საქართველოში ბოლო 4 წელია სიკვდილიანობის მაჩვენებელი შობადობას აღემატება. განსაკუთრებით დიდი სხვაობა გარდაცვლილებსა და დაბადებულებს შორის 2021 წელს იყო. ექსპერტები მიიჩნევენ, რომ სახეზეა დემოგრაფიის გაქანებული კოლაფსი, სიტუაციას კი მოსახლეობის ქვეყნიდან ინტენსიური გადინება ამწვავებს, ვინაიდან გასულთა შორის ჭარბობს რეპროდუქციული ასაკის, 20-იდან 50-წლამდე, მყოფი ადამიანები.

ენმ-ის 17 აგვისტოს ყრილობაზე საბოლოოდ ცნობილი გახდა, რომ „ევროპული საქართველო" ძველ პარტიას უბრუნდება. ასევე ხელმძღვანელობაში ბრუნდება კობა ნაყოფია. ის მიხეილ სააკაშვილის ინიციატივით შექმნილ ახალ სტრუქტურულ ერთეულს - ეროვნულ კომიტეტს უხელმძღვანელებს. როგორც შეკრებაზე სიტყვით გამოსვლისას „ნაცმოძრაობის" თავმჯდომარე თინა ბოკუჩავამ თქვა, ამ გაერთიანების „მთავარი მოტივატორი" სააკაშვილი იყო.

ვლადიმერ პუტინი უახლოეს საათებში საქართველოს მეზობელ აზერბაიჯანს ეწვევა, კრემლის პრესსამსახურის ინფორმაციით, ბაქოსთან მთავარი განსახილველი საკითხები „სტრატეგიული პარტნიორობის შემდგომი განვითარება" და მსოფლიოსა და რეგიონში მიმდინარე მოვლენებია. ანალიტიკოსები „რეზონანსთან" ამბობენ, რომ რუსეთის პრეზიდენტის მიზანია შექმნილ სიტუაციაში მოკავშირე იპოვოს, ეს კი საქართველოსთვის სიგნალია, რომ „ფრთხილად უნდა ვიყოთ".

„პოლიტიკურ ფიგურებზე თავდასხმები და პროვოკაციები უკვე დაწყებულია და ამის მომატებულ სიმძლავრეს სექტემბრიდან მეტად ვიხილავთ", - აცხადებს პოლიტოლოგი იგორ კვესელავა, რომელსაც „რეზონანსი" ქვეყანაში მიმდინარე პოლიტიკურ პროცესებზე ესაუბრა.

მაღალი ტემპერატურა, ყელის, კუნთებისა და სახსრების ტკივილი და ბუშტუკოვანი გამონაყარი კანზე - ეს ის სიმპტომებია, რომელიც „მაიმუნის ყვავილს" ახასიათებს. გაცილებით საშიში შტამი პირველად, ენდემურ კერას - აფრიკის კონტინენტს გასცდა და პირველი შემთხვევა შვედეთში დაფიქსირდა. შექმნილი სიტუაციიდან გამომდინარე ჯანდაცვის მსოფლიო ორგანიზაციამ ამ ვირუსის მორიგი აფეთქება საერთაშორისო მნიშვნელობის საგანგებო სიტუაციად გამოაცხადა.

„კარგია, თუ ჩვენს ციტატებს კითხულობენ. ისინი ასევე ამოიკითხავენ, რომ „ქართული ოცნების" მთავარი მიზანი, საქართველოს დეოკუპაციაა", - განაცხადა პარლამენტის თავმჯდომარე შალვა პაპუაშვილმა ქართველი ოლიმპიური მედალოსნების დაჯილდოების ცერემონიალის შემდეგ. როგორც პაპუაშვილი ამბობს, ქვეყანაში „გრძელვადიანი მშვიდობისა და სტაბილურობის დასამყარებლად", მნიშვნელოვანია წარიმართოს საჯარო სასამართლო პროცესი 2008 წლის ომთან დაკავშირებით, რათა საზოგადოებამ „ერთხელ და სამუდამოდ გაიგოს", ვინ ჩაიდინა დანაშაული.

2024 წლის პროპორციულ არჩევნებზე „ოცნების" 22 დელეგატის ვინაობა უკვე ცნობილია, რაც შეეხება თბილისის 8 ოლქს, მათ მმართველი პარტია უახლოეს დღეებში წარადგენს. ოპოზიცია დელეგატებს „ადგილობრივ ფეოდალებს" ეძახის და აცხადებს, რომ ამ დრომდე მაჟორიტარები და ახლა უკვე დელეგატები, პირველები არიან, რომლებიც ოპოზიციის გამარჯვების მერე „ხელისუფლების რიგებს ტოვებენ ხოლმე".

შემწეობის მიმღებ პირთა რაოდენობა ყოველდღიურად მატულობს. სახელმწიფოს პრობლემასთან გამკლავება უჭირს. მიუხედავად ორნიშნა ეკონომიკური ზრდისა, ქვეყანაში სწრაფად იზრდება სოცდაუცველთა რაოდენობა, რაც თავისებურად ურთიერთგამომრიცხავი ფაქტია. 2020 წლის საპარლამენტო არჩევნების შემდეგ ეს მჩვენებელი 39%-ით გაიზარდა.

საქართველოში საინვესტიციო კლიმატი ბოლო წლების განმავლობაში საგრძნობლად შეიცვალა. 2023 წლის სტატისტიკა ამ მხრივ არასახარბიელოა, რაზეც სხვადასხვა ფაქტორმა იქონია გავლენა. მათ შორის, შიდა პოლიტიკურმა ვითარებამ, სანქციებით  შანტაჟმა და სხვა, რამაც ქვეყანას საინვესტიციო მიმზიდველობა დაუკარგა. დიდი ალბათობით, კლების ტენდენცია წელსაც შენარჩუნდება, რაც უკვე არჩევნების გავლენით იქნება გამოწვეული. მომავალი წლიდან კი ამ მხრივ დადებით ფაქტორად შეიძლება იქცეს ანაკლიის პორტის პროექტი, რაც ინვესტიციების მოზიდვის კუთხით ერთ-ერთი წინგადადგმული ნაბიჯი იქნება. 

საპარლამენტო არჩევნებმადე 2 თვეზე ცოტა მეტია დარჩენილი და უკვე გამოიკვეთა, რომ ამ ეტაპზე როგორც მმართველი პარტია, ისე ოპოციზიციური ძალები მთავარ აქცენტს ქვეყნის საგარეო პოლიტიკაზე აკეთებენ და წინასაარჩევნო განცხადებებში საშინაო თემებს ნაკლებ ყურადღებას უთმობენ. რითია ეს განპირობებული და საბოლოოდ, რის მიხედვით გააკეთებენ არჩევანს შემოდგომაზე საქართველოს მოქალაქეები?

გურიაში, კერძოდ ლანჩხუთში მომხდარი უმძიმესი დანაშაულის ირგვლივ ადგილობრივები სხვადასხვა ვერსიებს ჰყვებიან. 8 აგვისტოს 66 წლის თემურ სარჯველაძე საკუთარ ფერმაში ხელ-ფეხ შეკრული და წამებით მოკლული იპოვეს. დანაშაული მაშინვე აღიარა მოკლულის კლასელის შვილმა, ყოფილმა სპეცრაზმელმა, 38 წლის დავით ტუღუშმა. უფრო მეტიც, გამოძიებით ირკვევა, რომ მან ოჯახის ახლობელი ჯერ საკუთარ ფერმაში მოტყუებით წაიყვანა, სადაც იქეიფეს და ამის შემდეგ  სასტიკად გაუსწორდა. 

სიტყვიერი შეურაცხყოფა, ფიზიკური დაპირისპირება, ბულინგი და მუქარა - საპარლამენტო არჩევნებამდე 2 თვით ადრე სიტუაცია თანდათან იძაბება. ქუჩაში სიტყვიერი დაპირისპირებისა და ფიზიკური ანგარიშსწორების შემთხვევები უკვე ფიქსირდება და ანალიტიკოსები პოლიიტკური ტემპერატურის მაქსიმალურად აწევას უკვე სექტემბრიდან ელიან.