დასავლეთ საქართველოში მასობრივი კულტურების - თხილისა და სიმინდის მოსავალი წელს, შარშანდელთან შედარებით, გაცილებით მეტი და ხარისხიანია. ადილობრივების განცხადებით, მიუხედავად იმისა, რომ სამუშაო მთლიანობაში არ ამოწურულა და სიმინდი ნაწილს ჯერ დასაბინავებელი დარჩა, შედეგით ყველა კმაყოფილია. რასაც ვერ ვიტყვით თხილზე. აქ სურათი სხვადასხვაგვარია. 

ოჯახებში საყოფაცხოვრებო ქიმიის მოხმარება კატასტროფულად გაზრდილია. გამოიყენება როგორც მსუბუქი, ასევე ძლიერმოქმედი ქიმიური საშუალებები, რაც ადამიანების ჯანმრთელობას და სიცოცხლეს სერიოზულ საფრთხეს უქმნის. განსაკუთრებით, ბოლო პერიოდში, ოჯახებში ბაღლინჯოებისა და სხვა მავნებელი მწერების გავრცელების პირობებში თუ პრევენციის მიზნით, ხალხმა შხამქიმიკატების აქტიური მოხმარება დაიწყო. 

მმართველ გუნდში ამბობენ, რომ 20 ოქტომბრის მარში საქართველოს ისტორიაში პირველი წინასაარჩევნო აქცია იყო, სადაც ვერცერთმა ოპოზიციონერმა ლიდერმა სცენაზე ასვლა ვერ გაბედა. მათი განმარტებით, წინასაარჩევნო აქცია კი ჩაატარეს, მაგრამ, საზოგადოებამ არ იცოდა ვისთვის უნდა დაეჭირა მხარი. 

"ქართული ოცნება" პრეზიდენტ სალომე ზურაბიშვილის იმპიჩმენტის საკითხს ისევ ააქტიურებს - პარლამენტის საპროცედურო საკითხთა და წესების კომიტეტმა, წარდგინებაზე უმრავლესობის დეპუტატების ხელმოწერის ნამდვილობა დაადასტურა, რომელიც განსახილველად საკონსტიტუციო სასამართლოს გაეგზავნა.

თბილისში მომხდარი მკვლელობის ახალი დეტალები ხდება ცნობილი. ფიროსმანის მოედანზე ორმხრივი სროლის შედეგად მოკლულია 27 წლის ტატო ფირცხალაიშვილი, რომელსაც ყოფილმა მეგობარმა ჯერ მანქანა დააჯახა, შემდეგ სცემა და ბოლოს, 4 ტყვია ესროლა.

არჩევნების წინ საწვავის ბაზარზე სტაბილურობაა. როგორც საგარეო ფაქტორი, ასევე ქვეყნის შიგნით ლარის კურსი ფასებზე ადეკვატურად აისახება და იმპორტის მხრივაც არანაირი შეფერხება არ არის. როგორც ბოლოდროინდელი საფასო დინამიკა აჩვენებს, ფასები კლებისკენ წამოვიდა და ეს ტენდენცია გაგრძელდება. 

აშშ-ის თავდაცვის მინისტრი, ლოიდ ოსტინი კიევში ჩავიდა, - ინფორმაციას „სიენენი" ავრცელებს. მათივე ცნობით, ვიზიტის ფარგლებში ოსტინი შეხვდება უკრაინის პრეზიდენტს, ვოლოდიმირ ზელენსკის და თავდაცვის მინისტრს, რუსტემ უმეროვს.

20 ოქტომბრის მრავალათასიან მარშს მყისიერი შეფასებები მოჰყვა - "ქართული ოცნების" მხრიდან კვლავ მწვავე კრიტიკა ისმის და მიიჩნევს, რომ ოპოზიციამ "არჩევნები არჩევნებამდე ერთი კვირით ადრე წააგო", თავად ოპოზიციური ძალები კი მმართველ პარტიას უკვე ოპოზიციაში გადაბარგებას უანონსებენ.

მოლდოვაში 20 ოქტომბერს, საპრეზიდენტო არჩევნები და ევროკავშირში ინტეგრაციის საკითხზე რეფერენდუმი ერთდროულად ჩატარდა, რის შდეგადაც საპრეზიდენტო არჩევნების მეორე ტური ჩაინიშნა. ამასთან, ჩატარებული რეფერენდუმის წინასწარი შედეგების თანახმად, ამომრჩეველთა ნახევარზე მეტმა ქვეყნის ევროკავშირში გაწევრიანების წინააღმდეგ მისცა ხმა. პრეზიდენტი მაია სანდუ შედეგებს არ აღიარებს და აცხადებს, რომ ეს არის უპრეცედენტო მასშტაბის თაღლითობა. მოლდოვას

არჩევნების მოახლოების პარალელურად, პოლიტიკურ სპექტრში განხილვის თემაა უჩვეულოდ მშვიდი წინასაარჩევნო გარემო. ანალიტიკოსები მიიჩნევენ, რომ ეს, შესაძლოა, მოჩვენებითი სიმშვიდე იყოს დ არჩევნებამდე დარჩენილ ბოლო კვირაში ხელისუფლებას ან ოპოზიციას ნერვებმა უმტყუნოს.

ოკუპირებული ცხინვალის რეგიონისა და აფხაზეთის დე ფაქტო ხელისუფლებებმა 26 ოქტომბრის საპარლამენტო არჩევნებთან დაკავშირებით, ე.წ. საზღვრების ჩაკეტვის გადაწყვეტილება მიიღეს. ასეთი რამ, როგორც წესი, საქართველოში ჩატარებულ ყოველ არჩევნებზე ხდება, თუმცა ამჯერად ეს უჩვეულოდ ადრე დაანონსდა. „ოფიციალური" მიზეზი კი უცვლელია - ე.წ. სასაზღვრო ზონებში პროდასავლური ძალების მოსალოდნელი პროვოკაციები.

ბოლო დღეებში რეგიონებში ოპოზიციური პლატფორმების რიგები რამდენიმე ადამიანმა ხმაურით დატოვა. მათ შორის საარჩევნო სიაში მყოფი პირებიც არიან. ოპოზიცია ამაში საქართველოს უსაფრთხოების სამსახურის (სუს) კვალს ხედავს. ამბობენ, რომ ესაა დაშინების და მოსყიდვა-გადაბირების შედეგი.