უკრაინამ და რუსეთმა კვირას დაასრულეს სტამბოლის შეთანხმებით გათვალისწინებული მასშტაბური ტყვეთა გაცვლის პროცესი. რაც შეეხება სამშვიდობო მემორანდუმს, კრემლში აცხადებენ, რომ მასზე მუშაობა დასკვნით სტადიაზეა და უახლოეს დღეებში წარმოადგენენ თავის ვერსიას. ამის პარალელურად კი უკრაინის ქალაქებზე რუსების საჰაერო დარტყმები სულ უფრო მასშტაბური და დამანგრეველი ხდება.

მაისი იწურება და პარლამენტში საგაზაფხულო სესია თანდათან დასასრულს უახლოვდება, რაც იმას ნიშნავს, რომ ახლო მომავალში დღის წესრიგში ავტომატურად დადგება პარტიის „გახარია საქართველოსთვის" დეპუპატების საპარლამენტო მანდატების გაუქმების საკითხი. ანალიტიკოსთა ნაწილი ფიქრობს, რომ მმართველი პარტია ჯერჯერობით გახარიას მანდატებს არ გაუუქმებს. ნაწილის აზრით კი, „ოცნება" გიორგი გახარიას პარტიას იმდენად დიდი მნიშვნელობას არ ანიჭებს, რომ კანონში ცვლილებები შეიტანოს და მანდატები შეუნარჩუნოს:

ოპოზიციური ბოიკოტის დარღვევისა და მმართველი გუნდისთვის ქვორუმის უზრუნველყოფაში მონაწილეობისთვის, პარტია „ლელო - ძლიერმა საქართველომ" თავისი რიგებიდან თბილისის საკრებულოს წევრი მიხეილ კაკაურიძე გარიცხა. ანალიტკოსების ნაწილი ამბობს, რომ ეს პრეცედენტი ოპოზიციის იმიჯზე ნეგატიურად ვერ იმოქმედებს და პირიქით, გამოაჩენს „ვინ ვინ არის"; მეორე ნაწილის აზრით კი, მსგავსი შემთხვევები ადგილობრივი არჩევნების მოახლოებასთან ერთად მასობრივ სახეს მიიღებს და ბევრი ოპოზიციონერი დაპუტატი ეცდება „ოცნებასთან" გარიგებას.

ბელარუსის პრეზიდენტი ალექსანდრე ლუკაშენკო საქართველოში ახალ ელჩს აგზავნის და თან ქვეყანებს შორის ურთიერთობის გაუმჯობესებაზე საუბრობს. სამი წლის წინ ის სოხუმში იმყოფებოდა, თუმცა, სეპარატისტთა მოლოდინის მიუხედავად, ამას ბელარუსის მხრიდან აფხაზეთისა და ე.წ. სამხრეთ ოსეთის აღიარება არ მოჰყოლია. ყოფილი სახელმწიფო მინისტრი და კონფლიქტოლოგი პაატა ზაქარეიშვილი ამბობს, რომ ბელარუსს ყველაზე მარტივად შეუძლია ამ ნაბიჯის გადადმა და შესაბამისად, მასთან ფრთხილი პოლიტიკის გატარებაა საჭირო.

სალომე ზურაბიშვილი ისევ „წინააღმდეგობის პლატფორმის" გეგმებზე საუბრობს და აცხადებს, რომ კვლავ ერთადერთ ლეგიტიმურ დამოუკიდებელ ინსტიტუტად რჩება, თუმცა ოპოზიციის ნაწილი უკმაყოფილოა მისით და მიაჩნიათ, რომ გაერთიანებისთვის საჭირო ნაბიჯები არ გადადგა.

"ფედერალისტების" ლიდერი , თამარ ჩერგოლეიშვილი ღიად აკრიტიკებს კოლეგებს ოპოზიციური სპექტრიდან, და მათ პასუხისმგებლობის არქონასა და პოლიტიკური ალტერნატივის დაბალ ხარისხს უწუნებს. ამჯერად, დაპირისპირების ეპიცენტრი მისი ქმარი გიგა ბოკერიაა.

რუსეთის პრეზიდენტმა, ვლადიმერ პუტინმა ახალი გეგმა გააჟღერა, რაც გულისხმობს უკრაინის საზღვარზე „ბუფერული ზონის" შექმნას. ჯერჯერობით უცნობია, რა ტერიტორიებს გულისხმობს პუტინის აზრით ეს ზონა. ანალიტიკოსები „რეზონანსთან" ამბობენ, რომ ეს იქნება ერთგვარი უსაფრთხოების ბალიში, რომელიც სავარაუდოდ, სუმისა და ხარკოვის ოლქების ტერიტორიებზე განთავსდება.

29 მაისს თბილისის საქალაქო სასამართლოში "კოალიცია ცვლილებებისთვის" ერთ-ერთი ლიდერის ნიკა მელიას სასამართლო პროცესია ჩანიშნული, თუმცა ის არც სასამართლოზე გამოცხადებას აპირებს, არც გირაოს გადახდას და "არც პატიმრობისთვის მომზადებას". 22 მაისს გირაოს არგადახდის გამო ამავე კოალიციის წევრი ზურაბ „გირჩი" ჯაფარიძე დააკავეს, ოპოზიციაში აცხადებენ, რომ პროცესი პოლიტიკურად მოტივირებულია.

ერთი თარიღი, ორი ინტერვიუ და განსხვავებული პრიზმები - პრეზიდენტმა ყაველაშვილმა და ექსპრეზიდენტმა ზურაბიშვილმა 22 მაისს, პარალელურ სატელევიზიო ეთერში ქვეყნის საგარეო კურსი, მარკო რუბიოს გზავნილი, ევროკავშირთან დიალოგი, მთავრობის იზოლაცია და 26 მაისის პოლიტიკური ფონი სრულიად სხვადასხვა კუთხით წარადგინეს - ერთმა „გადატვირთვაზე" ისაუბრა, მეორემ კი „კრახზე" გაამახვილა ყურადღება.

საქართველოს ტექნიკური უნივერსიტეტის რექტორი, აკადემიკოსი დავით გურგენიძე, „უნივერსიტეტების შესაძლებლობების განვითარების პროგრამის“ (University Capacity Building Program - UCBP) ფარგლებში, საქართველოში ამერიკის შეერთებული შტატების საელჩოს კულტურის ატაშე ივენ კალის, ორგანიზაცია „ამერიკული საბჭოები საერთაშორისო განათლებისთვის“ - სამხრეთ კავკასიის რეგიონულ დირექტორ ტიმოთი კ. ბლაუველთს და ბუფალოს უნივერსიტეტის (აშშ) პროფესორ ბასკარ დასს შეხვდა და მათთან ერთად UCBP-ის მესამე ფაზის ფარგლებში კოლაბორაციის შესაძლებლობები განიხილა. 

უძრავი ქონების ბაზარს ჭარბი მიწოდების პრობლემა აქვს. მართალია, ამის შესახებ სექტორში ღიად არ საუბრობენ, თუმცა სპეციალისტები არ მალავენ, რომ მიწოდება მოთხოვნას აჭარბებს. ტენდენციაც ბოლო წლების განმავლობაში შესამჩნევია. საუბარია იმაზეც, რომ შექმნილი სიტუაციის გამო ბანკებმა ხელოვნურად დაიწყეს დაკრედიტების შემცირება. ანალოგიური სიტუაცია იყო საავტომობილო ბიზნესში და პრობლემამ ახლა უკვე დეველოპერულ ბაზარზეც იჩინა თავი. 

დამოუკიდებლობის დღის მოახლოვებასთან ერთად ქვეყანაში პოლიტიკური დაძაბულობა მატულობს- მმართველი გუნდი ოპოზიციას მოუწოდებს, რომ „ფრთხილად იყვნენ" , საუბრობენ ოპოზიციონერების მხირდან შესაძლო პროვოკაციებსა და 26 მაისის ჩაშლის მცდელობაზე, ოპოზიციის ნაწილს ღონისძიებისთვის მზადება უკვე დაწყებული აქვს, ნაწილი კი ღონისძიებაში მონაწილეობას არ აპირებს.