უმძიმესი დანაშაული, რომელშიც თურქი მოდელი და ინფლუენსერია ბრალდებული. როგორც თურქული მედია წერს, გიზემ კარამელაკი, ძმასთან და კიდევ სამ თანამზრახველთან ერთად მაშინ დააკავეს, როდესაც ის საქართველოს საზღვრის გადალახვას ციდლობდა. ქალის და მისი თანამზრახველების დაკავების მიზეზი კი უმძიმესი დანაშაული გახდა, რომელშიც მოდელი და მისი ოჯახის წევრები არიან ეჭვმიტანილები. 

ესპანეთში ქართული დანაშაულებრივი ჯგუფის წევრები დააკავეს, რომლებიც ბინებს კარგად დაგეგმილი სქემის მიხედვით ძარცავავდნენ. ესპანური მედიის ინფორმაციით, დაჯგუფების წევრები მთელი ქვეყნის მასშტაბით მოქმედებდნენ და პოლიცია მათ კვალზე რომ არ გასულიყო, ერთი და იგივე ქალაქში დიდ ხნის განმავლობაში არ ჩერდებოდნენ. ისინი საცხოვრებელ და სამოქმედო არეალს სწრაფად იცვლიდნენ. 

პოლიცია ამ დრომდე ეძებს იმ პირებს, რომლებმაც კასპში შშმ პირზე იძალადეს და სასტიკად სცემეს. ეს შემზარავი ფაქტი კი რამდენიმე დღის წინ მოხდა.  განსაკუთრებული საჭიროებების მქონე 33 წლის გიორგი ედიშერაშვილს უჭირს საუბარი და გადადგილება. მას მრავლობითი მოტეხილობები აქვს. ასევე თავზე რამდენიმე მძიმე ტრავმა აქვს მიყენებული. მსხვერპლი ამ დრომდე კლინიკაში რჩება. ოჯახი ამტკიცებს, რომ პოლიციას თავდამსხმელები იდენტიფიცრებული ჰყავს, თუმცა ამ დრომდე სამართალდამცველებმა მათ კვალს ვერ მიაგნეს. მომხდარზე გამოძიება ძალადობის მუხლით მიმდინარეობს, თუმცა დღემდე უცნობია რა გახდა შშმ პირზე თავდასხმის მიზეზი. დაზარალებული თავს ჯართის შეგროვებით ირჩენდა.    

კახეთში, გურჯაანის რაიონის სოფელ ვეჯინში მომხდარი მკვლელობის ახალი დეტალები ხდება ცნობილი. 35 წლის ბექა ჯანიაშვილს ცეცხლსასროლი იარაღით მკვლელობაში ეჭვმიტანილი 90-წლამდე მეზობელი კოლა გაბიტაშვილია. მკვლელობის  შესახებ მეზობლები საუბრობენ და „რეზონანსთან“ ამბობენ, რომ მეზობელს შორის დავის საგანი მიწის ნაკვეთია, რომელიც მათ ეზოებს ერთმანეთთან აკავშირებს. მკვლელობაში ბრალდებული მოხუცი ამტკიცებდა, რომ ეს გზა მისი იყო და იქ მეზობლებს სიარულის უფლება არ ჰქოდათ. როგორც ადგილობრივები ამბობენ, ამის გამო წლებია მათ კონფლიქტი აქვთ, თუმცა, ვერავინ წარმოიდგენდა, რომ მოხუცი მსგავს დანაშაულს ჩაიდენდა.

იტალიაში მასშტაბური სპეცოპერაციის შედეგად, იტალიურმა პოლიციამ ქართველების 5 კაციანი ჯგუფი დააკავა. როგორც იტალიური მედია წერს, სერიული ქურდობების ფაქტზე, სალერნოში ქართველების კარგად ორგანიზებული კრიმნალური დაჯგუფება აიყვანეს. გამოძიების ინფორმაციით, ნაქურდალი საერთო ღირებულება 100 ათას ევროს აღემატება. დაჯგუფების სამიზნე ობეიქტებს კი მდიდრული სახლები და სავაჭრო ცენტრები წარმოადგენდა.

რა გახდა ბაღდათში სოფელ დიმში, ქვევრში ორი ადამიანის  გაიგუდვსი მიზეზი ამის დადგენას გამოძიება ცდილობს, თუმცა, წინასწარი ვერსიით, 40 წლის და 70 წლის მამაკაცები ე.წ. ჭაჭის გაზმა გაგუდა. როგორც ადგილობრივები ყვებიან, ახალგაზრდა მამაკაცს სახლში სტუმრად მეზობლები ჰყავდა სურდა მათ ე.წ. ჭაჭით გამასპინძლებოდა. მას თან მეზობელიმ 70 წლის მამაკაცი გაჰყვა. ქვევრში ჯერ ახალგაზრდა ჩავიდა, ხოლო მეზობელი ზემოთ ელოდებოდა, რომ ჭაჭა მიეწოდებინა. როდესაც ქვევრში ჩასული ახალგაზრდა აღარ გამოჩნდა და არც მოხუცის დაძახებულზე ჰქონდა რეაგირება, ისიც ქვევრში ჩავიდა, თუმცა ე.წ. გაზმა ისიც გაგუდა. 

გარდაბნის რაიონში, სოფელ ფოლადიანთკარში ავტოვარიის შემდეგ მასობრივი ჩხუბი მოხდა. ავტომობილი ელექტროგადამცემ ბოძს დაეჯახნენ. ავარიის შედეგად, არსებული ინფორმაციით, არავინ დაშავებულა, მაგრამ სოფელი უშუქოდ დარჩა. ავარიის ადგილზე მისულ ადგილობრივებსა და მანქანის მგზავრებს შორის კი მასობრივი ჩხუბი მოხდა, რის შემდეგაც რამენიმე ადამიანს სამედიცინო დახმარება დასჭირდა.

პროკურატურამ კასპის მუნიციპალიტეტში მომხდარი ოჯახის წევრის განზრახ მკვლელობის ფაქტზე ერთ პირს ბრალდება წარუდგინა. გამოძიებით დადგინდა, რომ 22 აგვისტოს, სოფელ ქვემო ხანდაკში, ბრალდებულმა გენდერული შეუწყნარებლობის მოტივით, საცხოვრებელი სახლის ეზოში, მეუღლეს დანით ჭრილობები მიაყენა, რის შედეგადაც დაზარალებული ადგილზე გარდაიცვალა. 

სროლა ბათუმში - ორი დაჭრილი და ერთი დაშავებული მამაკაცი. შეიარაღებული თავდასხმა  ერთ-ერთ ავტოსახელოსნოსთან მოხდა - გავრცელებული ინფორმაციით, დამნაშავე ორ  ხელოსანს ავტომობილით შეეჯახა, ორს კი ცეცხლსასროლი იარაღიდან ესროლა. დაჭრილები მამა-შვილი არიან. თავდამსხმელი დანაშაულის ადგილიდან მიიმალა. თუმცა, პოლიციამ მისი  დაკავება ცხელ კვალზევე შეძლო. 

ქვეყანაში მოზარდებზე ძალადობის სტატისტიკა მზარდი და შემაშოთებელია. ოფიციალური მონაცემებით, მხოლოდ 2023 წლის პირველ 6 თვეში, სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოში ბავშვთა მიმართ ძალადობის 793 შემთხვევაზე შევიდა შეტყობინება და მათგან ძალადობა 171 ფაქტზე დადასტურდა. ამის შესახებ ინფორმაცია სააგენტოს სტატისტიკურ მონაცემებშია ასახული, თუმცა არ არის დაკონკრეტებული ძალადობის რომელ სახეებზეა საუბარი.

ფემიციდის უმძიმესი შემთხვევა მარნეულში - სოფელ სადახლოში კაცმა ცოლი მოკლა, შვილი კი, რომელმაც მისთვის წინააღმდეგობის გაწევა და დედის დახმარება სცადა, დაჭრა. 15 წლის მოზარდი ამ ეტაპზე საავადმყოფოშია გადაყვანილი და მის ჯამრთელობას საფრთხე არ ემუქრება. 

სამშენებლო უსაფრთხოების წესების დარღვევა თუ უბედური შემთხვევა - რა გახდა რიკოთზე დასაქმებული მუშის გარდაცვალების მიზეზი? რიკოთის უღელტეხილზე, სურამი-ჩუმათელეთის მონაკვეთზე ერთი მუშა დაიღუპა და ერთი დაშავდა. ცნობილია, რომ დაზიანებები გარდაცვლილსაც და დაშავებულსაც მიღებული აქვთ საამქროში მუშაობის დროს, სადაც მშენებლობისთვის საჭირო კონსტრუქციებს ამზადებენ.  დაღუპული ჩინეთის მოქალაქეა, დაშავებული კი - საქართველოსი.