თამთა ჩაჩანიძე
21.03.2024

მმართველი პარტია აცხადებს, რომ არასამთავრობო ორგანიზაციები „დღემდე თავს იკავებენ ფინანსური ანგარიშების გამოქვეყნებისგან", უცხოურ დონორებს კი მოუწოდებენ დაინტერესდნენ, „რისთვის აძლევენ თანხებს" მათ მიერ დაფინანსებულ არასამთავრობო ორგანიზაციებს. ანალიტიკოსები უშვებენ იმ ვარიანტს, რომ „უცხოური აგენტების შესახებ" კანონპროექტი პარლამენტში კვლავ დაბრუნდეს სახეცვლილი, ან „ჰიპოთეტურად შესაძლებელია კანონმდებლობაში რაღაც ცვლილებები მოხდეს იმისათვის, რომ ვალდებულება გახდეს არასამთავრობოებმა საკუთარი ანგარიშები წარმოადგინონ".

თამთა ჩაჩანიძე
20.03.2024

წვრილი პარტიები არჩევნებში იმის რისკს ხედავენ, რომ პარლამენტში შესაძლოა მხოლოდ ენმ და „ქართული ოცნება" მოხვდნენ. ამ დრომდე გამოქვეყნებულ კვლევებშიც დიდწილად ბარიერს ორი პარტია ლახავს, თუმცა, ანალიტიკოსები მიიჩნევენ, რომ დღეის პოლიტიკური მოცემულობით, დამატებით კიდევ ოთხი პარტიაა, რომლებსაც ბარიერის გადალახვის პოტენციალი აქვთ, თუმცა, ეს წინასაარჩევნო კამპანიაზეა დამოკდიებული.

თამთა ჩაჩანიძე
20.03.2024

საქართველოში ევროკავშირის წარმომადგენლობას გარკვეული გზავნილები აქვთ თუ რა ნაბიჯები უნდა გადავდგათ, რომ ინტეგრაცია დაჩქარდეს. მათი შეფასებით, ვინაიდან საქართველო ევროკავშირში გაწევრიანების გზას დაადგა, პოლიტიკურმა ლიდერებმა კონსტრუქციულად, ერთად უნდა იმუშაონ, ჩართონ სამოქალაქო საზოგადოება და ბიზნესი საქართველოს მოსახლეობის ევროპული მისწრაფებების განსახორციელებლად.

ნატალია ჯვარიძე
19.03.2024

მოყვება თუ არა მასშტაბური პროტესტი ლგბტ პროპაგანდის წინააღმდეგ კანონპროექტის პარლამენტში ინიცირებას და რაში სჭირდება ეს მმართველ პარტიას? ოპოზიციაზე უფრო მეტად, მოსალოდნელ საპროტესტო გამოსვლებზე ბოლო დღეებში განსაკუთრებით აქტიურად საუბრობენ თავად „ქართულ ოცნებაში". ანალიტიკოსთა აზრით, აქციები მოსალოდნელია, თუმცა არა მასშტაბური. თავად ეს კანონპროექტი კი ერთგვარი პოლიტიკური მახეა, რომელიც წინასაარჩევნოდ „ოცნებამ" ოპოზიციას დაუგო.

ელზა პაპოშვილი
19.03.2024

ოპოზიციურ ფლანგს საპარლამენტო არჩევნებში „ქართული ოცნების“ დასამარცხებლად, სულ მცირე  საარჩევნო ყუთთან გადაუწყვეტელი ამომრჩევლის მიყვანა სჭირდება. ამისთვის კი, როგორც ანალიტიკოსები და თავად ოპოზიციის წარმომადგენლები აცხადებენ, დაქსაქსული ოპოზიციის გაერთიანება-გამსხვილებაა საჭირო. 

ნატალია ჯვარიძე
19.03.2024

რუსეთი შეეცდება აღიდგინოს შერყეული პოზიციები შავ ზღვაზე და ამაში სოხუმისა და ოჩამჩირეს პორტებიც იქნება ჩართული - ამის შესახებ „რეზონანსს" სამხედრო ანალიტიკოსმა ვახტან მაისაიამ განუცხადა ვლადიმირ პუტინის გეგმების კომენტირებისას. მისივე თქმით, რუსებს განსაკუთრებით დისკომფორტს რუმინეთში ახლად შექმნილი ნატოს სპეციალური წყალქვეშა სამხედრო ბაზა უქმნის.

თამთა ჩაჩანიძე
19.03.2024

მიმდინარე კვირის ბოლოს სომხეთსა და აზერბაიჯანს შორის, შესაძლოა, ახალი ომი დაიწყოს, თუ სომხეთის ხელისუფლება ორ ქვეყნის სახემწიფოს საზღვრის კორექტირებას ახლავე არ დათანხმდება. ამის შესახებ სომხეთის პრემიერი ნიკოლ ფაშინიანი აცხადებს. მანამდე ბაქომ ერევანს რვა სოფლის „დაუყოვნებლივ, ყოველგვარი პირობის გარეშე" გადაცემა მოსთხოვა, ამის საპირწონედ კი სომხეთის მთავრობა ასახელებს აზერბაიჯანის ტერიტორიაზე მდებარე 31 სოფელს, რომელიც მათი თქმით სომხეთს ეკუთვნის, რაც ბაქომ კატეგოირულად უარყო.

თამთა ჩაჩანიძე
18.03.2024

ნატო კვლავაც რჩება ევროატლანტიკური უსაფრთხოების მთავარ გარანტად. მოხარული ვარ, რომ დღეს ჩვენ კიდევ ერთხელ განვიხილეთ ნატო-საქართველოს თანამშრომლობის საკითხები და ასევე, ჩვენი ინტეგრაციის პროცესი - ამის შესახებ საქართველოს პრემიერ-მინისტრმა ირაკლი კობახიძემ ნატოს გენერალურ მდივანთან იენს სტოლტენბერგთან ერთობლივი ბრიფინგის დროს განაცხადა.

თამთა ჩაჩანიძე
18.03.2024

„ნაცმოძრაობა" მიესალმება ოპოზიციონერების ისეთ გაერთიანებას, რომლითაც „ხმები არ დაიკარგება" არჩევნებში. პარტიის თავმჯდომარე ლევან ხაბეიშვილი აცხადებს, რომ უმჯობესი იქნება, ოპოზიციონერმა პოლიტიკოსებმა „პირადი ამბიციები გვერდზე გადადონ და დიდი ერთობა შექმნან", თუმცა, როგორც ანალიტიკოსები ამბობენ, ენმ-ს წესით ეს ერთობა არ უნდა აწყობდეს, რადგან ამ დიდი ერთობით ნაკლებ ხმებს აიღებენ პარტიები, ვიდრე ცალკ-ცალკე

ელზა პაპოშვილი
17.03.2024

რისთვის ჩამოდის საქართველოში ნატოს გენერალური მდივანი და რა იქნება მისი მთავარი გზავნილი? ანალიტიკოსები „რეზონანსთან“ ამბობენ, რომ პირველ რიგში ეს არის რუსეთისთვის საჩვენებელი ვიზიტი, რომ ნატო თავის მოკავშირეებს უყურადღებოდ არ დატოვებს. მეორეს მხრივ კი, სტოლტენბერგისაგან უკრაინა-რუსეთის ომთან დაკავშირებით  გარკვეული გზავნილები ექნება. 

რეზონანსი
16.03.2024

შეუერთდებიან თუ არა გვარამია-მელიას პარტიას „ქართული ოცნების" ყოფილი წევრები და როგორ იმოქმედებს ეს პარტიის იმიჯსა და რეიტინგზე? მმართველი პარტიის ყოფილი დეპუტატი გედევან ფოფხაძე უკვე „ახალის" წევრია და როგორც პარტიის თანათავმჯდომარე ნიკა გვარამია აცხადებს, ეს ამ ტენდენციის მხოლოდ დასაწყისია.

ელზა პაპოშვილი
15.03.2024

„ნაციონალური მოძრაობის" პიარს წინასაარჩევნოდ კვლავ ამერიკელი პიარ-კონსულტანტი ჯერემი როზნერი გაუძღვება. ოპოზიციურმა პარტიამ გეგმის  ნაწილის შესრულება კახეთიდან დაიწყო - „დიდი პრობლემა“, „ქვეყანა იცლება, ეკონომიკა ჩიხშია“, გაზეთები და პოსტერები ამ გზავნილებით ოპოზიციური პარტიის წევრებმა თელავში დაარიგეს.  


Copyright © 2006-2024 by Resonance ltd. . All rights reserved
×