ევროპელ ლიდერებს უკრაინაშ ომის დასრულებასთან დაკავშირებით აშშ-ის პრეზიდენტ დონალდ ტრამპის სამშვიდობო გეგმაზე ჯერ მთლად ხელი არ ჩაუქნევიათ და სატელეფონო კომუნიკაციის მეშვეობით კიდევ ცდილობენ თეთრი სახლის დარწმუნებას. თუმცა, პარალელურად, დიდი ბრიტანეთი და საფრანგეთი სათადარიგო გეგმასაც ამზადებს. ისინი კიევთან ერთად მუშაობენ, რათა ვაშინგტონს უახლოეს პერიოდში მათი ხედვა გააცნონ.

ოკუპირებულ აფხაზეთში ე.წ. საპრეზიდენტო არჩევნების მეორე ტური უკიდურესი დაძაბულობის ფონზე წარიმართა. იყო ე.წ. საარჩევნო უბანზე თავდასხმისა და შეიარაღებული დაპირისპირების ფაქტიც. ე.წ. ცენტრალურმა საარჩევნო კომისიამ პირველადი შედეგების გამოქვეყნებაც მაქსიმალურად გაწელა. რუსეთი კი უკვე ღიად ჩაერთო პროცესებში - აფხაზეთში მომხდარ ინციდენტსა და ანტისომხურ გამოსვლებზე დე ფაქტო უწყებების ნაცვლად, საქმეები რამდენიმე მუხლით უშუალოდ რუსეთის საგამოძიებო კომიტეტმა აღძრა.

ოპოზიციაში აზრთა სხვადასხვაობაა, ამჯერად აშშ-ის პროზიდენტ დონალდ ტრამპის მიმართ დამოკიდებულებასთან დაკავშირებით. ოპოზიციის ნაწილის რიტორიკა ტრამპის ადმინისტრაციის მიმართ ნეგატიურისკენ შეიცვალა, მეორე ნაწილი კი თავად „საინაუგურაციო დარბაზში“ მყოფ პოლიტიკოსებს „არასწორი მოლოდინების შექმნის გამო“ ადანაშაულებს. ანალიტიკოსები ამბობენ, რომ ოპოზიციაში მცირე წინააღმდეგობები არის, თუმცა ამას ჯერჯერობით ტოტალური სახე არ აქვს. რა ხდება ოპოზიციაში და რა პოლიტიკური პროცესების განვითარებას უნდა ველოდოთ?

თეთრ სახლის ოვალურ კაბინეტში პარასკევს გამართულ სკანდალურ შეხვედრას, რომელიც ერთის მხრივ აშშ-ის პრეზიდენტ დონალდ ტრამპსა და ვიცე-პრეზიდენტ ჯეი დი ვენსს და მეორეს მხრივ უკრაინის პრეზიდენტ ვოლოდიმირ ზელენსკის მწვავე კამათში გადაიზარდა, უკვე მოყვა პირველი შედეგები - აშშ-ის ადმინისტრაციამ უკრაინისთვის სამხედრო დახმარების შეჩერების გზებზე დაიწყო მსჯელობა. ევროპელი ლიდერები ზელენსკის სრულ მხარდაჭერას უცხადებენ, მოსკოვში კი ტრამპის განცხადებებით არიან კმაყოფილი.

აშშ-ის პრეზიდენტის, დონალდ ტრამპისა და უკრაინის პრეზიდენტის, ვოლოდიმირ ზელენსკის სკანდალური საუბრის შემდეგ გავრცელდა ინფორმაცია, რომ ტრამპის ადმინისტრაცია უკრაინისთვის სამხედრო დახმარების მიწოდების შეწყვეტას განიხილავს. როგორ აისახება ეს რუსეთ-უკრაინის ომის მიმდინარეობაზე და რა შანსები აქვს უკრაინას ამერიკული სამხედრო დახმარების გარეშე?

აშშ-ის ახალი ადმინისტრაციის საკმაოდ გავლენიანმა წარმომადგენელმა, ილონ მასკმა სოციალურ ქსელში გააზიარა კვლევა, რომლის მიხედვითაც, საქართველოს პატრიარქის მიერ მესამე და მომდევნო შვილების ნათლობის ინიციატივამ საქართველოში შობადობის მაჩვენებელი გაზარდა. აქვს თუ არა მასკის ამ პოსტს პოლიტიკური დატვირთვა და შეგვიძლია თუ არა ამის მიხედვით ვისაუბროთ აშშ-ის ახალი ადმინისტრაციის დამოკიდებულებაზე საქართველოს მიმართ?

საქართველო-ევროკავშირის ურთიერთობები ამჟამად ყველაზე დაბალ დონეზეა, - ამის შესახებ საქართველოში ევროკავშირის ელჩმა, პაველ ჰერჩინსკიმ განაცხადა. მისივე თქმით, რეფორმები არ ხორციელდება და გადადგმულია ნაბიჯები, რომლებიც საქართველოს ევროკავშირს აშორებს. ანალიტიკოს ზაალ ანჯაფარიძის შეფასებით, საქართველო-ევროკავშირის ურთიერთობების ძველ ნიშნულზე დაბრუნებას საკმაოდ დიდი დრო დასჭირდება.

28 თებერვალს მეტეოროლოგიური პირობები შედარებით გაუმჯობესდა და შსს-ის ინფორმაციით, დილიდან დასავლეთ საქართველოში სამაშველო ოპერაციებში სასაზღვრო პოლიციის ვერტმფრენი ჩაერთო, რომელიც მოსახლეობას პირველად ნივთებს და საკვებს მიაწვდის. ერთკვირიანმა დიდთოვლობამ ყველაზე მეტად დასავლეთ საქართველო დააზარალა, კვლავ რჩება პრობლემები ელექტროენერგიის, ბუნებრივი აირის, წყლის მიწოდების კუთხით, თუმცა უპრეცედენტო ჩართულობის შედეგად, გზების ძირითადი ნაწილი გაწმენდილია, ამასთან, ნაწილობრივად აღდგენილია ელექტროენერგიაც. სამხედროები და მოხალისე ჯგუფები სოფლის გზებს ასუფთავებენ და თოვლში ჩარჩენილ ხალხს ეხმარებიან.

„ზეწოლა დიდი იქნება" - გერმანიაში 23 თებერვალს ჩატარებული არჩევნების შემდეგ პარტია „ალტერნატივა გერმანიისთვის" (AfD) პოლიტიკურ არენაზე გაძლიერდა. მათ მოიპოვეს მეტი მანდატი, ფული, შესაძლებლობა და ძალაუფლება. ამას გარდა მოიპოვეს იდეოლოგიური მოკავშირე ტრამპისა და მისი ილონ მასკის სახით, რომელიც საკუთარი სოციალური პლატფორმის მეშვეობით მათ დაუფარავ მხარდაჭერას უცხადებს.

რუსული ელექტრომატარებელი „ლასტოჩკა", რომელიც სოჭსა და გაგრას შორის გადაადგილდება, რეგურალურ სამგზავრო რეისებს უკვე სოხუმშიც შეასრულებს, სატესტო მგზავრობა მატარებელმა 27 თებერვალს განახორციელა. ამავე დღეს, სოხუმის აეროპორტში საცდელი რეისის შემდეგ, კიდევ ერთი თვითმფრინავი აფრინდა. ამაზე ჯერჯერობით თბილისს ოფიციალური განცხადება არ გაუკეთებია, თუმცა როგორც ოპოზიცია აცხადებს, ხელისუფლებამ დუმილის რეჟიმი უნდა დაარღვიოს, რადგან ინფრასტრუქტურის განვითარება საბოლოო ანექსიამდე მიიყვანს ქვეყანას.

არასამთავრობო ორგანიზაციები საჯარო გადაწყვეტილების მიღების პროცესში ჩართული აღარ იქნებიან. პარლამენტი საკანონმდებლო პაკეტის განხილვას იწყებს, რომლის ინიციატორებიც „ქართული ოცნებისა" და „ხალხის ძალის" წევრები არიან. მმართველ პარტიაში აცხადებენ, რომ ე.წ. ენჯეოები სახელმწიფოსთვის ძირგამომთხრელ საქმიანობას ეწეოდნენ. არასამთავრობო ორგანიზაციებში კი კანონპროექტს აკრიტიკებენ და ამბობენ, რომ „ოცნება" მიზანმიმართულად ცდილობს ხალხის დემორალიზებასა და მათ გაქრობას.

დონალდ ტრამპის პოზიცია უკრაინის პრეზიდენტ ზელენსკისთან დაკავშირებით შეიცვალა. ადრე თუ მას დიქტატორი უწოდა, ახლა იმედს გამოთქვამს, რომ მომავალში ერთმანეთს გაუგებენ. ასევე, მან რუსეთისთვის სანქციები ერთი წლით გაახანგრძლივა. ანალიტიკოსების შეფასებით, მინერალების შესახებ შეთანხმებას ამერიკისთვის დიდი მნიშვნელობა აქვს, რაც აჩენს ეჭვს, რომ მომავალში პოზიციებს კიდევ უფრო შეიცვლის.