რუსეთის უშიშროების საბჭოს თავმჯდომარის მოადგილემ მედვედევმა ირანის სამთავრობო ტელევიზიისთვის მიცემულ ინტერვიუში სომხეთთან გამწვავებულ ურთიერთობაზე ისაუბრა და კიდევ ერთხელ მიუთითა, რომ კავკასიისა და კასპიის რეგიონის ქვეყნებს აქვთ სრული პოტენციალი, საკუთარი ძალებით, მეზობლურად და უცხოური ძალების ჩარევის გარეშე მოაგვარონ პრობლემები, ივაჭრონ და განვითარდნენ.

ომანელი ჰამამ ალ-ჰამამი ისრაელში დაჯდომის ნებართვის მიღებას აპირებდა, რის შემდეგაც ლაინერი აეროპორტის ტერმინალისკენ უნდა მიემართა. ამის შესახებ მე-12 არხი დაკითხვის მასალებზე დაყრდნობით იტყობინება.

გამოძიების მონაცემებით, ალ-ჰამამი თავდასხმას რამდენიმე თვის განმავლობაში ამზადებდა. ივნისში მან ერთ-ერთი რეისის დროს აეროპორტში ინფორმაცია შეაგროვა, მანამდე კი თელ-ავივის მიმართულებით რეისის შერჩევას ცდილობდა.

ოპოზიციის მიერ არჩევნების ბოიკოტის სტრატეგია კვლავ კრიტიკას იწვევს - „ქართული ოცნების" ოპონენტთა ნაწილი მიიჩნევს, რომ 2024 წლის საპარლამენტო არჩევნების შემდეგ დაწყებულმა ბოიკოტმა ოპოზიცია დააზიანა და საბოლოოდ მმართველი პარტიის პოზიციები გააძლიერა.

პენიტენციურ სამსახურში პატიმარ გიორგი დავითაძის მიმართ სავარაუდო ძალადობისა და გავრცელებული ვიდეოკადრების გარშემო პოლიტიკური ვნებები მწვავდება. ოჯახი პენიტენციურთან აქციას აანონსებს. ხელისუფლების წარმომადგენლები ბრალდებებს სიცრუეს უწოდებენ. ექსპერტები კი ვარაუდობენ, რომ ამ ფაქტს მასშტაბური გამოსვლა არ მოჰყვება, თუმცა ოპოზიცია ამის თავის სასარგებლოდ გამოყენებას ეცდება.

რუსეთში ე.წ. სამხრეთ ოსეთის „ელჩად" ცნობილი ყოფილი ფეხბურთელი და მწვრთნელი ვალერი გაზაევი ინიშნება. ამის შესახებ ცხინვალური „ტელეგრამ" არხები საკუთარ წყაროებზე დაყრდნობით წერენ. გაზაევი საკმაოდ წარმატებული ფეხბურთელი იყო და კარიერის ბოლოს თბილისის „დინამოშიც" თამაშობდა. შემდეგ წლების განმავლობაში წვრთნიდა საფეხბურთო კლუბ ვლადიკავკაზის „ალანიას", რომელშიც იმ პერიოდში საქართველოს ახლანდელი პრეზიდენტი მიხეილ ყაველაშვილი თამაშობდა.

ხელისუფლების ოპონენტები ვადამდელი არჩევნების დანიშვნის მაღალ ალბათობაზე ალაპარაკდნენ. მთავარი არგუმენტი ისაა, რომ მმართველ პარტიას, შესაძლოა, სწორედ ახლა აწყობდეს საპარლამენტო არჩევნები, რათა დაქსაქსულ და უკიდურესად დასუსტებულ ოპოზიციას 2028 წლამდე შიდა კრიზისის დაძლევისა და მობილიზებისთვის დრო არ დაუტოვოს. ამის შესახებ ექსპრეზიდენტმა სალომე ზურაბიშვილმა განაცხადა, თუმცა, ექსპერტთა უმრავლესობისთვის მისი არგუმენტები დამაჯერებელი არ არის.

რუსეთში „ტრამპის მარშრუტის" საპასუხოდ „პუტინის გზის" იდეა წარადგინეს. ეს ინიციატივა ოკეპირებული აფხაზეთის გავლით რუსეთს, საქართველოსა და სომხეთსის გავლით ირანთან პირდაპირი სარკინიგზო და საავტომობილო მიმოსვლის აღდგენას საშალებას აძლევს. ამ იდეას კრემლი მრავალი წელია ლობირებს, თუმცა, საქართველოს მკვეთრად უარყოფითი პოზიციის გამო მისი რეალიზება ვერ ხერხდება. ალხა კი, ინიციატორთა აზრით, გეოპოლიტიკური რეალობა მნიშნელოვნად შეიცვალა, რაც პროექტის რეალიზების შანსს ზრდის.

კონრად ადენაუერის ფონდის მიერ თბილისის ოფისის დახურვას პოლიტიკური შეფასებები მოჰყვა. ფონდი მიზეზად საკანონმდებლო შეზღუდვებს ასახელებს. „ოცნებაში" ამბობენ, რომ ორგანიზაციამ პოლიტიკური პროექტებისგან უარი არ თქვა და არ გამორიცხავენ, რომ კიდევ ორი ფონდი დაიხუროს. ოპოზიციის შეფასებით კი, ეს გადაწყვეტილება გერმანიასთან ურთიერთობებსა და ქვეყნის დემოკრატიულ პროცესებს დააზიანებს.

დედაქალაქი ოქტომბერს ტრადიციული დღესასწაულით - „თბილისობით" ხვდება, ქალაქის ცენტრი ორი დღის განმავლობაში სხვადასხვა კულტურულ, გასართობ, გასტრონომიულ და სპორტულ ღონისძიებას უმასპინძლებს. თბილისის მერიის მიერ გამოქვეყნებული პროგრამის მიხედვით, წლევანდელი „თბილისობა" რამდენიმე ერთმანეთთან დაკავშირებულ სივრცეში გაიმართება - რიყის პარკიდან ორბელიანისა და გუდიაშვილის მოედნებამდე, ლეღვთახევისა და აბანოთუბნის ტერიტორიიდან ევროპის მოედანსა და მეტეხის ხიდამდე.

საქართველოს მთავრობა ევროპის ქვეყნებს შორის ნდობის მაჩვენებლით საუკეთესო ხუთეულშია - ასეთ კვლევას აქვეყნებს „ქართული ოცნება", რომელიც მსოფლიო ბანკის მიერ გლობალური მმართველობის ინდიკატორების ფარგლებში ჩატარდა. პარტიის ინფორმაციით, 2025 წლის შეფასებით, საქართველოს მთავრობისადმი ნდობის მაჩვენებელმა 54.1% შეადგინა, რაც ქვეყნისთვის „ახალი ისტორიული მაქსიმუმია".

ნარკოტიკების ზედოზირებით გარდაცვლილთა რეალური მაჩვენებელი ბოლო წლებში გაზრდილია. სპეციალისტების თქმით, ლეტალური შემთხვევები უფრო მეტად 35-40 ასაკობივ ჯგუფზე მოდის. მათი შეფასებით, აღრიცხვიანობის სისტემური ხარვეზები, ოჯახების მიერ პრობლემის მიჩქმალვა და ხელისუფლების მხრიდან არასაკმარისი რეაგირება არსებულ სურათს კიდევ უფრო ამძიმებს, რაც ეროვნული რეესტრის შექმნასა და გადაუდებელ პრევენციულ ნაბიჯებს სასიცოცხლოდ აუცილებელს ხდის.

ენმ-ს მიერ 1-ელ ოქტომბერს დაანონსებული აქცია გაიმართა, თუმცა შეკრებამ მასშტაბური სახე ვერ მიიღო - ამფითეატრში რამდენიმე ათეული ადამიანი შეიკრიბა. აქციის მთავარი მოთხოვნა მიხეილ სააკაშვილისა და პატიმრობაში მყოფი ენმ-ის სხვა წევრების გათავისუფლება იყო. შეკრების დაწყებამდე და უშუალოდ აქციის წინ შინაგან საქმეთა სამინისტრომ ორგანიზატორებსა და მონაწილეებს ორჯერ მოუწოდა, არ შესულიყვნენ რიყის დოქების მიმდებარე ტერიტორიაზე და არ შეეშალათ ხელი „თბილისობა 2026"-ის მოსამზადებელ სამუშაოებისთვის.