პრეზიდენტ ჯო ბაიდენის ადმინისტრაციის გადაწყვეტილებას პრემიერ ირაკლი კობახიძესთან შეხვედრების გაუქმებაზე მმართველ პარტიაში „არასერიოზულს" უწოდებენ და მიაჩნიათ, რომ ეს სავალალო მდგომარეობაში მყოფი ოპოზიციის ხელისუფლებაში დაბრუნების მცდილობაა. ოპონენტები ამბობენ, რომ დემოკრატიული სამყარო ჩვენს ხელისუფლებასთან ყველანაირ კონტაქტს წყვეტს. ანალიტიკოსების მოსაზრებები კი სხვადასხვაგვარია.

დონალდ ტრამპსა და უკრაინის პრეზიდენტ ვოლოდიმირ ზელენსკის შორის ურთიერთობა მწვავდება, ტრამპის ოჯახი მის მეორე თავდასხმაში უკრაინულ კვალს ხედავს, ამერიკული მედია კი წერს, რომ ნიუ-იორკში ვიზიტად მყოფ ზელენსკის პრეზიდენტობის კანდიდატმა რესპუბლიკური პარტიიდან უარი უთხრა დაგეგმილ შეხვედრაზე.

სიღნაღში, ქედელის დასახლებაში ბრმა ტყვიას 52 წლის კაცის სიცოცხლე ემსხვერპლა. არსებული ინფორმაციით, მეგობრები ფრინველებზე ნადირობდნენ, რა დროსაც ერთი მათგანი ასხლეტილი ტყვიით დაიჭრა და სასწრაფოს მოსვლამდე გარდაიცვალა. კაცს დაზიანებები გულმკერდის არეში ჰქონდა. როგორც ადგილობრივები ყვებიან, დაჭრილის გადარჩენას თავად მისი მეგობარი ცდილობდა, რომელმაც საბედისწერო გასროლა განახორციელა, თუმცა უშედეგოდ. 

საქართველოში ერთ-ერთი ყველაზე ძვირი სამედიცინო მომსახურება კიდევ გაძვირდება. სტომატოლოგიური მომსახურება ისედაც დიდ თანხებთან არის დაკავშირებული, თუმცა ეს არაფერია იმასთან შედარებით, რა ღირებულებაც კლინიკებში იქნება. გაძვირების მიზეზი კი ახალი რეგულაციაა.

„ქართული ოცნება" პრეზიდენტ სალომე ზურაბიშვილს საკონსტიტუციო წესრიგის წინააღმდეგ მოქმედებაში პირდაპირ ადანაშაულებს - მმართველ პარტიაში ამბობენ, რომ „ქართულ ქარტიაში" ნახსენები ერთწლიანი ტექნიკური მთავრობის შექმნა, სახელმწიფოს დაკნინების ტოლფასია. გარდა ამისა ეჭვი შეაქვთ სხვა პუნქტებსა და ზოგადად იმაში, რომ საერთოდაც ოპოზიცია ქარტიაში გათვალისწინებულ პუნქტებს ზედმიწევნით შეასრულებს.

ეყოლება თუ არა საქართველოს 26 ოქტომბრის საპარლამენტო არჩევნების შემდეგ პირველი პროფესიული მთავრობა? ანალიტიკოსთა შეფასებით, თუკი „ქართული ოცნება“ დამარცხდა, პრეზიდენტ სალომე ზურაბიშვილის ინიციატივით შექმნილი ქართული ქარტიის რეალობაში განხორციელება შესაძლოა სერიოზულ დაბრკოლებებს წააწყდეს.

ადგილობრივი წარმოებისთვის გაზისა და ელექტროენერგიის გადასახადები დიდ პრობლემას წარმოადგენს. კერძო ს

ექტორს, ხშირ შემთხვევაში, მაღალი ტარიფის მომსახურება უჭირს, რის გამოც ვალი უგროვდება. მართალია, რამდენიმე წელიწადი გადგენილი გადასახადები არ გაძვირდება, მაგრამ არც შემცირდება. 

ე.წ. კადიროველების, ანუ ჩეჩნური ბატალიონ „ახმატის" მეთაური აპტი ალაუდინოვი ამტკიცებს, რომ უკრაინის მხარეს მებრძოლმა ქართველებმა კურსკის ოლქში ერთ-ერთი სოფელი გაძარცვეს. სამხედრო ანალიტიკოსთა შეფასებით, ეს ერთგვარი „შურისძიებაა" ქართველ მებრძოლებზე, რომელთაც ახლახანს ბრძოლისას „ახმატის" წევრები ტყვედ აიყვანეს. ან, შესაძლოა, ალაუდინოვი ანალოგიური მიზეზის გამო თავად ჩეჩენ მებრძლებთან დაკავშირებით ატეხილი სკანდალის გადაფარვას ცდილობს.

პრემიერ-მინისტრი ირაკლი კობახიძე უკვე რამდენიმე დღეა ნიუ იორკში იმყოფება და 25 სექტემბერს გაეროს გენერალურ ასამბლეაზე სიტყვით გამოვა. ამ ვიზტის წინ აშშ-მა საქართველოს 60 მოქალაქეს სავიზო შეზღუდვები დაუწესა, 4-ს კი, მათ შრის შსს-ს 2 მაღალჩინოსანს - ფინანსური სანქციები. ანალიტიკოსები მიიჩნევდნენ, რომ საქართველოს პრემიერი, რომელიც ამ სტატუსით პირველად სტუმრობს აშშ-ს, ამ ვიზიტს სწორედ ქართულ-ამერიკული ურთიერთობების დალაგებისათვის გამოიყენებდა. რას შეცვლის ამ მხრივ კობახიძის ვიზიტი და რა განცხადებებს უნდა ველოდოთ მისგან გენერალურ ასამბლეაზე გამოსვლისას?

ანტიკორუფციულმა ბიურომ ორგანიზაციები „საერთაშორისო გამჭვირვალობა - საქართველო" და „აირჩიე ევროპა", ასევე მისი ხელმძღვანელები ეკა გიგაური, ხათუნა ლაგაზიძე და თანადამფუძნებლები პოლიტიკური მიზნების მქონე სუბიექტებად გამოაცხადა. როგორც უწყების ხელმძღვანელმა რაჟდენ კუპრაშვილმა განაცხადა, აღნიშნული ორგანიზაციები კანონით დადგენილი წესით, ვალდებულები არიან 5 დღის ვადაში ფინანსური ანგარიშები წარადგინონ, ასევე გახსნან და წარადგინონ ინფორმაცია იმ „საბანკო ანგარიშების რეკვიზიტებზე, რომელიც საარჩევნო მიზნებისთვის გამოიყენება". რამდენად შესაძლებელია, რომ 26 ოქტომბრის არჩევნების წინ სხვა სადამკვირვებლო ორგანიზაციებსაც იგივე პრეტენზიები წაუყენონ?

სამკურნალო ტურიზმის დიდი პოტენციალი საქართველომ ჯერჯერობით ვერ აითვისა. იშვიათი გამონაკლისის გარდა, ბალნეოლოგიური და სამკურნალო კურორტების დიდი ნაწილი ამორტიზებულია. მათ შორის ის სეგმენტი, რითაც სახელმწიფო დაინტერესებული იყო, გამოიკვეთა ინტერესი და რამდენიმე ობიექტი გაიყიდა კიდეც, მაგალითად, წყალტუბოში, თუმცა თითქმის ვერც ერთი ვერ ამუშავდა. ერთ-ერთი დაბრკოლება ინფრასტრუქტურაა, ცალკეც - პროფესიონალები, მოკლედ, სფერო სტანდარტს ვერ პასუხობს და ჯერჯერობით არც განვითარების პერსპექტივაა, ამასობაში ეკონომიკა დიდძალ სარგებელს კარგავს და სამედიცინო კურორტების ბუნებრივი რესურსით ვერც მოსახლეობა სარგებლობს.

აშშ-ის მხრიდან სანქციების შესაძლო დაწესება ქართულ ეკონომიკას ვერ დააზარალებს. ყოველ შემთხვევაში, სპეციალისტები მსგავს პროგნოზს არ აკეთებენ. ეს არ ნიშნავს, რომ ეკონომიკა სანქციებს ვერ იგრძნობს, თუმცა ნამდვილად არ იქნება ისეთი გავლენა, რამაც შეიძლება ქვეყნის ეკონომიკის სტაბილურობას საფრთხე შეუქმნას. თუკი რაიმე კუთხით მოსალოდნელია ნეგატიური შედეგი ეს, პირველ რიგში, სავალუტო ბაზარსა და სავაჭრო ურთიერთობებზე აისახება, რასაც ორივე სექტორი ადვილად გადაიტანს.