საქართველოში დემოგრაფიული სურათი უარესდება. ამის მიზეზი რამდენიმე ფაქტორია, მათ შორის უცხოელ მუშახელზე მზარდი მოთხოვნა და ადგილობრივი კადრების უცხოეთში გადინება, რაც ისედაც მძიმე დემოგრაფიულ ფონზე უარყოფითად აისახება. ვითარება, იმდენად საგანგაშოა, რომ ხელისუფლებას გადამწყვეტი ზომების მიღება მოუწევს. წინააღმდეგ შემთხვევაში ქართველობა, შესაძლოა, საკუთარ ქვეყანაში უმცირესობაშიც აღმოჩნდეს, რაზეც გაეროს დასკვნებშიც კი იყო საუბარი.

მოქალაქეები, რომლებსაც შემოსავალი მხოლოდ ლარში აქვთ, 500 000 ლარზე ნაკლებ სესხს სხვა ვალუტაში ვეღარ აიღებენ. შესაბამისი გადაწყვეტილება ეროვნული ბანკის ფინანსური სტაბილურობის კომიტეტმა გუშინ მიიღო და როგორც ითქვა, ეს ცვლილება მიმართულია საბანკო კრედიტების დოლარიზაციის შემცირებისკენ.

სამომხმარებლო სფეროში დასაქმებულთა უფლებები საშინლად ირღვევა. ამ მხრივ განსაკუთრებით სავაჭრო სფერო გამოირჩევა, სადაც ელემენტარული დანაკარგის ანაზღაურებაც მომუშავე კადრს უწევს. იმის გამო, რომ ამ საკითხს კანონი სათანადოდ ვერ არეგულირებს და ვერც დასაქმებულები  ჩივიან, ხშირ შემთხვევაში, ფაქტების შესახებ საზოგადოებისთვის საერთოდ უცნობია.

საქართველოში არჩევნები ჩატარებულია, მთავრობა დაკომპლექტებულია და პოლიტიკური ვითარებაც ასე თუ ისე დამშვიდებულია. ამიტომ ზამთრის ტურიზმის სეზონს არანაირი საფრთხე არ ელის. მართალია, ამ პერიოდში რაღაც რაოდენობის ჯავშნები გაუქმდა, მაგრამ თეთრი სეზონისთვის სამზადისი აქტიურად მიმდინარეობს და ამიტომ დარგის სპეციალისტების მოლოდინი დადებითია. 

სანქციებისა და შეზღუდვების საკითხი დღის წესრიგში აღარ დადგება. საქართველოს ახლადარჩეულმა პარლამეტმა მუშოაბა უპრობლემოდ დაიწყო. შესაბამისად, ის შიში, რაც ბოლო ნახევარი წლის განმავლობაში სანქციების დაწესებას უკავშირდებოდა, ჩავლილია. იმედია, სამუშაო თვალსაზრისით, ხელისუფლება შეძლებს დასავლეთის ქვეყნებთან ახალი ფორმატის გამონახვას. 

ავტომფლობელთა მესამე პირის მიმართ პასუხისმგებლობის დაზღვევის დასაწესებლად მთავრობა უკვე მზადაა. სექტორის წარმომადგენელთა განცხადებით, 2026 წელი გონივრული ვადაა, როცა კანონმდებლობა უნდა ამოქმედდეს, ხოლო როგორი იქნება ტარიფი, დამოკიდებულია ავტომობილების რაოდენობასა და ავარიების სიხშირესთან დაკავშირებულ სტატისტიკაზე, რაც ჯერჯერობით ცნობილი არ არის. 

,,შავი პარასკევის" აქციები დაიწყო, თუმცა ბიზნესის მხრიდან  შეთავაზებები ფასდაკლებებთან დაკავშირებით უმეტესად არარეალურია. წლობით დაგროვილი გამოცდილების საფუძველზე თამამად შეიძლება თქმა, რომ სავაჭრო ობიექტებში გამოცხადებული ფასდაკლებები უფრო მომხმარებლების მოსაზიდად მიმართული ხრიკებია და დიდ უნდობლობას იწვევს. ამით აიხსნება ისიც, რომ ,,შავი პარასკევის" მიმართ მომხმარებლებს გამოკვეთილად უარყოფითი განწყობა აქვთ. 

ბიზნესი ანაზღაურებას ვეღარ ზრდის და ვერც კვალიფიციურ კადრებს ასაქმებს. შესაბამისად, ხშირია შემთხვევა, როცა პროფესიონალები იძულებული არიან ალტერნატიული სამსახური ეძებონ და წავიდნენ ქვეყნიდან. იმისთვის, რომ დანაკლისი შეავსოს, კომპანიებს ხშირად სტუდენტები ან ახალბედა კადრები აჰყავთ  სტაჟირებაზე, განსაზღვრული პერიოდით ამუშავებენ და ზოგჯერ ანაზღაურებასაც არ გასცემენ. პრობლემა საკმაოდ მასშტაბურია, ხალხი სულ უფრო მეტ ანაზღაურებას ითხოვს, ბიზნესს უკვე ეს არ სიამოვნებს და არც შეუძლია მეტის გადახდა.

საქართველოს პრემიერ-მინისტრი კვლავ ირაკლი კობახიძე იქნება. მთავრობის დანარჩენ ფიგურანტებზე ჯერჯერობით არაფერი თქმულა, თუმცა დიდი ალბათობით იგივე გუნდი ეყოლება პრემიერს. ექსპეტრები ამბობენ, რომ ამჟამინდელმა ეკონომიკურმა გუნდმა საქართველოს განვითარება მოუტანა, ამიტომ ცვლილებები დღის წესრიგში არ დგას, მათი მთავრობაში დატოვება სტაბილურობის გარანტიას იძლევა.

2025 წლის ბიუჯეტში თბილისის შემოვლითი გზის მშენებლობის პროექტის ხარჯია გათვალისწინებული. ამაზე საუბარი ჯერ კიდევ 2016 წელს დაიწყო, მაგრამ ახლა ირკვევა, რომ თბილისის სრულიად ახალი შემოვლითი გზის პროექტი მოკვლევა-ადრეული პროექტირების ეტაპზეა. "რეზონანსი” შეეცადა გაერკვია, სამომავლოდ რა შეღავათს მისცემს დედაქალაქს ახალი სატრანსპორტო მონაკვეთი და განტვირთავს თუ არა იგი ქალაქს.

ზამთრის მოახლოებასთან ერთად, სვანეთში ვითარება უფრო და უფრო იძაბება. საუბარია კრიპტოვალუტის მაინინგზე, რის გამოც რეგიონში ელექტროენერგიის არანორმალური მოხმარებაა. წინა კვირაში ამის გამო მესტიაში დენის მიწოდება შეწყდა, გუშინ კი მოქალაქეებმა საპროტესტო აქცია გამართეს. მფგომარეობის გამოსწორების ერთადერთი გზა გამრიცხველიანება და გადასახადის დაწესებაა.

თბილისში განვითარებულმა მოვლენებმა შესაძლოა, ტურიზმის ინდუსტრიაზე მოახდიონს უარყოფითი გავლენა. ეს კი იმ შემთხვევაში მოხდება, თუ პროტესტი გაგრძელდება და თან უფრო დიდ მასშტაბებს შეიძენს. წინააღმდეგ შემთხვევაში, სტუმარმასპინძლობის ინდუსტრიას პოლიტიკური სიტუაციის გამო, არავითარი საფრთხე არ ელის.