„ერთიანობა - ნაციონალური მოძრაობა" და „კოალიცია ცვლილებებისთვის" ცენტრალურ საარჩევნო კომისიას მიმართავენ, რომ არ გაატაროს მათი საარჩევნო სიები რეგისტრაციაში და მათი დეპუტატების უფლებამოსილების საკითხი არ გადასცეს პარლამენტს „განსახილველადაც კი". ოპოზიციონერმა პოლიტიკოსებმა მანდატების ჩახსნასთან დაკავშირებით ინდივიდუალური განცხადებები დაწერეს. ანალიტიკოსები ოპოზიციის ამ გადაწყვეტილებას სამართლებრივ ნონსენსად მიიჩნევენ, თუმცა ფიქრობენ, რომ ეს მმართველი გუნდის პროპაგანდის საპასუხოდ გაკეთდა, რადგან „ქართული ოცნების" წარმომადგენლები მუდმივად იმაზე საუბრობენ, რომ ოპოზიცია საბოლოოდ მაინც შევა მის მიერვე არალეგიტიმურად გამოცხადებულ პარლამენტში.

აპირებს თუ არა ოპოზიცია ბრძოლის სტრატეგიის შეცვლას? ოპოზიციის ლიდერები ბოლო დროს აკეთებენ მინიშნებებს, რომ „გადამწყვეტი მოქმედებებს“, შესაძლოა, არა ახალი პარლამენტის შეკრების, არამედ ცესკოს მიერ არჩევნების შემაჯამებელი ოქმის გამოქვეყნების დღეს მიმართონ. რამდენად გამართლებულია ეს გადაწყვეტილება და რას მისცემს ეს ოპოზიციას?

პრემიერი ირაკლი კობახიძე ოპოზიციის მიერ საპროტესტო აქციების გაგრძელების შემთხვევაში - თუ ისინი „გააგრძელებენ კონსტიტუციური წყობის წინააღმდეგ წასვლას", ამ პოლიტიკური პარტიების აკრძალვას არ გამორიცხავს. თუმცა მეორე მხრივ, კობახიძე იმასაც აღნიშნავს, რომ მმართველი პარტიის ერთ-ერთი მთავარი წინასაარჩევნო დაპირება, რომელიც რიგი ოპოზიციური პარტიების არაკონსტიტუციურად გამოცხადებას ეხებოდა, შესაძლოა, ოპოზიციის სისუსტის გამო, აღარც დადგეს დღის წესრიგში.

ზამთარი ჯერ არ დამდგარა, თუმცა სვანეთში პრობლემები უკვე შეიქმნა. საუბარია კრიპტოვალუტის მაინიგზე, რის გამოც, რეგიონში დენის არანორმალური მოხმარების გამო, ელექტროენერგიის მიწოდება შეწყდა. ციფრული ვალუტის აპარატების გამო, მესტიაში პრობლემა ყოველწლიურად მზარდია და სიტუაცია უკვე ჩიხშია. ენერტეგიკოსები და ეკონომისტები სხვა გზას ვეღარ ხედავენ და პირდაპირ ამბობენ, რომ ელექტროენერგიაზე გადასახადიუნდა დაწესდეს.

აშშ-ს ახლადარჩეული პრეზიდენტი დონალდ ტრამპი ახალი ადმინისტრაციის დაკომპლექტებაზე მუშაობს. დასავლური მედიის ცნობით, მას უკვე შერჩეული ჰყავს სავარაუდო კანდიდატები ე.წ. ქორი რესპუბლიკელებიდან. სახელმწიფო დეპარტამენტს, დიდი ალბათობით, მარკო რუბიო უხელმძღვანელებს, ეროვნული უსაფრთხოების საკითხებში პრეზიდენტის მრჩევლი კი მაიკ უოლტსი იქნება.

საბერძნეთში ქართველები დააკავეს. ერთ მათგანს პოლიციელზე თავდასხმა ედება ბრალად, მეორეს კი ქურდობა და ძარცვა. ბერძნული მედიის ინფორმაციით, 49 წლის მამაკაცი საბერძნებთის პოლიციამ შემოწმების მიზნით გააჩერა, თუმცა მან გაქცევა სცადა. ის პოლიციამ საეჭვო ქმედების გამო დააკავა. მოგვიანებით კი იგი ლიფტში პოლიციელს თავს დაესხა და უკბინა. აღმოჩნდა, რომ დაკავებული მამაკაცი, სავარაუდოდ, „ცე“ ჰეპატიტითაა ინფიცირებული, როგორც ადგილობრივი მედია წერს, სამართალდამცველს მან შურისძიების მიზნით - დაავადების გადასადებად უკბინა.

სოხუმი პარალიზებულია. რუსეთთან საავტომობილო მიმოსვლა შეწყდა. ოპოზიციის მხარდამჭერებს ქალაქიდან გასასვლელი ხიდები ისევ ბლოკირებული აქვთ. დე ფაქტო ხელისუფლება შექმნილი კრიზისული ვითარებიდან გამოსავალს ეძებს. ეს ყველაფერი ორშაბათს საღამოს სოხუმის ცენტრში მომხდარ ინციდენტს მოჰყვა, რომლის დროსაც ოპოზიციის რამდენიმე აქტივისტი დააკავეს. ანალიტიკოსები ვარაუდობენ, რომ დაძაბულობის პიკი 15 ნოემბერს, დე ფაქტო პარლამენტის სხდომისას იქნება.

საქართველოს უძრავი ქონებით ბაზრით უცხოელები დაინტერესება დიდია. ტენდენცია ბოლო რამდენიმე წელია, გრძელდება და უკვე საგანგაშო მაჩვენებელს აღწევს, რამაც შეიძლება დემოგრაფიის კუთხით პრობლემა შექმნას. დედაქალაქში და რეგიონებში, განსაკუთრებით აჭარაში, მათი რიცხვი ყოველდრიურად იზრდება. ქართველები უწყვეტად გადიან ქვეყნიდან, პარალელურად კი მატულობს უცხო მოქალაქთა რიცხვი, რომელებიც საქართველოში უძრავი ქონების შეძენითა და ფეხის მოკიდებით არიან დაინტერესებული. 

"ჩვენ ვართ ევროპა" - ამ ლოზუნგით პროტესტი 11 ნოემბერს კვლავ გაგრძელდა, შეკრების მთავარი ლოკაცია ისევ პარლამენტის შენობის მიმდებარე ტერიტორია გახდა. აქციას შეუერთდნენ თბილისში ვიზიტად მყოფი ევროკავშირის რვა ქვეყნის პარლამენტის საგარეო ურთიერთობათა კომიტეტის თავმჯდომარეები, რომლებმაც სპეციალურად გამართული სცენიდან შეკრებილებს მიმართეს, სადაც პროტესტანტებს მხარდაჭერა გამოუცხადეს.

აშშ-ს სათავეში დონალდ ტრამპისა და რესპუბლიკელების მოსვლა ქვეყნის ეკონომიკას მნიშვნელოვნად შეცვლის და ამ გავლენას პირდაპირ თუ ირიბად თითქმის ყველა ქვეყანა იგრძნობს. უცხოელი ანალიტიკოსების მხრიდან საუბარია იმის შესახებ, რომ დოლარი პოზიციებს გაიუმჯობესებს ევროს მიმართ და რეგიონალურ ვალუტებზეც  გავლენას მოახდენს. მათ შორის ლარზე. ამდენ ხანს პროგნოზი იყო, რომ ქართული ვალუტა სტაბილურად გააგრძელებდა გამყარებას, თუმცა ახლი უკვე როგორ განვითარდება სავალუტო პროცესები ჯერჯერობით გაურკვეველია. 

რისთვის ჩამოვიდნენ ევროკავშირის დელეგაცია საქართველოში და რა გეგმა აქვთ მათ ოპოზიციასთან ერთად? როგოც ოპოზიციაში აცხადებენ, EU-ს დელეგაციის ლიდერებს და პროდასავლური ოპოზიციას აქვს ერთიანი გაგება იმაზე “თუ რა ტიპის ზეწოლა უნდა მოხდეს „ქართული ოცნებაზე“ ევროკავშირის მხრიდან“.

საქართველო რეალურად აზარტული თამაშების ჰაბია. ქვეყანაში სათამაშო ბიზნესი მზარდია და სულ უფრო მატულობს სექტორში რეგისტრირებული კომპანიების რაოდენობა, რომელთაგან 12% უცხოური კაპიტალით არის დაფუძნებული. მიუხედავად იმისა, რომ  გარკვეული რეგულაციები დაწესდა და გადასახადებმაც მოიმატა, სათამაშო ბიზნესის მიმართ ინტერესი არ ნელდება. ყველა იმ ქვეყნიდან, სადაც აზარტული ბიზნესი შეზღუდული ან აკრძალულია, მეწარმე სუბიექტები მუშაობას საქართველოში აგრძელებენ და სულ უფრო და უფრო ითრევენ ახალგაზრდა თაობას, რომელიც ან აზარტულ ბიზნესშია დასაქმებული, ანაც მოთამაშეა.