თამთა ჩაჩანიძე
22.02.2024

ხუთშაბათს პარლამენტის თავმჯდომარე შალვა პაპუაშვილმა საკანომდებლო ორგანოს წლიური ანგარიში და მომდევნო წლის სამოქმედო გეგმა წარუდგინა. აღნიშნა, რომ 2023 წელს 65 პლენარული სხდომიდან 10-ს ოპოზიციამ ბოიკოტი გამოუცხადა, თავმჯდომარემ დაასახელა რამდენიმე კანონი, რომლებიც, მისი თქმით, მოსახლეობის კეთილდღეობის ზრდისთვის გადამწყვეტია და აღნიშნა, რომ მსგავსი კანონების განხილვის პროცესში ოპოზიციას მონაწილეობა თითქმის არ მიუღია. ამასთან თქვა, რომ ფრაქცია „ნაციონალური მოძრაობა" ნდობის ჯგუფის არცერთ შეხვედრას არ დასწრებია.

თამთა ჩაჩანიძე
22.02.2024

ნიკა მელია დაანონსებული პარტიის დაფუძნებას აჭიანურებს, მანამდე კი საუბრობენ იმ ვერსიებზე, ვისთან ერთად შეიძლება შეკრას ალიანსი ენმ-ს ყოფილმა თავმჯდომარემ. ოპოზიციის ნაწილში მიაჩნიათ, რომ შეიძლება მელიამ „მძლავრი ოპოზიციური ბლოკი" „ლელოსთან" შექმნას, თუმცა როგორც ანალიტიკოსი რამაზ საყვარელიძე „რეზონანსთან" აცხადებს, ამ პოლიტიკურ მოცემულობაში „მძლავრად" 40%-იანი ერთობა ჩაითვლება, რისი პოტენციალიც ამ შესაძლო ალიანსს არ აქვს.

ნაზი ბერიძე
21.02.2024

ბრიუსელში მყოფი პრემიერ-მინისტრი ირაკლი კობახიძე აცხადებს, რომ საქართველო 2030 წლისთვის „ყველა კანდიდატ ქვეყანაზე მეტად" იქნება მზად ევროკავშირის წევრობისთვის. ევროკომისარი ოლივერ ფარჰეი კი ფიქრობს, რომ ეს არის „ორმხრივი გზა" და თუკი საქართველო მართლაც მზად იქნება წევრობისათვის, ევროკავშირიც მზად უნდა იყოს მის მისაღებად. რამდენად რეალისტურია ახალი პრემიერის პროგნოზი და რა ფაქტორებზე იქნება დამოკიდებული საქართველოს საბოლოო ინტეგრაცია ევროკავშირში?

თამთა ჩაჩანიძე
21.02.2024

პრეზიდენტი სალომე ზურაბიშვილი მიიჩნევს, რომ საარჩევნო კოდექსში ცვლილებები, რომელიც უმრავლესობამ მიიღო, წინააღმდეგობაშია როგორც ვენეციის კომისიის, ასევე ევროკავშირის 9 რეკომენდაციასთან და ვეტოს დაადებს. „ოცნება" პრეზიდენტის ნაბიჯს უსამართლოს და მავნებლურ პოლიტიკას უწოდებს და აცხადებს, რომ მას უმრავლესობა დაძლევს. ოპოზიციაში კი აზრი ორადაა გაყოფილი - ნაწილი ფიქრობს, რომ ვეტო აუცილებელია, ნაწილი კი ამას პრეზედენტისა და მმართველი პარტიის „დამპლური თამაშების" გაგრძელებად მიიჩნევს.

ელზა პაპოშვილი
21.02.2024

ოპოზიციურ ფლანგზე გაზაფხულისთვის მოსალოდნელი დიდი გადაჯგუფების კონტურები თანდათან უფრო იკვეთება. „მთავარი ახრის“ დამფუძნებელი ნიკა გვარამია მარტში გეგმავს თავისი პარტიის პრეზენტაციას და აქედანვე იწყებს დისტანცირებას ენმ-საგან. მანამდე ასევე უნდა გაირკვეს ენმ-ის ყოფილი თავმჯდომარე ნიკა მელიას გეგმები, რომელმაც თავისი პარტიის პრეზენტაცია თებერვალში აქვს დაანონსებული.

რეზონანსი
21.02.2024

ოკუპირებული აფხაზეთის ე.წ. პრეზიდენტმა, ასლან ბჟანიამ რუსულ საინფორმაციო სააგენტო „ტასს"-თან ინტერვიუში საქართველოს ხელისუფლებაზე საკმაოდ პოზიტიურად ისაუბრა და „პოლიტიკური სიმწიფისათვის" შეაქო კიდეც. ყოფილი სახელმწიფო მინისტრი და კონფლიქტოლოგი პაატა ზაქარეიშვილი მიიჩნევს, რომ ეს მოსკოვიდან კოორდინირებული ერთგვარი პიარ კამპანიის ნაწილია.

ნაზი ბერიძე
21.02.2024

უნგრეთი ევროკავშირის გაფართოების პროცესში, შესაძლოა, ევროკავშირის „დაშანტაჟებას" შეეცადოს - იგი უკრაინისა და მოლდოვისათვის მოლაპარაკების გახსნას მხოლოდ იმ შემთხვევაში დათანხდება, თუ იგივე გადაწყვეტილება საქართველოსთან დაკავშირებითაც იქნება მიღებული. ასეთ მოსაზრებას „რადიო თავისუფლების" ევროპის ბიუროს ხელმძღვანელი რიკარდ იოზვიაკი გამოთქვამს სამშაბათს გამართული ასოცირების საბჭოს სხდომის ფორმატიდან გამომდინარე.

ელზა პაპოშვილი
20.02.2024

ახალი პრემიერის ირაკლი კობახიძე პირველი ვიზიტით ბრუსელს ეწვია. სამშაბათს მისი მონაწილეობით გაიმართა საქართველო-ევროკავშირის ასოცირების საბჭოს სხდომა. ირაკლი კობახიძე ბრიუსელში შეხვდა ევროპული სამეზობლო პოლიტიკისა და გაფართოების საკითხებში ევროკომისარ ოლივერ ვარჰეის, ევროპული საბჭოს პრეზიდენტს შარლ მიშელს და ევროკავშირის უმაღლეს წარმომადგენელს, ევროკომისიის ვიცე-პრეზიდენტს, ჯოზეფ ბორელს. როგორ შეფასდა ახალი პრემიერის პირველი საგარეო ვიზიტი და რაზე გაკეთდა აქცენტები ამასთან დაკავშირებით ოფიციალურ განცხადებებში?

ნაზი ბერიძე
20.02.2024

პარლამენტმა საარჩევნო ადმინისტრაციის ფორმირების წესთან დაკავშირებით საარჩევნო კანონმდებლობასა და რეგლამენტში დაგეგმილ ცვლილებებს მესამე მოსმენით მხარი დაუჭირა. ოპოზიცია აცხადებს, რომ ამით ხელისუფლებამ ევროკავშირის 9 რეკომენდაციიდან ერთის შესრულება უკვე ჩააგდო. პრეზიდენტი კი ახალ კანონზე ვეტოს დასადებად ემზადება.

თამთა ჩაჩანიძე
20.02.2024

ექსპრეზიდენტი მიხეილ სააკაშვილი წინასაარჩევნო კამპანიაში აქტიურად ერთვება, ამასთან აცხადებს, რომ რჩება „უკრაინის ლოიალურ მოქალაქედ". იურისტების განმარტებით, უცხო ქვეყნის მოქალაქეს თავისთავად ეკრძალება როგორც არჩევნებში კანდიდატურის დაყენება და ხმის მიცემა, ისე საარჩევნო პროცესში ჩართვა და თუნდაც პრემიერ-მინისტრობის კანდიდატურის წამოყენება ჩრდილოვან კაბინეტში. თუმცა, როგორც იურისტი და უფლებადამცველი ლია მუხაშავრია „რეზონანსთან" აცხადებს, კონკრეტულად რა აკრძალვა აქვს დარღვეული და რა ქმედება აქვს განხორციელებული, სასამართლომ ყოველი კონკრეტული შემთხვევა ცალკ-ცალკე უნდა განიხილოს და ცალ-ცალკე დაადგინოს რა სასჯელი თუ სახდელია ამისთვის.

ნაზი ბერიძე
20.02.2024

რუსეთი აუცილებლად შეეცდება საქართველოში წელს დაგეგმი საპარლამენტო არჩევნებში ჩარევას - ამის შესახებ „რეზონანსთან" ანალიტიკოსები საუბრობენ და სხვა ქვეყნების გამოცდილებიდან გამომდინარე, იმაზეც საუბრობენ, თუ რაში შეიძლება ეს გამოიხატოს. მათი ნაწილი კი მიიჩნევს, რომ ეს ჩარევა უკვე დაწყებულია. გარდა ამისა, რუსეთის შესაძლო ჩარევაზე საუბრობენ როგორც პრეზიდენტი სალომე ზურაბიშვილი, ისე მმართველი პარტიის წარმომადგენლები.

თამთა ჩაჩანიძე
19.02.2024

ოპოზიცია ჩრდილოვან კაბინეტზე გავრცელებულ ინფორმაციას უარყოფს და „სუს-ისა და „ოცნების" მიერ გავრცელებულ ჭორს" უწოდებს. მმართველი პარტია კი აცხადებს, რომ ის გვარები, რომლებიც ამ ჩრდილოვანი კაბინეტის შემადგენლობაშია, ამომრჩეველს უბიძგებს, რომ „მათ ხმა არ მისცეს". ამასთან, საპარლამენტო უმრავლესობაში ოპოზიციას დიდ „ერთიან ნაციონალურ მოძაობად" მოიხსენიებენ.


Copyright © 2006-2024 by Resonance ltd. . All rights reserved
×