აშშ-ს პრეზიდენტ დონალდ ტრამპის განცხადებით, 30-დღიან ცეცხლის შეწყვეტის თაობაზე რუსეთის პრეზიდენტ ვლადიმერ პუტინის პასუხზე „უფრო მეტი ორშაბათს გვეცოდინება". მანამდე, სახელმწიფო მდივანი მარკო რუბიო რუსეთის საგარეო საქმეთა მინისტრ სერგეი ლავროვს ტელეფონით ესაუბრა, აშშ-მა იემენელი ჰუსიტების წინააღმდეგ სამხედრო ოპერაცია დაიწყო, რუსეთის პრეზიდენტმა ვლადიმირ პუტინმა პირველად ჩაიცვა საჯაროდ სამხედრო ფრომა და უკრაინის გენშტაბმა ოფიციალურად დაადასტურა უკრაინული ძალების კურსკის ოლქის ქალაქ სუჯადან გასვლა.

სომხეთსა აზერბაიჯანს შორის სამშვიდობო შეთანხმების ტექსტზე რამდენიმე წლის განმავლობაში მიმდინარე მუშაობა დასრულებულია. ამის შესახებ 13 მარტს მხარეებმა ოფიციალური განცხადებები გაავრცელეს. თუმცა, მნიშვნელოვანი პროგრესის მიუხედავად, როგორც ჩანს, მხარეებს შორის კვლავ რჩება დასაზუსტებელი გარკვეული საკითხები. როგორ იმოქმედებს სომხეთსა და აზერბაიჯანს შორის 30 წელზე მეტ ხანს მიმდინარე კონფლიქტის დასრულება ზოგადად რეგიონზე და მათ შორის კავკასიაზე?

საგარეო საქმეთა მინისტრ მაკა ბოჭორიშვილისა და აშშ-ის ელჩის რობინ დანიგანის შეხვედრა ისევ საყოველთაო მსჯელობის საგანია. ხელისუფლების მხარდამჭერები ამას აშშ-ის ახალი ადმინისტრაციის მხრიდან „ოცნების" ხელისუფლების აღიარებად მიიჩნევენ, მათი ოპონენტები კი, საელჩოს განცხადებაზე დაყრდნობით, აშშ-ის მხრიდან შესაძლო მკაცრს გზავნილებზე აკეთებენ აქცენტს. რისი მაჩვენებელია ეს შეხვედრა და რა კონკრეტული ნაბიჯების გადადგმას ელის აშშ-ის ახალი ადმინისტრაცია საქართველოს ხელისუფლებისგან?

ოპოზიციაში უკვე არის მინიშნებები იმაზე, რომ შესაძლოა 31 მარტისთვის დაგეგმილი დიდი ერთობა ჩაიშალოს, რადგან მათ წრეში არიან ძალები, რომლებიც სალომე ზურაბიშვილის გარეშემო გაერთიანებას ეწინააღმდეგებიან. ანალიტიკოსებს უჭირთ კონკრეტული პირებისა და პოლიტიკური აქტორების დასახელება, თუ ვინ შეიძლება ამ ერთობის წინააღმდეგი იყოს, თუმცა მიზეზებზე საუბრისას აღნიშნავენ, რომ „ნაციონალურ მოძრაობასთან" გაერთიანება არავის უნდა.

„ნაციონალური მოძრაობის" ცენტრალური ოფისი გაიყიდა. როგორც პარტიის მიერ გავრცელებულ განცხადებაშია აღნიშნული, ამის მიზეზი ფინანსური პრობლემები და ხალხთან ახლოს ყოფნის სურვილია. ანალიტიკოსი ნიკა ჩიტაძე პარტიაში ფინანსურ პრობლემებზე საუბრობს და ვარაუდობს, რომ ახალი ოფისი შედარებით ნაკლებად ძვირადღირებული იქნება.

ვლადიმერ პუტინმა დონალდ ტრამპს 30-დღიან ცეცხლის შეწყვეტაზე ინფორმაცია სპეციალური წარმომადგენლის, სტივ უიტკოფის პირით შეუთვალა. როგორც კრემლის პრესსპიკერი დიმიტრი პესკოვი აცხადებს, პუტინი ტრამპის ინიციატივას "მხარს უჭერს", თუმცა, "გააჟღერა რამდენიმე კითხვა, რომელსაც ერთობლივად უნდა გაეცეს პასუხი".

„ქართული ოცნება" ნარკოპოლიტიკას ამკაცრებს. ამ მიმართულებით ცვლილებები 8 სხვადასხვა კანონში შედის, იზრდება თავისუფლების აღკვეთის ვადები და მკაცრდება ზომები. ოპოზიციაში აცხადებენ, რომ მმართველი პარტიის მხრიდან ამ ინიციატივის გამოჩენა ცინიზმია, რადგან მსხვილი ნარკორეალიზატორები სახელმწიფოს გარეშე ვერ ფუნქციონირებენ, ხოლო „ოცნებაში" აღნიშნავენ, რომ ოპოზიციის ერთადერთი დანიშნულება „მუდმივი უკმაყოფილების გამოხატვაა".

ნაწილი ოპოზიციისა კატეგორიულ უარს აცხადებს ადგილობრივ არჩევნებში მონაწილეობაზე, ნაწილი კი ჯერ კიდევ არ ჩამოყალიბებულა. როგორც "ოცნებაში" აცხადებენ, „უმჯობესი იქნება, თუ ექსტრემისტული პარტიები არჩევნებზე არ გამოვლენ", ამასთან, იმედს გამოთქვამენ, რომ ოპოზიცია ჩაერთვება პროცესში.

რუსეთის პრეზიდენტმა ვლადმირ პუტინმა გუშინ პრესკონფერენციაზე განაცხადა, რომ კურსკის ოლქში შესაძლოა მალე დარჩენილი უკრაინელი ჯარისკაცების „ფიზიკური ბლოკადა" განხორციელდეს, საიდანაც ცოცხლად გასვლას ვერავინ მოახერხებს, უკრაინული მხარე ამ კვირაში ალყაში მოქცევას არ ადასტურებს, თუმცა აღნიშნავს, რომ „ბრძოლა გართულდა".

ჩიხში შესული საპროტესტო პროცესის ფონზე აქტიურად საუბრობენ იმაზე, რომ სალომე ზურაბიშვილის, როგორც ლიდერის ჩანაცვლებაა საჭირო, თუმცა ვერ ასახელებენ ისეთ კანდიდატს, რომელიც შეძლებს როგორც შიდა, ასევე საგარეო პროცესების მართვას. ამავე დროს, ბევრი ოპოზიციაში ხვდება, რომ აუცილებელია ისეთი ფიგურა, ვინც აქციებს ჩაუდგება სათავეში.

უცხო ქვეყნის მოქალაქეები საქართველოში, ძირითადად, არალეგალურად საქმიანობენ. ქართულ ბაზარზე ისინი მეტწილად იაფი მუშახელი არიან, რის გამოც ადგილობრივებს მათთან კონკურენცია უჭირთ. იმიგრანტების ნაწილი რეგისტრაციის გარეშე საქმდება და ჩვენს მოქალაქეებს შრომით ბაზარზე სერიოზულ პრობლემებს უქმნიან. შექმნილი უკონტროლო სიტუაციის გამო დასაქმებულებს პროტესტი არაერთხელ გამოუხატავთ, მაგრამ სამწუხაროდ, სურათი კვლავ საგანგაშოა. 

პოლიტიკური მიზნების მისაღწევად საქართველოს მისამართით ბრალდებები არ წყდება. შიდა თუ გარე ძალამ, ყველა ხერხს მიმართა იმისთვის, რომ ქვეყანა დაზარალებულიყო, მაგრამ მათი არაერთი გეგმა ჩავარდა. მიუხედავად ამისა, მაინც არსებობს მცდელობა, ისეთი სურათი შეიქმას, თითქოს, ქვეყანაში ბიზნესსაც აქვს პრობლემა და ვერც ეკონომიკა ვითარდება.