საერთაშორისო ბირჟაზე ოქრო მკვეთრ გაძვირებას განაგრობს და ახალ ისტორიულ მაქსიმუმზე ავიდა. ამჯერად 1 უნცია ძვირფასი ლითონის ღირებულებამ  3500 დოლარს მიაღწია. ცოტა ადრე ფასი 3350 დოლარი იყო. როგორც ანალიტიკოსები აცხადებენ, ტენდენცია გლობალურ პროცესს უკავშირდება და მომავალში ოქრო კიდევ გაძვირდება. მთავარი გაურკვევლობაა აშშ და რუსეთის პრეზიდენტების შეხვედრის შემდეგ გაჩნდა, რამაც ბაზრებზე რეაქცია გამოიწვია. რუსეთ-უკრაინის ომი კი ძვირფასი ლითონის ბაზარზე  მოთხოვნის ზრდას იწვევს და ფასებზეც ადეკვატურად აისახება.

31 აგვისტოს ევროკავშირის რეკომენდაციების შესრულების ვადა ამოიწურა, 1-ელ სექტემბერს კი საგარეო საქმეთა სამინისტროში განაცხადეს, რომ ვიზალიბერალიზაციასთან დაკავშირებული რვა რეკომენდაციის შესრულების ანგარიში ევროკომისიას უკვე გადაეგზავნა.

რუსეთის პრეზიდენტის, ვლადიმერ პუტინის განცხადებით, მხარს უჭერს ჩინეთის პრეზიდენტის, სი ძინპინის მიერ წამოყენებულ ინიციატივას, რომელიც გლობალური მმართველობის უფრო ეფექტური სისტემის შექმნას ითვალისწინებს. „ამ მხრივ, ჩვენ, რა თქმა უნდა, ყურადღებით მოვისმინეთ ყველაფერი, რასაც ბატონი სი ძინპინი გვთავაზობს გლობალური მმართველობის ახალი, უფრო ეფექტური და ფუნქციონალური სისტემის შესაქმნელად", - აღნიშნა პუტინმა შანხაის თანამშრომლობის ორგანიზაციის სამიტზე სიტყვით გამოსვლისას.

საპარლამენტო საგამოძიებო კომისიის დასკვნის გამოქვეყნებამდე ცოტა დრო რჩება. კომისიის წევრები აცხადებენ, რომ მათ საკმარისზე მეტი მტკიცებულება ნახეს ნაციონალური მოძრაობის შესახებ და მიაჩნიათ, რომ ეს პარტია ქართულ პოლიტიკაში აღარ უნდა არსებობდეს. მათი თქმით, საზოგადოება ამ პოზიციას ოფიციალურ დასკვნაშიც კიდევ ერთხელ იხილავს. ახლა მთავარი კითხვა ის არის, რა სამართლებრივი შედეგები მოჰყვება დასკვნის გასაჯაროებას და ელოდება თუ არა „ნაცმოძრაობას" საბოლოო აკრძალვა.

მორიგი მიმართვა პრეზიდენტ დონალდ ტრამპის ადმინისტრაციას - ამჯერად წერილის ავტორი პრეზიდენტი მიხეილ ყაველაშვილია, მიმართვის შინაარსი იგივეა, რაც "ოცნების" სხვა ლიდერების ღია წერილებშია, საუბარია სტრატეგიული პარტნიორობის გადატვირთვაზე, "დიფ სტეიტის" "აქტიურობასა და მის წინააღმდეგ ბრძოლაზე".

მთავრობამ უცხოელებისთვის ბინადრობის ნებართვის მოპოვების წესში ცვლილებები შეიტანა. როგორც BPN წერს, საქმე ეხება IT სპეციალისტებს, რომელთათვის დროებითი ბინადრობის ნებართვის მისაღებად დამატებითი რეგულაციები დაადგინა. კერძოდ, ახალი რეგულაციების მიხევდით, ტექნოლოგიების სფეროში მოღვაწე უცხოელები ბინადრობის უფლების მოპოვებას შეძლებენ, თუ მათი საქმიანობიდან წლიური შემოსავალი 25 000 აშშ დოლარის ეკვივალენტზე ნაკლები არ არის. ამისთვის კი, შესაბამისი ცნობა უნდა წარადგინონ.

2 სექტემბერს პარლამენტში საშემოდგომო სესია იხსნება და ერთ ერთ პრიორიტეტულ საკითხად თეა წულუკიანის 430 გვერდიანი დასკვნის დამტკიცებაა, რაც, სავარაუდოდ, უახლოეს დღეებში მოხდება. ოპოზიციაში აცხადებენ, რომ ეს ხელისუფლებისათვის ოპონენტების დევნის ახალი ბერკეტია. რა გავლენას მოახდენს დასკვნა წინასაარჩევნო გარემოზე, საარჩევნო კამპანიაში ჩართული პარტიების პოზიციებზე და საბოლოოდ, არჩევნების შედეგებზე?

აშშ-ის პრეზიდენტის ულტიმატუმის ვადა მომავალი კვირის ბოლოს, 5 სექტემბერს იწურება და უკვე ყველასათვის ნათელია, რომ მთავარი პირობა - რომ უკრაინისა და რუსეთის პრეზიდენტები პირად შეხვედრაზე შეთანხმდნენ - ვერ შესრულდება. ამის ფონზე დონალდ ტრამპი მედიასთან უკვე სამმხრივი შეხევდრის შესაძლებლობაზე საუბრობს და სოციალურ ქსელში დამაინტრიგებელ მინიშნებებს აკეთებს.

ორ თვეზე მეტია, რაც ექსპრემიერი გიორგი გახარია საქართველოში არ იმყოფება. 30 აგვისტოს კი გავრცელდა ინფორმაცია, რომ მან გერმანიაში ბინადრობის უფლება მიიღო. მის პარტიაში აცხადებენ, რომ გახარია ამჟამად ევროკავშირში ხანგრძლივი საქმიანობისთვის საჭირო პროცედურებს გადის და „უახლოეს დღეებში“ თავად გააკეთებს განცხადებას თავისი გეგმების შესახებ. ანალიტიკოსთა ნაწილი არ გამორიცხავს, რომ ექსპრემიერი უშუალოდ 4 ოქტომბრის ადგილობრივი არჩევნების წინ დაბრუნდეს სამშობლოში.

აშშ-ის საერთაშორისო განვითარების სააგენტო (USAID) დახურვა საბოლოო ეტაპზე გადადის. სახელმწიფო მდივანმა მარკო რუბიომ პარასკევს განაცხადა, რომ „იუ-ეს-ეიდ“-ის სადავეებს მენეჯმენტისა და ბიუჯეტის ოფისის დირექტორს, რას ვოთს გადასცემს, რათა სააგენტოს „დახურვის პროცესს ზედამხედველობა გაუწიოს“.

ევროკომისიის მიერ „ქართული ოცნების" ხელისუფლებისთვის დათქმული ვადა ამოიწურა და ახლო მომავალში, სავარაუდოდ, დღის წესრიგში დადგება უვიზო მიმოსვლის შეჩერების საკითხი. მმართველ პარტიაში ფიქრობენ, რომ ევროპული რეკომენდაციების შესრულებაზე უარის თქმის მიუხედავად, ევროკავშირი ასეთ რადიკალურ ნაბიჯს არ გადადგამს. ანალიტიკოსთა უმრავლესობაც ნაკლებად სავარაუდოდ მიიჩნევს უვიზო მიმოსვლის შეჩერებას, თუმცა ფიქრობენ, რომ თუ ეს გადაწყვეტილება მაინც იქნება მიღებული, ეს წლიმდე ბოლოს არ მოხდება.

ჩინეთში 3 სექტემბერს დაგეგმილ გამარჯვების აღლუმს 26 ქვეყნის, მათ შორის სომხეთისა და აზერბაიჯანის პრეზიდენტები დაესწრებიან, თუმცა მოწვეულთა სიაში საქართველოდან არავინაა. ეს დემონსტრაციული ჟესტი, ანალიტიკოსების შეფასებით, საქართველოსა და ჩინეთის ურთიერთობებში პრობლემების გაჩენაზე მიუთითებს.