დაახლოებით 2 წელიწადში  საქართველოში შეიძლება ელექტროენერგიის ექსპორტის დიდი შესაძლებლობა გაჩნდეს. ამის საშუალებას იძლევა შავი ზღვის ფსკერზე კაბელი, რომლითაც საქართველო შეიძლება რუმინეთს დაუკავშირდეს. მიუხედავად იმისა, რომ ევროპაში ენერგომატარებლებზე არნახული მოთხოვნაა, ჩვენს ქვეყანას, თუნდაც გატარების მხრივ, ჯერჯერობით არანაირი რეურსი არ გააჩნია შესაბამისი ინფრასტრუქტურის არქონის გამო. თუმცა პერსპექტივა დიდია, რითაც თვითონ ევროპა და შუა აზიის ქვეყნები  მაქსიმალურად არიან დაინტერესებულნი და იწყებენ გეგმის შემუშავებას - კავკასიური დერეფანი უფრო გააქტიურდეს და ამ აქედან ევროპაში მეტი რაოდენობის  გაზის, ნავთობისა და ელექტროენერგიის მიწოდება დაიწყოს.

საქართველოს დერაფანი სულ უფრო დიდ მნიშვნელობას იძენს. ნავთობის ტრანსპორტირებისთვის ქვეყანაში არსებული ინფრასტრუქტურა ყაზახეთისთვის ძალიან მიმზიდველია. სწორედ ამიტომ, შუა აზიური სახელმწიფო ახალი წლიდან ბაქო-თბილისი-ჯეიჰანის მილსადენით ნავთობის გადაზიდვას აანონსებს. `რეზონანსი” შეეცადა გაერკვია, რა პერსპექტივას აჩენს საქართველოს დერეფანში ყაზახური ენერგორესურსების გადმონაცვლება და რა სარგებელს მიიღებს ამით ქვეყანა?

მომავალი წლიდან ფარმაცევტული კომპანიები წამლებს თვითნებურად ვეღარ გააძვირებენ. შესაბამისად, მოსახლეობას მედიკამენტების უმეტესობა გაუიაფდება. ამის გარანტიას იძლევა რეფერენტული ფასების დაწესებასთან დაკავშირებით ახალი კანონი, რომელიც ძალაში 2023 წლიდან შევა. ცვლილებას ექსპერტების მხრიდან პირველი შეაფსებები უკვე მოჰყვა. მათი განცხადებით, ჯანდაცვის სექტორი რეალურად ახლა დაადგა პრობლემების გამოსწორების და რეფორმის გზას, თუმცა არსებობს გარკვეული წინაღობა კერძო დაზღვეულების სახით, რომელთაც შესაძლოა, მომსახურება გაუძვირდეთ.

კოოპერატიული ბინათმშენებლობით დაზარალებულთა დაკმაყოფილების პროექტი გრძელდება. დაზარალებული ოჯახების ფართებით დასაკმაყოფილებლად, ინტერესთა გამოხატვა კიდევ ორ მისამართზე - აბაშვილის ქუჩის N3-სა და დიდ დიღომში, მუხათგვერდის ქუჩის მიმდებარედ გამოცხადდა. როგორც ირკვევა, აღნიშნული ორი პროექტის ფარგლებში, საცხოვრებელი ფართებით დამატებით 180-მდე ოჯახი დაკმაყოფილდება.

ევროპაში სასურსათო კრიზისი სულ უფრო მეტად მწვავდება. საფრთხე ზამთრის სეზონის მოახლოებასთან ერთად, სულ უფრო იზრდება და ვითარება რთულდება. საუბარია წარმოების საგრძნობლად შემცირებაზე. საინტერესოა, რა შანსი აქვს საქართველოს იმისათვის, რომ ექსპორტი გაზარდოს და რა უნდა გაკეთდეს, რომ ქართული პროდუქცია ევროპის ბაზრებზე უფრო აქტიურად გავიდეს?

საქართველოში საწვავი იაფდება და შესაშურად სტაბილურ ტენდენციას აჩვენებს, მსოფლიოში კი, პირიქით, ნავთობპროდუქტის ფასი იზრდება. საერთაშორისო ბირჟებზე გაძვირების ტალღა „ოპეკი პლუსის“ მიერ მიღებულ გადაწყვეტილებას უკავშირდება. გლობალურ ბაზრებზე არსებული ვითარების საწინააღმდეგოდ, საქართველოში დადებითი დინამიკა ნარჩუნდება, მიუხედავად იმისა, რომ იგი მსოფლიო ბაზრის ტრენდს არ ემთხვევა. როგორ "რეზონანსმა" გაარკვია, ეს ტენდენცია მომავალშიც გაგრძელდება.

საქართველოში ჩამოსული რუსი მიგრანტების ნაწილი ქვეყანაში დარჩენას ხანგრძლივი პერიოდით აპირებს. საუბარია მინიმუმ ერთ წელზე. ასეთია სხვადასხვა კვლევის შედეგი. ქვეყანაში მათმა შემოდინებამ უძრავი ქონების ბაზარი გააძვირა და ბინები დღემდე ძნელად იშოვება. საინტერესოა, რა იქნება მთელი ამ დროის მონაკვეთში, სანამ ისინი ქვეყანას არ დატოვებენ, როგორ უმკლავდება სექტორი მკვეთრად გაზრდილ მოთხოვნას?

სახელმწიფო ტენდერებში მონაწილე ქართული კომპანიებისთვის პირობები იცვლება. ამიერიდან მათ საშუალება ექნებათ, ევროპის მრავალმილიარდიანი ბაზრის შესყიდვებში მიიღონ მონაწილეობა, რასაც ექსპერტულ წრეებში ბევრი მხარდამჭერი ჰყავს. საქართველოში უკვე ჩატარებულმა და მიმდინარე პროექტებმა კი თვალნათლივ დაგვანახა, რომ ტენდერების საკითხში ბევრი ისეთი საკითხია, რაც ვერანაირ კრიტიკას ვერ უძლებს როგორც ფასის, ასევე ხარისხის მხრივაც. სწორედ ამ გარემოებებმა გამოიწვიეს თავის დროზე  ვარკეთილის მეტროში ჭერის ჩამონგრევა და ბოლო დროის  ვაკის პარკის ტრაგედია.

ქართველ ფერმერებს ცხვირს გაყიდვა უჭირთ. ამის მიზეზი კი ლარის გაცვლითი კურსია. ფერმერები წვრილფეხა რქოსან პირუტყვს დოლარში ყიდიან. გამყარებული ლარის გამო კი, მათ თითო გაყიდულ ცხვარზე ნაკლები მოგება რჩებათ, ვიდრე რჩებოდათ მაშინ, როდესაც ქართული ფული გაუფასურებული იყო. ჯერჯერობით ამ სიტუაციიდან გამოსავალი არ ჩანს, ექპორტი კი სულ უფრო მცირდება.

ინფლაციის შემცირების ვადა სულ უფრო იწევს. საქმე ისე მიდის, რომ მთავრობა ამ პრობლემის მოგვარების შესაძლებლობას 2024 წლამდე ვერ ხედავს. მანამდე მიზნობრივი ინფლაციის მიღწევას არც ეროვნული ბანკი ვარაუდობს და არც საერთაშორისო სავალუტო ფონდი, რომელმაც პირდაპირ განაცხადა, რომ ინფლაციას მაღალი მიგრაცია იწვევს. სსფ-ის მისიის ხელმძღვანელის ჯეიმს ჯონის შეფასებით, ხალხი, რომელიც ქვეყანაში შემოდის ინფლაციასაც ახალისებს და მხოლოდ მათი გასვლით შემცირდება ინფლაცია.

შუააზიური სახელმწიფოების მხრიდან  საქართველოს გავლით გაზსადენის მშენებლობის ინტერესი მკვეთრად იზრდება. არ არის გამორიცხული, მალე ახალი პროექტის განხორციელება რეალურად დაიწყოს, ხოლო არსებული მილსადენების დატვირთვა მკვეთრად გაიზარდოს. სპეციალისტები ადასტურებენ, რომ ჩვენი ქვეყნის ტერიტორიაზე გამავალი მილსადენები (როგორც გაზსადენი, ასევე ნავთობსადენი) შეიძლება საკმარისი არ იყოს და ასეთი მნიშვნელოვანი ეტაპის დროს. შესაბამისად, დადგება კიდევ ერთი მილსადენის აშენების საკითხი, იქიდან გამომდინარე, რომ ევროპა აზერბაიჯანიდან გაზის მეტ მოცულობას ითხოვს.