უკრაინის უპრეცედენტოდ მასშტაბურ 1-ელი ივნისის სპეცოპარაციას კრემლის მაღალჩინოსნების სიტყვიერი მუქარა მოჰყვა. რა ქმედითი ნაბიჯებია მოსალოდნელი, ჯერჯერობით უცნობია, თუმცა, როგორც სპეციალისტები აცხადებენ, რუსული დანაკარგი სერიოზულია, რის აღდგენის პერსპექტივა დღეს არ აქვს, ასევე რეპუტაციის თვალსაზრისით ესაა "სახეში შემოლაწუნება" პრეზიდენტ ვლადიმერ პუტინისთვის და მოლოდინია, რომ პასუხი შეიძლება "მტკივნეული" იყოს.

ოპოზიციის ნაწილი, რომელიც ადგილობრივ არჩევნებს ბოიკოტს უცხადებს, მოსახლეობასთან კამპანიას ატარებს - „დარჩი სალში". ენმ-ის პოლიტსაბჭოს თავმჯდომარე ლევან ხაბეიშვილს მიაჩნია, რომ ბოიკოტი მნიშვნელოვანია და მათი ამოცანაა, რომ არჩევნები არ შედგეს და მასზე მილიონზე მეტი ადამიანი არ მივიდეს.

გასულ კვირას აშშ-ში გამოვიდა „სი-ენ-ენის" ჟურნალისტ ჯეიკ ტაპერისა და „აქსიოსის" კორესპონდენტ ალექს ტომპსონის წიგნი „პირველყოფილი ცოდვა", რაც დიდი სკანდალის მიზეზი გახდა. წიგნის ავტორების თქმით, ჯო ბაიდენის პრეზიდენტობისას ქვეყანას რეალურად მართავდა მასთან დაახლოებული ადამიანთა ვიწრო ჯგუფი, რომლებიც საგარეო და საშინაო პოლიტიკაში მნიშვნელოვან გადაწყვეტილებებს საკუთარი შეხედულებისამებრ იღებდნენ, რადგან ბაიდენი პრეზიდენტობის ბოლო პერიოდში ფაქტიურად დისფუქნციური იყო.

თბილისში ამერიკელი სენატორის, სტივ დეინსის 30 მაისის ვიზიტს საქართველოს ხელისუფლება სტრატეგიული გადატვირთვის დასაწყისად მიიჩნევს. პრემიერმა ხაზგასმით თქვა, რომ ეს შეხვედრა წინა შეხვედრებისგან განსხვავდებოდა და საუბარი იყო ჯანსაღი კუთხით ორ სახელმწიფოს შორის ურთიერთობის გადატვირთვაზე. მმართველ გუნდში ამბობენ, რომ ოპოზიცია „ღიმილის მომგვრელ მდგომარეობაშია".

რუსეთ-უკრაინის პირდაპირი მოლაპარაკების მეორე რაუნდი ჩაშლის ზღვარზეა. კრემლმა შეხვედრის დრო და ადგილი უკვე დაასახელა - რუსული დელეგაცია ორშაბათს, 2 ივნისს ჩავა სტამბოლში და უკრაინის წარმომადგენლებს დაელოდება. უკრაინული მხარე კი ყოყმანობს, რადგანაც რუსებს ჯერ კიდევ არ შეუსრულებიათ მოლაპარაკების პირველ რაუნდზე მიღწეული შეთანხმება და არ გადაუციათ უკრაინული მხარისთვის სამშიდობო მემორანდუმის თავისი ვერსია.

ილონ მასკმა 130-დღიანი მანდატი შეასრულა - ტრამპის ადმინისტრაციაში მისი მოკლე, მაგრამ ხმაურიანი მოღვაწეობა ოფიციალურად დასრულდა. ოვალურ კაბინეტში 30 მაისს გამართულ პრესკონფერენციაზე პრეზიდენტმა დონალდ ტრამპმა მას გაწეული დახმარებისთვის მადლობა გადაუხადა და აღნიშნა, რომ ოფიციალური გადადგომის მიუხედავად, ილონ მასკი არაოფიციალურ მრჩევლად მაინც დარჩა. მედიის ყურადღების ცენტრში მოექცა მასკის ჩალურჯებული თვალი, რასაც მან შვილთან თამაშის დროს მიღებული დაზიანება უწოდა.

ამერიკული „ფარას" ქართული ანალოგი, როგორც მას ხელისუფლება უწოდებს, 30 მაისიდან უკვე ძალაში შევიდა. კანონი არასამთავრობო და მედია ორგანიზაციებს ეხება, ხოლო მისი დარღვევა, გათვალისწინებული ვალდებულებების შეუსრულებლობა, ან არაჯეროვნად შესრულება ისჯება ჯარიმით, ან თავისუფლების 5 წლით აღკვეთით. ანალიტიკოსები „რეზონანსთან" მოსალოდნელ შედეგებზე საუბრობენ და აღნიშნავენ, რომ გამორიცხული არაა, არასამთავრობო ორგანიზაციების გარკვეულმა ნაწილმა ფუნქციონირება შეწყვიტოს და ასევე, ახალი „ენჯეოები" შეიქმნას.

რუსეთი მოკავშირე სერბეთს ღალატში ადანაშაულებს უკრაინისთვის იარაღის მიწოდების გამო. როგორც ირკვევა, სერბეთი ჯერ კიდევ 2023 წლიდან ახორციელებსა იარაღის მიწოდებას, მაგრამ ეს საკითხი მოსკოვმა ახლა წამოჭრა. საგარეო ექსპერტი, გიორგი კობერიძე ამას რამდენიმე მიზეზს უკავშირებს და ამბობს, რომ „სერბეთი ორ სკამდე ჯდომას ცდილობს".

საქართველოს საკითხი ნატო-ს გაფართოების სადავო დღის წესრიგში დაბრუნდა - ტრამპის მრჩეველი პუტინთან გარიგებაზე საუბრობს, სადაც საქართველოსა და მოლდოვის მომავალიც განიხილება. ოპოზიცია მოლაპარაკების მაგიდასთან საქართველოსთვის სკამის გამოყოფაზე აკეთებს აქცენტს, „ოცნება" ამბობს, რომ „დიდი სახელმწიფოები ერთმანეთთან დალაგდებიან", დასავლელი ლიდერები კი კრემლთან კომპრომისის პოლიტიკას ფატალურ შეცდომად განიხილავენ.

აშშ-ის სენატის საგარეო ურთიერთობათა კომიტეტის წევრი, სენატორი სტივ დეინსი საქართველოს სტუმრობს. ის დღეს პრემიერ ირაკლი კობახიძესა და ოპოზიციის წარმომადგენლებს შეხვდა. პრემიერი შეხვედრას „ნაყოფიერს" უწოდებს, თავად დეინსი კი კობახიძესთან შეხვედრის შესძლებლობას მიესალმება და საქართველოს აშშ-ს პრეზიდენტთან „მჭიდრო თანაშრომლობისკენ" მოუწოდებს.

„კოალიცია ცვლილებებისთვის" ერთ-ერთი ლიდერი ნიკა მელია 29 მაისს, საღამოს დააკავეს. როგორც შსს-ში ამბობენ, მელია ადმინისტრაციული წესის დარღვევის გამო აიყვანეს, რაც სამართალდამცავი ორგანოს თანამშრომლის სიტყვიერ შეუარცხყოფას გულისხმობს. მმართველ გუნდში ხაზს უსვამენ, რომ ნებისმიერი კანონის დარღვევის შემთხვევაში, ყველა პასუხს აგებს. ოპოზიციაში კი აცხადებენ, რომ ეს იყო „გატაცება და არა დაკავება".

საქართველოში უცხო ქვეყნის მოქალაქეების მასიურმა გააქტიურებამ ადგილობრივ მუშახელს სერიოზული პრობლემები შეუქმნა. ისინი შემცირებულ ხელფასს და გაუარესებულ სამუშაო პირობებზე ჩივიან. სპეციალისტები ფიქრობენ, რომ თუ სახელმწიფომ გარკვეული ზომები არ მიიღო, კერძო კომპანიებთან პირისპირ დარჩენილი მუშახელი ვერაფერს გახდება. ამასთანავე, ბაზრის უცხოელი მუშახელით გაჯერებით ირღვევა მომხმარებელთა და დასაქმებულთა უფლებებიც.