უნგრეთს თავად აქვს პრობლემები ევროკავშირის შიგნით და აქედან გამომდინარე, მისი მხრიდან საქართველოს საკითხზე შესაძლო „ვაჭრობა" დადებითად ვერ აისახება ჩვენს ევროპულ პერსპექტივაზე. ასე აფასებენ ანალიტიკოსები „რადიო თავისუფლების" ევროპის ბიუროს რედაქტორის, რიკარდ იოზვიაკის მიერ ანონიმურ წყაროზე დაყრდნობით გავრცელებულ ინფორმაციას.

არსებობს თუ არა საქართველოში „შავი ხვრელები“, რომლის მეშვეობითაც რუსები, საქართველოს ტერიტორიის გამოყენებით, სანქციებისთვის გვერდის ავლას ახერხებენ? სწორედ ამის გასარკვევად საქართველოში სანქციების ჯგუფის ამერიკელი  და ბრიტანელი წევრები ეწვივნენ, რომლებმაც დახურულ კარს მიღმა ხელისუფლებასთან შეხვედრები გამართეს. მათ ჟურნალისტებისთვის გამართულ პრესკომფერენციაზე განაცხადეს, რომ არსებობს 38 დასახელების საყოფაცხოვრებო ელექტრო მოწყობილობები, რომლის ჩიპებსაც რუსები სამხედრო დანიშნულებით იყენებენ. საქართველოდან სწორედ ამ მოწყობილობების ტვირთბრუნვაა გაზრდილი, რაც იძლევა ეჭვის საფუძველს, რომ ვიღაცამ „შავი ხვრელი“ შექმნა და რუსებს დაწესებული სანქციების გვერდის ავლაში ეხმარება.

27 ივნისს თავის საცხოვრებელ სახლთან ნიღბიანემა სცემეს „ნაციონალური მოძრაობის" სამეურნეო სამსახურის თანამშრომელი, დავით ოსიყმიშვილი; ასევე ქუჩაში აგინეს „დროას" ერთ-ერთ ლიდერ ბათუ ქუთელია და ასევე თავს დაესხნენ ტელეკომპანია „ფორმულის" ერთერთ დამფუძნებელსა და ტელეწამყვანს მიშა მშვილდაძეს. იკვეთება თუ არა ძალადობის ფაქტებში პოლიტიკური მოტივი და რამდენად საფუძვლიანია ოპოზიციის ბრალდება, რომ ეს ყველაფერი როგორც მინიმუმ ხელისუფლების მიერაა წახალისებული და შესაძლოა ორგანიზებულიც?

უკრაინული ძალები ფრონტის რამდენიმე მიმართულებით სამხრეთითა და აღმოსავლეთით  წარმატებით მიიწევენ - მელიტოპოლში, ბერდიანსკსა და ბახმუტში, უკრაინელებს შესამჩნევი წინსვლა აქვთ. უკრაინის გენშტაბის ინფორმაციით, ნოვოდარივკა - პრიიუტნე, ნოვოდანილივკა - რობოტინის მიმართულებით უკრაინელი სამხედროები წარმატებით აგრძელებენ სროლას მტრის იდენტიფიცირებულ სამიზნეებზე. ასევე, თავდაცვის ძალები ახორციელებენ შეტევითი მოქმედებების ბახმუტის მიმართულებით ორიხოვეს დასახლებების მიდამოებში. 

მოახლოებული ნატოს ვილნიუსის სამიტის ფონზე, რომელიც 11-12 ივლისს ვილნიუსში გაიმართება, ალიანსის გენერალური მდივანი იენს სტოლტენბერგი ვილნიუსში, პრეზიდენტის სასახლეში ლიტვის პრეზიდენტს გიტანას ნაუსედას შეხვდა.

შეერთებული შტატები გააგრძელებს კერძო სამხედრო დაჯგუფება „ვაგნერზე" ზეწოლას, რათა მის დაქირავებულ მებრძოლებს ჩამოართვან შესაძლებლობა , დათესონ ქაოსი და ძალადობა მსოფლიოში, - ამის შესახებ თეთრი სახლის სტრატეგიული კომუნიკაციების კოორდინატოტრმა ეროვნული უსაფრთხოების საკითხებში, ჯონ კირბიმ განაცხადა.

უკრაინელმა სამხედროებმა დონეცკის ოლქის სოფელ რივნოპოლზე კონტროლი დაიბრუნეს. ამის შესახებ ინფორმაციას უკრაინული მედია, თავდაცვის მინისტრის მოადგილეზე, ანა მალარზე და 31-ე ცალკეულ მექანიზებულ ბრიგადაზე დაყრდნობით ავრცელებს.

წარუმატებელი სამხედრო აჯანყების შემდეგ რუსეთში შედარებით დასტაბილურებული სამხედრო-პოლიტიკური ვითარების ფონზე ანალიტიკოსები „რეზონანსთან" უახლოეს მომავალში რუსეთის მოქალაქეების საქართველოში მასობრივ შემოდინებას არ ელიან - თუმცა, გამორიცხული არ არის, რომ ჩვენს მეზობელ ქვეყანაში სიტუაცია კვლავ დაიძაბოს. საქართველოს ხელისუფლების წარმომადგენლებიც რაიმე საფრთხეს ამ ეტაპზე უარყოფენ.

რუსული სამხედრო კომპანია „ვაგნერის" ხელმძღვანელმა ევგენი პრიგოჟინის ამბოხს დასავლეთის მხრიდან აქტიური რეაქცია მოჰყვა - ლიეტუვის პრეზიდენტის, გიტანას ნაუსედას განცხადებით, ნატოს აღმოსავლეთ ფლანგის გაძლიერება დასჭირდება, თუ ბელარუსი პრიგოჟინს მიიღებს. ანალიტიკოსებს „რეზონანსთან" განვითარებული მოვლენების ფონზე ცალსახა პასუხი აქვთ - რუსეთი დასუსტდა, რაც სარისკოა განსაკუთრებით მისი მეზობელ სახელმწიფოებისთვის. ასევე, დასავლეთისთვის, რაც უსაფრთხოების ზომების გაზრდას ითხოვს, განსაკუთრებით ნატოს მხრიდან.

23-24 ივნისის მოვლენებმა და სამხედრო გადატრიალების მცდელობამ რუსეთში აჩვენა, რომ ასეთი არაპროგნოზირებადი ქვეყნის მეზობლობა საქართველოს დამატებით გამოწვევებს უქმნის, რომელთა პრევენციასა და აღკვეთაზე ხელისუფლებამ ახლავე უნდა დაიწყოს მუშაობა. ამ შაბათ-კვირას რუსეთი სამხედრო გადატრიალებისა და სამოქალაქო ომის ზღვარზე იდგა. ამჯერად ყველაფერი შედარებით მშვიდობიანად დასრულდა, მაგრამ, რა მოხდება მსგავსი მოვლენების გამეორების შემთხვევაში, თუკი უკრაინის ფრონტზე წარუმატებლობის შემდეგ რუსი სამხედროების ნაწილი იარაღს საკუთარი ხელისუფლების წინააღმდეგ მიმართავს, როგორც ერთხელ უკვე მოხდა პირველი მსოფლიო ომის დროს?

შაბათს რამდენიმე საათის განმავლობაში რუსეთი სამოქალაქო ომის ზღვარზე იდგა. ამბოხებული „ვაგნერელები“ უკვე მოსკოვიდან 200 კილომეტრში იმყოფებოდნენ. როსტოვის ცენტრში თავად „ვაგნერის“ ხელმძღვანელი ევგენი პრიგოჟინი იყო გამაგრებული, მის გასანადგურებლად გაგზავნილ „კადიროველებს“ კი ქალაქის გარეუბნებში ჰქონდათ მოწყობილი პოზიციები და იერიშისათვის ემზადებოდნენ. თუმცა, საბოლოოდ, პრიგოჟინის მიერ გამოცხადებული „სამართლიანობის მარში“ მშვიდობიანად დასრულდა.

ვორონეჟის ოლქში ევგენი პრიგოჟინის „ვაგნერისა“ და სამთავრობო ძალებს შაბათს შუადღისას შეტაკებები დაიწყო. ამბოხებული „ვაგნერელების“ მთავარი შტაბი როსტოვში მდებარეობს, მოწინავე ნაწილები კი უკვე ვორონეჟში არიან. თავად პრიგოჟინი აცხადებს, რომ მოსკოვამდე აპირებს ჩასვლას, თუმცა, როგორც სამხედრო ანალიტიკოსები „რეზონანსთან“ ამბობენ, მის განკარგულებაში ამ ეტაპისთვის არსებული ძალებით მოსკოვის აღება პრაქტიკულად შეუძლებელია.