რუსეთ-უკრაინის ომის დასრულებასთან დაკავშირებით მომავალი კვირა შესაძლოა გადამწყვეტი აღმოჩნდეს. აშშ-ის პრეზიდენტ დონალდ ტრაპის წინასაარჩევნო ერთ-ერთი მთავარი დაპირება კონფლიქტის მალე დასრულების შესახებ კვლავ შეუსრულებელია. 30 აპრილს ტრამპი პრეზიდენტობის 100 დღეს შეაჯამებს და როგორც ანალიტიკოსები წერენ, მისთვის პრინციპულად მნიშვნელოვანია ამ დღეს რაიმე ხელშესახები მიღწევით შეხვდეს, მითუმეტეს იმ ფონზე, რომ მისი ნდობის რეიტინგი რეკორდულადაა დაცემული.

პროტესტის მონაწილეებმა მთავარი ლოზუნგი შეცვალეს - თუკი აქამდე მარშები და მსვლელობები ახალი არჩევნების დანიშნისა და აქციებისას დაკავებულთა გათავისუფლების მოთხოვნით იმართებოდა, 26 აპრილის აქციის მთავარი მოთხოვნა იყო - „გადადგეს არალეგიტიმური მთავრობა". რა შეიცვალა ლოზუნგის შეცვლით, გამოვა თუ არა უფრო მეტი ხალხი აქციებზე და აიძულებს თუ არა ეს პროცესი ხელისუფლებას დათმობაზე წასვლას?

26 აპრილს ვატიკანში, პაპ ფრანცისკეს დაკრძალვას ასობით ათასი მორწმუნე და უმაღლესი რანგის პოლიტიკური ლიდერები დაესწრენ მთელი მსოფლიოდან. ცერემონიალზე იმყოფებოდა საქართველოს დელეგაციაც. მთავარი მოვლენა კი აშშ-ისა და უკრაინის პრეზიდენტების შეხვედრა იყო. დონალდ ტრამპმა და ვოლოდიმირ ზელენსკიმ რამდენიმე წუთით პირისპირ ისაუბრეს და დაკრძალვის შემდეგ ყველა ელოდა მათი შეხვედრის გაგრძელებას, თუმცა, გაგრძელება არ შედგა.

მასშტაბური სპეცოპერაცია ოკუპირებულ ცხინვალში 25 აპრილს ჩატარდა. ჯამში 11 ადამიანი დააკავეს. დე ფაქტო შსს-მ განაცხადა, რომ ეს დაკავშირებული იყო „მაღალი რანგის თანამდებობის პირზე თავდასხმასთან". კავკასიის საკითხებში ექსპერტი მამუკა არეშიძე „რეზონანსთან" ამბობს, რომ სპეცოპერაცია ცხინვალში შიდა კლანურ დაპირისპირებას უკავშირდება. ასევე მიანიშნებს, რომ, სავარაუდოდ, რამდენიმე ძებნილმა ოკუპირებული რეგიონის დატოვება შეძლო და საქართველოს კონტროლირებად ტერიტორიაზე იმყოფება.

ირაკლი ღარიბაშილის პოლიტიკიდან წასვლის შემდეგ, „ქართული ოცნების" თავმჯდომარის თანამდებობას, პარტიის წესდებიდან გამომდინარე, გენმდივანი და პარალელურად დედაქალაქის მერი კახა კალაძე შეითავსებს. ანალიტიკოსთა უმრავლესობა ვარაუდობს, რომ საბოლოოდ ამ თანამდებობაზე პრემიერი ირაკლი კობახიძე დაინიშნება და „ქართული ოცნება" ამით დაუბრუნდება მმართველობის ძველ მოდელს, როდესაც მთავრობის მეთაური პარალელურად პარტიის ლიდერიც იყო.

თვითმმართველობისა და საპარლამენტო არჩევნები სექტემბერში ტელეფონის გამოყენებით, სახლიდან გასვლის გარეშე - ეს იდეა პაატა ბურჭულაძეს ეკუთვნის, რომელმაც ამის შესახებ 25 აპრილს პირდაპირ ეთერში ისაუბრა. ბურჭლაძის ცნობით, მისი ახალი ინიციატივა ყველა ოპოზიციურმა პარტიამ აიტაცა, თუმცა ჯერჯერობით ოპოზიცია ამაზე ღიად არ საუბრობს.

მმართველი პარტია აცხადებს, რომ მზადაა აშშ-ს ახალ ადმინისტრაციასთან "სუფთა ფურცლიდან დაიწყოს" ურთიერთობა და სტრატეგიული პარტინორობა, განაცხადა პარასკევს პარლამენტის თავმჯდომარემ შალვა პაპუაშვილმა. უნდა ითქვას, რომ ამ შინაარსის განცხადებას "ქართულ ოცნებაში" პერიოდულად აკეთებენ, მას შემდეგ, რაც დონალდ ტრამპი ნოემბერში პრეზიდენტად მოვიდა.

მოსკოვის თანამგზავრ ქალაქ ბალაშიხაში ფოლკსვაგენ გოლფი აფეთქდა. რის შედეგადაც დაიღუპა რუსეთის თავდაცვის სამინისტროს გენშტაბის თანამშრომელი, გენერალი იაროსლავ მოსკალიკი.

მიუხედავად იმისა, რომ უკრაინა ცეცხლის შეწყვეტის სანაცვლოდ ტერიტორიების დათმობაზე უარს იყო, კიევის მერი ვიტალი კლიჩკო სამშვიდობო შეთანხმების ფარგლებში არ გამორიცხავს, უკრაინას ამ ნაბიჯის გადადგმა მოუწიოს. როგორც ამბობს, ეს არ იქნება სამართლიანი, თუმცა შესაძლოა ეს იყოს დროებითი გამოსავალი. ანალიტიკოსთა ნაწილი რაღაც დროებით დაზავებას უშვებს, თუმცა ტერიტორიების რუსებზე გადაცემას, რომლის დიდ ნაწილს უკრაინა აკონტროლებს, თითქმის გამორიცხავენ.

ოპოზიციაში კვლავ ამბობენ, რომ "ქართული ოცნება" ვადამდელ და საპარლამენტო არჩევნების ერთროულად ჩასატარებლად ემზადება. ალეკო ელისაშვილი ამბობს, რომ ამაზე "სანდო ინფორმაცია აქვს".

უკვე ნათელია, რომ ბიძინა ივანიშვილის გარემოცვაში შიდაპარტიულ ომში საბოლოოდ კობახიძემ გაიმარჯვა. პროცესი, რომელიც ყველგან საკვანძო პოსტებზე პრემიერის ხალხის დანიშვნით დაიწყო პარასკევს ღარიბაშვილის სრული კაპიტულაციით დასრულდა

სავალუტო ფონდი და მსოფლიო ბანკი შესაძლოა სერიოზული პრობლემის წინაშე აღმოჩნდნენ. საფრთხე განსაკუთრებით მას შემდეგ გამოიკვეთა, რაც ტრამპის ადმინისტრაციამ  სავალუტო ფონდისა და მსოფლიო ბანკის რეფორმირება მოითხოვა. აღნიშნული ორგანიზაციებთან  თანამშრომლობა მხოლოდ იმ შემთხვევაში გაგრძელდება, თუ ისინი თავიანთი პრინციპების ერთგული დარჩებიან. საუბარია, რომ  საერთაშორისო ორგანიზაციები თავიანთ ჩარჩოებს გასცდნენ, რაც გლობალურ პროცესებზე ცუდ გავლენას ახდენს.