"ქართული ოცნების" ოფისში პოლიტსაბჭოს სხდომა გაიმართა, სადაც ბიძინა ივანიშვილმა ახალი მთავრობის პრემიერობის კანდიდატად მოქმედი პრემიერი ირაკლი კობახიძე წარადგინა, მეთერთმეტე მოწვევის პარლამენტის თავმჯდომარის კანდიდატურად კი კვლავ შალვა პაპუაშვილია დასახელებული. როგორც ჩანს, "ოცნება" ახალი პარლამენტის ნდობის გამოსაცხადებლად 25 ნოემბერს შეკრებისთვის ემაზდება - პარტიის აღმასრულებელმა მდივანმა მამუკა მდინარაძემ განაცხადა, რომ "წინასწარ ზუსტად იცის", რომ არჩევნებთან დაკავშირებით, პრეზიდენტის საკონსტიტუციო სარჩელი არ დაკმაყოფილდება.

ცოლის და სიდედრის სასტიკი მკვლელობა - რუსთავის საქალაქო სასამართლომ სრულად გაიზიარა პროკურატურის მიერ წარდგენილი მტკიცებულებები - ორი ადამიანის მკვლელობის ფაქტზე ბრალდებული დამნაშავედ ცნო და უვადო პატიმრობა მიესაჯა.

2025 წლის ბიუჯეტში თბილისის შემოვლითი გზის მშენებლობის პროექტის ხარჯია გათვალისწინებული. ამაზე საუბარი ჯერ კიდევ 2016 წელს დაიწყო, მაგრამ ახლა ირკვევა, რომ თბილისის სრულიად ახალი შემოვლითი გზის პროექტი მოკვლევა-ადრეული პროექტირების ეტაპზეა. "რეზონანსი” შეეცადა გაერკვია, სამომავლოდ რა შეღავათს მისცემს დედაქალაქს ახალი სატრანსპორტო მონაკვეთი და განტვირთავს თუ არა იგი ქალაქს.

ზამთრის მოახლოებასთან ერთად, სვანეთში ვითარება უფრო და უფრო იძაბება. საუბარია კრიპტოვალუტის მაინინგზე, რის გამოც რეგიონში ელექტროენერგიის არანორმალური მოხმარებაა. წინა კვირაში ამის გამო მესტიაში დენის მიწოდება შეწყდა, გუშინ კი მოქალაქეებმა საპროტესტო აქცია გამართეს. მფგომარეობის გამოსწორების ერთადერთი გზა გამრიცხველიანება და გადასახადის დაწესებაა.

საკონსტიტიციო სასამართლომ არჩევნების შედეგების გაუქმებაზე პრეზიდენტ სალომე ზურაბიშვილის სარჩელი დაარეგისტრირა - კონსტიტუციონალისტების თქმით, ახლა სასამართლომ განმწესრიგებელი სხდომა უნდა გამართოს, რომელზეც უნდა დაადგინოს მიიღებს თუ არა სარჩელს არსებითად განსახილველად.

რატომ მიიღო ოპოზიციამ ქუჩის აქციების დაშლის გადაწყვეტილება? რამაც მათ მხარდამჭერებში გარკვეული უკმაყოფილება გამოიწვია. როგორც ცნობილი გახდა, ხელახალი საპარლამენტო არჩევნების მოთხოვნით მიმდინარე საპროტესტო აქციების ორგანიზატორებმა გადაწყვიტეს, დროებით დაიშალონ და ახალი გეგმა შეიმუშაონ.

აშშ-ის პრეზიდენტმა, ჯო ბაიდენმა უკრაინისთვის ქვეითსაწინააღმდეგო ნაღმების გადაცემა დაამტკიცა,- ამის შესახებ ინფორმაციას „როიტერსი" ამერიკელ ოფიციალურ პირზე დაყრდნობით ავრცელებს. ამასთან, საუბარია იმაზეც, რომ უკრაინამ ამერიკის მიერ მინიჭებული უფლების გამოყენება დაიწყო და „ატაკამსის" იარაღით რუსეთის სიღრმეში დარტყმა განახორციელა.

ვლადიმერ პუტინი დონალდ ტრამპთან უკრაინაში ცეცხლის შეწყვეტის შესახებ შეთანხმების განსახილველად მზად არის, - ამის შესახებ ინფორმაციას „როიტერი" ხუთ რუს ოფიციალურ პირზე დაყრდნობით ავრცელებს. რუსი ოფიციალური პირების ცნობით, რუსეთის პრეზიდენტი, ვლადიმერ პუტინი აშშ-ის არჩეულ პრეზიდენტთან, დონალდ ტრამპთან მოლაპარაკებებისას ტერიტორიულ დათმობებს გამორიცხავს და ასევე, მოითხოვს, რომ უკრაინამ ნატოში გაწევრიანებებზე უარი თქვას.

ოპოზიცია უწყვეტ აქციებს კვლავ აანონსებს. "ქართული ოცნება" კი ფიქრობს, რომ ოპოზიციას რეალური გეგმა არ აქვს, მანდატების გაუქმებაზე არ წავლენ და საბოლოო ჯამში, საკანონმდებლო ორგანოში შევლენ. თუმცაღა, ამ დროისთვის ოთხივე ბარიერგადალახული ოპოზიციური პლატფორმა აცხადებს, რომ მეთერთმეთე მოწვევის პარლამენტს "ლეგიტიმაციას არ მისცემს". რა სტრატეგია აქვს მოცემულ მომენტში ოპოზიციას და რა - ხელისუფლებას?

თბილისში განვითარებულმა მოვლენებმა შესაძლოა, ტურიზმის ინდუსტრიაზე მოახდიონს უარყოფითი გავლენა. ეს კი იმ შემთხვევაში მოხდება, თუ პროტესტი გაგრძელდება და თან უფრო დიდ მასშტაბებს შეიძენს. წინააღმდეგ შემთხვევაში, სტუმარმასპინძლობის ინდუსტრიას პოლიტიკური სიტუაციის გამო, არავითარი საფრთხე არ ელის. 

7 წლის ბავშვზე სექსუალურ ძალადობაში ბრალდებულია მისი 80 წლის მუსიკის მასწავებელი. ხანდაზმულ პედაგოგს, რომელსაც მუშაობის 60 წლის სტაჟი აქვს, ბავშვის ოჯახი 7 წლის გოგონაზე გაყრვნილ ქმედებაში სდებენ ბრალს. მასწავლებელი დაკავებულია და ის სამსახურიდან გაათავისუფლეს, ხოლო სასამართლო პროცესი დეკემბერშია ჩანიშნული. 

ორშაბათს ბრიუსელში გამართულ ევროკავშირის მინისტერიალზე საქართველოსთან დაკავშირებით რაიმე კონკრეტული გადაწყვეტილების მიღება ისევ ვერ მოხერხდა. გადაწყდა მხოლოდ ის, რომ 26 ოქტომბრის არჩევნებთან დაკავშირებით არსებულ ვითარებაში გასარკვევად საქართველოში ევროკავშირის ტექნიკური მისია ჩამოვა. რას ნიშნავს ეს, რა უფლებამოსილებები ექნება ამ მისიას და რა გავლენას მოახდენს მისი საქმიანობა როგორც ქვეყნის შიგნით არსებულ სიტუაციაზე, ისე დასავლეთის მიერ საქართველოს არჩევნების აღიარება-არაღიარებაზე?