თამთა ჩაჩანიძე
16.08.2020

„2008 წლის აგვისტოში რა მოხდა, ხალხს უკვე აღარ ადარდებს, უკვე სხვა პრობლემები აქვთ და კონფლიქტის თემამ მეშვიდე-მერვე ადგილზე გადაინაცვლა. ამ ფონზე ევროსაბჭოს რეზოლუცია ძალიან ბევრ ამომრჩეველს სასაცილოდაც კი არ ეყოფა, რომელსაც სხვა ამოცანები აქვს გადასაწყვეტი, როგორიცაა სიღარიბის დაძლება და ა.შ."- ასე შეაფასა „რეზონანსთან" საუბრისას კონფლიქტოლოგმა პაატა ზაქარეიშვილმა, „ევროპული საქართველოს" ერთ-ერთი ლიდერის დავით ბაქრაძის აღიარებაზე 2008 წელს საქართველო-რუსეთის ომთან დაკავშირებით ევროსაბჭოს რეზოლუციის შესახებ.

ტატა შოშიაშვილი
16.08.2020

ეროვნული უსაფრთხოების საკითხებში აშშ-ის პრეზიდენტის ყოფილმა მრჩეველმა, ჯონ ბოლტონმა განაცხადა, რომ ნოემბრის საპრეზიდენტო არჩევნებამდე დონალდ ტრამპმა შესაძლოა ნატოდან აშშ-ის გასვლის შესახებ გააკეთოს განცხადება. თბილისში მიიჩნევენ, რომ ეს ნაკლებად მოსალოდნელია, თუმცა, თუ ტრამპმა ეს ნაბიჯი მაინც გადადგა, საქართველოს თავის სტრატეგიულ პარტნიორებთან ორმხრივ ურთიერთობებზე უფრო მეტად მოუწევს ორიენტირება.

მარიამ ნებულიშვილი
16.08.2020

იმ შემთხვევაში თუ 2020 წლის საპარლამენტო არჩევნების შემდეგ კოალიციური მთავრობის ფორმირების აუცილებლობა შეიქმნება, მმართველი გუნდი არ გამორიცხავს „ევროპულ საქართველოსთან" თანამშრომლობის საკითხს.

თამთა ჩაჩანიძე
16.08.2020

„ამ პერიოდში ზუსტად ხდება იმის განსაზღვრა ადამიანი ნამდვილად ინფიცირებულია თუ არა. აღმოჩნდა, რომ ეს ინკუბაციური პერიოდი ძირითადად 10-12 დღემდეა და არა 14 დღემდე", - ასე ხსნის „რეზონანსთან" საუბრისას ინფექციონიოსტი ირაკლი ხმალაძე სავალდებულო კარანტინისა და იზოლაციის ვადის 2 დღით შემცირებას.

მარიამ ნებულიშვილი
16.08.2020

გიორგი შაქარაშვილის განზრახ მკლველობის საქმე, ბოლო პერიოდის ერთ-ერთ ყველაზე გახმაურებული და განხილვადი თემაა, რომელშიც აქტიურადაა ჩართული როგორც მედია, ისე საზოგადოება. 12 აგვსიტოს საქართველოს პროკურატურამ მკვლელობაში ბრალდებული 5 პირის ადვოკატი დაავალდებულა ხელი მოეწერა გაუთქმელობის შეთანხმებაზე, რომელის თანახმადაც, დაცვის მხარეს არ აქვს უფლება გაავრცელოს და გაასაჯაროოს საქმის მასალები. სახალხო დამცველი მიიჩნევს, რომ ამით შესაძლოა დაირღვეს მხარეთა თანასწორობის პირინციპი. იურისტთა მოსაზრებები კი ამ თემასთან დაკავშირებით ორად გაიყო. იურისტი და უფლებადამცველი ლია მუხაშავრია „რეზონანსთან" საუბრისას ამბობს, რომ ადგილი აქვს თანასწორობის პირონციპის აშკარა დარღვევას, ხოლო ყოფილი გენერალური პროკურორი გია მეფარიშვილი ამ საქმეში ვერც შეჯიბრებითობის და ვერც თანასწორობის პრინციპის დარღვევას ვერ ხედავს.

თამთა ჩაჩანიძე
16.08.2020

„ბოლო პერიოდში „ნაციონალური მოძრაობა" და „ევროპული საქართველო" ისევ გაემიჯნენ ერთმანეთს. ისინი ბაქრაძის განცხადებამდეც უკვე ოპონირების რეჟიმში იყვნენ და შესაბამისად, როგორც ერთმანეთის კონკურენტებისთვის, მსგავსი მიზეზები უფრო კრიტიკული შეფასების გაკეთების საფუძველია", - ასე აფასებს „რეზონასთან" საუბრისას ანალიტიკოსი არჩილ გამზარდია, „ნაციონალური მოძრაობისა" და „ევროპული საქართველოს" ახალ დაპირისპირებას.

ტატა შოშიაშვილი
16.08.2020

ბელარუსის პრეზიდენტის, ალექსანდრე ლუკაშენკოს თქმით, რუსეთი „პირველივე თხოვნისას" ბელარუსს სამხედრო დახმარებას გაუწევს ქვეყნის უსაფრთხოების დაცვისთვის. ამის შესახებ ლუკაშენკომ ბელარუსის თავდაცვის სამინისტროს სტრატეგიული მართვის ცენტრში გამართულ შეხვედრაზე განაცხადა, იუწყება ადგილობრივი საინფორმაციო საგენტო „ბელტა".

რეზონანსი
16.08.2020

ჭარბ წონის დაძლევისას  ხშირად იყენებენ სხვადასხვა სახის მოკლე დიეტებს, რომელიც საკმაოდ მიმზიდველია მოსახლეობის იმ ნაწილისთვის სწრაფად რომ სურთ შედეგის მიღება. 

ჭარბი წონის დასაკლებად მნიშვნელოვანია კვების მოწესრიგება. სწორი კვება, ანუ დიეტა აუცილებელი ნაწილია იმისათვის, რომ წონის კლების პროცესი შეუქცევადი გახდეს. 

განსაკუთრებულად პოპულარულია განტვირთვის დღეები. ბუნებრივია ამასთან დაკავშირებით არის არაერთი კითხვა.

ჩვენი გაზეთის მკითხველებს პასუხობს კლინიკა ენმედიცის ექიმი-ენდოკრინოლოგი თამარ ჩადუნელი.

ტატა შოშიაშვილი
15.08.2020

შაბათს ბელარუსის პრეზიდენტი ალექსანდრე ლუკაშენკო ტელეფონით ესაუბრა რუსეთის პრეზიდენტ ვლადიმერ პუტინს. საუბრის დეტალები არ გასაჯაროებულა, თუმცა მანამდე ლუკაშენკომ თავად ისაუბრა იმაზე, თუ რატომ სურდა პუტინთან დაკავშირება. ამის შესახებ საინფორმაციო სააგენტო „ბელტა" იუწყება.

ია აბულაშვილი
15.08.2020

„ბელარუსში მიმდინარე მოვლენებთან დაკავშირებით საქართველოს ხელისუფლება განცხადებას გააკეთბს თუ არა, ოპოზიციას საკრიტიკო მაინც ექნება, მაგრამ უნდა, რომ განცხადება გამოსტყუოს და მერე დაარტყას. ბელარუსი ყოველთვის იყო საქართველოს პარტნიორი ქვეყანა. პარტნიორ ქვეყანასთან კი ფრთხილი მიდგომაა საჭირო“, - აცხადებს პოლიტოლოგი რამაზ საყვარელიძე ბელარუსში მიმდინარე პოლიტიკურ პროცესებთან დაკავშირებით საუბრისას.

რეზონანსი
15.08.2020

„საბუი-გრემის... წყალზედ არ გრემი, რომელიც ქმნეს ქალაქად ქრისტესა და განდგომილებისა კახთა მეპატრონეთა და მყოფელმან მუნ. ანც არს შენობა და ეკლესია შეუმუსრავი. ოდეს მოაოხრა შაჰ-აბაზ, აქ არს ეკლესია გუმბათიანი, კეთილნაშენი, მთავარნგელოზისა და არს მეფე ლევან დაფლული მას შინა“, - ასე აღწერს ვახუშტი ბატონიშვილი „საქართველოს გეოგრაფიაში“ კახეთის მშვენებას გრემს.

ია აბულაშვილი
15.08.2020

„ხმების რამდენ პროცენტს დაკარგავს ჯამურად ოპოზიცია ამ დაქსაქსულობით, ამის დათვლა ასე მარტივი არ არის. მთავარია არჩევნების შემდეგ შეთანხმდნენ, თორმე ყველა ყველაფერს დაივიწყებს - ვინ ვისთან იყო, ვინ დაიფიცა სხვასთან კოალიციას არ შევქმნიო... ასეთია პოლიტიკური პრაქტიკა“, - აცხადებს პოლიტოლოგი დავით ზურაბიშვილი ოპოზიციაში მაჟორიტარ კანდიდატებთან დაკავშირებით შექმნილი სიტუაციის კომენტირებისას.


Copyright © 2006-2022 by Resonance ltd. . All rights reserved
×