საკონსტიტუციო სასამართლოს განმწესრიგებელი სხდომის დასრულებიდან ორი დღეა გასული, არასამთავრობო და მედიაორგანიზაციების რეგისტრაციის ვადაც ამოიწურა და ჯერ კიდევ არაა ცნობილი რა გადაწყვიტა პლენუმმა „გავლენების კანონთან" დაკავშირებულ ოთხ სარჩელზე - მიიღებს მას წარმოებაში და შეაჩერებს თუ არა კანონის მოქმედებას. იუსტიციის სამინისტროს კი უკვე აქვს უფლება კანონით გათვალისწინებული ზომები გაატაროს. რატომ აჭიანურებს სასამართლო გადაწყვეტილების გამოცხადებას და არასამთავრობოების რა ნაწილი დარეგისტრირდა ამ კანონით გათვალისწინებულ რეესტრში?

თუკი აქამდე ჩატარებულ არჩევნებში ექსპრეზიდენტ მიხეილ სააკაშვილის „საფრთხობლად" წარმოჩენა ამართლებდა და მმართველი პარტია თავის საარჩევნო კამპანიაში წარმატებით იყენებდა ამ ფაქტორს, ამ არჩევნებში ეს აღარ იმოქმედებს. თუმცა, „ოცნებას" რჩება ერთი გზა, რასაც, სავარაუდოდ, გააკეთებს, თუ გაუჭირდებათ. ამის შესახებ „რეზონანსთან" ყოფილი სახელმწიფო მინისტრი, კონფლიქტოლოგი პაატა ზაქარეიშვილი საუბრობს.

საშემოდგომო სესიის გახნისთანავე, ოპოზიციამ პარლამენტს ბოიკოტი გამოუცხადა. მოახლოებული არჩევნების გამო, მეათე მოწვევის პარლამენტი პლენარულ სხდომებს სექტემბრის თვეში, ორი სასესიო კვირის ფარგლებში, შემჭიდროებულად გამართავს. სესიების ფარგლებში კი დაჩქარებულად განიხილება ამნისტიის შესახებ პროექტი, ე.წ. ლგბტ პროპაგანდის წინააღმდეგ მომზადებული საკანონმდებლო პაკეტი და „პენიტენციურ კოდექსში" დაგეგმილი ცვლილებები. რა არის ბოიკოტის მთავარი მიზეზი და დაუგო თუ არა „ოცნებამ" ოპოზიციას წინასაარჩევნოდა „მახე"?

საქართველოს პრემიერ-მინისტრი ირაკლი კობახიძე სომხეთის თავდაცვის მინისტრს სურენ პაპიკიანს შეხვდა. შეხვედრა დროში ემთხვევა პრემიერ ნიკოლ ფაშნიანის განცხადებას, რომ სომხეთმა გაყინა მონაწილეობა კოლექტიური უსაფრთხოების ხელშეკრულების ორგანიზაციაში(ოდეკაბე) ყველა დონეზე. ანალიტიკოსთა ნაწილი არ გამორიცხავს, რომ რაიმე რეგიონალურ ალიანსს ეყრებოდეს საფუძველი, თუნდაც თავდაცვის კუთხით, ნაწილი კი ამას გამორიცხავს და ამბობს, რომ ეს მორიგი ჩვეულებრივი შეხვედრაა.

აზერბაიჯანის ვადამდელ საპარლამენტო არჩევნებში ილჰამ ალიევის პარტია იმარჯვებს. სავარაუდოდ, „ახალი აზერბაიჯანი" უმრავლესობას მოიპოვებს. ცენტრალური საარჩევნო კომისიის თავმჯდომარემ, მაზაჰირ პანახოვმა ბრიფინგზე განაცხადა, რომ პარტია 120 ადგილიან მილი მეჯლისში 68 მანდატს მიიღებს.

ცესკო-ში 26 ოქტომბრის პარლამენტის არჩევნებისთვის პარტიების რეგისტრაცია დასრულდა, შემდეგი ეტაპი მოიცავს პარტიული სიების წარმოდგენას, რისთვისაც მათ ვადა 26 სექტემბრამდე აქვთ. ანალიტიკოსები ამბობენ, რომ თანდათან უფრო შესამჩნევი ხდება, რომ საარჩევნო პროცესი ცხელ ფაზაში შედის და იქიდან გამომდინარე, რომ მხარეები ამ არჩევნებს განსაკუთრებულ მნიშვნელობას ანიჭებენ, ექსპერტები არ გამორიცხავენ, რომ სიტუაცია განსაკუთრებულად დაიძაბოს უშუალოდ არჩევნების პერიოდში, მათ შორის ვიხილოთ არასასურველი სცენარებიც.

მიიღებს თუ არა საკონსტიტუციო სასამართლო წარმოებაში „გავლენების კანონზე" სარჩელებს და რაც მთავარია, შეაჩერებს თუ არა კანონის მოქმედებას განხილვის დასრულებამდე - ეს, სავარაუდოდ, ორშაბათს გაირკვევა. ასევე ორშაბათს იწურება ვადა, როდესაც ის ორგანიზაციებს, რომლებზე ეს კანონი ვრცელდება, შესაბამის რეესტრში უნდა დარეგისტრირდნენ. არასამთავრობოები და პოლიტიკოსები დაძაბულ მოლოდინში არიან. ანალიტიკოსების პროგნოზები კი სასამართლოს გადაწყვეტილებასთან დაკავშირებით განსხვავებულია.

„ქართული ოცნების" საპატიო თავმჯდომარე ბიძინა ივანიშვილი წინასაარჩევნო რეგიონელური ტურნეს ფარგლებში ზედიზედ უკვე მესამედ აცხადებს, რომ ტერიტორიული მთლიანობის აღდგენა, შესაძლოა, „ნებისმიერ დროს" მოხდეს. ამის პარალელურად გაირკვა, რომ ოფიციალური მოსკოვი აფხაზეთის დე ფაქტო ხელისუფლებას ფინანსური დახმარების შეჩერებითა და ერთგვარი პერსონალური სანქციებით ემუქრება. რაზე მიანიშნებს ეს ყველაფერი და რამდენად რეალურია ოკუპირებული ტერიტორიების ახლო მომავალში მშვიდობიანად დაბრუნება?

„ოცნების" საპატიო თავმჯდომარემ, ბიძინა ივანიშვილმა ოზურგეთში, პარტიის საარჩევნო კამპანიის ფარგლებში გამართულ ღონისძიებაზე განაცხადა, რომ საპატრიარქოსთან მიღწეული შეთანხმება, რომ კონსტიტუციაში მართლმადიდებელ ეკლესიასთან დაკავშირებით ახალი ჩანაწერი გაკეთდება. საუბარია არა მართლმადიდებლობის სახელმწიფო რელიგიად გამოცხადებაზე, არამედ იმაზე, რომ „მართლმადიდებლობა არის ქართული სახელმწიფოს თვითმყოფადობის საყრდენი". ასეთი შეთანხმების არსებობა საპატრიარქოს ჯერ არ დაუდასტურებია?

არასამთავრობო სექტორში სერიოზული დისკუსია მიდის იმასთან დაკავშირებით, უნდა დარეგისტრირდნენ თუ არა „უცხოური ინეტერესების გამტარებელთა რეესტრში". ამის შესახებ „რეზონანსთან" ანალიტიკოსები საუბრობენ მოძრაობა „სირცხვილიას" გადაწყვეტილების კომენტირებისას, რომელიც ჯერ, „გამჭვირვალობის კანონის" მოთხოვნის შესაბამისად, დარეგისტრირდა „უცხოური ინეტერესების გამტარებელთა რეესტრში", ხოლო მეორე დღეს, საყოველთაო კრიტიკის შემდეგ, ამ რეგისტრაციის გაუქმების გადაწყვეტილება მიიღო.

ჩინეთთან სტრატეგიული პარტნიორობის დოკუმენტზე ხელის მოწერის შემდეგ, „ოცნება" აცხადებს, რომ ხელისუფლების საგარეო კურსი მრავალვექტორულია. ოპოზიციას კი მიაჩნია, რომ ჩინეთთან ეკონომიკური კუთხით თანამშრომლობა მისაღებია, თუმცა არ მიესალმებიან სტრატეგიულ თანამშრომლობას, საქართველოს ერთადერთი სტრატეგიული პარტნიორი დასავლეთია, ევროკავშირში გაწევრიანება კი დაპაუზებულია.

საქართველოს მთავრობამ ანაკლიის პორტზე ბელგიურ კომპანიასთან ხელშეკრულება გააფორმა, საზღვაო ინფრასტრუქტურის მშენებლობასთან დაკავშირებით. ეკონომიკის სამინისტროს ცნობით, საერთაშორისო ტენდერში "იან დე ნული" გამარჯვებულად ,,დიდი ოთხეულიდან" შეირჩა. უწყებისვე ინფორმაციით, კომპანია მუშაობდა „არაერთ მსხვილ პროექტზე", მათ შორის არის პანამის არხის გაფართოების პროექტი, სუეცის ახალი არხი ეგვიპტეში, ახალი საზღვაო პორტი მაროკოში, ჰამბურგის პორტის დაღრმავების პროექტი, დუბაის ხელოვნური კუნძული და სანაპირო.