ტურისტულ რეგიონებში ბინებზე დიდი მოთხოვნაა. მშენებლობების გააქტიურება კი დიდ რისკს უკავშირდება. ქვეყნის სახელგანთქმული კურორტები იერსახეს და ავთენტურობას, ფაქტობრივად, კარგავს. ამის მაგალითია ბაკურიანი, გუდაური, ბახმარო და თითქმის ყველა ზღვისპირა კურორტი, სადაც ქაოსური განაშენიანება მიდის. 

ლარის კურსმა სპეკულაციურ შემოტევას ერთხელ კიდევ გაუძლო. პოლიტიკური პროცესების ფონზე რადიკალური ოპოზიციის მხარდამჭერმა ექსპერტებმა რატომღაც მიზანში ეროვნული ვალუტა ამოიღეს, რომ ნეგატიური მოლოდინი შექმნან და ამით სიტუაცია ჩიხში შეიყვანონ. თუმცა ამ პირობებშიც კი ლარმა გამყარება მაინც შეძლო და  ჯერ კიდევ სტაბილურადაა. თუკი არჩევნების წინ კურსი 2,75-მდე იყო, ამ ეტაპზე 2,73-ის ფარგლებშია და პოზიციები შეიძლება კიდევ უფრო გაიუმჯობესოს.

18 ნოემბერს ევროკავშირის საგარეო საქმეთა საბჭომ საქართველოს შესახებ იმსჯელა, რომელსაც ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში ჟოზეფ ბორელმა უხელმძღვანელა და რომლის ინიციატივითაც 100 მილიონ ევროზე მეტი დახმარება გაიყინება ევროკავშირისგან "იმის ნაცვლად, რომ ის მიემართებოდეს საქართველოს ხელისუფლებისკენ, მოხმარდება სამოქალაქო ორგანიზაციებს".

25 ნოემბერს პარლამენტის ნდობის გამოსაცხადებლად მთავრობის ახალი შემადგენლობა და სამთავრობო პროგრამა წარედგინება. ამის შესახებ პრემიერმა, ირაკლი კობახიძემ მთავრობის სხდომაზე სხდომაზე განაცხადა.

აშშ-ის პრეზიდენტ ჯო ბაიდენის ადმინისტრაციამ უკრაინას ნებართვა მისცა, გამოიყენოს ამერიკული იარაღი რუსეთის სიღრმეში დარტყმისთვის. ამის შესახებ ინფორმაციას „როიტერი" აშშ-ის ორ ოფიციალურ წარმომადგენელზე დაყრდნობით წერს.

საქართველოში საწვავის ხარისხის კონტროლი ნავთობპროდუქტების ბაზრის გამოწვევად რჩება. ეს ეხება როგორც ბენზინს და დიზელის საწვავს, ასევე საავტომობილო ზეთებსა და თხევადი აირის ხარისხს. მიუხედავად იმისა, რომ ქვეყანას ხარისხის მაღალი სტანდარტი გააჩნია, საჭიროა შესაბამისი სახელმწიფო სტრუქტურების მხრიდან საწვავის ხარისხის პერმანენტული კონტროლი როგორც საბითუმო, ასევე საცალო ქსელში რეალიზებულ პროდუქტებზე, რაც, სამწუხაროდ, არ ხდება და კვლევებიც ცხადყოფს, რომ ბაზარზე გარკვეული რისკები არსებობს, რაც დასაძლევია.

პრეზიდენტმა სალომე ზურაბიშვილმა 18 ნოებერს 20:00 საათზე სპეციალური ბრიფინგი გამართა, სადაც წარმოადგინა 26 ოქტომბრის არჩევნების თავისივე შეჯამება, მისი თქმით, "ეს არჩევნები არ შედგა" და ქვეყანაში დესტაბილიზაციის საფრთხეა, საიდანაც ერთადერთი გამოსავალი ახალი არჩევნებია, მანამდე კი პრეზიდენტი "ქართულ ოცნებას" სთავაზობს, რომ 2020 წელს არჩეული პარლამენტით, მთავრობითა და პრეზიდენტით მივიდეთ.

ცენტრალურმა საარჩევნო კომისიამ 26 ოქტომბრის საპარლამეტო არჩევნების შემაჯამებელი ოქმი კანონდმებლობით განსაზღვრულ მაქსიმალურ ვადაზე 5 დღით ადრე მიიღო. ამ პროცესს თან ახლდა უპრეცედენტო ინციდენტი უშუალოდ ცესკოს სხდომაზე, საპროტესტო აქცია და შეტაკება პოლიციასთან. ანალიტიკოსთა ნაწილი მიიჩნევს, რომ პროცესის დაჩქარებით ხელისუფლება არჩევნების ლეგიტიმაციის დაჩქარებას ცდილობს.

ცესკოს მიერ არჩევნების შემაჯამებელი ოქმის გამოქვეყნების შემდეგ საქართველოს კათალიკოს-პატრიარქმა საგანგები მიმართვა გაავრცელა. იგი „ქართულ ოცნებას“ გამარჯვებას ულოცავს და იმედოვნებს, რომ ხელისუფლებ და ოპოზიცია ერთობლივად იმუშავებენ „ქვეყნის წინსვლისა და კეთილდღეობისთვის“. რა გავლენა ექნება ამ განცხადებას ქვეყანაში მიმდინარე საპროტესტო აქციებზე და როგორ იმოქმედებს ის პოლიტიკურ ვითარებაზე?

მესამე დღეა აფხაზეთში „ორხელისუფლებიანობაა" და ვინ ვის ემორჩილება, სრულიად გაურკვეველია. ოპოზიციამ საკოორდინაციო საბჭო შექმნა და ე.წ. პრეზიდენტის ადმინისტრაციის შენობიდან „მართავს" „რესპუბლიკას. დე ფატო პრეზიდენტი ასლან ბჟანია თავის მშობლიურ სოფელშია გამაგრებული და ამტკიცებს, რომ ყველაფერს კვლავინდებურად ის აკონტროლებს. რუსულ მედიაში კი გაჩნდა ცნობები, რომ თბილისსა და მოსკოვს შორის „აფხაზეთის საკითხზე" კონსულტაციები დაიწყო და პირველი შეთანხმებაც მიღწეულია.

8 ნოემბერს გადადებული განხილვის ნაცვლად, ევროკავშირის ლიდერები საქართველოს საკითხზე ორშაბათს, 18 ნოემბერს დანიშნულ საგარეო საქმეთა მინისტრების შეხვედრაზე იმსჯელებენ. საუბრის მთავარი თემა 26 ოქტომბრის არჩევნები და მას შემდეგ ქვეყანაში შექმნილი სიტუაცია იქნება. რა გადაწყვეტილებას უნდა ველოდოთ ბრიუსელიდან და როგორ აისახება ეს ქვეყნის შიგნით მიმდინარე პოლიტიკურ პროცესებზე? საქართველოს არჩევნებზე საუბრისას ცალკეული ევროპული ლიდერები აქამდე მხოლოდ იმაზე აკეთებენ აქცენტს, რომ აუცილებელია აუცილებელია არჩვნებისას დაფიქსირებული დარღვევების შესახებ არსებული ცნობების მიუკერძოებელი გამოძიება.

საპარლამენტო არჩევნებიდან სამ კვირაზე მეტია გასული, თუმცა, აშშ-ის ელჩ რობინ დანიგანისა და „ქართული ოცნების“ საპატიო თავმჯდომარის ბიძინა ივანიშვილის დაანონსებულ შეხვედრაზე ჯერჯერობით არანაირი სიახლე არაა. ამ საკითხზე თავად ივანიშვილმა ჯერ კიდევ 21 ოქტომბერს, არჩევნებამდე ხუთი დღით ადრე ისაუბრა, ხოლო არჩევნების მეორე დღეს, 27 ოქტომბერს უკვე პრემიერ-მინისტრმა ირაკლი კობახიძემაც გაიმეორა, რომ შეხვედრა „უახლოეს მომავალში“ გაიმართებოდა.