თამთა ჩაჩანიძე
15.04.2022

გასული ღამე უკრაინისთვის ერთ-ერთი მძიმე იყო, ოკუპანტების სამიზნე დონეცკის რაიონია, აქ რუსი სამხედროების იერიშებს სამი ადამიანის სიცოცლე ემსხვერპლა, აფეთქებები იყო კიევშიც. საჰაერო განგაში ისმოდა ქვეყნის მთელს ტერიტორიაზე, ოკუპანტებმა ხერსონის ოლქის ქალაქი ოლეშკი დაიკავეს. გაეროს ცნობით, ალყაში მოქცეულ ქალაქ მარიუპოლში ადამიანები შიმშილით იხოცებიან.

თეონა ვეშაგური
14.04.2022

ნაციონალური მოძრაობის, მისი სატელიტი პარტიებისა და მათთან დაკავშირებული ენჯეოების მთავარი მიზანია კანდიდატის სტატუსის მიღება როგორმე არ მოხდეს „ქართული ოცნების" მმართველობისას, ასე არ სურდათ მათ ევროპასთან უვიზო მიმოსვლის რეჟიმი მიეღო ქვეყანას ამ ხელისუფლების პირობებში, აცხადებს „რეზონანსთან" ანალიტიკოსი ზაალ ანჯაფარიძე და ამტებს, რომ „ყველაფერს აკეთებდნენ ამისთვის და ახლაც იმიტომ ითხოვენ კითხვარის გასაჯაროვებას, რომ რამენაირად გაწელონ კანდიდატის სტატუსის მიღების პროცესი",

ელზა პაპოშვილი
14.04.2022

რუსეთი კიევზე თავდასხმით იმუქრება - უკრაინელები კი ამბობენ, რომ  თავადაც სათანადო პასუხს გასცემენ        

ხუთშაბათს მთელი დღის განმავლობაში რუსული მედია ავრცელებდა ინფორმაციას რუსულ სასაზღვრო საგუშაგოებზე უკრაინის მხრიდან თავდასხმის შესახებ. მოსკოვში ამტკიცებენ, რომ უკრაინელები თავს დაესხნენ კურსკის და ბელოგორდის ოლქებში უკრაინის საზღვარზე არსებულ პუნქტებს.    

თამთა ჩაჩანიძე
14.04.2022

რევოლუციები და გადატრიალებები ასე არ მზადდება და მეორეც, არ ვიცი „ქართული ოცნება" და უცნობი სიტუაციების ანალიზს როგორ და რის მიხედვით აფასებენ, მაგრამ ჩემი ღრმა რწმენით, ქვეყანაში არანაირი სერიოზული და რეალური მუხტი არაა იმისა, რომ ვინმეს რევოლუციური სცენარის დადება მოუნდეს, მითუმეტეს მისი განვითარება, აცხადებს ანალიტიკოსი ვახტანგ ძაბირაძე ბოლო დროს გავრცელებული ინფორმაციის კომენტირებისას, თითქოს ოპოზიციამ რევოლუციის დაგეგმვისა და განხორციელების მიზნით ბაკურიანში ტრენინგი გაიარა.

თამთა ჩაჩანიძე
14.04.2022

დასავლელი პოლიტიკოსების უმრავლესობა დანანებით ხედავს, რომ საქართველოს პოლიტიკური ოპოზიცია ასეთი დესტრუქციულია და სახელწიფოს და ხელისუფლებას გვერდით არ უდგას, აცხადებს „რეზონანსთან" საუბრისას ანალიტიკოსი გია აბაშიძე უკრაინაში საქართველოს დელეგაციის გამგზავრების საკითხზე საუბრისას. მისი თქმით, როცა საქმე ისეთ მგრძნობიარე საკითხს ეხება, როგორიც უკრაინაში ომია, აქ უპირობო ერთიანობა უნდა იყოს.

თამთა ჩაჩანიძე
14.04.2022

რუსი ოკუპანტები, სამხედრო და სამოქალაქო ინფრასტრუქტურაზე სისტემატურ სარაკეტო დაბომბვებს ხარკოვის, დონეცკისა და ზაპოროჟიეს ოლქებზე ახორციელებენ, ამის პარალელურად კი ომის მეორე ფაზისთვის ემზადებიან და შესაძლოა რუსეთმა მომდევნო ეტაპი მომავალ კვირას მოულოდნელად დაიწყოს. ძირითადი ცხელი წერტილები და დარტყმის მიმართულებები სამხედრო ანალიტიკოსთა შეფასებით იქნება დონბასი, ხარკოვი-დნეპრი, ხერსონი-ნიკოლაევი-ოდესა.

თეონა ვეშაგური
14.04.2022

რუსეთი სამიზნედ განიხილავს აშშ-ისა და ნატოს სატრანსპორტო საშუალებებს, რომლებსაც უკრაინის ტერიტორიაზე იარაღი გადააქვთ. ანალიტიკოსი ნიკა ჩიტაძე „რეზონანსთან" ამბობს, რომ რუსეთის მიერ გაკეთებულ ამ განცხადებას შესაძლოა ჰქონდეს ორი ახსნა, ერთი, რომ არის მცდილობა ომში ჩაითრიოს დასავლეთი. მეორეს მხრივ კი ცდილობენ დააშანტაჟონ აშშ და ნატო რათა უარი თქვან უკრაინის დახმარებაზე.

ელზა პაპოშვილი
13.04.2022

რუსების მიერ ბლოკირებულ მარიუპოლში გააფთრებული ბრძოლები გრძელდება და ბოლო ორ დღეში მოწინააღმდეგეთა განლაგებაში მნიშვნელოვანი ცვლილებებია, რომელსაც ორივე მხარე საკუთარ წარმატებად აფასებს. ანალიტიკოსთა ნაწილი ჯერ კიდევ აპრილის დასაწყისში პროგნოზირებდა, რომ ქალაქი დღედღეზე დაეცემოდა, თუმცა ასე არ მოხდა. ქარხანა „აზოვსტალს“ კი, სადაც უკრაინელთა ყველაზე ბრძოლისუნარიანი ნაწილებია განლაგებული, სამხედრო ექსპერტები მეორე მსოფლიო ომის დროინდელ ბრესტის ციხე-სიმაგრეს ადარებენ.

თამთა ჩაჩანიძე
13.04.2022

პარლამენტის თავმჯდომარე შალვა პაპუაშვილი ოფიციალური ვიზიტით უკრაინას უკვე ამ კვირაში ეწვევა. მოგვიანებით კი უკრაინაში ქართველ ოპოზიციონერ პარლამენტართა დელეგაციაც ჩავა. ასე დასრულდა ოთხშაბათს ხანგრძლივი დაპირისპირება და კამათი ჯერ ოფიციალური დელეგაციის ფორმატსა და შემადგენლობაზე. ანალიტიკოსთა შეფასებით, როდესაც საუბარია უმძიმეს მდგომარეობაში მყოფი მეგობარი სახელმწიფოს სიმბოლურ მხარდაჭერაზე, ასეთ წვრილმანებზე კინკლაობა და შეუთანხმებლობა მმართველ პარტიასაც და ოპოზიციასაც ნეგატიურად წარმოაჩენს. ქვეყანა კი ამის გამო საერთაშორისო ასპარეზზე სასაცილოდ გამოიყურება.

თამთა ჩაჩანიძე
13.04.2022

დღემდე ნეიტრალური ფინეთი და შვედეთი ივნისის ბოლოს, სავარაუდოდ, ოფიციალურ განაცხადს გააკეთებენ ნატო-ს წევრობაზე. ჩრდილოატლანტიკური ალიანსი კი, უკრაინის ომის გამო შექმნილი ექსტრემალური ვითარების გათვალისწინებით, მათ განაცხადებს დაჩქარებული წესით განიხილავს და გადაწყვეტილებას უმოკლეს დროში მიიღებს. ანალიტიკოსები ამას ოფიციალური მოსკოვის სერიოზულ მარცხად აფასებენ. უკრაინის წინააღმდეგ სამხედრო აგრესიის დაწყების ერთ-ერთი მიზანი სწორედ ნატო-ს გაფართოების შეჩერების იყო, თუმცა რუსეთმა საპირისპირო შედეგი მიიღო.

ია აბულაშვილი
13.04.2022

ოპოზიცია ბაკურიანში მასშტაბური შეკრების გამართვას ადასტურებს, თუმცა აბსურდულს უწოდებს მმართველი პარტიის მტკიცებას, რომ ამ შეხვედრაზე სახელმწიფო გადატრიალების გეგმა განიხილებოდა. ანალიტიკოსი ვახტანგ ძაბირაძე ასევე გაზვიადებულად მიიჩნევს „ოცნების“ ბრალდებას, რადგანაც, მისი შეფასებით, დღეს ოპოზიციას არამცთუ გადატრიალების, არამედ ნორმალური საპროტესტო აქციის ორგანიზების რესურსიც არ აქვს.

თამთა ჩაჩანიძე
13.04.2022

„ოცნების" განცხადებით, საქართველოდან უკრაინაში შესაძლოა ერთის ნაცვლად ორი დელეგაცია გაემგზავროს, მანამდე კი მმართველი გუნდი პარლამენტის თავმჯდომარე შალვა პაპუაშვილის ვიზიტის წინაპირობად უკრაინის ხელისუფლებას რამდენიმე საკითხს უსახელებდა. პოლიტოლოგ რამაზ საყვარელიძის აზრით, საკითხისადმი დამოკიდებულებების შეცვლა თავად უკრაინის ხელისუფლების შერბილებულმა განცხადებებმა გამოიწვია.


Copyright © 2006-2022 by Resonance ltd. . All rights reserved
×