" დააკვირდება გაძლიერდება თუ შესუსტდება დასავლეთის უკმაყოფილება ამ საქმესთან დაკავშრებით და პრეზიდენტის მიერ გვარამიას შეწყალებაც ამაზე იქნება დამოკიდებული.

თამთა ჩაჩანიძე
17.05.2022

რუსეთის პრეზიდენტი ვლადიმირ პუტინი შესაძლოა საქართველოს წინააღმდეგ ომზე წავიდეს, რათა უკრაინის წარუმატებლობის ფონზე სწრაფად მოიპოვოს გამარჯვება და შეინარჩუნოს თავისი რეპუტაცია - „სიენენის" ცნობით, ამის შესახებ ამერიკელი მეცნიერი და ანალიტიკოსი ლინკოლნ მიტჩელი აცხადებს. ჯიპას ასოცირებული პროფესორი თენგიზ ფხალაძე „რეზონანსთან" ამბობს, რომ საფრთხე მართლაც რეალურია და ამაზე გაცილებით უფრო მნიშვნელოვანი თანამდებობის პირები საუბრობენ.

თამთა ჩაჩანიძე
16.05.2022

ევროკავშირი საქართველოს, უკრაინისა და მოლდოვას წევრობის განაცხადის პასუხთან დაკავშირებით დაჩქარებული წესით მუშაობს, თუმცა, გაერთიანების უმაღლესი პირები წინასწარ ვერ ამბობენ იმას, თუ დასკვნა როგორი შეიძლება იყოს. ანალიტიკოსთა შეფასებით, უფრო მეტი ინფორმაცია იქნება მაშინ, როცა ბრიუსელში საქართველოს მინისტრების შეხვედრები დასრულდება, ევროპელი პარტნიორების მხრიდან მძიმე კითხვებიც იქნება, თუმცა, მათივე შეფასებით, გარკვეული იმედი მაინც არის.

თამთა ჩაჩანიძე
16.05.2022

ფინეთის მთავრობამ ქვეყნის ჩრდილოატლანტიკურ ალიანსში გაწევრიანება ოფიციალურად გადაწყვიტა. უახლოეს მომავალში ნატო-ს წევრობისთვის შვედეთიც მიმართავს. თავად ალიანსი აცხადებს, რომ ორგანიზაციის კარი ღიაა და გაშლილი ხელებით შეეგებებიან, თუმცა, გარკვეული წინააღმდეგობები აქვს თურქეთს, რისთვისაც შვედეთი ანკარაში მოლაპარაკებისთვის დიპლომატთა ჯგუფს აგზავნის. რუსეთიც უკვე თავის პოზიციას აფიქსირებს და ამბობს, რომ არ შეეგუება ამ ფაქტს.

ელზა პაპოშვილი
16.05.2022

უკრაინის ომის 82-ე დღე - უკრაინა რუსეთის მიერ დონბასში თავდასხმის ახალი მცდელობებისთვის ემზადება. რუსეთის ძალებმა იერიში მიიტანეს სევერო-დონეცკის საავადმყოფოზე. დაშავდა 9 ადამიანი. მედიაში ვრცელდება ინფორმაცია სევერო-დონეცკიდან ლუგანსკის ოლქისკენ მიმავალი საევაკუაციო ავტომობილისთვის ცეცხლის გახსნის შესახებაც. ღამით აფეთქების ხმა ისმოდა მიკოლაევში.

თეონა ვეშაგური
16.05.2022

ნიკა გვარამიას სასამართლომ 3 წლითა და 6 თვის თავისუფლებით აღკვეთა მიუსაჯა. მოსამართლის გადაწყვეტილებით, იგი სასამართლო პროცესის დასრულებისთანავე, სხდომათა დარბაზში დააკავეს. ის დამნაშავედ იქნა ცნობილი, სისხლის სამართლის კოდექსის 220-ე მუხლით, რაც სამეწარმეო ორგანიზაციაში უფლებამოსილების ბოროტად გამოყენებას გულისხმობს. ოპოზიციის წარმომადგენლები მას ღიად უჭერენ მხარს და პოლიტიკურად მოტივირებულად თვლიან ბრალდებას, მმართველი გუნდშის კი ბრალდებებს უარყოფენ და აცხადებენ, რომ ეს არ არის პოლიტიკური შურისძიება. მათივე თქმით, "ნაციონალური მოძრაობის" პერიოდში ამ სიმძიმის დანაშაულისთვის, შეიძლება ციმბირი უკან მოეტოვებინათ.

ია აბულაშვილი
16.05.2022

პოლიტიკურად მოტივირებული ბრალდება და თავს დამნაშავედ არ სცნობს- ასეთი იყო ნიკა გვარამიას მთავარი გზავნილი სასამართლო დარბაზიდან. მან მიმართა ოჯახს, რომ არ ინერვიულონ; მასთან დაკავშირებით "არა და არასდროს" სიტყვა არ დაძრან "პრეზიდენტად წოდებულ სალომე ზურაბიშვილთან". "მთავარ არხელებს" მოუწოდა დარჩნენ ტელვიზიაში და ერთად იბრძოლონ თავისუფლებისთვის. საზოგადოებას სთხოვა მხარი დაუჭირონ "მთავარ არხს", ბიძინა ივანიშვილს კი დაჰპირდა, რომ "სადაც არ უნდა ვიყო, რამდენი ხანიც არ უნდა ვიყო, სახეს ავახევო".


Copyright © 2006-2022 by Resonance ltd. . All rights reserved
×