არჩევნების დასრულების შემდეგ ლარის კურსი სტაბილურია, რაც ეროვნული ბანკის მიერ გახარჯულმა რეზერვებმა განაპირობა. სავალუტო ბაზარზე არსებულ სიტუაციას სრულად კონტროლდება, თუმცა გამოჩნდნენ ეკონომისტები, რომლებიც ფიქრობენ, რომ კურსს მკვეთრი გაუფასურება ელის. ბოლო დღეებში ამ თემით მანიპულირებამ ტენდენციური და მიზანმიმართული ხასიათი მიიღო. ზოგიერმა საერთოდ წარმოუდგენელი პროგნოზი გააკეთა, თითქოს 1 აშშ დოლარი 5 ლარი გახდება. 

ოპოზიციის ლიდერები ყოველდღიურ რეჟიმში მხარდამჭერებს აწვდიან ინფორმაციას იმ დარღვევების შესახებ, რომელიც არჩევნების დღეს მოხდა. განსაკუთრებულ ყურადღებას კი არჩევნების ფარულობის დარღვევაზე ამახვილებენ და ამბობენ, რომ მხოლოდ ეს არის მიზეზი იმის, რათა  ეს არჩევნები ლეგიტიმურად არ ჩაითვალოს. 

პოკურატურამ კი  ოპოზიციის და პრეზიდენტ სალომე ზურაბიშვილის განცხადებების საფუძველზე  გამოძიება დაიწყო. უწყებამ გამოკითხვაზე დაიბარა, როგორც ოპოზიციის ლიდერები, ასევე პრეზიდენტი ზურაბიშვილი. თუმცა ყველა მათგანის პასუხი ცნობილია, ისინი გამოკითხვაზე მისვლას არ აპირებენ. 

ოპოზიცია საპარლამენტო არჩევნებს ლეგიტიმურად არ აღიარებს საპროტესტო აქციებს აანონსებს. მმართველ პარტიაში კი ამბობენ, რომ რამდენიმე ხანში, როგორც წინა არჩევნებზე, ოპოზიცია ახლაც შევა პარლამენტში. 

3 ნოემბერს, მოლდოვაში საპრეზიდენტო არჩევნების მეორე ტური გაიმართა, რომელშიც მონაწილეობენ ამჟამინდელი პრეზიდენტი მაია სანდუ და ყოფილი პროკურორი ალექსანდრე სტოიანოგლო. ანალიტიკოსები რუსეთის მიერ არჩევნებში აქტიურ ჩარევაზე საუბრობენ და აღნიშნავენ, რომ ქვეყნის არსებული ვითარებიდან გამომდინარე, ყველანაირი შედეგია მოსალოდნელი.

საპარლამენტო არჩევნების გაყალბების ბრალდებით შეიძლება ამერიკიდან და ევროპიდან სანქციების მორიგი ტალღა წამოვიდეს. ანალიტიკოსები თანხმდებიან, რომ სრულიად შესაძლებელია ფინანსური და სავიზო შეზღუდვები „ქართული ოცნების" წევრებსა და მასთან დაახლოებულ პირებს დაუწესდეს, თუმცა ზოგიერთი მათგანი ფიქრობს, რომ ბევრი რამე ამერიკის მოახლოებულ საპრეზიდენტო არჩევნებზეა დამოკიდებული.

ოპოზიცია უწყვეტ აქციებს ორშაბათიდან იწყებს, როგორც "კოალიცია ცვლილებებისთვის" ლიდერი ნიკა გვარამია აცხადებს, ათობით კარავი უკვე მოაგროვა, თუმცა ჯერჯერობით უცნობია რა ლოკაციაზე დაიდგმება, ან დაიდგმება თუ არა, რადგან თავად ოპოზიციაშივე ჰყავს ამ იდეას მოწინააღმდგეები, მეტიც, ნაწილი ფიქრობს,რომ ეს იქნება "ოცნების" წისქვილზე წყლის დასხმა და ბიძგი მუხტის მინელებისკენ.

აშშ და ევროკავშირის ზოგიერთი ქვეყანა „ოცნებას" მოუწოდებს, რომ ოქტომბრის არჩევნებზე გამოძიების დაწყების პარალელურად, „აგენტების" და ლგბტ პროპაგანდის წინააღმდეგ კანონები უკან გაიწვიოს. „ოცნება" ჯერჯერობით უარზეა, თუმცა ანალიტიკოსები არ გამორიცხავენ, რომ ეს მომენტიც დადგეს, რაც დამოკიდებულია როგორც შიდა, ისე გარე ფაქტორებზე.

ფემიციდის მორიგი მცდელობა თბილისში - ახალგაზრდა კაცმა ცოლი დაჭრა. შემთხვევა  დადიანის ქუჩაზე 1 ნოემბერს მოხდა. ადგილობრივები „რეზონანსს“ უყვებიან, რომ კაცმა, რომელიც ციხიდან რამდენიმე დღის წინ გამოვიდა, ცოლს სამსახურთან ჩასაფრება მოუწყო და დანით მისი მოკვლა სცადა. ქალს  ჭრილობები სახის არეში დანით მიაყენა. თუმცა დაზარალებულის დახმარება მეორე ქალმა სცადა, რომლიც ასევე დაშავებულია. 

„მას შემდეგ, რაც დაინახეს, რომ ხალხი გაბრაზდა, ამომრჩეველი  მოატყუეს ყალბი ეგზიტპოლებით  და ახლა რაღაცა გზებს ხლართავენ. რა უნდა თქვან? წავაგეთო, ვერ იძახიან, არც გეგმა აქვთ, რადგან პარლამენტში შესვლა უნდათ,“ - აცხადებს „რეზონანსთან“ საუბრისას ოპოზიციის საპროტესტო გეგმებს ანალიტიკოსი გია აბაშიძე.

ამბობს, რომ თუ პარლამენტის ბლოკირებას შეეცდებიან, პასუხი იქნება „კანონით გათვალისწინებული და ადეკვატური“.

ოპოზიციასა და მის ამომრჩეველს შორის დაპირისპირება დაიწყო. მას შემდეგ, რაც ოპოზიციის გადაწყვეტილება გახდა ცნობილი, რომ ისინი გეგმას ორშაბათს წარადგენენ, ეს მათი მხარდამჭერების ბრაზის მიზეზი გახდა. ის, რომ პოლიტიკოსებმა, არჩევნებიდან მეხუთე დღესაც, მხოლოდ აქციის დაანონსება შეძლეს და თქვეს, რომ მოქმედების დღის წესრიგის შესახებ სწორედ ამ აქციაზე ისაუბრებენ, ბევრისთვის გაუგებარი აღმოჩნდა.

ოპოზიციის მიერ გაკეთებულმა განცხადებამ, რომ ხალხს სამოქმედო გეგმას დაანონსებულ საპროტესტო აქციაზე გააცნობენ, მათი მხადამჭერების დიდი ნაწილი გააღიზიანა. უკმაყოფილება განსაკუთრებით სოციალურ ქსელებში გამოჩნდა. ანალიტიკოსები ფიქრობენ, რომ ეს მოსახლეობაში გარკვეულწილად უნდობლობას აჩენს. ზოგიერთი იმასაც ვარაუდობს, რომ ოპოზიციას რეალური გეგმა არ გააჩნია და ემოციით მოქმედებს, რომელსაც მათივე აზრით, დიდი შედეგი არ ექნება.

რუსეთ-უკრაინის ომში ოფიციალურად უკვე მესამე ქვეყანაც ერთვება, ჩრდილოეთ კორეის საგარეო უწყებამ დაადასტურა, რომ რუსების სასარგებლოდ იბრძოლებენ უკრაინის წინააღმდეგ. ოფიციალურმა კიევმა კი არ გამორიცხა, რომ მიმართოს სისხლის სამართლის საერთაშორისო სასამართლოს ჩრდილოკორეელი ლიდერის კიმ ჩენ ინის დაპატიმრების ორდენის გაცემის თაობაზე.