თამთა ჩაჩანიძე
18.04.2022

შესაძლოა საქართველოში კორონავირუსის ვაქცინის მეორე „ბუსტერი" დამტკიცდეს. ჯანდაცვის სამინისტროს განცხადებით, თუ იმუნიზაციის საბჭო მეოთხე დოზის რეკომენდაციას გასცემს, უწყება განიხილავს და საბოლოო პასუხზე შეჯერდებიან. სპეციალისტთა შეფასებით, სხვა ქვეყნების გამოცდილებების გათვალისწინებით, მეორე „ბუსტერი" შესაძლოა რისკჯგუფებზე და იმ ადამიანებზე იყოს გათვლილი, რომლებსაც ადამიანებთან ხშირი შეხება აქვთ.

თეონა ვეშაგური
18.04.2022

თბილისში სპეციალური ოპერაციების ძალების ახალი, თანამედროვე ბაზის მშენებლობა იგეგმება. ჯიქიას ქუჩაზე კი პოლიციის 1000-ბინიანი ქალაქი აშენდება. კიდევ ერთი დაგეგმილი მაშტაბური პროექტის მიხედვით ქვეყანაში 13 000-მდე დევნილი ოჯახი მომდევნო 3-4 წელიწადში ბინას მიიღებს - ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე ისაუბრა. მან ასევე ყურადღება გაამახვილა, სოციალურად დაუცველი ბავშვების, მუნიციპალიტეტებში წყალმომარაგებისა და სასოფლო-სამეურნეო საქმიანობისთვის ხელშეწყობის საკითხებზეც.

თამთა ჩაჩანიძე
17.04.2022

ბოლო ორი დღეა რუსი ოკუპანტები მასიურად ბომბავენ კიევს, ხარკოვსა და მათ გარშემო მდებარე მცირე ქალაქებს. მნიშნელოვნად გაიზარდა ბრძოლების ინტენსივობა მარიუპოლში, სადაც პრაქტიკულად ყველა ქუჩისთვის და ცალკეული შენობისთვის სისხლისმღვრელი შეტაკებები ხდება. სამხედრო ანალიტიკოსები აცხადებენ, რომ ეს ომის მეორე ფაზის დაწყებას ნიშნავს, რომელიც, სავარაუდოდ, პირველზე უფრო მასშტაბური და ხანგრძლივი იქნება.სამშვიდობო მოლაპარაკება კი შეწყვეტილია და მისი განახლების პერსპექტივა ჯერ არ ჩანს.

ელზა პაპოშვილი
17.04.2022

უკრაინაში შეჭრიდან თითქმის 2 თვის შემდეგ რუსებმა რაიმე ხელშესახებ სამხედრო წარმატებას ჯერ კიდევ ვერ მიაღწიეს. ამან კი, ანალიტიკოსთა აზრით, პრეზიდენტ ვლადიმირ პუტინს შესაძლოა ახალი რადიკალური ნაბიჯებისკენ უბიძგოს. მათგან ყველაზე რეალურია რუსეთის მიერ უკრაინის წინააღმდეგ ომის ოფიციალურად გამოცხადება. თუმცა არის უფრო შემაშფოთებელი შესაძლებლობაც - უკრაინის წინააღმედგ ბირთვული იარაღის გამოყენება.

თამთა ჩაჩანიძე
17.04.2022

უკრაინაში საქართველოს საპარლამენტო დელეგაციის ვიზიტი თავმჯდომარე შალვა პაპუაშვილის ხელმძღვანელობით შედგა, მათ ადგილზე ნახეს და შეაფასეს რუსეთის შეჭრის გამაოგნებელი შედეგი, თავის მხრივ უკრაინის რადას თავმჯდომარემ რუსლან სტეფანჩუკმა ქართულ დელეგაციას ვიზიტისთვის და რუსეთის ფედერაციის წინააღმდეგ ბრძოლაში მხარდაჭერისთვის მადლობა გადაუხადა და რუსეთის წინააღმდეგ სანქციების შეეერთებისკენ მოუწოდა. ანალიტიკოსთა ნაწილი ვიზიტს დადებითად აფასებს და აცხადებს,რომ ახლა მხარეებს ერთმანეთი უფრო მეტად ესმით, ვიდრე მანამდე, თუმცა ერთი ვიზიტისგან ძალიან ბევრი რამის მოლოდინი შეუძლებელია.

თეონა ვეშაგური
16.04.2022

რუსეთის შავი ზღვის ფლოტის ფლაგმანის, სარაკეტო კრეისერ „მასკვას" ჩაძირვა კრემლისთვის მნიშვნელოვანი სამხედრო დანაკარგის გარდა სერიოზული მორალური დარტყმაცაა. სამხედრო ექსპერტი ვახტანგ მაისაია „რეზონანსთან" ამბობს, რომ ეს საგრძნობლად შეარყევს რუსეთის შავი ზღვის ფლოტის მდგომარეობას. მეორეს მხრივ კი მისი ჩაძირვა სიმბოლურია - ეს სწორეს ის რუსული სამხედრო გემია, რომელიც ომის დასაწყისში უკრაინელმა ჯარისკაცმა ცნობილი მიმართულებით „გაუშვა".

თეონა ვეშაგური
16.04.2022

რადგან გიორგი მარგველაშვილს არ აქვს შანსი დამოუკიდებლად შექმნას პოლიტიკური ორგანიზაცია, ცდილობს ენმ-სთან ერთად დაბრუნდეს პოლიტიკაში - ასე აფასებს ანალიტიკოსი ვახტანგ ძაბირაძე საქართველოს მე-4 პრეზიდენტის უკრაინაში ვიზიტს „ნაციონალურ მოძრაობასთან" ერთად და აღნიშნავს, რომ მისი ბოლო დროინდელი მოქმედებები სრულად ემსახურება ენმ-სა და მიხეილ სააკაშვილის ინტერესებს.

ელზა პაპოშვილი
15.04.2022

უკრაინის წინააღმდეგ რუსეთის ომის 51-ე დღე  და გადამწყვეტი ომის მეორე ფაზისთვის მზადება. რუსებმა ბრძოლის ველზე აქტიურობა კვლავ განაგრძეს და ღამით განგაშის სიგნალი ისმოდა უკრაინის ყველა რეგიონში. აფეთქებები იყო კიევში. 

თამთა ჩაჩანიძე
15.04.2022

ქართული დელეგაცია პარლამენტის თავმჯდომარე შალვა პაპუაშვილის ხელმძღვანელობით უკრაინაში პარასკევს გაემგზავრება. „ქართული ოცნება" აცხადებს, რომ „ნაციონალური მოძრაობა" უკრაინაში ვიზიტის დროს გარკვეულ პროვოკაციას გეგმავს და სწორედ ამიტომ არ იღებს მონაწილეობას ამ დელეგაციაში. შესაძლო პროვოკაციაზე გამოძიება უკვე დაიწყო სუსმა. ოპოზიცია განცხადებას არასერიოზულს უწოდებს და გამგზავრებისგან თავის არიდების მცდელობად აფასებს და აცხადებს, რომ დელეგაცია უკრაინამ მიიწვია, უსაფრთხოებაზე კი ისინი არიან პასუხისმგებლები.

თამთა ჩაჩანიძე
15.04.2022

ჩვენს ოპოზიციას უნდა, რომ მერე ხელისუფლებისთვის დასაყვედრებელი ჰქონდეს, რომ თქვენს გამო კანდიდატის სტატუსი ვერ მივიღეთო, თუ სტატუსი მოგვცეს, ასეთი საბაბი არ ექნება. ამიტომ ყოველმხრივ ეცდება, რომ სტატუსი არ მოგვცენ. როგორი პასუხი მოვა, გამოჩნდება - ამის შესახებ „რეზონანსთან" პოლიტოლოგმა რამაზ საყვარელიძემ განაცხადა.

ია აბულაშვილი
15.04.2022

„ნაცმოძრაობას", რომელიც მხოლოდ ქვეყნის აყირავებაზე ფიქრობს, ვურჩევდი, თვითლიკვიდაცია გამოაცხადოს, რადგან წაგებულ თამაშს თამაშობს, ვერც აკერმანები უშველით და ვერც მათი სახელმძღვანელოები," - განაცხადა შიდაპოლიტიკურ ვითარებაზე საუბრისას პოლიტოლოგმა ედიშერ გვენეტაძემ.

ია აბულაშვილი
15.04.2022

უკრაინაში საქართველოს დელგაციის გამგზავრებაზე და იმაზე, რატომ ამბობს ოპოზიცია უარს ვიზიტზე, პოლიტოლოგმა იგორ კესელავამ „რეზონანსთან" აღნიშნა, რომ ოპოზიცია ამ ნაბიჯით ბევრს ვერაფერს მოიგებს, თუმცა მათ უარს თავისი ახსნა აქვს.


Copyright © 2006-2022 by Resonance ltd. . All rights reserved
×