ოპოზიციის ნაწილი 4 ოქტომბრის ადგილობრივი არჩევნების ჩასაშლელად ემზადება, მეორე ნაწილს კი ამ არჩევნები მონაწილეობა სურს და დიდ ქალაქებში გამარჯვების იმედი აქვს. არჩევნებზე რეგისტრაციის ვადის ამოწურვამდე კი თვეზე ცოტა მეტია დარჩენილი და დროის გასვლასთან ერთად, ოპოზიციური ერთობის მიღწევის შანსიც სულ უფრო მცირდება. ეს ვითარება ვერ შეცვალა ვერც „დროას" ლიდერი ელენე ხოშტარიას შიმშილობამ, რომელიც ისევე მოულოდნელად შეწყდა, როგორც დაიწყო.

ბრიტანეთის ხელისუფლება მკაცრად აპროტესტებს „ქართული ოცნების" მიერ „გაერთიანებული სამეფოსა და საერთაშორისო პარტნიორების წინააღმდეგ წამოწყებული ცრუ ბრალდებებსა და საჯარო თავდასხმებს". ამის შესახებ საქართველოს საქმეთა დროებითი რწმუნებული გიორგი საგანელიძეს ოფიციალურად განუცხადებს გაერთიანებული სამეფოს საგარეო უწყებაში. „ოცნებაში" ამას მუქარად აღიქვამენ და ამბობენ, რომ რეალური მიზანი ხელისუფლების შეცვლაა. ანალიტიკოსები კი ახალ სადამსჯელო ნაბიჯებს ელოდებიან.

საქართველოს ეკონომიკური ზრდის ტემპი შენელდა, თუმცა დინამიკა დადებითია. მაისში დაფიქსირებული 7,5%-იანი მაჩვენებლით ქვეყნის მთავარი პარამეტრი გლობალურ ტენდენციას  მნიშვნელოვნად აღემატება. სპეციალისტები  ვარაუდობენ, რომ დინამიკა შენარჩუნდება, ნაწილიც ცოტა სკეპტიკურადაა განწყობილი და არ გამორიცხავს, მცირე კლება კიდევ გვქონდეს, თუმცა ასეთი შედეგიც უფრო გეოპოლიტიკური პროცესებიდან გამომდინარე იქნება.

ხორბლის მოსავალი წელს ცოტათი მოიმატებს, თუმცა ხარისხი კვლავ პრობლემად რჩება. მიზეზი კლიმატური პირობებია, რის გამოც სტრატეგიული პროდუქტის ფასიც შეიძლება კითხვის ნიშნის ქვეშ დადგეს. ზედიზედ რამდენიმე წელია, ქართული ხორბლის ხარისხი სტანდარტს ვერ პასუხობს და სახელმწიფოს მუდმივად უწევს ფასის ხელოვნური შენარჩუნება. სწორედ ამ ფაქტორიდან გამომდინარე, აუცილებელი გახდა იმპორტულ ფქვილზე მოსაკრებლის დაწესება. მიდგომა სავარაუდოდ წელსაც შენარჩუნდება. 

საქართველოში ელექტრომობილების ბიზნესი ვერ ვითარდება და პოპულარობას ვერ იხვეჭს. მიზეზი გაუმართავი ინფრასტრუქტურაა. გარდა ამისა, მანქანების დამუხტვაც თანდათან ძვირდება. რაც მეტად თანამედროვეა დასამუხტი საშუალება, მომხმარებელს უფრო მაღალი ტარიფის გადახდა უწევს. აღმოჩნდა, რომ ელექტრომობილებით გადაადგილების ღირებულება ბენზინზე მომუშავე ავტომობილის ხარჯს გაუტოლდა. თუ ფასი არ დარეგულირდა შესაძლოა, ელექტრო ავტომობილმა ის უპრატესობა დაკარგოს, რაც მის ეკონომიურობას უკავშირდება. 

სომხეთის სამოციქულო ეკლესია, რომელიც საუკუნეების განმავლობაში ეროვნული თვითმყოფადობის ერთ-ერთ მთავარ საყრდენად განიხილებოდა, ახლა პოლიტიკური დაპირისპირების ეპიცენტრშია - მოსკოვი ერევანს ეკლესიის წინააღმდეგ თავდასხმების შეწყვეტას სთხოვს, ერევანი კი რუსეთს შიდა საქმეებში ჩაურევლობას ურჩევს; ანალიტიკოსების შეფასებით, კრემლი ეკლესიის თემას საკუთარი რეგიონული გავლენის გასაძლიერებლად იყენებს.

პარლამენტის საგამოძიებო კომისიიის მოთხოვნების შეუსრულებლობაზე გიორგი გახარიას საქმე დიდი ალბათობით სხვა ოპოზიციონერების მსგავსად პროკურატურას აღარ გადაეცემა, რადგან ორშაბათს წულუკიანი დათანხმდა 2 ივლისს დისტანციურად გამოკითხოს საზღვარგარეთ მყოფი ყოფილი პრემიერი. ამასთან, გახარია ვალდებულია „ჩართვისას ტექნიკური ნაწილი თავად უზრუნველყოს და სხდომის დასრულებამდე არ გათიშოს ჩართვა". 1-2 ივლისსვე „ოცნება" პარტიის 12 დეპუტატის მანდატების გაუქმებას აპირებს, რის შემდეგაც იმუნიტეტით ვეღარ ისარგებლებენ.

გასაოცარია, რა შევუკვეთეთ და რა ჩამოვიდა, შევუკვეთეთ ევროპული ღირებულებები და ჩამოგვივიდა ევროპული ექსტრემიზმი,- ამის შესახებ პარლამენტის თავმჯდომარემ, შალვა პაპუაშვილმა ჟურნალისტებთან განაცხადა. ასევე, პაპუაშვილმა პარლამენტთან მოშიმშილეებთან გერმანიის ელჩ პეტერ ფიშერის მისვლა შეაფასა და თქვა, რომ ის იქცა რადიკალური ოპოზიციის ყველაზე რადიკალური ფრთის მხარდამჭერად.

აშშ-სა და ისრაელის მიერ ირანის ბირთვული ობიქტების დაბომბვის შედეგები გაეროს ატომური უწყების ინსპექტორებისთვის კვლავ გამოცანად რჩება - გამდიდრებული ურანის მარაგი, რომლის ნაწილიც თითქმის მზად იყო იარაღის წარმოებისთვის იმ მიწისქვეშა ობიექტებში ინახებოდა, რომლებზეც იერიში მიიტანეს თუ მანამდე მისი გადამალვა მოასწრეს. ეჭვს, რომ ირანი პროგრამაზე ისევ მუშაობს ისიც ამძაფრებს, რომ ირანი ატომური ენერგიის საერთაშორისო სააგენტოს ხელმძღვანელსა და კამერებს თავის ბირთვულ ობიექტებზე ამიერიდან აღარ დაუშვებს.

ოპოზიციაში ისევ ქაოსია - კოალიცია „ცვლილებებისთვის" წევრი ელენე ხოშტარია შიმშილობას აგრძელებს. მისი მოთხოვნაა ოპოზიციის მიერ თვითმმართველობის არჩევნების სრული ბოიკოტი. მეორე მხარეს „ლელო" და გახარიას „საქართველოსთვის" არჩევნებისთვის მზადებას განაგრძობენ. მმართველ გუნდში ამბობენ, რომ ოპოზიციონერები ერთმანეთს ულტიმატუმების ენით ესაუბრებიან.

აქციაზე ყოფილმა პრეზიდენტმა სიტყვით გამოსვლისას ისევ ერთობაზე ისაუბრა და პოლიტიკურ პარტიებს გაერთიანებისკენ მოუწოდა. ამან ოპოზიციონერების გარკვეული ნაწილის უკმაყოფილება გამოიწვია და განაცხადეს, რომ „რეჟიმის წინააღმდეგ ბრძოლაში სადღეგრძელოები საჭირო არაა". ანალიტიკოსები ზურაბიშვილის იდეას არარეალურად უყურებენ.

30 ივნისს პარლამენტის საპროცედურო საკითხთა და წესების კომიტეტი პარტიის „გახარია საქართველოსთვის" წევრი 12 დეპუტატებისთვის უფლებამოსილების ვადამდე შეწყვეტის საკითხზე იმსჯელებს და შესაბამის დასკვნას მოამზადებს. ყოფილი პრემიერი გიორგი გახარიაც ჯერჯერობით ფორმალურად დეპუტატად ითვლება და შესაბამისად, მასზე იმუნიტეტიც ვრცელდება, თუმცა, მანდატის გაუქმების შემდეგ, საკანონმდებლო ორგანოს წევრის ხელშეუხებლობით ვეღარ ისარგებლებს. ანალიტიკოსთა აზრით, ამით, სავარაუდოდ, მზადდება საფუძველი გახარიას დასაპატიმრებლად, ან მისთვის დაუსწრებლად ბრალის წასაყენებლად.