აშშ-ის პრეზიდენტ დონალდ ტრამპის ადმინისტრაციამ უცხოელი სტუდენტების, კულტურული გაცვლის პროგრამის მონაწილეებისა და ჟურნალისტებისთვის ვიზების ვადის გამკაცრების გადაწყვეტილება მიიღო, - ინფორმაციას „როიტერსი" ავრცელებს.

საქართველომ საკუთარ თავზე ძალიან მძიმედ გამოსცადა ის, რაზეც დღეს შეიძლება ცოტა დაგვიანებით, მაგრამ ძალიან კარგია, რომ ახალი ადმინისტრაციის პირობებში ჩვენი ამერიკელი კოლეგები საუბრობენ, - ამის შესახებ ვიცე-პრემიერმა, სამართალდამცავი ორგანოების კოორდინაციის საკითხებში სახელმწიფო მინისტრმა მამუკა მდინარაძემ საგარეო საქმეთა მინისტრის, მაკა ბოჭორიშვილის აშშ-ში „პოლიტიკური ტერორიზმის წინააღმდეგ ბრძოლის" მინისტერიალზე დასწრებასთან დაკავშირებით განაცხადა.

ხელისუფლებამ ბოლო პერიოდში მკვეთრად გაააქტიურა დიპლომატიური კავშირები ცენტრალურ აზიასთან, რაც რეგიონის ლიდერებთან გაფორმებული ახალი სტრატეგიული შეთანხმებებით დასტურდება. ეს საგარეო აქტივობა პირდაპირ უკავშირდება „შუა დერეფნის“ განვითარებას - სატრანზიტო მარშრუტს, რომელიც ჩინეთსა და ევროპას აკავშირებს, რითაც საქართველოს, როგორც მნიშვნელოვანი გეოპოლიტიკური და ლოგისტიკური ჰაბის როლს საერთაშორისო ასპარეზზე წესით კიდევ უფრო მეტად უნდა აძლიერებდეს.

მიმდინარე პოლიტიკური პროცესების შეფასებისას, ოპოზიციონერი, ცოტნე კობერიძე ამბობს, რომ ოპოზიციურ ფლანგზე რეალური ერთობა არ არსებობს. არჩევნებში მონაწილეობაზე ამტყდარ დაპირისპირებაზე  ფიქრობს, რომ ყველაფერი ფინანსებზეა დამოკიდებული. სკეპტიკურად უყურებს ექსპრეზიდენტის, სალომე ზურაბიშვილის ლიდერობის რესურსსა და ახალი პარტიების პერქსპექტივას

უკრაინის პრეზიდენტის, ვოლოდიმირ ზელენსკის მიერ სამთავრობო კაბინეტის მასშტაბურმა გადახალისებამ და ტექნოლოგიური რეფორმების ლიდერად მიჩნეული თავდაცვის მინისტრის, მიხაილო ფედოროვის გადაყენებამ კიევის ქუჩებში საპროტესტო აქციები და სამხედრო ელიტაში ღია დაპირისპირება გამოიწვია. საკადრო ცვლილებები, რომლებიც ახალი პრემიერ-მინისტრის დანიშვნასაც მოიცავს, ომის მეხუთე წელს ზელენსკის პოლიტიკური ავტორიტეტის სერიოზულ გამოცდად იქცევა.

საწვავის კრიზისმა რუსეთში წარმოებასა და ტრანსპორტირების კუთხით საკმაოდ მძიმე ვითარება შექმნა. უკრაინული დარტყმებით დაზიანებული ნავთობგადამამუშავებელი ქარხნების დაზიანებამ ბენზინის დეფიციტი გამოიწვია და  უკვე სოფლის მეურნეობასა და სურსათის წარმოებას უქმნის საფრთხეს. ამ ყველაფერს ადგილზე პროდუქციის გაძვირება მოჰყვა. ამ დროს საქართველო დიდწილად სწორედ რუსეთიდან მარაგდება, განსაკუთრებით ეს მარცვლეულისა და ზეთის სეგმენტია, რომლიც იმპორტიც შეიძლება შეიზღუდოს და ალტერნატიული ბაზრების მოძიება გახდეს საჭირო.  როგორც ქართველი იმპორტიორები აცხადებენ,  დეფიციტი არ გვექნება, მაგრამ პროდუქტი გაგვიძვირდება. განსაკუთრებით ეს ეხება ისეთ პროდუქტებს, როგორიცაა ხორბალი, მზესუმზირის ზეთი, შაქარი და სხვა.

შავი ზღვის საერთაშორისო უნივერსიტეტის პროფესორი, ნიკა ჩიტაძე სამწუხაროდ მიიჩნევს იმ ფაქტს, რომ ოპოზიციაში დაპირისპირებაა. სკეპტიკურად უყურებს ექსპრეზიდენტის, სალომე ზურაბიშვილის ლიდერობის რესურსს მისი არაჯანსაღი ამბიციებისა და წარსული განცხადებების გამო. რაც შეეხება ახალ ძალებს, მათ შორის ვიქტორ ყიფიანის პარტიას, ჩიტაძე ფიქრობს, რომ მათ საზოგადოების მხარდაჭერის მოპოვების რეალური შანსი აქვთ.

ოპოზიციურ ფლანგზე არსებულ სრულ ქაოსსა და შიდა დაპირისპირებებს ექსპრეზიდენტი სალომე ზურაბიშვილიც შეუერთდა. იგი ღიად წავიდა პოლიტიკური პარტიების წინააღმდეგ. მისი  ეს მცდელობა პირდაპირ უკავშირდება იმ საპროტესტო ტალღის დინამიკას, რომელმაც ქვეყანაში ბოლო პერიოდში სრულიად განსხვავებული ეტაპები გაიარა. ამ ფონზე, ოპოზიციური სპექტრი კიდევ უფრო მეტად ირღვევა, რაც პროცესებს სრული  უნდობლობისკენ მიაქანებს.

კიევში ევროკომისიის პრეზიდენტისა და ევროპელი ლიდერების უმაღლესი დელეგაციის ჩასვლის ფონზე, კრემლი უკრაინის ეკონომიკურ გულს უტევს. ოდესის პორტებსა და საცხოვრებელ კორპუსებზე მიტანილი მასშტაბური იერიშებით, რუსეთი დასავლეთს მკაფიო სიგნალს უგზავნის, რომ შავი ზღვის სტრატეგიული დერეფნების სრულ ბლოკირებას გეგმავს.

იუმორისტულ გადაცემა „ისაუბრეს“-ში პარლამენტში მომხდარი ფიზიკური დაპირისპირების შესახებ გაკეთებულმა სარკასტულმა კომენტარმა სკანდალი გამოიწვია. ჯგუფური ძალადობის ბრალდებით დაკავებული ონისე ცხადაძის ძმამ, სანდრო ცხადაძემ, ეტლით მოსარგებლე დეპუტატის, რატი იონათამიშვილის მისამართით გაჟღერებული რეპლიკის გამო ბოდიში მოიხადა. უფლებადამცველები მომხდარს შშმ პირთა დისკრიმინაციად და სტიგმის გაძლიერებად აფასებენ, თავად ცხადაძე კი აცხადებს, რომ ეს იყო უბრალოდ „არასწორი ხუმრობა“ და არა ბულინგი.

უკვე გადაწყვეტილია, რომ დიდი დიღმის მე-3 და მე-4 მიკრორაიონებს მეტროსადგურ „დიდუბესთან“ ტრამვაი დააკავშირებს. ტენდერში, რომელიც თბილისის მერიამ გამოაცხადა დაპროექტება-მშენებლობაზე, თურქულმა კომპანია „ემრე რეიმ“ გაიმარჯვა. ახლა საინტერესოა, ტრამვაის 7.5-კილომეტრიანი ხაზი რეალურად განტვირთავს მოძრაობას, თუ პირიქით, საცობს შექმნის? სპეციალისტები ერთხმად აცხადებენ, რომ თუ ტრამვაი ავტობუსთან ერთად იმოძრავებს ერთ ზოლში (ბასლაინში), არავითარი საცობი არ შეიქმნება. გარდა ამისა, ნებისმიერ ქვეყანაში ითვლება, რომ ტრამვაი ეკოლოგიურად სუფთა ტრანსპორტია. 

ბოლო პერიოდში, საქართველოს ეკონომიკის განვითარების მთავარი მახასიათებელია ძლიერი სავალუტო შემოდინებები, რომლის ძირითადი წყაროა ექსპორტი, ტურიზმი და სავალუტო გზავნილები. სპეციალისტების შეფასებით, ქვეყნის მაკროეკონომიკური განვითარების ეს მაჩვენებლები, რაც საბოლოოდ, ლარის გამყარებას უწყობს ხელს, მოსალოდნელიც კი იყო, რადგან ერთი მხრივ, აშშ-ირანის, ხოლო მეორე მხრივ, უკრაინა-რუსეთის კონფლიქტმა საქართველოს, როგორც მშვიდობიანი და სტაბილური ქვეყნის ფუნქცია გაზარდა, რომელიც აზიისა და სხვა დანარჩენი ქვეყნების დამაკავშირებელ რგოლად იქცა.