არჩევნების ლეგიტიმურობის საკითხი, პრაქტიკულად, ეჭქვეშ აღარ დგას, თუმცა არავინ დავობს, რომ გარკვეული დაძაბულობა მოსალოდნელია, რამაც შეიძლება საქართველოს ეკონომიკაში უარყოფითი პროცესებიც წარმოშვას. ასეთ ვითარებაში ფინანსური ნაკადები შეიძლება შემცირდეს, მაგრამ ეს დიდ პრობლემებს არ გამოიწვევს. სპეციალისტები მთავრობას ექსპორტის ხელშეწყობასა და ზრდისკენ მოუწოდებენ, რაც ეკონომიკას მეტ სტაბილურობას მოუტანს.

ნატო დღეს ყოველწლიურად ბირთვულ წვრთნებს Steadfast Noon-ს იწყებს. ალიანსის ინფორმაციით, სწავლებაში, მომდევნო ორი კვირის განმავლობაში, საჰაერო ძალების რვა ბაზიდან დაახლოებით 2 ათასი ჯარისკაცი ჩაერთვება. საჰაერო მანევრები მოიცავს 60-ზე მეტ თვითმფრინავს. მათ შორისაა თანამედროვე მოიერიშე თვითმფრინავები, რომლებსაც აშშ-ის ბირთვული ქობინების გადატანა შეუძლიათ.

სულ მალე გადამწყვეტი არჩევნებია, პოლიტიკური პლატფორმები წინასაარჩევნო კამპამიაში აქტიურად არიან ჩართულები - ოპოზიცია უკმაყოფილოა იმის გამო, რომ მშვიდი კამპანიის საშუალება არ ეძლევა, "ქართული ოცნების" მტკიცებით კი, წინასაარჩევნო პროცესი არის უჩვეულოდ წყნარი.

შეერთებულმა შტატებმა განაცხადა, რომ ისრაელში თანამედროვე ანტისარაკეტო სისტემას და ამერიკელ ჯარისკაცებს გზავნის. აშშ-ის პრეზიდენტის, ჯო ბაიდენის თქმით, აღნიშნული ნაბიჯის მიზანი ისრაელის დაცვაა. ირანის საგარეო საქმეთა მინისტრმა, აბას არაღჩიმ კი განაცხადა, რომ შეერთებული შტატები თავის ჯარისკაცების სიცოცხლეს საფრთხეში აყენებს აშშ-ის სარაკეტო სისტემების სამართავად მათი ისრაელში განლაგებით.

პრეზიდენტი სალომე ზურაბიშვილი ტექნიკური მთავრობის წარდგენას არჩევნებამდე აანონსებს და ამბობს, რომ ვინც ამას არ ეთანხმება, შეუძლია „ქართულ ქარტიაზე" თავისი ხელმოწერა უკან გაიწვიოს. ეს ნაწილი კი, ანალიტიკოსებს აფიქრებინებს იმას, რომ კონსულტაციების დროს, ყველა ოპოზიციური ძალა რაღაც საკითხებზე თანახმა არ იყო, „ქარტიაში" გაწერილი ზოგიერთი პუნქტით, ან ამ პუნქტების პრეზიდენტისეული ინტერპრეტაციით უკმაყოფილონი არიან, თუმცა ამის საჯაროდ გაცხადებისგან თავს იკავებენ.

ოპოზიცია აცხადებს, რომ არასტაბილურ გარემოში უწევთ წინასაარჩევნო კამპანიის წარმართვა და „ოცნების" მხრიდან ფასადურია იმაზე საუბარი, რომ პროცესი მშვიდი და წყნარია. ეუთო/ოდირმა კი წინასაარჩევნო გარემოსთან დაკავშირებით შუალედური ანგარიში გამოქვეყნა, რომელიც მმართველმა პარტიამ და ოპოზიციამ სხვადასხვაგვარად შეაფასეს.

ჩეჩნეთის ლიდერმა რამზან კადიროვმა რუსეთის დუმის ორ დეპუტატს და გავლენიან დაღესტნელ სენატორს მისი მკვლელობის ორგანიზებაში დასდო ბრალი და საჯაროდ გამოუცხადა ე.წ. მოსისხლე მტრობა. ეს ყველაფერი კომპანია „უაილდბერისთან“ დაკავშირებული სკანდალის გაგრძელებაა, რომელიც რუსეთში ზაფხულში აგორდა და დღემდე არ კარგავს აქტუალურობას. კადიროვის ბრალდების შემდგეგ კი ეს მოვლენები უკვე სულ სხვა სიბრტყეში გადადის, მითუმეტეს, რომ კადიროვის კოლეგამ - დაღესტნის ხელმძღვანელმა სერგეი მელიკოვმა სრული მხარდაჭერა გამოუცხადა ჩეჩნეთის ლიდერისაგან დადანაშაულებულ თავის თანამემამულეს.

2022 წელს დაწყებული მასშტაბური გამოძიების შედეგად, გასულ კვირას გერმანიის პოლიციამ კარგად ორგანიზებული კრიმინალური დაჯგუფების წევრები დააკავა. ეს დაჯგუფება ძარცვითა და ქურდობით იყო დაკავებული. ნაქურდალის ნაწილს ისინი ფოსტით აგზავნიდნენ საქართველოში, ნაწილი კი დაჯგუფების ლიდერს, ეროვნებით ქართველს, თავად ჩამოჰქონდა სატვირთო მანქანით გერმანიიდან.

არჩევნებამდე ორი კვირით ადრე, დასავლეთიდან საქართველოს ხელისუფლების მისამართით კრიტიკა კიდევ უფრო გამწვავდა. ევროპარლამენტის კრიტიკული რეზოლუციის შემდეგ, მმართველი გუნდის წინააღმდეგ კიდევ ერთი რეზოლუცია გერმანიის ბუნდესტაგმა მიიღო. ყოველივე ამას და ასევე თბილისში მოღვაწე დასავლელი დიპლომატების ცალკეულ გაცხადებებს საქართველოს ხელისუფლება ქვეყნის შიდა საქმეებში ჩარევად მიიჩნევს. ოპოზიციის შეფასებით კი, ეს ბრალდებები არადამაჯერებელია და „ქართული ოცნება“ ამით ქვეყნის შიდა საქმეებში რუსეთის ჩარევის გადაფარვას ცდილობს.

შოთა რუსთაველის სახელობის აკადემიურ თეატრში სტუდენტებმა პოლონელი მწერლის, ვიტოლდ გომბროვიჩის დრამაზე იმუშავეს, სახელწოდებით „ქორწილი." ეს არის სპექტაკლი, რომელშიც მთავარმა პერსონაჟმა ჰენრიკმა არ იცის, თუ ვინ არის და საკუთარ თავს ეძებს იმ სამყაროში, რომელიც ომის შემდეგ აღარ არსებობს.

გაფართოების შესახებ ევროკომისიის ანგარიშის გამოქვეყნება, სადაც საქართველოსთან ევროკავშირიში გაწვერიანების მოლაპარაკების გახსნა-არგახსნაზე იქნება ლაპარაკი, სავარაუდოდ, საპარლამენტო არჩევნების შემდგომი პერიოდისთვის გადაიდო. ანალიტიკოსები ამას სხვადასხვა მიზეზებს უკავშირებენ და ამბობენ, რომ არჩევნების სამართლიანად ჩატარებასა და მის შედეგებზე მნიშნელოვნად იქნება დამოკიდებული, გაეხსნება თუ არა საქართველოს ევროკავშირში გაწევრიანებაზე მოლაპარაკება გაწევრიანების სხვა კანდიდატებთან ერთად.

გივი თარგამაძის აფეთქების საქმეზე ახალი გარემოებები ხდება ცნობილი. პროკურატურის მტკიცებით, აფეთქებამდე გივი თარგამაძის თვალთვალის დავალება მიხეილ სააკაშვილმა გასცა. უწყებაში ისაუბრეს იმ ჩვენების დეტალებზე, რომელიც გამოძიებას საქმის ფარგლებში დაკავებულმა მისცა. ამ ჩვენების მიხედვით, საქმეზე დაკავებული დარჩო ხეჩუაშვილი პროკურატურას უყვება, რომ მასთან კონტაქტზე გავიდა ქართველი კრიმინალური ავტორიტეტი შოთა ჭიჭიაშვილი, რომელმაც განუცხადა, რომ შეხვდა შინაგან საქმეთა ყოფილ მინისტრს, გია ლორთქიფანიძეს და მიხეილ სააკაშვილს- ყოფილი პრეზიდენტისგან კი მან გივი თარგამაძის თვალთვალის დავალება მიიღო.