თამთა ჩაჩანიძე
07.02.2024

„ნაციონალური მოძრაობა" აცხადებს, რომ პრეზიდენტ სალომე ზურაბიშვილთან კომუნიკაციას გეგმავს, თუმცა, მათთვის მთავარი ფუნდამენტური საკითხი სააკაშვილის შეწყალებაა. ანალიტიკოსების თქმით, ზურაბიშვილი სააკაშვილს ციხიდან „ასე მოულოდნელად" არ გამოუშვებს, თუმცა, გამორიცხული არაფერია.

ელზა პაპოშვილი
06.02.2024

სალომე ზურაბიშვილი საკოორდინაციო ცენტრს აფუძნებს. პრეზიდენტი თქმით, ეს იქნება პლატფორმა, რომელიც ევროპულ პრიორიტეტებზე ყველა კონკრეტულ შეთავაზებას მოუყრის თავს და დიალოგით და კონსენსუსის წესით ხელს შეუწყობს ერთობლივი დოკუმენტის ჩამოაყალიბებას. ოპოზიციის ნაწილმა მას მხარდაჭერა გამოუცხადა. მმართველი პარტია კი ამას ახალი ოპოზიციური „ფანჩატურის“ შექმნად აფასებს. რა იგულისხმება პრეზიდენტის მიერ საკოორდინაციო ცენტრის „ერთობის პლატფორმა ევროპისთვის“ დაფუძნებაში?

თამთა ჩაჩანიძე
06.02.2024

პრეზიდენტ სალომე ზურაბიშვილის 6 თებერვლის ბოლო მოხსენება პარლამენტში მოსალოდნელზე მწვავე აღმოჩნდა - ის „ქართული ოცნების" საპატიო თავმჯდომარე ბიძინა ივანიშვილს ღიად პირველად დაუპირისპირდა, გააკრიტიკა როგორც სამთავრობო, ისე „ოცნების" პარტიული ცვლილებები. ისაუბრა ელიტურ კორუფციაზე, გააკრიტიკა პრემიერ-მინისტრობის კანდიდატი ირაკლი კობახიძე და „ერთობლივი პლატფორმის" შექმნის შესახებ გააკეთა განცხადება.

ნაზი ბერიძე
06.02.2024

მმართველი პარტიის ლიდერები თვენახევრის წინ აცხადებდნენ, რომ საპარლამენტო არჩევნებში მათ მინიმუმ 60%-იანი მხარდაჭერის იმედი ჰქონდათ. ახლა კი მათი მოლოდინი მნიშნელოვნად გაიზარდა და უკვე 75%-ზე საუბრობენ. რამდენად რეალურია ასეთი ოპტიმიზმი და რა უდევს მას საფუძლად? ანალიტიკოსი პაატა ზაქარეიშვილი ამ ყველაფერს ლოგიკურად მიიჩნევს, რადგან, მისი შეფასებით, დღეს საქართველოს „ოპოზიცია აღარ ჰყავს".

ნაზი ბერიძე
06.02.2024

საქართველო-უკრაინის ურთიერთობები ისეა გაფუჭებული, რომ ამის კიდევ უფრო გაუარესება წარმოუდგენელიც კია - ასე აფასებენ ანალიტიკოსები „რეზონანსთან" საუბრისას სუს-ის სკანდალური გამოძიების შესაძლო პოლიტიკურ შედეგებს. სამშაბათს უკრაინის საელჩომ საგანგებო განცხადება გაავრცელა. მმართველ გუნდში კი ეს საქმე იმის დასტურად მიაჩნიათ, რომ უკრაინის გარკვეულ პოლიტიკურ ძალებს საქართველოში „მეორე ფრონტის" გახსნა სურთ.

თამთა ჩაჩანიძე
05.02.2024

ევროკავშირის ელჩი საქართველოში პაველ ჰერჩინსკი ყველა პოლიტიკურ ლიდერს მოუწოდებს რეფორმებს ძალიან სერიოზულად შეხედონ, რადგან პოლიტიკური კონსენსუსის ნაკლებობა აფერხებს გაწევრიანების პროცესს. ანალიტიკოსები ამბობენ, რომ ევროკავშირი ცდილობს 9 პუნქტზე „ორპარტიული მხარდაჭერა" ჰქონდეს, „რომ დასავლური ტრადიცია ჩვენთვის მისაღები იყოს".

თამთა ჩაჩანიძე
05.02.2024

სამშაბათს პრეზიდენტი სალომე ზურაბიშვილი პარლამენტში ბოლო მოხსენებით წარსდგება, საპარლამენტო უმრავლესობაში ფიქრობენ, რომ პრეზიდენტი ტრიბუნას კვლავ მმართველი პარტიის კრიტიკისთვის გამოიყენებს, თუმცა, მიაჩნიათ, რომ ეს უფრო ფორმალური მოხსენება იქნება. ოპოზიციაში კი ფიქრობენ, რომ ზურაბიშვილი საკუთარ გამოსვლაში, სავარაუდოდ, ქვეყანაში მიმდინარე პოლიტიკურ და სოციალურ საკითხებზე გაამახვილებს ყურადღებას. ამასთან ოპოზიციონერები „პოლიტიკურ კინკლაობას" პროგნოზირებენ „ოცნებასა" და ზურაბიშვილს შორის.

ნაზი ბერიძე
05.02.2024

უკრაინის პრეზიდენტის ადმინისტრაციის უფროსის მრჩეველი, მიხაილო პოდოლიაკი „ქართულ ოცნებას" საქართველოს მესამე პრეზიდენტის, მიხეილ სააკაშვილის გათავისუფლებისკენ მოუწოდებს. საქართველოს ხელისუფლება კი უკრაინის მთავრობას ბრალს სდებს სააკაშვილის საქართველოში უკანონოდ შემოგზავნაში.

თამთა ჩაჩანიძე
04.02.2024

ახალი სამთავრობო პროგრამა „ევროპული სახელმწიფოს მშენებლობისთვის" გასაჯაროვდა, სადაც პრემიერ-მინისტრობის კანდიდატის ირაკლი კობახიძისა და მისი გუნდის მთავარი პრიორიტეტებია გაწერილი. დოკუმენტში, რომელიც 2 თებერვალს განახლებულ მთავრობასთან ერთად საქართველოს პარლამენტს წარედგინა, საუბარია შემდეგ საკითხებზე: საგარეო პოლიტიკა, უსაფრთხოება, კონფლიქტის მოგვარება და ადამიანის უფლებები; ეკონომიკური განვითარება, სოციალური პოლიტიკა და ადამიანური კაპიტალის განვითარება; სახელმწიფო მმართველობა. ოპოზიციის ნაწილმა გეგმა უკვე დაიწუნა.

ელზა პაპოშვილი
03.02.2024

მომავალი მთავრობის შემადგენლობა ცნობილია - პრემიერობის კანდიდატმა ირაკლი კობახიძემ პარლამენტს მინისტრთა კაბინეტის შემადგენლობა წარუდგინა და მასში მხოლოდ ერთი ცვლილებაა - თავდაცვის მინისტრის თანამდებობას ჯუანშერ ბურჭულაძის ნაცვლად, პარლამენტარი ირაკლი ჩიქოვანი დაიკავებს, რომელიც ასევე ვიცე-პრემიერიც იქნება. რატომ არ შეცვალა კობახიძემ მთავრობის შემადგენლობა და უნდა ველოდოთ თუ არა საკადრო ცვლილებებს მისი გაპრემიერებიდან რამდენიმე თვეში?

ნაზი ბერიძე
03.02.2024

ოპოზიციის ნაწილის აზრით, ექსპრემიერ გიორგი გახარიასა და მამუკა ხაზარაძეს გაერთიანების შემთხვევაში არჩევნებზე წარმატების შანსი აქვთ. ანალიტიკოსებს ეს სცენარი არარეალურად მიაჩნიათ, თუნდაც მათ შორის წარსულში არსებული დაპირისპირების გამო. მათივე შეფასებით, „საქართველოსთვის“ და „ლელო“  ამომრჩეველთა ერთსა და იმავე სეგმენტზე მუშაობს და შესაბამისად, მათ შორის განსაკუთრებული კონკურენციაა, ერთი პარტიის წარმატება შესაძლოა მეორის სრულ „ჩაძირვას" ნიშნავდეს.

ნაზი ბერიძე
03.02.2024

სამშაბათს, 6 თებერვალს, პარლამენტის საგაზაფხულო სესია გაიხსნება და პირველივე სხდომაზე პრეზიდენტის ყოველწლიური მოხსენებაა დანიშნული. სალომე ზურაბიშვილი პრეზიდენტის რანგში პარლამენტის წინაშე ბოლო მოხსენებით წარდგება. მმართველი გუნდისა და პრეზიდენტის დაძაბული ურთიერთობებიდან გამომდინარე, უნდა ველოდოთ თუ არა გარკვეული სახის დემარშებს და ინციდენტებს?


Copyright © 2006-2024 by Resonance ltd. . All rights reserved
×