ქვეყანაში დასაქმებულთა რაოდენობა გაიზარდა, ხოლო სიღარიბე მცირდება. ეს ჩვენი ქვეყნის ერთ-ერთი მნიშვნელოვანი გამოწვევა იყო. ბოლო 10 წელში, სიღარიბე თითქმის 13%-ით, ხოლო უმუშევრობის მაჩვენებელი, 12%-ით შემცირდა. ეს სოფიცილური მონაცემებია და საინტერესოა, რამდენად შეესაბამება არსებული მაჩვენებლები რეალობას?

რუსული მედია წერს, რომ რუსებმა დონეცკის ოლქის ქალაქ ავდიივკაში სამხრეთ ფლანგიდან კონტრშტევა წამოიწყეს და სოფელ ბერდიჩთან უკრაინული თავდაცვა გაარღვიეს, ამას კი წინ უძღვოდა10 ოქტომბრის დილიდან საარტილერიო მომზადება. ოფიციალური კიევისგან ამ თემაზე განცხადებები ჯერ არ გავრცელებულა, თუმცა, როგორც სამხედრო ანალიტიკოსები „რეზონანსთან" ამბობენ, ცნობები კონტრშეტევის შესახებ ნაწილობრივ ფსიქოლოგიური ხასიათისაა. მათი თქმით, რუსებს დღეს დიდი კონტრშეტევის რესურსი არ აქვთ, რომ ამ მიმართულებაზე უკრაინის კარგად გამაგრებული თავდაცვა გაარღვიონ, თუმცა მცდელობა იქნება.

14 წლის გოგონას მკვლლეობაში ბრალდებული ასიმ ასლანოვი სამდღიანი მიმალვის შემდეგ სპეცდანიშნულების რაზმმა იორმუღანლოს ტყეში აიყვანა. შეიარაღებულ თავდამსხმელს ხელბორკილები მაშინ დაადეს, როდესაც იმ სოფელში დაბრუნებას აპირებდა, სადაც 14 წლის მეუღლე ჩაცხრილა.

ვენეციის კომისია საქართველოს სასამართლო რეფორმებზე დასკვნას აქვეყნებს და აცხადებს, რომ რეკომენდაციების ნაწილი შესრულებული არაა. აქცენტი განსაკუთრებით იუსტიციის უმაღლესი საბჭოს ყოვლისმომცველ რეფორმებზეა გადატანილი, რომლის მიხედვითაც უნდა გადაიხედოს მისი ფუნქციები, გადაწყვეტილების მიღების პროცესი და წევრთა არჩევის წესი. მმართველი გუნდი აცხადებს, რომ თუ ვენეციის კომისია გულისხმობს რომ იუსტიციის საბჭოში გადაწყვეტილებები ორმაგი 2/3- ით უნდა მიიღებოდეს, მაშინ „ეს ჩიხში შემყვანი ფორმულაა". მოახდენს თუ არა ეს დასკვნა გავლენას საქართველოს მიერ ევროკავშირის წევრობის კანდიდატის სტატუსის მიღებაზე?

ყველაზე მწვავე პრობლემა, რაც დღეს ბზინესს აწუხებს, კადრებთან დაკავშირებული საკითხია. დეფიციტია როგორც კვალიფიციური კადრის, ასევე სამუშაო ძალასთან დაკავშირებით. ფაქტობრივად არ მოიძებნება არც ერთი სფერო, სადაც ეს პრობლემა არ შეინიშნება. ოფიციალური კვლევებითაც დადასტურდა, რომ კომპანიებში კიდევ უფრო გამწვავდა კადრების დეფიციტის პრობლემა.

უმძიმესი შემთხვევა გურჯაანში - სოფელ ვაზისუბანში 9 წლის ბიჭს, რომელიც თანატოლთან ერთად თამაშობდა, მეგობრის მიერ შემთხვევით პნევმატური იარაღიდან გასროლილი ტყვია  მოხვდა. როგორც ადგილობრივები „რეზონანს“ უყვებიან, მოზარდმა მძიმე დაზიანება თვალის და თავის არეში მიიღო. დაშავებულის ჯანმრთელობის მდგომარეობა მძიმეა და ბავშვი მიღებული დაზიანებით გურჯაანის საავადმყოფოში მოათავსეს, მაგრამ, მისი მდგომარეობის გამო კატასტროფის ბრიგადამ თბილისში გადაიყვანა. 

ისრაელზე ჰამასის თავდასხმიდან მე-3 დღეს უკვე ისმის კითხვები ვინ და რა ძალები შესაძლოა ტერორისტების უკან იდგეს, რადგან პალესტინელების მოქმედებაში, რომლებიც 7 ოქტომბერს ისრაელს თავს გამთენიისას დაესხნენ, კოორიდინირებული და კარგად გათვლილი მოქმედებები იკითხება. სამხედრო ექსპერტები ამ თავდასხმაში რუსეთის ხელწერას და ინტერესებს ხედავენ. 

ისრაელში მიმდინარე ომი გლობალური მასშტაბით უამრავი ქვეყნის ეკონომიკას უქმნის პრობლემას. გარკვეული დაძაბულობა მოსალოდნელია საქართველოშიც, მიუხედავად იმისა, რომ ისრაელი არ არის ჩვენი ქვეყნის მჭიდრო სავაჭრო პარტნიორი, ეს ის შემთხვევაა, როდესაც ვერაფერი გადაწონის იმ დანაკარგს, რაც ომს მოაქვს მსოფლიოსთვის. როგორც ანალიტიკოსები აცხადებენ, ამას შეიძლება ჯამურად სერიოზული პრობლემები მოჰყვეს, რადგან უკრაინაშიც ომია, სომხეთ-აზერბაიჯანს შორისაც დაძაბული ვითარებაა, რასაც წინ უძღოდა საომარი მოქმედებები. შესაბამისად, ისრაელში მიმდინარე ომმა შეიძლება სერიოზული პრობლემა გამოიწვიოს საერთაშორისო მასშტაბით და რეცესიაც დაიწყოს.

აშშ-ს ხმელთაშუა ზღვის აღმოსავლეთით ხომალდები გადაჰყავს, გარდა ამისა, ახლო აღმოსავლეთში შეერთებული შტატების საჰაერო ძალების ესკადრილია მატულობს. ისრაელისთვის იგზავნება საბრძოლო მასალები და სხვა რესურსები. თავად ისაელის თავდაცვის ძალებსა და ღასას სექტორს შორის დაპირისპირება მწვავე ფაზაშია. ეს გარემოება კი ანალიტიკოსებს აფიქრებინებს, რომ თუ ომი ხანგრძლივი გამოდგა, შესაძლოა მასში ირანი ჩაერთოს, რაც სამხრეთ კავკასიისთვის და საქართველოსთვის ცალსახად საფრთხის მომტანია.

პარლამენტის მიერ თანამდებობის პირების თანამდებობაზე არჩევისა და თანამდებობიდან გათავისუფლების თაობაზე გადაწყვეტილების ფარული კენჭისყრით მიღების წესი იცვლება - ასეთ გადაწყვეტილებებს პარლამენტი ფარულის ნაცვლად, ღია კენჭისყრით მიიღებს. ოპოზციას ეჭვი აქვს, რომ ეს პრეზიდენტ სალომე ზურაბიშვილის იმპიჩმენტს უკავშირდება, და დასძენს, რომ მმართველ გუნდში ერთმანეთის ნდობა არაა, თუმცაб მმართველი გუნდის მტკიცებით, ცვლილებები „ნოემბრის ბოლოს იგეგმება, იმპიჩმენტის პორცედურა კი ოქტომბერშივე დასრულდება".

უძრავი ქონების ბაზარზე ქაოსური სიტუაცია ეტაპობრივად წესრიგდება და ვითარება ნელ-ნელა სტაბილიზაციისკენ მიდის. მიმდინარე ეტაპზე მოთხოვნა თანდათან მცირდება და ბინების ყიდვა-გაყიდვის კუთხით ფასიც ნელ-ნელა იკლებს, მაგრამ ღირებულება ჯერჯერობით მაინც მაღალ ნიშნულზეა.

მსოფლიო კიდევ ერთი მასშტაბური სამხედრო კონფლიქტის წინაშეა - 7 ოქტომბერს დილით პალესტინურმა დაჯგუფება „ჰამასმა", რომელიც ღაზის სექტორს აკონტროლებს, ისრაელზე ბოლო წლების ყველაზე მასირებული სარაკეტო იერიში განახორციელა, რის შემდეგაც „ჰამასის" მებრძოლები ისრაელის სამხრეთში მდებარე ებრაულ დასახლებებში შეიჭრენ. ისრაელის არმია და სპეცსამსახურები ამას სრულიად მოუმზადებელი დახვდა. სამხედრო ანალიტიკოსები წერენ, რომ ეს იყო „ებრაული პერლ ჰარბორი", რომლის შედეგების წინასწარ განჭვრეტაც საკმაოდ რთულია. ისრაელის სახელმწიფო ოფიციალურად გამოაცხადა ომი. საბრძოლო მოქმედებები მიდის ღაზას სექტორის მიმდებარე ებრაულ დასახლებებში და ისრაელი-ლიბანის საზღვართან.