საქართველოში პროდუქციასა და მომსახურებაზე ინფორმაციის მიღება ქართულ ენაზე არის სავალდებულო, რაც ძალიან ხშირად კომპანიების მხრიდან ირღვევა. ბოლო პერიოდში ამან ინტენსიური ხასიათი მიიღო. მოქალაქეების საჩივრებმა იმატა და კონკურენციის სააგენტოში მიმართვიანობა გაზრდილია. განსაკუთერბით პრობლემაა რესტორნებში, მიტანის სერვისში და უკვე სატაქსო მომსახურებაშიც.

აშშ-ის ოფიციალური პირებმა არაერთხელ განაცხადეს, რომ უკრაინა-რუსეთის სამშვიდობო ხელშეკრულების ფარგლებში მხარეებს მოუწევთ გარკვეული ტერიტორიების დათმობა. ჯერ არ არის ცნობილი, რომელ მიმართულებებზეა საუბარი, თუმცა გარკვეული ცნობები დასავლურ მედიაში უკვე ვრცელდება. ამასთან, საუბარი მიდის ძრითადად უკრაინის შესაძლო ტერიტორიულ დანაკარგებზე და ამ კონტექსტში ზოგიერთი ისეთი ტერიტორიაც განიხილება, რომელიც ამჟამად უკრაინის არმიის კონტროლის ქვეშაა.

ოპოზიცია 31 მარტისთვის ემზადება, კონსულტაციებს მართავენ მეხუთე პრეზიდენტ სალომე ზურაბიშვილთან ერთიანი სამოქმედო გეგმის გასაჟღერებლად და აცხადებენ, რომ აქცია უნდა იყოს მასშტაბური, რათა კვლავ მიიქციონ საერთაშორისო პარტნიორების ყურადღება მიიქციონ. ამის პარალელურად კი თავად ოპოზიციონერებს შორის პერიოდულად ხდება დაპირისპირება. ყოველივე ამისა და წარსული გამოცდილების ფონზე, რამდენად გამოვა ხალხი უშალოდ ოპოზიციის მიერ ორგანიზებულ აქციაზე და რა სცენარია მოსალოდნელი 31 მარტს?

აშშ-ის პრეზიდენტი დონალდ ტრამპი ამბობს, რომ ოვალურ კაბინეტში უკრაინის პრეზიდენტ ვოლოდიმირ ზელენსკისთან სკანდალური კამათი მისი სტრატეგიის ნაწილი იყო, რათა კიევზე ზეწოლა გაზრდილიყო. უკრაინული მედიის შეფასებით, ეს პირდაპირი მინიშნებაა, რომ 28 თებერვალს მომხდარი ეს გახმაურებული ინციდენტი წინასწარ იყო დაგეგმილი. ამასთან დაკავშირებით დამატებითი განცხადებები ჯერ არც უკრაინის პრეზიდენტ ვოლოდიმირ ზელენსკის და არც აშშ-ის ვიცე-პრეზიდენტ ჯეი დი ვენსს არ გაუკეთებიათ.

საქართველოში საშუალო ხელფასი 2217 ლარს შეადგენს. ეს იმ პირობებში, როდესაც ქვეყნის მოსახლოების დიდი ნაწილის ანაზღაურება ჯერ კიდევ სამნიშნა რიცხვთა ფარგლებშია. ამიტომ ეკონომისტები ამბობენ, რომ საშუალო ხელფასი გაანგარიშება რეალობას მოწყვეტილია და მედიანური ხელფასის ცნება უფრო ახლოსაა სინამდვილესთან, თუმცა არც ისაა სინამდვილესთან ბოლომდე ახლოს.

საპროტესტო აქციების მონაწილეთა მასობრივი დაჯარიმების შემდეგ, ხელისუფლებამ ახლა იმ ფონდების ანგარიშები დააყადაღა, რომლებიც დაჯარიმებულ აქტივისტებს ფინანსურად ეხმარებოდნენ. მმართველ პარტიაში აცხადებენ, რომ ამ ფონდებით ხდებოდა ძალადობის მხარდაჭერა და წახალისება, ხოლო ოპოზიციაში ამბობენ, რომ „ოცნება" პროტესტის ჩახშობას მაქსიმალურად ცდილობს. რამდენად იმოქმედებს ფონდების დაყადაღება მიმდინარე საპროტესტო აქციებზე?

„ნაცმოძრაობის" წევრი ლევან ხაბეიშვილი ყოფილი პრემიერის გიორგი გახარიას გუნდს მწვავედ უპირისპირდება. ენმ-ის ყოფილი თავმჯდომარე ამბობს, რომ გახარიას პარტიას „ოცნების" საპატიო თავმჯდომარე ბიძინა ივანიშვილთან კონტაქტი აქვს, ხელისუფლებამ კი მათ ზოგადად ოპოზიციისა და მათ შორის „ნაცმოძრაობის" სალანძღავად ფული შესთავაზა. პარტიის „გახარია საქართველოსთვის" წევრი ბექა ლილუაშვილი „რეზონანსთან" საუბრისას ხაბეიშვილის ბრალდებას სრულ სიცრუეს და სისულელეს უწოდებს.

საქართველოში ბინის შეძენის მიმართულებით კვლავ უცხო ქვეყნის მოქალაქეები აქტიურობენ. ბათუმში, გაყიდული ბინების 71%-ი უცხოელებზე მოდის, რაც საგანგაშო მაჩვენებელია. მათი ასეთი აქტიურობა, ცხადია, უძრავი ქონების ფასს მაღლა წევს და ბინებს ადგილობრივი მოქალაქეებისათვის უფრო ძნელად ხელმისაწვდომს ხდის. ექსპერტთა ნაწილი აღნიშნულ საკითხთან მიმართებაში პრობლემას ვერ ხედავს. ნაწილი კი ფიქრობს, რომ მდგომარეობა საგანგაშოა. საჭიროა სახელმწიფოს მხრიდან შესაბამის ზომების გატარება, რომ პროცესი შეჩერდეს.

ლარის კურსთან დაკავშირებული ბოლოდროიინდელი ტენდენცია ამყარებს საფუძველს, რომ ლარმა წონასწორობის ახალი ნიშნული იპოვა. ყოველ შემთხვევაში, ის ახლოსაა ამ მაჩვენებელთან, რასაც კვლევით ორგანიზაციებში ადასტურებენ. ზედიზედ მესამე კვირაა, ეროვნული ვალუტა გამყარების ტენდენციით ხასიათდება, შესაბამისად, და ძალიან ცოტა რესურსი რჩება და  ახლოსაა იმ დიაპაზონთან, სადაც უნდა დასტაბილურდეს. მთავარია, რაიმე ფოსრმაჟორული გარემოებები არ შეიქმნას ეკონომიკაში, რაც სიტუაციას შეცვლის. მიმდინარე პროცესი კი აჩვენებს, რომ ლარის სიმყარე თანდათან გარანტირებული ხდება.  

"მაუწყებლობის შესახებ" კანონში ქცევის ნორმები ონლაინ მედიებსა და მათ სოციალურ ქსელის პლატფორმებზეც გავრცელდება. "ქართული ოცნების" განმარტებით, ეს არ შეეხება კერძო პირებს. კანონპროექტი უკვე პარლამენტშია ინიცირებული და შესაბამის კომიტეტებში იხილება.

თბილისის საქალაქო სასამართლომ მესამე პრეზიდენტს, მიხეილ სააკაშვილს პატიმრობა 2033 წლამდე გაუხანგრძლივა. მოსამართლის გადაწყვეტილებით, ყოფილ პრეზიდენტს საზღვრის უკანონო კვეთისთვის 4 წელი და 6 თვე მიესაჯა.

ოპოზიციაში საქართველოს მე-5 პრეზიდენტს აქტიურად აკრიტიკებენ. ლიდერების ნაწილი ოპოზიციური ერთობის შესახებ ინიციატივას კვლავ სკეპტიკურად უყურებს. ხაზგასმით ამბობენ, რომ „საინტერესო აღარაა, რას ამბობს ზურაბიშვილი". პოლიტიკური ოპონენტები აცხადებენ, რომ ოპოზიციას კოალიციური ხელისუფლების და მითუმეტეს, ერთიანი სიის შექმნის არანაირი რესურსი არ აქვს.