შვედეთი საქართველოს მთავრობასთან პირდაპირ თანამშრომლობას აჩერებს, კანადა „ოცნებასთან" ურთიერთობების გადასინჯვას გეგმავს, ევროკავშირის 14 სახელმწიფო კი საქართველოში არსებული სიტუაციით შეშფოთებულია და „გმობს თავისუფალი და სამართლიანი არჩევნების საერთაშორისო ნორმების ყველა დარღვევას". რაც შეეხება აშშ-ს, ის ოქტომბრის არჩევნებთან დაკავშირებით საერთაშორისო გამოძიებას ელოდება. პრემიერ ირაკლი კობახიძეს კი არჩევნებში გამარჯვება უნგრეთის, აზერბაიჯანის, სომხეთის, თურქეთისა და ჩინეთის პირველმა პირებმა მიულოცეს.

უნგრეთის პრემიერ-მინისტრი ვიქტორ ორბანი თბილისს იმ ფონზე ეწვია, როდესაც დასავლეთი საქართველოშ 26 ოქტომბერს ჩატარებული არჩევნების შედეგების აღიარებას არ ჩქარობს და ზოგიერთმა სახელმწიფომ უკვე მიიღო გადაწყვეტილება საქართველოს ხელისუფლებასთან პირდაპირი კონტაქტების შეჩერების შესახებ. თავად ევროკავშირში ამ ვიზიტს „ნაადრევს" უწოდებენ და ხაზგასმით ამბობენ, რომ ორბანი არ გამოხატავს ევროკავშირის პოზიციას.

ბოლო წლების განმავლობაში მოსახლეობის სესხზე დამოკიდებულება ძალიან გაიზარდა. რაც დრო გადის, ადამიანები მეტ ვალს იღებენ. ქვეყანაში არსებული ორნიშნა ეკონომიკური ზრდის მიუხედავად, ცხადია, რომ მოსახლეობის კეთილდრეობა არ უმჯობესდება. ეკონომიკის ექსპერტები მიიჩნევენ, რომ სურათი იგივე იქნება, თუკი ქვეყნის არსებული მიდგომა ხელისუფლებამ არ შეცვალა. 

ოპოზიცია და პრეზიდენტი სალომე ზურაბიშვილი პროტესტის შეწყვეტას არ აპირებენ, მათი მთავარი მოთხოვნებია - ჩატარდეს ახალი არჩევნები, ოღონდ ჩაატაროს საერთაშორისო საარჩევნო ადმინისტრაციამ და არა მოქმედმა ცენტრალურმა საარცევნო კომისიამ. ოპოზიცია 24 საათის განმავლობაში სიების ჩახსნას ითხოვს ყოველგვარი მოლაპარაკებების გარეშე.

არჩევნებიდან პირველსავე დღეს, ლარის კურსის მკვეთრი გამყარება შეინიშნება. სავალუტო ბაზარზე აბსოლუტური სტაბილურობაა, რაც ნიშნავს, რომ გაცვლითი კურსი ძველ კალაპოტს დაუბრუნდება. ეროვნული ვალუტის გამყარების ტენდენცია უფრო თვალსაჩინო გახდება, როცა პოლიტიკური სიტუაცია დაწყნარდება.  როგორც ფინანსისტები მიანიშნებენ, სამომავლოდ გამორიცხული არ არის, ეროვნულმა ბანკმა დოლარის შესყიდვაც კი დაიწყოს ბაზარზე, რათა ლარის მკვეთრად გამყარების პროცესი შეაჩეროს და რეზერვებიც შეავსოს. 

არჩევნების შემდეგ საქართველოს ეკონომიკისთვის მთავარი საკითხი არსებული სტაბილურობის შენარჩუნებაა. ქვეყანაში გარკვეული პროტესტის ნიშნები გაჩნდა, რაც ეკონომიკისთვის დადებითი მოვლენა ნამდვილად არ არის. ეკონომისტები ფიქრობენ, რომ რისკები ნაკლებადაა, თუმცა ბიზნესი უფრო ფრთხილად აფასებს მოვლენებს და აცხადებს, რომ სასწრაფოდ უნდა დაიწყოს მხარეებს შორის მოლაპარაკებები, რათა დაპირისპირება ავიცილოთ.

„ქართული ოცნების" საპარლამენტო არჩევნებში გამარჯვების შემდეგ 28-29 ოქტომბერს უნგრეთის პრემიერი ვიქტორ ორბანი და სამთავრობო დელეგაცია თბილისს ოფიციალური ვიზიტით სტუმრობენ. ანალიტიკოსების აზრით, აღნიშნული ვიზიტის მიზანი მმართველი პარტიის მხადაჭერაა, რაც ხელისუფლებისთვის მომგებიანი იქნება.

თუ სახელმწიფო დეპარტამენტი დაადასტურებს, რომ ეს არჩევნები ნამდვილად თაღლითური იყო და ქართველი ხალხის ნებას არ ასახავდა, მათ ამის შესახებ ნათელი განცხადება უნდა გააკეთონ, - ამის შესახებ ჰელსინკის კომისიის განცხადებაშია ნათქვამი. საქართველოში ჩატარებულ 26 ოქტომბრის საპარლამენტო არჩევნებს საერთაშორისო საზოგადოება ეხმაურება, რომლებიც დაღვევების შესახებ ამახვილებენ ყურადღებას.

პრეზიდენტმა სალომე ზურაბიშვილმა 26 ოქტომბრის არჩევნების შედეგები არ აღიარა და უწყვეტი პროტესტი დაანონსა. ამის პარალელურად, ზურაბიშვილი ამბობს, რომ არჩევნებთან დაკავშირებით "ბევრი რამ არის გამოსაკვლევი". შედეგები მანამდე არ აღიარა ოპოზიციამ. "ქართული ოცნება" კი აცხადებს, რომ "ეუთო/ოდირის დასკვნა დადებითი იყო" და ოპონენტებს ეს "არ მოეწონათ".

მას შემდეგ რაც ოპოზიციამ პრეზიდენტ სალომე ზურაბიშვილთან ერთად 26 ოქტომბრის არჩევნები არალეგიტიმურად გამოაცხადეს, ელიან, რომ დასავლეთიდან მათ მხარადჭერა ექნებათ და ეს პარლამნეტი ჩვენი პარტნიორების მიერ არ იქნება აღიარებული. თუმცა მმართველი გუნდი ამბობს, რომ ამერიკიდანაც და ევროპიდანაც არჩევნების აღიარება უკვე მოხდა და ოპოზიცია იძულებული იქნება ეუთო/ოდირის სადამკვირვებლო მისიების დადებითი დასკვნა აღიარონ. ოპოზიციამ  კი 28 ოქტომბრის რუსთაველის მოედანზე გამართულ აქციაზე მოითხოვა, რომ ხელმეორე არჩევნები ჩატარდეს, ოღონდ ის საერთაშორისო სადამკვირვებლო მისიებმა ჩაატარონ. 

„ქართული ოცნება" დამაჯერებელ გამარჯვებას ზეიმობს. ოპოზიცია არჩევნების შედეგებს არ აღიარებს და სამოქმედო სტრატეგიასთან დაკავშრებით კონსულტაციებს მართავს. საერთაშორისო დამკვირვებლები პირველი შეფასებები არჩევნების ლეგიტიმურობასთან დაკავშირებით უარყოფითი არ არის. ანალიტიკოსები კი იმაზე მსჯელობენ, თუ რამ გამოიწვია ოპოზიციის ასეთი ჩავარდნა.

ოპოზიცია თანდათან გამოდის 26 ოქტომბრის საღამოს მიღებული შოკიდან, არჩევნების შედეგებს არ აღიარებს და პრეზიდენტ სალომე ზურაბიშვილთან ერთად სამოქმედო სტრატეგიაზე იწყებს მსჯელობას. როგორ განვითარდება მოვლენები და რა გზას აირჩევენ ის ოპოზიციური ძალები, რომლებმაც არჩევნების ოფიციალური შედეგების თანახმად 5%-იანი ბარიერი გადალახეს და პარლამენტში ადგილები მიიღეს - ამაზე საუბარი ანალიტიკოსებს უჭირთ, თუმცა მათი უმრავლესობა მიიჩნევს, რომ პრემანენტული საპროტესტო აქციების დაწყება კონტრპროდუქტიული იქნება.