24 თებერვალი განსაკუთრებული თარიღია. მაშინაც კი, რომ არსებობდეს განზრახვა ან შესაბამისი ნაბიჯები არჩევნების დაჩქარებისკენ, მჯერა, რომ ასეთი თარიღის პოლიტიკაზე სასაუბროდ გამოყენება სრულიად სულელური იდეა იქნებოდა, - ამის შესახებ უკრაინის პრეზიდენტი ვოლოდიმირ ზელენსკი სოციალურ ქსელში წერს.

დასავლური მედიის ცნობით, გაზაფხულზე უკრაინაში შესაძლოა საპრეზიდენტო არჩევნები და ასევე რუსეთთან სამშვიდობო შეთანხმებაზე რეფერენდუმი ჩატარდეს. კიევში ამ ცნობას ჯერჯერობით არ ადასტურებენ და აცხადებენ, რომ ყველაფერი დამოკიდებული იქნება უსაფრთხოების საკითხებზე. გარდა ამისა, უკრაინული კანონმდებლობა ომის პირობებში არჩევნებს კრძალავს, თუმცა, არსებული ინფორმაციით, უკრაინის რადა უკვე მუშაობს შესაბამის ცვლილებაზე, რომელიც საომარი მდგომარეობის დროს არჩევნებს შესაძლებელს გახდის.

ევროკავშირში უკრაინის გზაზე შესაძლოა ისტორიული შუალედური ნაბიჯი გადაიდგას. გამოცემა „პოლიტიკოს" ინფორმაციით, ბრიუსელი განიხილავს უპრეცედენტო მოდელს, რომელიც კიევს ევროკავშირში სრულუფლებიან წევრობამდე ნაწილობრივ ინტეგრაციის საშალებას უკვე მომავალ წელს მისცემს. პარალელურად, გეგმა პოლიტიკურ წინააღმდეგობასაც აწყდება - უნგრეთის ვეტოს რისკიდან ტრამპის შესაძლო გავლენამდე.

აშშ-ის პრეზიდენტის, დონალდ ტრამპის განცხადებით, აპრილში ჩინეთში ჩასვლას გეგმავს, წლის ბოლოს კი თეთრ სახლში ჩინეთის ლიდერ სი ძინპინს უმასპინძლებს. „მე იქ აპრილში მივდივარ, ის კი წლის ბოლოსკენ ჩამოვა. ის თეთრ სახლში მოდის, დიახ, წლის ბოლოსკენ", - აღნიშნა ტრამპმა NBC News-თან ინტერვიუში.

თუ ევროპა რუსეთს თავს დაესხმება, ის არა სპეციალურ სამხედრო ოპერაციას, არამედ სრულმასშტაბიან სამხედრო პასუხს მიიღებს, - ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა. მისი მტკიცებით, რუსეთი უკრაინაში „სპეციალურ სამხედრო ოპერაციას" ატარებს და ევროპაზე თავდასხმის განზრახვა არ აქვს.

რუსეთის ფედერალური უსაფრთხოების სამსახური აცხადებს, რომ მოსკოვში გენერალ- ლეიტენანტ ვლადიმერ ალექსეევზე განხორციელებული თავდასხმის უკან უკრაინის სპეცსამსახურები იდგნენ - უწყების ვერსიით, თავდამსხმელი უცხოეთის სადაზვერვო ქსელთან იყო დაკავშირებული და ოპერაცია საერთაშორისო რეკრუტირებისა და დაფინანსების სქემით ხორციელდებოდა, მაშინ როცა კიევს ბრალდებებზე კომენტარი ჯერ არ გაუკეთებია.

ამერიკის შეერთებული შტატების პრეზიდენტის, დონალდ ტრამპის განცხადებით, რუსეთ-უკრაინის ომთან დაკავშირებით „ძალიან კარგი მოლაპარაკებები" მიმდინარეობს. ამის მიუხედავად, ღამით უკრაინის ენერგოსისტემებზე მასშტაბური თავდასხმა განხორციელდა.

მოსკოვში გენერლის მკვლელობის მორიგი მცდელობა განხორციელდა. ამჯერად, სიკვდილს გენერალ ლეიტენანტი ვლადიმერ ალექსეევი ებრძვის, რომელსაც უცნობმა თავმდასხმელმა რამდენჯერმე ესროლა. ჯერჯერობით უცნობია ვინ დგას ამის უკან, თუმცა გამომძიებლები არ გამორიცხავენ თავდამსხმელს კავშირი ჰქონოდა უკრაინის სადაზვერვო სამსახურებთან.

ამერიკის იუსტიციის დეპარტამენტის მიერ გამოქვეყნებულმა მილიონობით დოკუმენტმა ჯეფრი ეპშტეინის საქმეზე კითხვები უფრო გააღრმავა - მიუხედავად იმისა, რომ ახალი სისხლისსამართლებრივი დევნის საფუძველი ვერ მოიძებნა, კონგრესში გამოძიება გრძელდება, გავლენიანი ფიგურები ჩვენებისთვის ემზადებიან, ხოლო ნაწილობრივ გაუმჟღავნებელი ფაილების ირგვლივ პოლიტიკური და საზოგადოებრივი დაძაბულობა იზრდება.

ლიბიის ერთ-ერთი ყველაზე გავლენიანი და საკამათო ფიგურა, საიფ ალ-ისლამ კადაფი, სავარაუდოდ, მოკლეს. ამან ლიბიაში ძალაუფლებისა და უსაფრთხოების კრიზისზე ახალი კითხვები გააჩინა - ყოფილი ლიდერის მემკვიდრის გარდაცვალების გარემოებები კვლავ ბუნდოვანია და ურთიერთგამომრიცხავი ვერსიებით ვრცელდება.

ენერგეტიკული ზავის ამოწურვისთანავე რუსეთმა უკრაინის ენერგოსექტორზე არნახული ინტენსივობის სარაკეტო იერიში განახორციელა - ზამთრის პიკში განხორციელებულმა დარტყმებმა ელექტროსადგურები დააზიანა და ათასობით ადამიანი ყინვაში ისევ გათბობის გარეშე დატოვა.

გერმანიის კანცლერმა ფრიდრიხ მერცმა ევროპულ ქვეყნებს შეერთებული შტატებისგან კიდევ უფრო მეტი დამოუკიდებლობისკენ მოუწოდა. თსუ-ს პროფესორი, კორნელი კაკაჩია „რეზონანსთან" ამბობს, რომ ამის აუცილებლობა სხვადასხვა ფაქტორებმა გამოიწვია, რისი საშუალებაც ევროკავშირს აქვს, თუმცა საჭიროა საერთო კონსესუსი გარკვეულ საკითხებზე.