საქართველო სიღარიბის კრიტერიუმიდან თანდათან გამოდის. მართალია, ამ მიმართულებით გამოწვევები ჯერაც არსებობს, თუმცა სიღარიბის დონით, ჩვენი ქვეყანა პოსტსაბჭოთა სახელმწიფოებს შორის ყველაზე დაბალი მაჩვენებლით გამოირჩევა. სპეციალისტები ოფიციალურ კვლევებზე დაყრდნობით აცხადებენ, რომ საქართველომ სიღარიბე დიდწილად დაძლია და უმუშევრობის დაბალი დონით, ასევე 1 სულ მოსახლეზე მშპ-ს სიდიდით, ერთ-ერთ მოწინავე პოზიციაზეა.

ნავთობპროდუქტების ბაზარზე მარაგების და ფასების მხრივაც სტაბილურობაა. ბოლო პერიოდში გლობალურ ბაზრებზე მინდინარე ტენდენციას ქართული კომპანიებიც ადეკვატურად პასუხობენ, თუმცა რეაგირება ობიექტური მიზეზის გამო ერთდროულად ვერ ხერხდება. როგორც ცნობილია, საქართველოს კონკურენციისა და მომხმარებლის დაცვის სააგენტომ 2024 წელს საავტომობილო საწვავის (ბენზინი, დიზელი) ბაზრის მონიტორინგი ჩაატარა და მისი ერთ-ერთი შენიშვნა სწორედ კომპანიების საფასო პოლიტიკას უკავშირდება.

ოქროს ფასი არნახულ მასშტაბს აღწევს და საერთაშორისო გავლენას ქართული ბაზარიც ვერ გაექცა. ერთი წლის განმავლობაში ოქრო 60%-ით გაძვირდა, რამაც რეალიზაციაზე ნეგატიურად იმოქმედა. ოქროს ბირჟაზე მომუშავეები გაყიდვის მაჩვენებლის 30%-ით შემცირებაზე საუბრობენ, რასაც სპეციალისტევბიც ადასტურებენ. მსგავსი სიტუაცია პირველადაა, როცა ოქროს მომხმარებელი მხოლოდ უკიდურესი საჭიროებიდან გამომდინარე იძენს ძვირფასი ლითონისგან დამზადებულ სამკაულს. ამ ეტაპზე ლონდონის ბირჟაზე 1 უნცია ოქროს ფასი 2944 დოლარია. 

დონალდ ტრამპი უცხოეთიდან აშშ-ში იმპორტირებულ ახალ ავტომობილებზე 25%-იანი ტარიფის დაწესებას განიხილავს. ეს საბაზისო მაჩვენებელი იქნება და ქვეყნების მიხედვით სატარიფო განაკვეთის მოცულობა გაიზრდება. ეს კი ავტომობილების გაძვირებას გამოიწვევს. ვინაიდან საქართველო 80%-ით ამერიკულ ბაზარზეა დამოკიდებული, არ არის გამორიცხული, რომ მანქანების ღირებულებამ ჩვენთანაც მოიმატოს.

მთავრობა მიგრაციის პოლიტიკის გამკაცრებას გეგმავს. კონკრეტულად რა შეიცვლება და როგორ შეეცდება ხელისუფლება გაზრდილ მიგრაციასთან დაკავშირებული პრობლემის მოგვარებას, ჯერჯერობით უცნობია. მმართველი პარტიის ლიდერმა მამუკა მდინარაძემ პირდაპი განაცხადა, რომ დაახლოებით 2 თვეში ქვეყანა თავის პოლიტიკას გადახედავს მიგრაციული კუთხი მიდგომას გაამკაცრება.

საქართველოს სანავთობო ბაზარზე სტაბილური მდგომარეობაა. ქვეყანაში საწვავის დიდი მარაგი არსებობს და თანაც დამატებით პარტიები მალე შემოვა საქართველოში. მარტიდან რუსეთი შემზღუდავი ზომების დაწესებას კვლავ აპირებს, თუმცა როგორც იმპორტიორებისგან ითქვა, ეს საქართველოსთვის პრობლემას არ წარმოადგენს. ექსპერტები კი განსხვავებულად ფიქრობენ და მიიჩნევენ, რომ რუსეთიდან ბენზინის იმპორტის აკძრალვის შემდეგ საწვავი 10-15 თეთრით გაძვირდება.

საქართველოში უმუშევრობა ისევ მცირდება და მაჩვენებელი ამ დროისთვის ისტორიულ მინიმუმზეა. ასეთი პოზიტიურია ბოლო წლების ტენდენცია. ეკონომისტები ფიქრობენ, რომ უმუშევრობა კვლავ შემცირდება, თუკი ეკონომიკური მოლოდინი გამართლდება.

საქართველოში ეკონომიკური მოცემულობა შეიცვალა. შეიძლება ითქვას, რომ ქვეყანა ახალ ფაზაში გადადის, სადაც მოსალოდნელია ინფლაცია და ხელფასების ზრდის დაპაუზება. როგორც ეკონომისტებს მიაჩნიათ, ასეთი სიტუაცია პოლიტიკურ მდგომარეობას და რუსეთის ფაქტორს უკავშირდება. 

დიდხნიანი პაუზის შემდეგ ბაქო-თბილისის სამგზავრო მატარებლით მიმოსვლა განახლდება. ორ ქვეყანას შორის სარკინიგზო კავშირი მაისის მოხდება, რაც პანდემიის დაწყების შემდეგ შეზღუდული გაწყვეტილი იყო. საქართველო-აზერბაიჯანს შორის მიმოსვლის განახლებას ექსპეტრები დადებითად აფასებენ და თანაც ხაზს უსვამენ, რომ ეს გადაწყვეტილება სხვადასხვა პოზიტიურ ეკონომიკურ ძვრებს გამოიწვევს. 

მართვის მოწმობის ორეტაპიანი გამოცდის დაწესებამ მოქალაქეებს გამოცდების ჩაბარების პროცესი ძალიან გაურთულა. როგორც ავტოსკოლების წარმომადგენლები აცხადებენ, 100-დან 10 ადამიანიც ვერ აბარებს გამოცდას პირველივე ჯერზე, რაც ზოგადად გამოცდების პროცედურას უკავშირდება და სერიოზულ დაბრკოლებას ქმნის. მთავარი პრობლემა, რაზეც სპეციალისტები ყურადრებას ამახვილებენ, ერთიანი სტანდარტის არქონაა. სხვადასხვა ქალაქში განსხვავებული სირთულის გამოცდებია. 

საქართველოს კიდევ ხორბლის ერთი მომწოდებელი ქვეყანა შეემატება. როგორც ცნობილია, ყაზახეთი ხორბლის ექსპორტის სუბსიდირებას გეგმავს. ეს ნიშნავს, რომ ქვეყანაში ყაზახური ხორბლის იმპორტი უპრობლემოდ განხორციელდება, რაც აქამდე ტრანსპორტირების მაღალი ხარჯისა და ბიუროკრატიული შეზღუდვის გამო ვერ ხერხდებოდა. მიზეზი ამ ეტაპზე ყაზახეთში ჭარბი მოსავალია და ქვეყანა ცდილობს შეუფერხებლად შეძლოს მარცვლელულის რეალიზაცია, რაც საქართველოსთვის საუკეთესო შანსია, დამატებით ახალ ბაზარზე წვდომა გაიმარტივოს.

ევროპარლამენტის მიერ მიღებულ რეზოლუცია საქართველოს საფინანსო სექტორისა და ეკონომიკისთვის სერიოზულ რისკს შეიცავს. განსაკუთრებით ეროვნული ბანკის პრეზიდენტის ნათია თურნავას შეყვანა დასანქცირებულთა სიაში. სპეციალისტებისთვის უცნობია, რატომ მოხვდა ამ სიაში თურნავა, თუმცა აცხადებენ, რომ გადაწყვეტილება ცუდად იმოქმედებს ლარის კურსზე და შესაბამისად, მოსახლეობის კეთილდღეობაზეც ნეგატიურად აისახება, ვინაიდან მიზანმიმართულად ხდება შეტევა საქართველოს ეკონომიკასა და ეროვნულ ვალუტაზე.