აშშ-ს პრეზიდენტი დონალდ ტრამპი, რუსეთის პრეზიდენტ ვლადიმერ პუტინთან ბოლო სატელეფონო საუბრის შემდეგ, ცეცხლის შეწყვეტაზე ოპტიმისტურადაა გაწყობილი, თუმცა კრემლიდან ტრადიციულად ბუნდოვანი განცხადებები ისმის - სამშვიდობო მემორანდუმთან დაკავშირებით - არც კონკრეტულ დროს ასახელებენ და ანალიტიკოსებიც დასძენენ, რომ მოსკოვიდან მონდომება არ ჩანს ცეცხლის შეწყვეტაზე.

სარწყავი სისტემების განვითარება სოფლის მეურნეობის პროექტებში პრიორიტეტულ მიმართულებად რჩება. ამ კუთხით ერთ-ერთი მნიშვნელოვანი სიახლე ,,ირიგაციით უზრუნველყოფილ მიწის ნაკვეთებზე სოფლის მეურნეობის პროდუქციის წარმოების ხელშეწყობის პროგრამას“ ეხება. სოფლის განვითარების სააგენტოს ინფორმაციით, პროგრამაში ცვლილებაა, რომელიც მოიცავს როგორც პროექტების გავრცელების გეოგრაფიული არეალის გაფართოებას, ასევე ფერმერებისთვის ხელმისაწვდომობის გამარტივებას და მანამდე არსებული პირობების გაუმჯობესებას, რაც საბოლოოდ მოსავლიანობის ზრდისა და სასურსათო უსაფრთხოების მიღწევის წინაპირობა უნდა გახდეს.

საქართველოს ტექნიკური უნივერსიტეტის ადმინისტრაციის ინიციატივით, სასწავლო პროცესების მართვის სამსახურის კარიერული განვითარების განყოფილების ორგანიზებით, ფაკულტეტების ჩართულობით და   სახელმწიფო და კერძო ორგანიზაციებთან პარტნიორობით, მასშტაბური ფორუმი - „დასაქმების კვირეული - 2025“ გაიხსნა, რომელშიც 170-მდე სახელმწიფო და კერძო ორგანიზაცია, სტუ-ის ყველა ფაკულტეტის სტუდენტები და კურსდამთავრებულები, ასევე, პრფესორ-მასწავლებლები მონაწილეობენ. 

საჯარო სამსახურში დასაქმება პოლიტიკური მიკერძოების რისკებს შეიცავს და არასამართლიანია.  მთელი რიგი შემთხვევებია, როცა სახელმწიფო ცნობილ ადამიანებს ასაქმებს და მათი შრომის ანაზღაურება გაცილებით მეტია, ვიდრე სხვა დასაქმებულები იღებენ მათ მიერ გაწეული შრომის სანაცვლოდ. საბიუჯეტო რესურსების არამიზნობრივი ხარჯის შესახებ დამოუკიდებელი პროფკავშირიც მიუთითებს, რასაც იურისტები და ეკონომისტებიც ადასტურებენ.

ლარის გამყარების ტენდენცია ზაფხულის განმავლობაშიც გაგრძელდება. ამ მხრივ სავალუტო შემოდინებებმა განსაკუთრებული როლი შეასრულეს, რაც ეროვნულ ბანკს ინტერვენციების შესაძლებლობას აძლევს და ინტენსიურად ახდენს უცხოური ვალუტის შესყიდვებს. გარდა ამისა, ეკონომიკაში მეტი გამოცოცხლება შეიმჩნევა და დედოლარიზაციის პროცესიც  გააქტიურებულია, ყველაფერი ეს ქმნის წინაპირობას, რომ ლარის გამყარების ტრენდი ხანგრძლივ პერიოდში შენარჩუნდეს.

მას შემდეგ ერთი კვირა გავიდა, რაც პრემიერ-მინისტრმა ირაკლი კობახიძემ აშშ-ს პრეზიდენტსა და ვიცე-პრეზიდენტს, დონალდ ტრამპსა და ჯეი დი ვენსს ღია წერილით მიმართა, თუმცა, ტრამპის ადმინისტრაციიდან ჯერ ოფიციალური პასუხი არ ყოფილა, არც საელჩოს დონეზე.

დღეს უკრაინის ევროკავშირში გაწევრიანება ყველაზე დიდ საფრთხეს წარმოადგენს, არ გვინდა, რომ მათ ომში ჩავერთოთ, - ამის შესახებ უნგრეთის პრემიერ-მინისტრმა, ვიქტორ ორბანმა განაცხადა. მისი თქმით, უკრაინა ომამდეც კი დანგრეული ქვეყანა იყო და ომის დროს კიდევ უფრო განადგურდა.

სპეციალური საგამოძიებო სამსახური უქმდება და მისი სისხლის სამართლის საქმეები, პრკურატურის საგამოძიებო დაქვემდებარებაში გადადის. ფაქტს ოპოზიციაში ანტიდემოკრატიულ ნაბიჯად აფასებენ, "ოცნებაში" აცხადებენ, რომ "პროკურატურას საკმარისი დამოუკიდებლობა გააჩნია იმისთვის, რომ ის საქმიანობა აწარმოოს, რაც კონსტიტუციით აქვს დავალებული". ანალიტიკოსებს კი, "რეზონანსთან" განსხვავებული მოსაზრებები აქვთ.

რუმინეთის საპრეზიდენტო არჩევნებში ბუქარესტის ცენტრისტმა მერმა, ნიკუსორ დენმა გაიმარჯვა. გამოცემა „როიტერის" ინფორმაციით, თითქმის ყველა საარჩევნო უბნიდან მიღებული ოფიციალური შედეგებით, დენმა ამომრჩევლების ხმების დაახლოებით 54% მიიღო, ხოლო მისმა მეტოქემ, ულტრამემარჯვენე ჯორჯ სიმიონმა - 46%.

რუსთაველის გამზირი უწყვეტის პროტესტის გამო ყოველ საღამოს კვლვ იკეტება. ხელისუფლების ოპონენტები პერიოდულად შედარებით მასშტაბურ აქციებსაც მართავენ და 26 მაისს, დამოუკიდებლობის დღესთან დაკავშირებითაც დიდი მსვლელობა აქვთ დაგეგმილი. თუმცა, როგორც ანალიტიკოსები აღნიშნავენ, ხალხის რაოდენობა აქციებზე აშკარად შემცირებულია, რაც ნიშნავს, რომ ოპოზიცია საპროტესტო მუხტს ვერ ზრდის და ამას რამდენიმე მიზეზი აქვს. პირველი ის, რომ ოპოზიცია ხელისუფლებასთან შიდა საინფორმაციო ომს აგებს და ამასთან, ხელისუფლების ალტერნატივას ვერ ქმნის.

აფხაზური ტელეგრამ არხ „აიაშარას" ინფორმაციით, სოხუმის აეროპორტის მშენებლობაზე დაქირავებული რვა სამშენებლო კომპანიის თანამშრომლებმა მასშტაბური გაფიცვა დაიწყეს, მიზეზად კი ხელფასების არგაცემას ასახელებენ. ამავე წყაროს ცნობით, აეროპორტის მუშაობაში ტექნიკური პრემლემებია და პერიოდულად ითიშება ასაფრენ-დასაფრენი ბილიკის განათება. აეროპორტის დე ფაქტო ხელმძღვანელობამ ეს ინფორმაცია უარყო და აღნიშნა, რომ ყველა მუშა ადგილზეა და მშენებლობაც გეგმის მიხედვით გრძელდება.

ოკუპირებული აფხაზეთისა და ცხინვალის რეგიონის მცხოვრებთათვის რუსეთის მოქალაქეობის მიღება მარტივდება. დოკუმენტს ხელი რუსეთის პრეზიდენტმა 16 მაისს მოაწერა. მთავარი ცვლილება ისაა, რომ საქართველოს ოკუპირებული რეგიონების მცხოვრებლებს, სხვა უცხოელებისაგან განსხვავებით, რუსეთის მოქალაქეობის მოთხოვნისას რუსული ენისა და რუსეთის ისტორიის ცოდან არ მოეთხოვებათ. რა გახდა ამ გადაწყვეტილების მიღების მიზეზი და რა პოლიტიკური გათვლა აქვს კრემლს?