პრემიერ-მინისტრ ირაკლი კობახიძის განცხადებით, აშშ-სთან სტრატეგიული პარტნიორობა მხოლოდ ფორმალური ჩარჩო არ უნდა იყოს და რეალურ შინაარსს ორმხრივი სარგებელი და მკაფიო სამოქმედო გეგმა უნდა სძენდეს.

11 ივნისს ბრიუსელში საქართველოსა და ევროკავშირის წარმომადგენლებს შორის სპეციალური სავიზო დიალოგი გაიმართება. შეხვედრა უკავშირდება ევროკავშირის მიერ ამოქმედებულ უვიზო რეჟიმის შეჩერების მექანიზმს დიპლომატიური და სამსახურებრივი პასპორტების მფლობელთათვის და მიზნად ისახავს საქართველოსგან განმარტებებისა და კონკრეტული ნაბიჯების მიღებას იმ საკითხებზე, რომლებიც ბრიუსელის შეფასებით პრობლემურად რჩება.

გამკაცრებული და თითქმის გაორმაგებული ჯარიმების ფონზე, ავტოსაგზაო შემთხვევების სტატისტიკა მაინც ყოველწლიურად მზარდი და შემზარავია. ერთია გახშირებული ავტოსაგზაო შემთხვევები და მეორე - მახრჩობელა ჯარიმები, რაც გამოსავალი ნამდვილად არ აღმოჩნდა. სწორედ ამიტომ, ხელისუფლებამ ჯარიმების შემცირება გადაწყვიტა, თუმცა სპეციალისტების აზრით, გამოსავალი არც ჯარიმების შემცირებაა. აუცილებელია, რომ კანონის აღსრულება დაიხვეწოს თანამედროვე ტექნოლოგიების საშუალებით და მართვის მოწმობის ქულათა სისტემა მიებას  ვიდეომონიტორინგის კამერებს. 

უკრაინა რუსეთის სამხედრო და ნავთობის ინდუსტრიის ობიექტებზე დარტყმებს აგრძელებს. ამასთან, უკრაინის პრეზიდენტი ვოლოდიმირ ზელენსკი შვედეთის პრემიერ-მინისტრ ულფ კრისტერსონს შეხვდა, რომლის დროსაც მათ სხვა საკითხებთან ერთად, „გრიპენის" მოიერიშე თვითმფრინავებთან დაკავშირებული შეთანხმების განხორციელების საკითხი განიხილეს.

4 ოქტომბრის საქმეზე საპროცესო შეთანხმებების სერია გრძელდება - კიდევ 14 ბრალდებულმა დანაშაული აღიარა, მტკიცებულებები უდაოდ ცნო და პროკურატურასთან შეთანხმების საფუძველზე სასამართლო დარბაზიდან გათავისუფლდა.

სწორედ იმ დღეს, როდესაც აშშ-ის კონგრესი კავკასიის რეგიონში ჩინეთის მზარდ გავლენაზე შეშფოთებას აფიქსირებდა და შესაბამისი აქტიც მიიღო, საქართველოს პრემიერ-მინისტრმა ირაკლი კობახიძემ ჩინეთთან ყოვლისმომცველი სტრატეგიული პარტნიორობის გაღრმავებასა და შეთანხმების ხელმოწერის შესახებ განაცხადა. ეს დამთხვევა, თუ დემონსტრაციულად გადადგმული ნაბიჯი კიდევ ერთხელ აჩენს კითხვას - რამდენად თავსებადია „ქართული ოცნების" ჩინური ვექტორის გაძლიერება აშშ-საქართველოს ურთიერთობების გადატვირთვის განცხადებულ მიზანთან.

„ფედერალისტების" ერთ-ერთი ლიდერი თამარ ჩერგოლეიშვილი სოციალურ ქსელში წერს, რომ ოპოზიციის ალიანსიდან „ნაციონალური მოძრაობის" გასვლა უკვე შემდგარი ფაქტია და ახლო მომავლში ალიანსის სიმბოლიკიდან „ნაცების" ლოგოს ამოიღებენ. ენმ-ში ამაზე ჯერ კომენატრს არ აკეთებენ.

შსს-ს მიერ მომზადებული საკანონმდებლო ინიციატივა იმის სამართლებრივ საფუძველს ქმნის, რომ პატიმრობაში მყოფი ექსპრეზიდენტი მიხეილ სააკაშვილი, რომელიც უცხო ქვეყნის მოქალაქეა, გაათავისუფლონ და სამუდამოდ გააძევონ საქართველოდან. კანონპროექტი პარლამენტს ახლო მომავალში წარედგინება. ოპოზიციისა და ანალიტიკოსთა ნაწილი მიიჩნევს, რომ ეს ცვლილება პირველ რიგში სწორედ სააკაშვილზეა გათვლილი.

ორი დღის წინ ცხინვალში დე ფაქტო პრემიერი ძამბოლატ ტადტაევი და მასთან ერთად ე.წ. მთავრობა გადადგა. უკვე ცნობილია მისი შემცვლელის ვინაობაც - რუსი ჩინოვნიკი მარატ კამბოლოვი, რომელიც ახლახანს დაინიშნა დე ფაქტო პრეზიდენტის მრჩევლად. მსოკოვსა და ცხინვალში ღიად აცხადებენ, რომ ეს ცვლილება „ინტეგრაციის გაღრმავების" შესახებ ახალ შეთანხმებას უკავშირდება. ქართული ოპოზიცია კი ამას ცხინვალის რეგიონის ანექსიის ახალი ეტაპის დასაწყისად მიიჩნევს.

სომხეთის პრემიერ-მინისტრმა ნიკოლ ფაშინიანმა მორიგი პოლიტიკური გამარჯვება მოიპოვა, რაც ქვეყნის შიდა და საგარეო პოლიტიკურ ცხოვრებაში მნიშვნელოვან მოვლენად შეფასდა. მიღებული შედეგი მის ხელისუფლებას მანდატის განმტკიცებისა და დაწყებული რეფორმების გაგრძელების შესაძლებლობას აძლევს.

„ნაცმოძრაობა" სამოქალაქო ჯგუფების მიერ დაანოსსებულ 20 ივნისის აქციას უერთდება. როგორც ჩანს, ეს პარტიის ინდივიდუალური გადაწყვეტილებაა და არა ოპოზიციის ალიანსთან შეთანხმებული აქტივობა. უშალოდ აქციაში მონაწილეობის გარდა, ენმ ორგანიზების კუთხით სხვადასხვა კამპანიურ ღონისძიებაში მიიღებს მონაწილეობას და „უფრო მეტ ადამიანს მოუწოდებს, რომ ანტისაოკუპაციო აქციაში ჩართოს".

ჩინეთთან როგორც სავაჭრო-ეკონომიკური, ასევე პოლიტიკური  ურთიერთობები გაღრმავდება. დასავლეთის მოთხოვნას, რომ ქვეყნებს შორის ამ ტიპის ურთიერთობები შესუსტდეს, მთავრობა საპირისპირო ნაბიჯს დგამს. სპეციალისტების განცხადებით, ჩინეთთან ურთიერთობას აქვს ძალიან დიდი პერსპექტივა აბსოლუტურად ყველა მიმართულებით და ამ  მხრივ საქართველოს მთავრობის გადაწყვეტილება მნიშვნელოვანია ქვეყნის ეკონომიკისა და მთლიანად მოსახლეობისთვის. გრძელვადიან პერსპექტივაში ეკონომიკის სათანადოდ განვითარება  სწორედ ჩინეთთან თანამშრომლობით არის შესაძლებელი.

საქართველოს მთავრობა საჯარო და კერძო უნივერსიტეტებს უცხოელი სტუდენტების ლიმიტს განუსაზღვრავს. აღნიშნულის ახალ კანონპროექტშია საუბარი, რომელიც შსს-მ მოამზადა. სპეციალისტების ნაწილი მიიჩნევს, რომ განათლების სისტემაში ამ ცვლილების აუცილებლობას ვერ ხედავს, ნაწილი კი ახალ ინიციატივას მიესალმება, რადგან უცხოელი სტუდენტის სტატუსს ბევრი საეჭვო პიროვნებაა ამოფარებული.

მიმდინარე წლის პირველ კვარტალში საქართველოში პირდაპირი უცხოური ინვესტიციების მოცულობა, შარშანდელთან შედარებით, 48%-ით გაიზარდა. სტატისტიკის ეროვნული სამსახურის ინფორმაციით, უმსხვილესი ინვესტორი ქვეყნების სამეული ასე გამოიყურება: დიდი ბრიტანეთი, აშშ, ნიდერლანდები. „რეზონანსი“ დაინტერესდა, რამ განაპირობა საქართველოში ინვესტიციების ზრდა, განსაკუთრებით იმ ქვეყნებიდან, რომლებიც საქართველოს გამუდმებით აშანტაჟებენ სანქციებით? ეკონომისტების შეფასებით, რეგიონის ქვეყნებთან შედარებით, ჩვენს ქვეყანაში მშვიდობაა, რის გამოც ინვესტორები თავს უსაფრთხოდ და დაცულად გრძნობენ.  

საერთაშორისო რეზერვების მოცულობა რეკორდულ მაჩვენებელზეა. ქვეყნის წამყვანი ფინანსური ორგანიზაციების პროგნოზი წლის ბოლოსთვის 7 მილიარდი დოლარი იყო, თუმცა მაისის მაჩვენებელი უკვე ამ დონეზეა, რაც ნიშნავს, რომ ქვეყანაში უცხოური ვალუტის სიჭარბეა. შესაბამისად, ეროვნულ ბანკს გარკვეული ზომების მიღება, ე.წ. ოქროს შუალედის დაჭერა უწევს, რომ ლარი ზედმეტად არ გამყარდეს და ჭარბი ვალუტა ამოიღოს ბრუნვიდან, რასაც აკეთებს კიდეც. სამომავლოდ ამ მიმართულებით უფრო აქტიური ნაბიჯის გადადგმა მოუწევს, როცა  დაანონსებული ინვესტიცია შემოვა ქვეყანაში და უცხოური ვალუტის მოცულობა გაიზრდება. 

საქართველოში ავტომანქანები ჭარბი რაოდენობით შემოდის. მიზეზი 2 აპრილს ამოქმედებული ახალი კანონმდებლობაა. როგორც სპეციალისტები ვარაუდობდნენ, წინასწარ დაჭრილი თადარიგის გამო ზაფხულში ავტობაზარი სრულიად გაჯერდება, რაც ფასზეც ჰპოვებს ასახვას. მოკლევადიან პერიოდში მიწოდების სიჭარბე მანქანებს გააიაფებს. რას უნდა ველოდოთ უახლოეს მომავალში, როდის გაიწოვება დაგროვებული ავტომობილების გაწოვა ბაზრიდან?

ფლეგ ფეხბურთში საქართველოს ნაკრების ანგარიშზე უკვე არის ევროპის ჩემპიონატზე წარმატებით გამოსვლა. დღეს, როცა იგი უკვე ოფიციალურად გახდა 2028 წლის ლოს-ანჯელესის ოლიმპიური თამაშების ნაწილი, ფლეგ ფეხბურთის მთავარი ენთუზიასტის, თემურ რუბენიას მიზანია, სპორტის ეს სახეობა საქართველოში მასობრივი გახდეს.

შესაძლოა, ირანთან შეთანხმება მომავალ კვირას ან რამდენიმე თვეში გაფორმდეს, - ამის შესახებ აშშ-ის ვიცე-პრეზიდენტმა, ჯეი დი ვენსმა „სი-ბი-ეს"- თან ინტერვიუში განაცხადა. „ვფიქრობ, შუალედურ არჩევნებამდე ბევრი რამ გვეცოდინება. შესაძლოა, შეთანხმება მომავალ კვირას შედგეს, ან დღეიდან რამდენიმე თვეში გაფორმდეს", - განაცხადა ჯეი დი ვენსმა. მისი თქმით, ვაშინგტონი შეთანხმებასთან „ახლოს არის".

სომხეთის საპარალემენტო არჩევნებიდან სამი დღე გავიდა და რუსეთის ხელისუფლება ნიკოლ ფაშინიანისთვის გამარჯვების მილოცვისგან თავს იკავებს. არჩევნებში მონაწილე პრორუსული ალიანსის - „სომხეთის" ლიდერი, ექსპრეზიდენტი რობერტ ქოჩარიანი არჩევნების შედეგების საკონსტიტუციო სასამართლოში გასაჩივრებას გეგმავს. კიდევ ერთი პრორუსული ბლოკის, „აყვავებული სომხეთის" ლიდერ გაგიკ ცარუკიანს 9 ივნისს ქვეყნის დატოვების უფლება არ მისცეს, რადგან მის წინააღმდეგ სისხლის სამართლებრივი დევნა დაიწყო. მესამე პრორუსული პარტიის - „ძლიერი სომხეთის" ლიდერ, ბიზნესმენ სამველ კარაპეტიანზე კი სისხლის სამართლებრივი დევნა ჯერ კიდევ 7 ივნისის არჩევნებამდე იყო დაწყებული.