ხმებს პრეზიდენტ ზელენსკისა და გენშტაბის უფროს ვალერი ზალუჟნის შორის არსებულ განხეთქილებაზე, ნავთი დაასხა უკრაინის უმაღლესი რადას დეპუტატმა ზელენსკის „ხალხის მსახურის" პარტიიდან, რომელიც ბოლო დღეებია სულ უფრო და უფრო აქტიურად ესხმის თავს არმიის სარდლობას და პირადად ზალუჟნის. საუბარია ეროვნული უსაფრთხოების, თავდაცვისა და დაზვერვის საპარლამენტო კომიტეტის წევრ მარიანა ბეზუჰლაზე, რომლის აქტივობა სოციალურ ქსელებში უკრაინაში და მის ფარგლებს გარეთაც განხილვის მთავარი თემა გახდა.

ევროპული საბჭოს პრეზიდენტმა შარლ მიშელმა ევროპის სამხედრო ალიანსის თემა გააქტიურა - იგი მიიჩნევს, რომ ძლიერი და ბრძოლისუნარიანი ევროპული თავდაცვა პოზიტიურ წვლილს შეიტანს გლობალურ და ტრანსატლანტიკურ უსაფრთხოებაში. ანალიტიკოსები აღნიშნავენ, რომ იდეა ახალი არაა და ეს დიდი ალბათობით ნატოს მსგავსი ალიანსი იქნება, რაც განსაკუთრებით დიდი შანსია კანდიდატის სტატუსის მქონე ქვეყნებისთვის, მათ შორის სტატუსის მომლოდინე საქართველოსთვის.

„ნაციონალურ მოძრაობაში" მწვავე დაპირისპირების შემდეგ რაც ნიკა მელია პარტიის მიღმა აღმოჩნდა, თბილისის მუნიციპალიტეტის საკრებულოს ფრაქციის „ერთიანი ნაციონალური მოძრაობის" წევრები ახალი ინიციატივით გამოდიან და ითხოვენ, პარტიის მენეჯმენტმა 2024 წლის არჩევნებამდე გაუქმოს თავმჯდომარის პოზიცია და პარიტეტულ საწყისებზე „დროებითი მმართველი ორგანო" შეიქმნას. პოლიტიკის ექსპერტები „რეზონანსთან" მსგავსი იდეის განხორციელების შემთხვევაში პარტიის დესტაბილიზაციასა და კოლაფსს პროგნოზირებენ.

წინასაახალწლო პერიოდი ვაჭრობის კუთხით აქტიურია. სხვადასვა კომპანიები ავრცელებენ რეკლამებს, რომელიც მათ მიერ გამოცხადებულ აქციებს შეეხება და ცდილობენ მეტი მყიდველი მიიზიდონ. ამ დროს ადგილობრივ ბაზარზე, გამოცხადებული აქციები რეალობას საერთოდ არ შეესაბამება და მომხმარებელი შეცდომაში შეჰყავთ ხელოვნურად გაზრდილი ფასებით. კომპანიები მყიდველებს, წინასწარ გაზრდილი ღირებულების შემცირებულ კომბინაციას სთავაზობენ. არის თუ არა ეს მომხმარებელთა უფლებების დარღვევა და უხეშად რომ ვთქვათ, მოტყუება?

ჩრდილოეთ მაკედონიაში ეუთოს მინისტერიალზე წვალებით ჩასულმა რუსეთის საგარეო საქმეთა მინისტრმა სერგეი ლავროვმა ფაქტიურად მოლდოვაში ახალი ომი დააანონსა. მისი სიტყვებით, დასავლეთს განზრახული აქვს, უკრაინის შემდეგ მოლდოვა იყოს „რუსეთის წინააღმდეგ დაწყებული ჰიბრიდული ომის მსხვერპლი". გარდა ამისა, ლავროვმა ახსენა საქართველოც 2008 წლის აგვისტოს ომის კონტექსტში და ისიც თქვა, რომ ეუთო არსებითად ნატო-ს და ევროკავშირის დანამატად ფორმირდება და ორგანიზაცია „უფსკრულის პირას დგას".

მოსწავლეების უდიდესი ნაწილი რეპეტიტორთან ემზადება. ეს კი იმას ნიშნავს, რომ სკოლებში შესაბამისი ცოდნის მიღება ვერაფრით ხერხდება და აბიტურიენტებს, მასწავლებლებთან გადამზადება უწევთ სხვადასხვა საგანში. ეს ყოველივე საკმაოდ ხარჯებთან არის დაკავშირებული. ასაკობრივი საფეხურების მიხედვით გადასახადი სხვადასხვაგვარია, თუმცა რამდენიც არ უნდა იყოს, საერთო ჯამში, თანხა საკმაოდ მოცულობითია.

საქართველოს ეკონომიკის ზრდის ტემპი მცირდება, თუმცა ქვეყანა კიდერობს რეგიონალური მიმართულებით და ამ პარამეტრით მეზობლები აშკარად ჩამოტოვა. ფაქტობრივად, ეკონომიკა  რეალურ სიტუაციას უბრუნდება. მიგრანტების ეფექტი ამოწურულია და უკვე აღარ მუშაობს. შესაბამისად, ჩვენი ქვეყნის  ეკონომიკა ვითარდება  ისე, როგორც უნდა ვითარდებოდეს,  რასაც მოწმობს შემცირებული ეკონომიკური ზრდა. მეორე მხრივ კი, საყურადღებოა ის, რომ საქართველო რეგიონის ლიდერად გადაიქცა.

„ნაციონალურ მოძრაობაში“ დაპირისპირება გრძელდება - პოლიტსაბჭოს გაფართოების გადაწყვეტილების მიუხედავად, პარტიის თავმჯდომარე ლევან ხაბეიშვილის მოწინააღმდეგეთა რიცხვი ყოველდღიურად იზრდება. მისი გადადგომის მოთხოვნას მარნეულისა და კახეთის რაიონული ორგანიზაციებიც შეუერთდნენ. ხაბეიშვილის მხარდამჭერები კი ამბობენ, რომ თავმჯდომარის წინააღმდეგ დაწყებული კამპანია უშედეგოდ დასრულდება. არსებობს თუ არა იმის ალბათობა, რომ ენმ-ში ხელახალი არჩევნები დაინიშნოს და ვინ შეიძლება ხაბეიშვილის შემცვლელად მოიაზრებოდეს?

ხუთშაბათს სომხეთისა და აზერბაიჯანის საზღვარზე ორი ქვეყნის სახელმაიფო საზღვრის დელიმიტაცია-დემარკაციის კომისიების წარმომადგენელთა შეხვედრა გაიმართა. ანალიტიკოსთა შეფასებით, ამ პროცესის დასრულების შემდეგ სამხრეთ კავკასიაში ერთ დიდი და ხანგრძლივ კონფლიქტს ფორმალურადაც დაესმება წერილი და რეგიონში ახალი გეოპოლიტიკური რეალობა შეიქმნება.

ევროკომისიის 9 პუნქტთან დაკავშირებული ხელისუფლების სამოქმედო გეგმის გამოქვეყნება ჭიანურდება. გასულ კვირას მმართველი პარტიის თავჯდომარე ირაკლი კობახიძემ აღნიშნა, რომ გეგმა საბოლოო სახეს 27 ნოემბრისთვის მიიღებდა, თუმცა, როგორც 30 ნოემბერს პარლამენტის თავმდჯომარე შალვა პაპუაშვილმა განაცხადა, გასაჯაროების პრეროგატივა მხოლოდ უწყებათაშორისი კომისიას აქვს, დოკუმენტი კი ევროკომისიასთანაა შეთანხმებული. ანალიტიკოსი ზაალ ანჯაფარიძე აცხადებს, რომ ამ გეგმაში საქართველოს ხელისუფლებამ, შესაძლოა, საკუთარი დათქმებიც შეიტანოს.

პატიმრობაში მყოფი ექსპრეზიდენტი მიხეილ სააკაშვილი ბოლო დროს პრაქტიკულად ღიად აცხადებს, რომ პოლიტიკურ პროცესებში ჩართვას სურს. ენმ-ში მწვავე კრიზისის მოგვარების მცდელობისას მან პარტია საკუთარი თავი პოლიტსაბჭოს ხელმძღვანელადაც შესთავაზა. გარდა ამისა, „ნაციონალურ მოძრაობაში" არ გამორიცხავენ, 2024 წლის საპარლამენტო არჩევნებისათვის მათი პრემიერ-მინისტრობის კანდიდატი სააკაშვილი იყოს. თუმცა, ამ ყველაფერში ექსპრეზიდენტს საქართველოს მოქალაქეობის არქონა უშლის ხელს.

ყირგიზეთი ტრანსკასპიურ დერეფანში ჩაერთო, რაც გადაზიდვების მაჩვენებლებზე დადებით გავლენას მოახდენს. ბოლო პერიოდში საქართველოსა და შუა აზიურ ქვეყანას შორის სავაჭრო კავშირები ისედაც საკმაოდ გააქტიურებულია და ამას მოწმობს ავტომობილების რეექსპორტში გაზრდილი მაჩვენებელი, რითაც ყირგიზეთი უკვე ყაზეხეთსაც კი უსწრებს. ამ ეტაპზე ზოგადად შუა აზიურ სახელმწიფოებთან თანამშრომლობას შესაძლოა, გარკვეული გამოწვევა დაუდგეს პოლიტიკურ ასპექტში, ვინაიდან შემდეგი ორი წელი საქართველოში არჩევნებია. მიუხედავად იმისა, რომ არჩევნები საქართველოსთვის ყოველთვის შიდაპოლიტიკური დაძაბულობით ხასიათდება, სპეციალისტები ამ ფაქტორს მაინც გამორიცხავენ და აცხადებენ, რომ შუა დერეფანში საქართველოს როლის გააქტიურებას წინ ვერაფერი აღუდგება.