პრემიერ ირაკლი კობახიძის ბუდაპეშტში გამართულ ევროპის პოლიტიკური გაერთიანების სამიტში მონაწილეობამ დიდი გამოხმაურება გამოიწვია. ოპოზიციონერები აქტიურად საუბრობენ იმაზე, რომ კობახიძე ევროპელი ლიდერებისგან გარიყული იყო და მხოლოდ „პრორუს" პოლიტიკოსებს შეხვდა. ანალიტიკოსთა ნაწილი ფიქრობს, რომ ეს საქართველოს საერთაშორისო იზოლაციაში მოქცევას ნიშნავს, სხვების აზრით კი, ირაკლი კობახიძე ღირსეულად წარსდგა.

ჩრდილოვანი ეკონომიკის წილი რეალურად იმაზე მეტია, ვიდრე ოფიციალური სტატისტიკა აჩვენებს, თუკი ,,საქსტატის" მონაცემით არაფორმალურ ეკონომიკას 12,7% უჭირავს, ეკონომისტები ფიქრობენ, რომ სინამდვილეში ეს მაჩვენებელი შესაძლოა 60%-საც აღწევდეს, იმ ჩრდილოვანი ეკონომიკის ჩათვლით, რომლის წილიც, ცალკე აღებული, დაახლოებით 25%-მდე უნდა იყოს. მართალია, ეს არაოფიციალური მაჩვენებელია, თუმცა გამყარებულია სხვადასხვა ეკონომიკური ორგანიზაციების კვლევებით, რომლებიც ადასტურებენ, რომ არაფორმალური ეკონომიკის დონე ქვეყანაში ძალიან მაღალია.

რა გეგმა აქვს ოპოზიციას? - მმართველი გუნდის ოპონენტები საარჩევნო დარღვევებზე ინფორმაციის მოგროვებას, საერთაშორისო პარტნიორებთან მუშაობასა და დემონსტრაციების გამართვას გეგმავენ. ერთ-ერთი საკვანძო საკითხი ამ გეგმაში, სავარაუდოდ, ახალი პარლამენტის ბლოკირება იქნება. 

საქართველოს საკმაო მჭიდრო ურთიერთობა აქვს ამერიკულ ავტოინდუსტრიასთან. ქვეყანში შემოსული ავტომობილების უდიდესი ნაწილი სწორედ ამერიკული ბაზრიდან მოდის. დონალდ ტრამპის არჩევის შემდეგ, აშშ-ში ახალი ეკონომიკური პოლიტიკის გატარება და ცვლილებების დაწყებაა მოსალოდნელი, თუმცა როგორც ითქვა, ეს არ შეეხება ავტოინდუსტრიას. შესაბამისად, საქართველოში ამერიკიდან ავტომობილების იმპორტს არანაირი პრობლემა არ შეექმნება. 

ამერიკის 47-ე პრეზიდენტის დონალდ ტრამპის პოლიტიკა არალეგალი მიგრანტებისადმი ყველასათვის ცნობილია და ახალი ამბავი არ არის. გაპრეზიდენტების შემდეგ ერთ-ერთი საკითხი რაზეც ტრამპის ადმინისტრაცია იმუშავებს, სწორედ არალეგალი მიგრანტები არიან და ითქვა, რომ აშშ-დან ყოველწლიურად დაახლოებით მილიონ მიგრანტს გამოაძევებენ. ოკეანის გაღმა ქართველებიც მრავლად ცხოვრობენ, ამიტომ არ არის გამორიცხული, რომ ტრამპის პოლიტიკა საქართველოს მოქალაქეებსაც შეეხოს.

„ქართულმა ოცნებამ" უნდა შეცვალოს პოლიტიკა და ამერიკასთან, საერთო ინტერესებიდან გამომდინარე, დაახლოებისკენ მიმართული ნაბიჯები გადადგას. თუ არადა, მდგომარეობა შეიძლება კიდევ უფრო მეტად დამძიმდება, აცხადებს პოლიტოლოგი იგორ კვესელავა. რაც შეეხება საშინაო ამბებს, მიიჩნევს, რომ ხელისუფლება არაფრის დათმობას არ აპირებს. „ერთადერთი გამოსავალია, რას გადაწყვეტს ამერიკა. ყველა იღლება და სუსტდება, გამორიცხული არაა, ოპოზიციური ჯგუფებიც დაიღალონ."

ევროპული საბჭოს არაფორმალურ შეხვედრაზე ევროპელი ლიდერები არჩევნების შემდეგ საქართველოში არსებულ ვითარებას განიხილავენ, - ამის შესახებ საბჭოს პრეზიდენტ შარლ მიშელის მოსაწვევ წერილშია აღნიშნული, რომელიც მან ევროკავშირის წევრი სახელმწიფოების ლიდერებს გაუგზავნა. ანალიტიკოსები ვარაუდობენ, რომ ამ სამიტის ფარგლებში საქართველოს შესახებ სამი მიმართულებით ისაუბრებენ. თუმცა ზოგიერთი ფიქრობს, რომ საბოლოოდ ევროპელ ლიდერებს საქართველოს ხელისუფლებასთან თანამშრომლობა მაინც მოუწევთ.

აშშ-ის საპრეზიდენტო არჩევნებში დონალდ ტრამპის გამარჯვებამ ოპოზიციაში დაბნეულობა გამოიწვია, რაზეც მმართველი პარტიიდან ცინიკური კომენტარები მოდის. ბევრისთვის ეს ოპოზიციის მორიგ დამარცხებად აღიქმება. გარდა ამისა, თავად ოპოზიციის წარმომადგენლები ერთმანეთს აკრიტიკებენ.

გაზის გამათბობლების შემოწმების მიზნით, კომპანიები წელიწადში ერთხელ მომხმარებლებს გადაამოწმებენ. აქტიური სამუშაოები უკვე დაწყებულია და როგორც ირკვევა, უკვე ასი ათასობით აბონენტია გადამოწმებული, თუმცა უსაფრთხოებასთან დაკავშირებით ეს ვითარებას დიდად ვერ გამოასწორებს.

აშშ-ს არჩევნებში დონალდ ტრამპის გამარჯვება საქართველოსთან ეკონომიკურ კავშირებზე ნაკლებად აისახება. მართალია, ცვლილება უფრო პოლიტიკურ ურთიერთობას შეეხება, მაგრამ მოსალოდნელია, რომ აშშ-დან მკაცრი ტონი შერბილდეს, რაც საქართველოს მთავრობის ბოლოდროინდელი გადაწყვეტილებებით იყო განპირობებული. როგორც ქართველი ანალიტიკოსები აცხადებენ, არსებული სავაჭრო-ეკონომიკური კავშირი შენარჩუნდება, ეს ეხება ინვესტიციებსაც, რომელიც აშშ-დან განსაკუთრებული მოცულობის არც ყოფილა. ასე რომ, არსებული დინამიკა ჩვეულ რეჟიმში გაგრძელდება. 

ავლაბარში მომხდარი სასტიკი მკვლელობა - პროკურატურის მიერ წარდგენილი მტკიცებულებების საფუძველზე, დამამძიმებელ გარემოებებში ჩადენილი განზრახ მკვლელობის ფაქტზე ბრალდებულ ძმებს ედვინ ბაგაშვილს და კარლო გალოიანს 17-17 წლით თავისუფლების აღკვეთა მიესაჯა.

ოპოზიცია 4 ნოემბერს დაანონსებულ გეგმას მიჰყვება და უკვე მეორე დღეა მათმა პროტესტმა სააპელაციო სასამართლოსთან გადაინაცვლა, სადაც არჩევნებთან დაკავშირებით სასამართლო დავები მიმდინარეობს. 

ოპოზიციაში ამბობენ, რომ აქციები ყოველდღიური სახის იქნება და მანამდე არ გაჩერდებიან, სანამ მმართველი გუნდი ხელახალ არჩევნებს არ დანიშნავს. ისინი პარალელურად დავას სასმართლოებში აგრძელებენ. ხოლო თეთრი წყაროს მოსამართლის გადაწყვეტილებამ დამატებით იმედი მისცათ, რომ დავების გაგრძელებას აზრი აქვს და არჩევნების დღეს ხმის მიცემის ფარულობა დარღვეული იყო.