26 ოქტომბრის წინასაარჩევნო გარემოსგან განსხვავებით, რომელიც უჩვეულოდ მშვიდი იყო, უშუალოდ არჩევნების დღე საკმაოდ დაძაბული აღმოჩნდა. რამდენიმე საარჩვენო უბანზე სხვადასხვა სახის დაპირისპირება და ფიზიკური ანგარიშსწორება მოხდა. ამ მხრივ განსაკუთრებით გამოირჩეოდა თბილისი, სამეგრელო, მარნეული. 

ე.წ. ქოლცენტრების საქმეზე გამოძიება გრძელდება - ფინანსური პოლიცია „ვაკე პლაზაში“, სადაც კომპანია „კონცენტრიქსის“ ოფისი მდებარეობს, საგამოძიებო მოქმედებებს 25 ოქტომბერს ღამემდე ატარებდა. კომპანიაში აცხადებენ, რომ მათ არანაირი კავშირი არ აქვთ დანაშაულებრივ „ქოლცენტრებთან“, თუმცა თუ ვინმე მათ სახელს უკანონოდ იყენებს, იმედი აქვთ, გამოძიება დაადგენს.

ოპოზიცია „ოცნების" საპატიო თავმჯდომარის ბიძინა ივანიშვილის მიერ საარჩევნო უნბანზე ხმისმიცემის დროს კანონდარღვევებზე საუბრობს. კერძოდ, საუბარია საარჩევნო უბანზე ივანიშვილის შეიარაღებული დაცვის ყოფნასა და საარჩევნო უბნის დროებით გადაკეტვაზე, რის გამოც ხმის მიცემის პროცესი შეფერხდა. კონსტიტუციონალისტი ვახტანგ ხმალაძე „რეზონანსთან" აცხადებს, რომ თუ ყველაფერი მართლაც ასე იყო, კანონი აშკარად დაირღვა.

შაბათს ღამით ისრაელმა ირანის სამხედრო ობიექტებზე მასირებული სარაკეტო დარტყმა განახორციელა. როგორც ისრაელის თავდაცვის ძალები აცხადებენ, თვითმფრინავებმა ირანის საჰაერო თავდაცვის ბატარეებისა და ბალისტიკური რაკეტების საწარმოო ობიექტებს დაარტყეს. ისრაელში ამბობენ, რომ „ეს მკაფიო სიგნალია - მას, ვინც ისრაელს დაემუქრება, ეს ძვირი დაუჯდება".

არჩევნებამდე ერთი  დღით ადრე ხელისუფლებასა და ოპოზიციას შორის ურთიერთბრალდებები მძიმდება. მმართველი გუნდი გამარჯვებაში დარწმუნებულია. სხვადასხვა კვლევის საფუძველზე და გუშინდელი შეკრების შემდეგ „ქართული ოცნება“ საკონსტიტუციო უმრავლესობის მოპოვებას ელოდება. სწორედ სოციოლოგიური გამოკითხვებიდან გამომდინარე ხელისუფლების გარდაუვალ მარცხს აანონსებენ ოპოზიციური ძალები, რომლებიც კოალიციური მთავრობის გეგმას სახავენ და ე.წ. ტექნიკური მთავრობის გარშემო პრეზიდენტთან კონსულტაციებს აწარმოებენ. 

რუსეთი მოლდოვასა და საქართველოში საარჩევნო პროცესებზე გავლენის მოხდენას არ ცდილობს, - ამის შესახებ რუსეთის პრეზიდენტის პრესსპიკერმა, დიმიტრი პესკოვმა განაცხადა. პრემიერი ირაკლი კობახიძეც ამბობს, რომ ამის საშიშიროება არ არსებობს. ანალისტიკოსების მოსაზრებები კი სხვადასხვაგვარია.

26 ოქტომბერს კენჭისყრა დილის 08:00 საათიდან საღამოს 20:00 საათამდე გაიმართება. ამომრჩეველთა 90% ხმას ელექტრონული სისტემით, ხოლო 10% ძველი მეთოდით დააფიქსირებს. ელექტრონული არჩევნები მნიშვნელოვნად ამცირებს წინასწარი მონაცემების გამოქვეყნების დროს და ამ ნაწილში მოსახლეობას 22:00 საათისთვის ეცოდინება შედეგები - შეიძლება უფრო ადრეც.

არჩევნებამდე რამდენიმე საათით ადრე გაზრდილი მოთხოვნის გამო საქალაქთაშორისო ტრანსპორტზე ბილეთები დეფიციტურია. ავტოსადგურები მგზავრებით არის გადავსებული. სწორედ ამიტომ „პლატფორმა 26-ის" გარშემო გაერთიანებულმა მოქალაქეებმა ტრანსპორტის მობილიზება დაიწყეს. ანალიტიკოსების შეფასებით, ამ არჩევნებზე საზოგადოების აქტიურობა განსაკუთრებით მაღალი იქნება, რადგან ქვეყანა სერიოზული არჩევანის წინაშე დგას.

მთავრობამ ცენტრალური საარჩევნო კომისიის შენობა სტრატეგიული და განსაკუთრებული მნიშვნელობის ობიექტების ნუსხაში შეიყვანა, რომელთა ხელში ჩაგდება, ან ბლოკირება თავისუფლების აღკვეთით დაისჯება. "ოცნებას" მიაჩნია, რომ "თუ არავინ არაფერს აპირებს", მაშინ ეს ფაქტი პრობლემას არ უნდა წარმოადგენდეს არავისთვის.

"რთველი 2024" დასრულდა. მთავრობამ პირობა შეასრულა და მოსავლის შეუფერხებლად ჩაბარება ყველა მევენახემ შეძლო.  ახლა სწორება ქართული ღვინის პოპულარიზაციასა და ექსპორტზეა, რაც ასევე წარმატებით ხორციელდება. დარგის მხარდამჭერი ღონისძიებები ამ ეტაპზეც აქტიურად მიმდინარეობს. ქართული ღვინოს ცნობადობა განვითარებული ქვეყნების ბაზრებზე იზრდება, რასაც უცხოელი პარტნიორები თამამად აღიარებენ. უფრო მეტი შესაძლებლობაა იმისთვისაც, რომ ქართველი მეღვინეები წარმატებით წარდგნენ გლობალურ გამოფენებზე და გაყიდვების არეალი გააფართოონ.

24 ოქტომბერს ფინანსურმა პოლიციამ ქვეყნის მასშტაბით რამდენიმე სახლში სპეცოპერაციების სერია ჩაატარა. როგორც ცნობილი ხდება, პოლიცია შევიდა ამერიკულ ორგანიზაცია Concentrix Georgia-ში,  „შაბათის შოუს" მსახიობის, ონისე ცხადაძისა და მისი ძმის სახლში, ჩხრეკები ჩატარდა Atlantic Council-ის თანამშრომლების  სოფო გელავასა და ეთო ბუზიაშვილის სახლებშიც.      

არჩევნებამდე 2 დღით ადრე ფინანსთა საქმეთა სამინისტროს საგამოძიებო სამსახურმა ამერიკულ კომპანიების და მათი თანამშრომლების სახლების ჩხრეკის ბრძანება გასცა. საგამოძიებო სამსახური აცხადებს, რომ სპეცოპერაციები თბილისსა და რეგიონებში ე.წ. ქოლცენტრებს უკავშირდება. გამოძიება სამი მუხლით მიმდინარეობს: ფულის გათეთრება, გადასახადებისგან თავის არიდება და თაღლითობა. ოპოზიცია ფიქრობს, რომ ეს წინასაარჩევნოდ არასამთავრობო ორგანიზაციების დაშინების მცდელობაა.