ქრისტინე კაპანაძე
10.11.2020

 10 ნოემბრის ღამე ისტორიული მნიშვნელობის აღმოჩნდა სამხრეთ კავკასიისათვის და ბოლო რამდენიმე საათში მომხდარი მოვლენები, სავარაუდოდ, დიდ გავლენას მოახდენს როგორც მთელი რეგიონის, ისე კონკრეტულად საქართველოს განვითარებაზე. გასულ ღამეს კი მოხდა შემდეგი რამ: ყარაბაღის ომი აზერბაიჯანის გამარჯვებით დასრულდა; ერევანში არეულობაა და სომხეთი სამოქალაქო ომის ზღვარზეა; პირველად ბოლო 100 წლის განმავლობაში, სამხრეთ კავკასიაში ოფიციალურად შემოდიან თურქული სამხედრო ნაწილები.

ელზა პაპოშვილი
09.11.2020

 რუსთაველზე  ოპოზიციის მოწოდების მიუხედავად, რომ აქციის მოანწილეების ნაწილს მოედანი კომენდატის საათის დაწყების გამო დაეტოვებინათ, მცირე ნაწილი მაინც დარჩა. დარჩა ასევე ზოგიერთი ლიდერებიც. მოძრაობა „სირცხვილიას“  წევრებმა კი აქციის მონაწილეებს 10-იდან დილის 5 საათამდე  დაუმორჩილებლობისკენ მოუწოდეს. 

ელზა პაპოშვილი
09.11.2020

მოლაპარაკება თუ რევოლუციური სცენარი - რა გადაწყვეტილებას მიიღებს  ოპოზიცია საბოლოოდ ჯერერობით უცნობია. „ქართულმა ოცნებამ“ და პირადად პრემიერმა გახარიამ მათ მოლაპარაკების მაგიდასთან დაჯდომა შესთავაზა. ოპოზიცია კი აცხადებს, რომ წინადადებას მიიღებენ, თუ კი საუბარი ვადამდელ არჩევნებს შეეხება. სხვა სალაპარაკო ხელისუფლებასთან არა აქვთ. 

ქრისტინე კაპანაძე
09.11.2020

ოპოზიცია დღევანდელ აქციაზე ვირუსის შეკავების მიზნით შემოღებული შეზღუდვების დარღვევას და საღამოს 10 საათის შემდეგ საპროტესტო აქციის გაგრძელებას აპირებს. ამის შესახებ „რეზონანსს" პარტია „ტრიბუნას" ლიდერმა დავით ჭიჭინაძემ უთხრა. ოპოზიციის გეგმებზე კი ექსპერტებმა გია აბაშიძემ და ნიკა ჩიტაძემ ისაუბრეს. ისინი ასევე ეხმაურებიან „ნაციონალური მოძრაობის" წევრის, გიორგი ბარამიძის განცხადებას, რომ ხელისუფლებასა და ოპოზიციას შორის მოლაპარაკებებში ექსპრეზიდენტმა მიხეილ სააკაშვილმა და „ოცნების" თავმჯდომარე ბიძინა ივანიშვილმა უნდა მიიღონ მონაწილეობა.

მარიკა ხორავა
09.11.2020

 როგორც ჩანს, ოპოზიციის მიერ ცესკოს შენობის ბლოკირების გეგმა ჩავარდა. როგორც - „რეზონანსს" „ნაციონალური მოძრაობის" ისნის მაჟორიტარობის კანდიდატმა ხატია დეკანოიძემ უთხრა, „ოპოზიციის გეგმები ყველასთვის ცნობილია და ოპოზიციის წარმომადგენლები ცესკოს შენობის ბლოკირებას არ აპირებენ, თუმცა პროტესტს განაგრძობენ."

ქრისტინე კაპანაძე
09.11.2020

 გარკვეული რაოდენობის სარჩელები რომ დააკმაყოფილოს სასამართლომ, ეს მაინც არ იქნება საკმარისი ზოგადი ფონის შესაცვლელად და „ქართულ ოცნებას" მაინც მეტი ხმა ექნება, აცხადებს „რეზონანსთან" საუბრისას კონსტიტუციონალისტი ვახტანგ ხმალაძე. მისი თქმით არჩევნების შემდეგ იყო დარღვევები, თუმცა ეს ზოგად ფონს ვერ შეცვლის, ამიტომ ხელახალი არჩევნების მოლოდინი პრაქტიკულად არ არსებობს.

მარიკა ხორავა
09.11.2020

 პრემიერ-მინისტრი გიორგი გახარია ცენტრალურ საარჩევნო კომისიასთან 8 ნოემბერს განვითარებულ მოვლენებს გამოეხმაურა და აღნიშნა, რომ ეს იყო სახელმწიფო ინსტიტუტების ნგრევის პირდაპირი მოწოდება, რაზეც სახელმწიფოს რეაქცია ლეგიტიმური და უმკაცრესი უნდა იყოს. მისი განცხადებით, ჩვენ გუშინ ვნახეთ ყველანაირი პასუხისმგებლობისგან დაცლილი ოპოზიციის რადიკალური ნაწილის მოწოდება დაუმორჩილებლობისკენ, ცესკოს შენობის შტურმის მცდელობა და პოლიციელების და ექიმების შეურაცხყოფა - ხალხის, რომელზეც დღეს დგას ეს ქვეყანა.

მარიკა ხორავა
09.11.2020

 „ქართული ოცნების" პარტიის გენერალურმა მდივანმა კახა კალაძემ „ოცნების" ოფისში გამართულ ბრიფინგზე და განაცხადა, რომ მმართველი გუნდი ოპოზიციასთან დიალოგისთვის მზად არის საერთაშორისო პარტნიორების მონაწილეობით. კალაძის განმარტებით, აქციის გამართვის შესაძლებლობა ნებისმიერ ადამიანს აქვს. 22:00 საათის შემდეგ კი, კანონი ყველასთვის მოქმედებს. აქციის მონაწილეები, 22:00 საათამდე თუ არ დაიშლებიან, მათ ქმედებას რეაგირება მოჰყვება.

ელზა პაპოშვილი
08.11.2020

ოპოზიცია დაუმორჩილებლობა გამოაცხადა და გადაწყვიტა „კომენდანტის საათი“ დაუწესოს ცენტრალურ საარჩევნო კომისიას. როგორ შეიძლება ქვეყანაში პოლიტიკური მოვლენები განვითარდეს, თუ კი არცერთი მხარე დათმობას არ აპირებს? აქვს თუ არა ოპოზიციას რევოლუციური სცენარი ჩაფიქრებული და რამდენად აქვს მას ამის რესურსი? ანალიტიკოსები ამ პროცესებს ხელისუფლებისა და ოპოზიციის „ნერვების ომად“ აფასებენ და ოპოზიციას ურჩევენ, რომ ხელისუფლებასთან მოლაპარაკების ჯერ კიდევ არსებული რესურსი გამოიყენოს.

ია აბულაშვილი
08.11.2020

„არ ვიცი რომელი პარტია აპირებს პარლამენტში შესვლას, მაგრამ ირაკლი კობახიძე უსაფუძვლო განცხადებას არ გააკეთებდა.  იმედი მაქვს, რომ ოპოზიციაში არიან ადამიანები, რომლებიც არსებულ სიტაციას გაიაზრებენ და თავს თამაშგარე მდგომარეობაში არ ჩაიყენებენ“, - ასე ეხმაურება „ოცნების“ ერთ-ერთი წევრი ლადო კახაძე ირაკლი კობახიძის განცხადებას იმის თაობაზე, რომ ოპოზიციური პარტიების უდიდესი ნაწილი პარლამენტში შევა.

ელზა პაპოშვილი
08.11.2020

8 ნოემბერი შეიძლება გადამწყვეტი აღმოჩნდეს ყარაბაღის მეორე ომის მსვლელობაში. კვირას პრეზიდენტმა ილჰამ ალიევმა აზერბაიჯანელი ერისადმი საგანგებო მიმართვაში განაცხადა, რომ აზერბაიჯანული არმიის ნაწილებმა ყარაბაღში ქალაქი შუშა აიღეს. ამას აზერბაიჯანში ნამდვილი სახალხო ზეიმი მოყვა. პარალელურად ერევანში გადაჭრით უარყოფენ ქალაქის დაცემას და აცხადებენ, რომ შუშასთვის ბრძოლები ამჟამადაც მიმდინარეობს.


Copyright © 2006-2022 by Resonance ltd. . All rights reserved
×