ფასების საპარლამენტო კომისიის თავმჯდომარე, შოთა ბერეკაშვილი აცხადებს, რომ პროდუქტების ფასებთან დაკავშირებით, სულ მალე, საზოგადოება ბევრ კარგ სიახლეს შეიტყობს. დეპუტატი არ აკონკრეტებს რა სიახლეებს გვპირდება, თუმცა დარგის სპეციალისტების შეფასებით, ვინაიდან ხელისუფლებამ ფასების დასტაბილურების ბერძნული მოდელი აირჩია და თან ბერეკაშვილმა სწორედ ამ მოდელის დახვეწა ახსენა, საუბარია მოდელზე, როდესაც ქსელური მარკეტები ერთმანეთთან კონკურენციაში შედიან და ფასებსაც თვითონვე განსაზღვრავენ. სახელმწიფო მხოლოდ იმ ნაწილში ერევა, რომ ადგენს პროდუქციის ნუსხას, რომელსაც ფასდაკლება უნდა შეეხოს. 

უცხოელი დასაქმებულების შესახებ კანონის ამოქმედებიდან პირველ ეტაპზე, შრომის ბაზარზე არსებითი ცვლილება არ გამოუწვევია. რისკი, რომ საკანონმდებლო ცვლილება  დეფიციტს გამოიწვევდა, ნამდვილად არ იგრძნობა. შესაძლოა იმის გამოც, რომ ჯერ კიდევ გრძელდება საშეღავათო პერიოდი და უცხოელებს დასაქმების პრობლემა ნაკლებად აქვთ. როგორც დამსაქმებლები აცხადებენ, ტენდენცია უფრო გრძელვადიან პერიოდში გამოჩნდება, თუმცა ნაკლებად სავარაუდოა, რეგულაციამ ბიზნესი დააზარალოს.

სამშენებლო სექტორში დეველოპერული კომპანიების რიცხვი მკვეთრად იზრდება. ამან შესაძლოა, ჭარბი მიწოდება გამოიწვიოს. სპეციალისტების ნაწილი პროცესს ნეგატიურად აღიქვამს. ისინი ფიქრობენ, რომ პროცესების ამგავრმა განვითარებამ ესა თუ ის კომპანია შეიძლება გაკოტრებამდე. არის განსხვავებული შეხედულებაც. მათი ავტორები ფიქრობენ, რომ რაც მეტი მოთამაშე იქნება ბაზარზე, მით მეტი იქნება კონკურენციაც და ეს უკანასკნელი პროცესების გაჯანსაღებას ხელს შეუწყობს. 

საზღვაო კურორტებზე  ახალი სეზონისგაიხსნა და პირველი ტურისტებიც გამოჩნდნენ. სექტორში  მოლოდინი დადებითია, თუმცა გეოპოლიტიკური მდგომარეობა ჯერჯერობით  მთავარ დაბრკოლებად რჩება.  მიმდინარე პერიოდში  აჭარის რეგიონი ნაკლებად განიცდის პრობლემას, განსაკუთრებით ანაკლიაში უჭირთ, სადაც კურორტი ადგილობრივი დამსვენებლების იმედადაა. 

საქართველოს მთავრობა სასოფლო-სამეურნეო კულტურების მავნებლების წინააღმდეგ აქტიურ ბრძოლას აგრძელებს. წლებია, აზიური ფაროსანა გამოწვევად იქცა. მთავრობა აქტიურად აგრძელებს მიზნობრივ პროგრამებსა და მავნებლის საწინააღმდეგო მასშტაბურ ღონისძიებებს, რასაც მნიშვნელოვანი შედეგი მოაქვს, თუმცა გადამწყვეტი ნაბიჯი საბოლოოდ მაინც ფერმერებმა უნდა გადადგან, რათა სახელმწიფოსთან აქტიური კომუნიკაციით და აქტიური თანამონაწილეობით ებრძოლონ მავნებელს.

ლარის კურსი იმაზე უფრო სწრაფად მყარდება, ვიდრე მოსალოდნელი იყო. „თიბისი კაპიტალის“ შეფასებით, წლის ბოლოს, ლარის კურსი დოლართან მიმართებაში 2.60-2.65-ის ფარგლებში იქნება, თუმცა ამჟამად 1 აშშ დოლარის ღირებულება უკვე 2.65 ლარია. სპეციალისტების განცხადებით, ეს შეფასება სრულიად რეალურია და საკმაოდ მტკიცე საფუძველიც გააჩნია. სხვადასხვა ფაქტორებთან ერთად, ლარის გამყარებას აშშ დოლარის დასუსტებაც უწყობს ხელს. „თიბისი კაპიტალის“ შეფასების მიხედვით, საქართველოში სავალუტო ბაზარზე უცხოური ვალუტის ჭარბი მიწოდება ივნისშიც შენარჩუნდა, რაც ლარის გამყარებას უწყობს ხელს. „თიბისი კაპიტალი“ ვარაუდობს, რომ წლის ბოლოს, აშშ დოლარისა და ლარის კურსი, დაახლოებით, 2.60-2.65 დიაპაზონში იქნება.

ინვესტიციების მოცულობა მატულობს, რასაც ხელს უწყობს როგორც უცხოური კაპიტალის შემოდინება, ისე ეკონომიკური აქტივობის მაღალი დონე. სპეციალისტები ფიქრობენ, რომ დადებითი დინამიკა მომავალშიც შენარჩუნდება და უცხოური კაპიტალის ოდენობა საგრძნობლად მოიმატებს. წამყვანი კვლევითი ორგანიზაციები უცხოური ინვესტიციები შემოდინებაზე დადებით პროგნოზს აკეთებენ და ფიქრობენ, რომ წლის ბოლოსთვის 1,8 მილიარდ დოლარს მიაღწევს.

უკვე ერთი თვეა, რაც ფასდაკლების შემსწავლელმა დროებითმა საპარლამენტო კომისიამ მუშაობა დაასრულა, თუმცა პროდუქტები თვალში საცემად არ გაიაფებულა. სამართლიანობა მოითხოვს აღვნიშნოთ, რომ ამ პერიოდში, სურსათი არ გაძვირებულა, მაგრამ ეს დიდი ვერაფერი შეღავათია.  დაზუსტებით მხოლოდ ისაა ცნობილი, რომ მთავრობის განკარგულებით, კონკურენციისა და მომხმარებელთა დაცვის სააგენტო ერთიანი ელექტრონული სისტემის - ვებ-გვერდის შექმნას გეგმას, სადაც ფასდაკლებების შესახებ დეტალური ინფორმაცია განთავსდება. სპეციალისტების ერთი ნაწილის შეფასებით, ხელისუფლებამ ყველაფერი უნდა გააკეთოს იმისთვის, რომ ეს ვებგვერდი ფასდაკლებების კატალოგად არ გადაიქცეს. 

ხორბლის წარმოებაში წელსაც პრობლემაა. 2-3 კვირაში ალოობა იწყება. მოსავლიანობა, შენარჩუნებულია, თუმცა ხორბლის რეალიზაცია კვლავ გადაუჭრელი საკითხია. ქართულ მარცვლეულზე მოთხოვნა დაბალია და შარშანდელი მოსავლის 10-15% ჯერ ისევ გაუყიდავია. ფასი კი მხოლოდ დაბლა მიიწევს, რაც ფერმერებს მძიმე ტვირთად აწვება. შექმნილი ვითარებიდან გამომდინარე, ისინი შიშობენ, რომ შესაძლოა, გაწეული ხარჯების დაფარვაც ვერ შეძლონ.  

ტექნოლოგიების განვითარება შრომის ბაზარს რადიკალურად შეცვლის, თუმცა ადამიანს იგი სრულად ვერ ჩაანაცვლებს, რაც დღეს დასაქმებულებს ყველაზე მეტად აშინებთ. როგორც აღმოჩნდა, განვითარებულ ქვეყნებში ამ საკითხით სერიოზულად არიან შეშფოთებულები, ვინაიდან. არის გარკვეული დარგები, სადაც ხელოვნურ ინტელექტს შეუძლია სრულად შეითავსოს ადამიანის ფუნქცია, თუმცა სადაც საქმე ინტელექტს, წარმოსახვის უნარს და კრეატიულობას ეხება, ხელოვნური ინტელექტი მოწოდების სიმაღლეზე იქნება. ხელოვნული ინტელექტი განსაკუთრებით ძლიერია იქ, სადაც საქმე ეხება დიდი მოცულობის მონაცემების დამუშავებას, შაბლონურ დავალებებს და ტექსტთან თუ კოდთან მუშაობას.

აშშ-სა და ირანის სამშვიდობო შეთანხმებას გლობალურ ბაზრებზე მყისიერი რეაქცია თითქმის ყველა მიმართულებით მოჰყვა. განსაკუთრებით ეს შეეხეხო ნავთობის ფასს, რომელიც ბოლო დროს სწორედ ახლო აღმოსავლეთის კრიზისის გამო ძვირდებოდა. დღეს ეს მოცემულობა შეიცვალა. სამხედრო კონფლიქტი, ფაქტობრივად, დასრელებულია. ნავთობის ფასი  83 დოლარამდე დაიცა, რაც დღიურ ჭრილში 4%-იანი კლებაა. ოქროს ფასი კი დიდხნიანი გაიაფების შემდეგ ცოტათი გაძვირდა. 

ევროკომისიასა და საქართველოს ოფიციალური პირების დელეგაციას შორის შეხვედრის მიზანი იმ გარემოებების გამოსწორებაა, რამაც სამსახურებრივი და ოფიციალური პასპორტების მფლობელი საქართველოს მოქალაქეებისთვის უვიზო მიმოსვლის შეჩერება გამოიწვია. სპეციალისტების შეფასებით, დიდი ალბათობით, ევროკავშირის საქართველოსთან უვიზო მიმოსვლას არ შეაჩერებს, თუმცა ერთი წუთით წარმოვიდგინოთ, რომ ევრობიუროკრატებმა მუქარა აასრულეს და ვიზალიბერალიზაცია შეგვიჩერეს. ხომ საინტერესოა, რა ეკონომიკური შედეგი მოჰყვება ამას? ჰოდა, ირკვევა, რომ არავითარი უარყოფითი შედეგი ამ ფაქტს არ მოჰყვება.