ენმ-ს 29 ნოემბრის შეკრებიდან ცნობილი გახდა, რომ პარტია დეკემბერში ყრილობას გეგმავს, პოლიტსაბჭოს კი ოცი წევრი დაემატა, გაფართოებულ შემადგელობაში განიხილებიან ის პირები, „რომლებიც მიხეილ სააკაშვილის მანიფესტის სულისკვეთებას იზიარებენ". ახალ წევრებს შორის არიან ისინიც, რომლებიც ირიცხებოდნენ ნიკა მელიას ხელმძღვანელობის დროს ამავე რგოლში.

საქართველოს ეროვნულ ბანკმა ახალი ცვლილებები დაამტკიცა, რომელიც კომერციული ბანკებისთვისაა განსაზღვრული. სებ-ის გადაწყვეტილებით კონტრციკლური ბუფერის დაგროვება ეტაპობრივად მოხდება, ხოლო მინიმალური სარეზერვო მოთხოვნების ნორმის ზედა ზღვარი 25%-დან 20%-მდე მცირდება. ეროვნული ბანკის ნაბიჯს სფეროს სპეციალისტები მიესალებიან და აცხადებენ, რომ გადაწყვეტილება საბანკო სისტემაზე წნეხს მნიშვნელოვნად შეამსუბუქებს.

„ათი წელია უკვე გამოცდები მოხსნილია და უკვე ათი წელია ბავშვები სკოლაში აღარ დადიან. მთელი თაობები წამოვიდა, უკვე საკუთარ გვარს და სახელს ვეღარ წერენ და ორჯერ ორი არ იციან, სხვა საგნებზე ხომ ზედმეტია საუბარი. ხარისხი განულებულია," - აცხადებს განათლების დარგის ექსპერტი მანანა ნიკოლაიშვილი. მისი თქმით, სკოლებში მეთერთმეტე-მეთორმეტე კლასებში ბავშვები გაკვეთილებს თითქმის არ ესწრებიან, რისი მიზეზიც არის დროში გაწელილი პროგრამა და ის, რომ სკოლებში კლასიდან კლასში გადასაყვანი და საატესტატო გამოცდები გაუქმებულია.

ფრონტზე არსებული ჩიხური სიტუაციის გამო როგორც უკრაინულ, ისევე დასავლურ პოლიტიკურ წრეებში სულ უფრო გახშირდა საუბრები პუტინთან გარკვეული შეთანხმების მიღწევაზე, რაც ტერიტორიის ნაწილის დათმობას გულისხმობს. თავიდან უკრაინელებს ამის გაგონება არ სურდათ, თუმცა მას შემდეგ, რაც ზაფხულის დიდი კონტრშეტევა ჩავარდა, ამაზე საუბარი კიევშიც დაიწყეს. მიუხედავად ამისა, საგარეო საქმეთა მინისტრმა დმიტრო კულებამ ახლახან თქვა, რომ ამ ომის ერთადერთი შედეგი უკრაინის მიერ ქვეყნის მთელ ტერიტორიაზე კონტროლის დაბრუნება იქნება.

ლევან ხაბეიშვილის გადადგომის მოთხოვნისა და მწვავე დაპირისპირების ფონზე, ენმ პოლიტსაბჭოს გაფართოებას აანონსებს. სხდომის დასრულების შემდეგ ცნობილი უნდა გახდეს საბჭოს შემადგენლობა. მოქმედი მენეჯმენტი მასთან დაპირისპირებულ ჯგუფებს სთავაზობს, ხელი მოაწერონ სააკაშვილის მანიფესტს.    

მას შემდეგ, რაც ევროკომისიამ საქართველოს კანდიდატობაზე დადებითი რეკომენდაცია გასცა, საბოლოო სიტყვა ევროპულ საბჭოზეა, რომელიც წევრი ქვეყნების ლიდერების ფორუმს წარმოადგენს. მან კონსენსუსით უნდა მიიღოს გადაწყვეტილება და თუ ერთი წევრი მაინც წინააღმდეგია, საქართველო სტატუსს ვერ მიიღებს. როგორც „ოცნებაში" აცხადებენ, ყველა ქვეყნის თანხმობა მიღებული აქვთ.

გახარიას პოლიტიკური ჯგუფისგან და „ლელოსგან" ბევრჯერ ითქვა, რომ გარკვეულ პარტიებთან ალიანსში ყოფნა მათთვის პრინციპულად მიუღებელია, თუმცა მიუხედავად ამისა, ოპოზიციაში კვლავ ისმის განცხადებები, რომ ყველა ძალა, „ვისაც რეალურად უნდა ხელისუფლების შეცვლა, მრგვალი მაგიდის ირგვლივ უნდა დასხდეს". ანალიტიკოსი რამაზ საყვარელიძე „რეზონანსთან" აცხადებს, რომ 2020 წლის არჩევების შედეგმა აჩვენა, რომ ერთობის იდეამ ოპოზიციის გამარჯვების პრეცედენტი არ შექმნა, ამიტომაც ახლაც მათი მხრიდან წყლის ნაყვა გამოდის.

ქვეყანაში მიგრანტების ეფექტი თითქმის სრულად ამოიწურა. თავის დროზე ყველაზე დიდ გავლენა ამან უძრავი ქონებისა და სარესტორნე სექტორზე იქონია, თუმცა ამიერიდან მუშაობა ძველებურად გაგრძელდება და მდგომარეობა ნელ-ნელა კალაპოტში უნდა ჩადგეს.  „რეზონანსი“ დაინტერესდა თუ რა იქნება მომავალში და როგორ შეიცვლება ხელოვნური მიზეზებით გამოწვეული სიტუაცია.

ბოლო დღეებში „ნაცმოძრაობაში" სიტუაცია ისე გამწვავდა, არაა გამორიცხული, რომ კრიზისის განსამუხტავად მალე თავმჯდომარის ახალი არჩევნები ჩანიშნონ - ლევან ხაბეიშვილის გადადგომას უკვე რეგიონების საკრებულოებიდანაც ითხოვენ. ანალიტიკოსებს ეეჭვებათ, რომ პარტიაში სიტუაცია არჩევნებამდე დალაგდეს, რაც ელექტორატის ნაწილს დიდი ალბათობით დააკარგინებს.

ორად გაყოფილ „ნაციონალურ მოძრაობაში“ განხეთქილება იმდენად გამწვავდა, რომ  მოქმედ თავმჯდომარე ლევან ხაბეიშვილს წინამორბედის გარიცხვის გამო გადადგომისკენ მოუწოდებენ. პოლიტსაბჭოს წევრების ნაწილმა და პარტიის საორგანიზაციო მდივანმა, გიორგი მუმლაძემ ხაბეიშვილის გადადგომა მოითხოვა. გადაწყვეტილების მისაღებად მოქმედ თავმჯდომარეს მათ გარკვეული ვადაც მისცეს. წინააღმდეგ შემთხვევაში, ამბობენ, რომ თანამდებობის დატოვებას აიძულებენ. 

ახლა, როცა დეკემბერში მთელი საქართველო ევროკავშირის კანდიდატის სტატუსის მოლოდინშია, ოპოზიციაში აცხადებენ, რომ სამუშაო ჯგუფებში იძულებულნი არიან ხელისუფლებას „უბრალოდ დაეთანხმონ", ამიტომ ამას ფარსს უწოდებენ და პრინციპში ბოიკოტს უცხადებენ. მმართველი პარტია კი ირწმუნება რომ ოპოზიციის გარეშეც გაართმევს თავს ევროდათქმებზე მუშაობას და მოლაპარაკების გახსნასაც ბრიუსელთან მარტო გეგმავს.

ნარინჯისფერი სეზონი საქართველოში წარმატებით მიმდინარეობს. ბუნებრივი პირობებიდან გამომდინარე, წინა წელთან შედარებით, მოსავალი დაახლოებით 20%-ით მეტია, ქართული ციტრუსი ხარისხითაც გამოირჩევა, რაც ექსპორტთან დაკავშირებით დადებით მოლოდინს ქმნის. სეზონის წარმატებას დიდწილად ხელს უწყობს გარემოს დაცვისა და სოფლის მეურნეობის სამინისტროს მხრიდან გატარებული ღონისძიებები. მთავრობის გადაწყვეტილებით, სამრეწველო გადამუშავების (არასტანდარტულ) მანდარინზე სუბსიდია გაიცემა. საწარმოები ჩაიბარებენ მანდარინს როგორც გადამუშავებისთვის, ასევე საექსპორტოდაც. მაქსიმალური ღონისძიებები ტარდება, რომ ციტრუსის წარმოების, ასევე ექსპორტის მიმართულებითაც არანაირი შეფერხება არ იყოს.