საქართველოს ეროვნული ბანკის სკანდალი თვალსა და ხელს შუა დასრულდა. საბჭოს ახალი წევრები - ნანა ყეინიშვილი და თეიმურაზ ხომერიკი სებ-ში მუშაობას უკვე შეუდგნენ. ეკონომისტთა ერთი ნაწილის აზრით, ეს იმას ნიშნავს, რომ ფინანსური სექტორის სტაბილურობას, რომელიც საფრთხის ქვეშ იდგა, პრობლემები აღარ ემუქრება და არც ისაა გამორიცხული, რომ ლარი, რომელიც ცენტრალურ ბანკში მიმდინარე პროცესების კვალდაკვალ გაუფასურდა, გამყარების ახალ გზას დაადგეს.

უკვე მესამე დღეა საკონსტიტუციო სასამართლო ცდილობს დაადგინოს, დაარღვია თუ არა პრეზიდენტმა სალომე ზურაბიშვილმა კონსტიტუცია, როცა ის მთავრობის უარის მიუხედავად, ევროპაში მაინც გაემგზავრა. 9 მოსამართლისგან შემდგარი პლენუმი კონსტიტუციის წარდგინების ავტორთან ირაკლი კობახიძესთან  და პრეზიდენტის წარმომადგენლებთან ერთად  იმპიჩმენტზე კონსტიტუციურ წარდგინებას განიხილავს. სხდომაზე მხარეები ერთმანეთს კითხვებს უსვამენ და  განხილვა  არა ერთი კამათის და დაპირიპირების ფონზე მიმდინარეობდა.

ქვეყანაში მალე "სურსათის ბანკი” შეიქმნება. შესაბამისი კანონპროექტი პარლამენტმა მოამზადა და უკვე დაამტკიცა კიდეც. ცვლილება ბევრ სიახლეს მოიცავს და მოლოდინია, რომ კანონის ამოქმედების შემდეგ,  სურსათის უვნებლობა უფრო მეტად იქნება დაცული, ხოლო საქველმოქმედო მიმართულება გაქტიურდება.

ენმ-ის ყოფილი თავჯდომარე და პარტიის მოქმედი წევრი 7 ოქტომბერს თანამოაზრეებთან კონსულტაციების გამართვას აპირებს, სადაც განიხილავენ ბრძოლის გაგრძელებას როგორ აპირებენ. ამის პარალელურად მელია „ნაცმოძრაობის" მოქმედ მენეჯმეტს მწვავედ აკრიტიკებს და ამბობს, რომ ისინი „ოცნების" თამაშს თამაშობენ. ანალიტიკოსები არ გამორიცხავენ, რომ მელიამ ცალკე ფლანგი შექმნას და წაიყვანოს ისინი, ვინც აშკარად მისი გულშემატკივარია, ასევე მათ შორის ის ხალხისც ვიხილოთ, ვინც დღეს მის მიმართ აშკარა მხარდაჭერას არ გამოხატავს.

ოპოზიციური პარტიები ცალკ-ცალკე ირწმუნებიან, რომ პრეზიდენტ სალომე ზურაბიშვილის იმპიჩმენტის პროცედურას მხარს არ დაუჭერენ და „ოცნებას" 100 ხმის მოგროვებაში არ დაეხმარებიან, თუმცა ხელს ერთმანეთისკენ იშვერენ და არ გამორიცხავენ, რომ მმართველი პარტია გარკვეულ ოპოზიციურ პოლიტიკურ ჯგუფებს გაურიგდა. როგორც „რეზონანსთან" ანალიტიკოსი ვახტანგ ძაბირაძე ამბობს, იმის გამო, რომ კენჭისყრა ფარულია, ხელისუფლებას ხმების მოგროვების მეტი შანსი აქვს, თუმცა ოპოზიციისთვის გამოსავალი ის იქნება, რომ კენჭისყრისას დარბაზში საერთოდაც არ შევიდნენ.

ისტორიული წყაროების მიხედვით მეფე მირიანის ვაჟი ბაქარი კონსტანტინე დიდის კარზე იმყოფებოდა, მასპინძლებმა ქართველი უფლისწული ბიზანტიიდან სამშობლოში დიდი პატივით გამოისტუმრეს და ბევრი საჩუქარიც გამოატანეს. მათ შორის იყო ლუკა მახარობლის მოხატული ხატი. ტახტზე ასვლის შემდეგ ბაქარმა წილკნის ეკლესია ააგო, რომელიც მე-4 საუკუნით თარიღდება, ბიზანტიიდან ჩამოტანილი ხატი კი ტაძარში დააბრძანა.

თბილისში დღის გარკვეულ მონაკვეთში დიდი გამავლობის ავტომობილების მოძრაობის შეზღუდვა სამომავლოდ ყველა ავტოსატრანსპორტო საშუალებას შეეხება, რომლის წონაც 3,5 ტონას აღემატება. ასეთი მიდგომით, აკრძალვაში უნდა მოჰყვეს სადისტრიბუციო მანქანებიც, რამაც უკმაყოფილება უკვე გამოიწვია. არ არის გამორიცხული, დისტრიბუცია გამონაკლისად განიხილონ, ვინაიდან მერიასთან ამ საკითხთან დაკავშირებით კომუნიკაცია მიმდინარეობს. სპეციალისტები კი რეგულაციის აუცილებლობაზე საუბრობენ და აღნიშნავენ, რომ სხვა მიდგომა და რეცეპტი, როგორ შეიძლება ეს პრობლემა მოგვარდეს, ჯერჯერობით არ არის შემოთავაზებული.

ნავთობმა მკვეთრი გაიაფება დაიწყო. უკვე რამდენიმე დღეა, რაც საერთაშარისო ბაზრებზე ნავთობის ღირებულება საგრძნობლად იკლებს. ტენდენცია შეიცვალა და მოლოდინი კლებისა და სტაბილუბისკენ არის მიმართული. ამაზე ნაწილობრივ მეტყველებს შემდეგი თვეების ფიუჩერსის, გარიგებების ღირებულებაც, რომელიც ყოველ შემდგომ ეტაპზე შემცირებულია.

5 ოქტომბერს ესპანეთში ევროპის ლიდერთა შეხვედრა გაიმართება, სადაც კონტინენტისთვის მნიშვნელოვანი საკითხები უნდა განიხილონ, მათ შორის მთავარი ღერძული თემაა - როგორ გაფართოვდეს ევროკავშირი რუსული აგრესიის პირობებში. ანალიტიკოსები ამბობენ, რომ ევროკავშირის ლიდერებს შორის ღრმა და ყოვლისმომცველი დისკუსიები მიდის მომავალ გეგმებზე, საუბარია ე.წ. გრანადის დეკლარაციაზე და ამასთანავე, საფრანგეთი-გერმანიის სამუშაო ჯგუფის ხედვაზე.

უკრაინის დაზვერვის სამმართველოს ინფორმაციით, ქვეყნის სპეცდანიშნულების რაზმები ანექსირებულ ყირიმში შევიდნენ: „იყო ბრძოლა დამპყრობლებთან, არის ბევრი დაღუპული და დაჭრილი ოკუპანტთა შორის. სამწუხაროდ, დანაკარგებია უკრაინელ მცველებს შორის", - იტყობინება დაზვერვის სამსახურის წარმომადგენელი, ანდრეი იუსოვი. 

75 მომხრე - 23 წინააღმდეგი. "შეკრებებისა და მანიფესტაციების შესახებ" კანონში შესატან ცვლილებებს პარლამენტმა პირველი მოსმენით მხარი დაუჭირა. კანონპროექტი "ქართულმა ოცნებამ" მას შემდეგ დააინიცირა, რაც სახელმწიფო უსაფრთხოების სამსახურმა შესაძლო სახელმწიფო გადატრიალების შესახებ ინფორმაცია გაავრცელა.

საკონსტიტუციო სასამართლო პრეზიდენტ სალომე ზურაბიშვილის იმპიჩმენტის შესახებ დასკვნას ოქტომბრის შუა რიცხვებისთვის მოამზადებს, მანამდე კი სასამართლო მსჯელობს დაარღვია თუ არა სალომე ზურაბიშვილმა კონსტიტუცია, როცა მან ევროტურის ფარგლებში საერთაშორისო შეხვედრები საქართველოს მთავრობის თანხმობის გარეშე გამართა.სხდომის მეორე დღეს ბრალდების მხარესა და პრეზიდენტის წარმომადგენელს შორის სიტყვიერი დაპირისპირებაც მოხდა.