ისრაელი-ირანის სამხედრო დაპირისპირება მასშტაბურ შეიარაღებულ კონფლიქტში არ გადაიზრდება, თუმცა ისრაელის დარტყმები ირანის სამხედრო და ბირთვულ ინფრასტრუქტურაზე, ასევე ირანის საპასუხო საჰაერო იერიშები, 2 კვირას ან ცოტა უფრო მეტს გაგრძელდება. ამის შესახებ რამდენიმე გავლენიანი გამოცემა საკუთარ წყაროებზე დაყრდნობით წერს. ამის ფონზე კი ირანის ხელისუფლებამ 15 ივნისს ოფიციალურად გამოაცხადა, რომ მზადაა გააფორმოს შეთანხმება, რომლითაც ირანს აეკრძალება ბირთვული იარაღის ქონა, თუმცა, ამავე დროს, შეეძლება ბირთვული ენერგიის მშვიდობიანი მიზნებისათვის გამოყენება.

„კოალიცია ცვლილებისთვის“ სამი ლიდერი - ზურაბ ჯაფარიძე, ნიკა მელია და ნიკა გვარამია - წინასწარ პატიმრობაში არიან. სასამართლო განხილვები გრძელდება და წარდგენილი ბრალის მიხედვით, მათ 1 წლამდე პატიმრობა ემუქრებათ. ეს კი ნიშნავს, რომ, დიდი ალბათობით, 4 ოქტომბერს დანიშნული ადგილობრივ არჩევნებს ისინი პატიმრობაში შეხვდებიან. როგორ იმოქმედებს ეს არჩევნების ბოიკოტთან დაკავშირებით ოპოზიციის შიგნით მიმდინარე დისკუსიაზე, ქვეყანაში არსებულ საპროტესტო მუხტზე და ზოგადად, შიდა პოლიტიკურ ვითარებაზე?

პარლამენტის საგაზაფხულო სესია დასასრულს უახლოვდება და ჯერ კიდევ გადაუწყვეტელია ყოფილი პრემიერის გიორგი გახარიას პარტიის 12 მანდატის საკითხი. მმართველი პარტია აცხადებს, რომ ეს მანდატები აუცილებლად გაუქმდება, თუმცა იქიდან გამომდინარე, რომ პარტიას „გახარია საქართველოსთვის“ ცესკო-ში თავისი საარჩევნო სია არ ჩაუხსნია, დღის წესრიგში შემოდის სიის მომდევნო თორმეტეულისთვის უფლებამოსილების ცნობა. 

ისრაელის მიერ 13-14 ივნისის ღამეს ირანის ბირთვულ ობიექტებს დარტყმის შედეგად რადიაციამ გაჟონა და ეს შაბათს ატომური ენერგიის საერთაშორისო სააგენტომაც ოფიციალურად დაადასტურა. თუმცა, ეს ინფორმაცია ეყრდნობა ირანის ხელისუფლების მიერ სააგენტოსათვის მიწოდებულ მონაცემებს, რომლის მიხედვით რადიაციის დონე გაზრდილია მხოლოდ ამ ბირთვულ ობიექტების ტერიტორიაზე. ისრაელის პრემიერმა კი განაცხადა, რომ ირანის ბირთვული პროგრამების გულს დაარტყეს, რომლის შედეგად განადგურდა ირანის ბალისტიკური რაკეტების არსენალის მნიშვნელოვანი ნაწილი და ურანის გამამდიდრებელი ყველაზე დიდი ობიექტი ქალაქ ნათანზში.

თბილისში 14 ივნისს ერთდროულად რამდენიმე ლოკაციაზე გაიმართა საპროტესტო აქციები: თსუ-ს პირველ კორპუსთან სტუდენტები მათე დევაძის 4,5 წლით პატიმრობას აპროტესტებდნენ, მეორე აქცია კი პოლონეთის საელჩოსთან - პრემიერ დონალდ ტუსკის 11 ივნისს გაკეთებულ განცხადებას მოჰყვა. ორივე აქცია გზის გადაკეტვით და სამართალდამცავების გაფრთხილებით გაგრძელდა, თუმცა მასშტაბური დაპირისპირება არ დაფიქსირებულა.

პარასკევს ოპოზიციის მორიგი ლიდერი დააპატიმრეს - ნიკა გვარამიას გირაო პატიმრობით შეეფარდა, ის რუსთავის ციხესთან თავად მივიდა და როგორც "რეზონანსთან" ანალიტიკოსი რამაზ საყვარელიძე აცხადებს, ეს შესაძლოა პიარული გათვლა ყოფილიყო საკუთარ ამომრჩეველზე, ან ერთ-ერთი მიზანი ისიც იყოს, რომ დასავლეთიდან უფრო მძაფრი რეაქცია წამოვიდეს.

ისრაელის მასშტაბური იერიშის საპასუხოდ ირანი "დიდი ფასის გადახდით" იმუქრება, ამასთან, აშშ მხარდაჭერაში დაადანაშაულა. რის საპასუხოდაც, ისრაელის მთავრობა აცხადებს, რომ ის მზადაა მოვლენების "ნებისმიერი სცენარით განვითარებისთვის", მათ შორის "სრულმასშტაბიანი ომისთვის".

ნიკა გვარამიას, ოქტომბერში მეორე ადგილზე გასული „კოალიცია ცვლილებისთვის" ლიდერს, თბილისის საქალაქო სასამართლომ 13 ივნისს პატიმრობა შეუფარდა - 30 000-ლარიანი გირაოს გადაუხდელობამ ის რუსთავის მე-12 დაწესებულებამდე მიიყვანა. ოპოზიცია მიღებულ გადაწყვეტილებას აკრიტიკებს და გავარამიას სოლიდარობას უცხადებს, მმართველი გუნდი კი ოპოზიციონერების მხრიდან კანონდარღვევაზე საუბრობს.

საადრეო ხილის ფასმა ფასმა რეკორდულ ნიშნულს მიაღწია. ამის ერთ-ერთი მიზეზი მოსავლის მწვავე დეფიციტია. მოსავლის დიდი ნაწილი უამინდობამ გაანადგურა. ფასი ახლო მომავალში შედარებით დაიწევს, როცა ბაზარი მეტ-ნაკლებად გაჯერდება. დახლებზე შეიმჩნევა იმპორტული პროდუქტის სიჭარბეც, რის გამოც ადგილობრივი ფერმერები რეალიზაციის პრობლემის წინაშეც აღმოჩნდნენ. რაც შეეხება გვიანი სეზონის ხილს, ვარაუდობენ, რომ იქ შედარებით უკეთესი მდგომარეობა იქნება.

ჟურნალისტები, პოლიტიკოსები და აქტივისტები სასამართლოში - საჯარო პირების მისამართით გაკეთებული შეურაცხმყოფელი განცხადებების გამო ხუთშაბათს დაიბარეს. ოპოზიცია ხელისუფლების ქმედებებს ავტორიტარული რეჟიმებისთვის დამახასიათებელ სიმპტომად აფასებს და აღნიშნავს, რომ ამას შესაბამისი საზოგადოებრივი უკუკავშირი მოჰყვება. მმართველ პარტიაში კი აცხადებენ, რომ საჭიროა „გარედან იმპორტირებული ზიზღის ენის" შეჩერება და სიძულვილის კამპანიების დასრულებ

გამოჩენილი მეცნიერისა და ავტორიტეტული პოლიტიკოსის, გურამ შარაძის მკვლელობის საქმეზე პარლამენტში ახსნა-განმარტების მიცემისას, მისმა ქალიშვილმა სახელმწიფო დროშასთან დაკავშირებულ პრობლემაზეც გაამახვილა ყურადღება. ქალბატონი რუსუდანის განცხადებით, „მისი შეცვლის დროც დადგება, ვინაიდან მამამისი ღრმად იყო დარწმუნებული და ისტორიული წყაროებითაც დასტურდება, რომ ხუთჯვრიანი დროშა არ არის ქართული! ამასთან, რომც იყოს, 2002 წელს სააკაშვილმა ის სრულიად უკანონოდ აღმართა საკრებულოს შენობაზე და არ შეასრულა სასამართლოს გადაწყვეტილება არასახელმწიფო (ფაქტობრივად, პარტიული) დროშის ჩამოხსნის თაობაზე, როდესაც ბატონმა გურამმა სასამართლო მოუგო"...

ილონ მასკმა პრეზიდენტ დონალდ ტრამპს ოთხშაბათს დაურეკა, სოციალური ქსელებიდან ყველაზე კრიტიკული პოსტები წაშალა და საჯაროდ განაცხადა, რომ ნანობს გასულ კვირას ტრამპის შესახებ დაწერილ სიტყვებს - ამის შესახებ ინფორმაციას სი-ენ-ენი აქვეყნებს. ნათელია, რომ მილიარდერი რესპუბლიკელ კანონმდებლებთან კონტაქტის შემდეგ შერიგების გზას დაადგა.