ერთი კვირის წინ ექსპრეზიდენტ მიხეილ სააკაშვილის ადვოკატებმა განაცხადეს, რომ იგი ქართული პოლიტიკიდან წასვლას აპირებს და ამაზე შესაბამის განცხადებას თავად გააკეთებს. თუმცა დღემდე მესამე პრეზიდენტს არაფერი განუცხადებია. ანალიტიკოსთა ნაწილი მიიჩნევს, რომ თუ მართლაც ოპოზიციის ნაწილის ეჭვები სიმართლეს შეესაბამება და სააკაშვილი „ოცნებასთან" გარიგებას ცდილობს, შესაძლოა ხელისუფლებასთან მისი ეს მოლაპარაკებები ჩიხში შევიდა, ან ჯერჯერობით იმ კონდინციამდე არაა მისული, რომ სააკაშვილმა წასვლასთან დაკავშირებული განცხადება გააკეთოს.

პრეზიდენტმა სალომე ზურაბიშვილმა ცესკოს მოქმედი თავმჯდომარის, გიორგი კალანდარიშვილის ამ თანამდებობაზე კიდევ ერთხელ წარდგენაზე უარი თქვა და პარლამენტს ასარჩევად ორი სხვა კანდიდატურა წარუდგინა. თავად კალანდარიშვილი, რომელიც მმართველიპარტიის სიმპატიითა და მხარდაჭერით სარგებლობს, ამბობს, რომ პრეზიდენტის გადაწყვეტილება მისთვის სრულიად მოულოდნელი იყო. ანალიტიკოსი ზაალ ანჯაფარიძე კი „რეზონანსთან" პრეზიდენტის ამ გადაწყვეტილების სავარაუდო მოტივებსა და შედეგებზე საუბრობს.

პუტინსა და ერდოღანს შორის საუბრის თემები ბევრია, შესაძლოა საქართველოზეც იყოს საუბარი, რადგან როგორც ვიცი მერე თბილისს ეწვევა და თუ ჩამოვა, შეიძლება გარკვეული ინიციატივებიც წამოაყენოს, მაგრამ რა იქნება წინასწარ ამის თქმა ძნელია - ამის შესახებ „რეზონანსთან" სამხედრო ექსპერტმა ვახტანგ მაისაიამ განაცხადა, სოჭში რუსეთის პრეზიდენტ ვლადიმერ პუტინისა და თურქ კოლეგა რეჯეფ თაიფ ერდოღანის შეხვედრაზე საუბრისას.

უკრაინა-რუსეთის ომი კვლავ აქტიურ ფაზაში მიმდინარეობს. რუსეთი უკრაინის  ქალაქების დაბომბვას აგრძელებს. საქართველოს შეიარაღებული ძალების ყოფილი მეთაური და გენერალ - მაიორი ვახტანგ კაპანაძე, „რეზონანსთან“ ამბობს, რომ ამ ეტაპზე ფრონტის ხაზზე ძალთა თანაფარდობაა და ორივე მხარე პოზიციურ ბრძოლებს აწარმოებს. თუმცა მცირე უპირატესობა რუსეთის მხარეს შეიმჩნევა. გენერალი ამბობს, რომ რუსებმა უკრაინის სამხრეთით ჯარის მობილიზება და დანაყოფების გადასროლა დაიწყეს. ეს კი იმის მანიშნებელია, რომ რუსეთი ომის მესამე ფაზისთვის ემზადება.    

რუსეთის უკრაინაში შეჭრიდან 163-ე დღეს ფრონტის ხაზზე ვითარება მძიმეა - უკრაინის გენშტაბის ცნობით, რუსეთის არმია შეტევას ორი მიმართულებიდან ცდილობს, ასევე დასახლებულ პუნქტებში ცეცხლს უხსნის სამხედრო და სამოქალაქო ინფრასტრუქტურას, თუმცა რთული სიტუაციის მიუხედავად, უკრაინის შეიარაღებულმა ძალებმა შეძლეს და ოკუპანტებისგან კიდევ ერთი სოფელი გაათავისუფლეს. თავის მხრივ ინფორმაციას რუსეთის თავდაცვის სამინისტროც ავრცელებს.

„ქართული ოცნების" თავმჯდომარე ირაკლი კობახიძე რუს ტურისტებთან დაკავშირებით, სამართალდამცავ ორგანოებს მოუწოდებს, ფხიზლად და ფრთხილად იყვნენ, რათა ინციდენტები არ იყოს დაშვებული და მიიჩნევს, რომ სავიზო რეჟიმის დაწესების მოთხოვნა, „ენმ-ს მიერ აგორებული ქსენოფობიური კამპანიაა, რომლის ერთადერთი მიზანია, საქართველო რამენაირად გახდეს მეორე ფრონტი", რასაც კობახიძის თქმით, მმართვლი პარტია „არ დაუშვებს". მის განცხადებას გამოხმაურება მოჰყვა ოპოზიციიდან.

საპარლამენტო რესპულიკა კოალიციური მთავრობის გარეშე არ არსებობს, რაც კარგად იცის ბიძინამ, ამიტომ თადარიგი აქედანვე დაიჭირა. საზოგადოებას ეტყვის, აგერ, ბატონო, კოალიციური მთავრობაო, რომელიც დაკომპლექტდება ახალი და ძველი „ოცნებით", კიდევ ერთ-ორ სხვა ოპოზიციურ პარტიასაც შეიყვანენ. კოალიციური მთავრობა კი ნიშნავს ახალ კოაბიტაციას, რასაც დასავლეთიც მიესალმება," - აღნიშნა პოლიტოლოგმა იგორ კვესელავამ „რეზონანსთან" პოლიტიკურ პროცესებზე საუბრისას.

უკრაინა-რუსეთის ომის ფონზე სოციალურ ქსელებში ვრცელდება ინფორმაცია, რომ ომში დაღუპული ოსებისა და აფხაზების შესახებ. ამის მტკიცებულებად კი ფოტოებს და გარდაცვლილთა ვინობას აქვეყნებენ. ეს ძირითადად „ტელეგრამზე“ ხდება, სადაც საუბობენ იმაზე, რომ ეს რიცხვი ყოველდღიურად იზრებდა. ფაქტები სიმართლეს რამდენად შეესაბამება და ხდება თუ არა საქართველოდან აფხაზების და ოსების ომში გაწვევა? ან რამდენად ხშირია მათი დაღუპვის შესახებ ცნობები? ამ თემაზე  „რეზონანსს“ კავკასიოლოგი და კონფლიქტოლოგი მამუკა არეშიძე ესაბურა. 

უკრაინაში რუსეთი მშვიდობიანი მოქალაქეების წინააღმდეგ სარაკეტო იერიშებს განაგრძობს. რუსულმა ძალებმა დონეცკის რეგიონში ავტობუსის გაჩერება დაბომბეს, არის დიდი მსხვერპლი. ამავე იერიშის შედეგად დაზიანდა ტაძარი. ოკუპანტებმა რაკეტები ესროლეს ხარკოვს, მიკოლაევს, თუმცა მიუხედავად ამისა, უკრაინის შეიარაღებული ძალების გენშტაბის ინფორმაციით, ისინი დიდ დანაკარგებს განიცდიან და დემორალიზებულები არიან. რუსეთის თავდაცვის სამინისტრო კი ირწმუნება, რომ დროის მიმდინარე მონაკვეთში პირიქით დიდი დანაკარგი უკრაინის ჯარს ჰქონდა, როგორც სამხედროების, ასევე ტექნიკის თვალსაზრისით.

ივანიშვილს ოლიგარქის სტატუსი არც ჰქონდა და ვერც ექნება, ოლიგარქი კლასიკური გაგებით ქვეყნის ძარცვის ხარჯზე მდიდრდება. ამ შემთხვევაში კი ივანიშვილმა და მისმა ოჯახმა საქართველოს არაერთი სფეროს გადარჩენისთვის მილიარდები დახარჯა. ტერმინი „ოლიგარქი" მიესადაგება კეზერაშვილს, სააკაშვილს, ადეიშვილს და სხვებს, რომლებიც ქვეყნის ბიუჯეტის, ქვეყნის ქონების ძარცვის შედეგად გამდიდრდნენ და პოლიტიკასა და მედიაში ერევიან, რაც ივანიშვილს აბსოლუტურად არ ახასიათებს - ამის შესახებ „რეზონანსთან" ანალიტიკოსმა გია აბაშიძემ განაცხადა, მიმდინარე პოლიტიკურ მოვლენებსა და პოლიტიკოსების განცადებებზე კომენტირებისას.

რა პერსპექტივა აქვს რეალურად „გირჩის“ და „მოქალაქეების“ ინიციატივას, რომელმაც, ავტორების აზრით, ევროკავშირის 12-პუნქტიანი გეგმის შესრულება უნდა გააადვილოს.  საპარლამენტო ოპოზიიცის ნაწილი მიიჩნევს, რომ ქართული პოლიტიკური სპექტრის დეპოლარიზაციისთვის აუცილებელია, რომ მიხეილ სააკაშვილი პოლიტიკისგან დისტანცირდეს, ხოლო ბიძინა ივანიშვილი კი პირიქით, იმისთვის, რომ დეოლიგარქიზაციის საკითხი მოიხსნას, ქართულ პოლიტიკაში უნდა დაბრუნდეს. ასევე მოხდეს საკონსტიტუციო ცვლილებების მიღება, რაც საარჩევნო ბარიერის 2%-მე დაწევას გულისხმობს.  

ერდოღანი პუტინს სოჭში შეხვდება. ყარაბაღის ოპერაცია ამას საეჭვოდ დაემთხვა, თუმცაღა ისიც არაა გამორიცხული, რომ ეს რუსების პროვოკაცია იყოს. დაახლოებით ერთი კვირის წინ, რუსულ სოციალურ და საინფორმაციო ქსელებში ინფორმაცია გავრცელდა, რომ აზერბაიჯანმა უკრაინა სუდანიდან ზუსტი დამიზნების საავიაციო ბომბებით მოამარაგა, რასაც სომხეთთან ომის პერიოდში თავად იყენებდა. არ ვიცი ეს რამდენად მართალია, მაგრამ საინტერესოა. მეორე ვარიანტიცაა, საუბარი იყო, რომ ამერიკელებს კავკასიაში პოზიციების გაძლიერება სურდათ - ამის შესახებ „რეზონანსთან" სამხედრო ექსპერტმა ვახტანგ მაისაიამ განაცხადა, ბოლო დღეებში ყარაბაღში შექმნილ სიტუაციაზე საუბრისას.