ისარელი აქამდე ლიბანის ტერიტორიაზე თუ მხოლოდ სარაკეტო დარტყმებსა და საავიაციო შეტევებს ახორციელებდა, 1-ლი ოქტომბრის ღამეს უკვე სახმელეთო ოპერაცია დაიწყო. ამას საერთაშორისო საზოგადოების მკვეთრად უარყოფითი რეაქცია მოჰყვა. ისრაელს ცეცხლის შეწყვეტისკენ მოუწედებენ. თურქეთი კი გაეროსაგან ისრაელის წინააღმდეგ ძალის გამოყენების ნებართვას ითხოვს. რამდენად შესაძლებელია, რომ ეს ყველაფერი ახალი დიდი დიდი ომის დასაწყისი გახდეს? ანალიტიკოსები ვარაუდობენ, რომ თუ ისრაელმა ჩრდილოეთისკენ, ლიბანის სიღრმეში დაიწყო სვლა, მაშინ მოსალოდნელია ესკალაციის მკვეთრი ზრდა. ისინი ამ ომში გარე ძალების ჩარევაზეც საუბრობენ.

„ქართულ ოცნებას" 1-ელ ოქტომბერს თავისი საარჩევნო პროგრამის წარდგენა უნდა გაემართა, თუმცა, ამის ნაცვლად, მხოლოდ პარტიის საპატიო თავმჯდომარის, ბიძინა ივანიშილის საგანგებო მომართვა გაავრცელა, სადაც ძირითადად პოლიტიკური აქცენტებია დასმული. რატომ აჭიანურებს „ოცნება" თავისი გეგმის ეკონომიკური ნაწილის გაცნობას საზოგადოებისთვის და რამდენად დამაჯერებელია პრეზენტაციის გადადების ოფიციალური მიზეზი?

საქართველოში ინტერნეტის ტარიფებს გაუმართლებლად აძვირებენ. ტენდენცია ჯერ კიდევ პანდემიის პერიოდში დაიწყო და დღემდე  არაფერი შეცვლილა. ფასი კი იმდენად მკვეთრად გაიზარდა, რომ ფიქსირებული ინტერნეტისთვის თვეში თითქმის 40 ლარს მიაღწია. ეს მაშინ, როცა საქართველო სატრანზიტო ქვეყანაა და რეგიონში ინტერნეტის ტარიფის მიხედვით ყველაზე საშეღავათო პირობები უნდა არსებობდეს. ამ ეტაპზე ცნობილი გახდა, რომ ,,ახალმა ქსელებმა" ტარიფი 2 ლარით, მინიმალური სიჩქარის გაზრდის და გაუმჯობესების ხარჯზე გააძვირა. მანამდე კიდევ უფრო მეტად გააძვირეს მომსახურება "სილქნეტმა" და "მაგთიმ".

საქართველოს ეკონომიკის სწრაფ წინსვლას ვერც არჩევნები აფერხებს. პოლიტიკური მდგომარეობის მიუხედავად, ქვეყნის მთლიანი შიდა პროდუქტი განუხრელად იზრდება და უკვე აგვისტოს მდგომარეობით, 12% შეადგინა, ხოლო 8 თვის საშუალო მაჩვენებელი უკვე 10%-ია. ორნიშნა მაჩვენებელზე განსაკუთრებით ორმა ფაქტორმა მოახდინა გავლენა, ლარის სტაბილური კურსი და ღია ეკონომიკა, რამაც წინასაარჩევნო პერიოდშიც შეინარჩუნა მიმზიდველობა. 

ვლადიმერ პუტინი რუსეთის მთლიანი მასშტაბით ცოცხალ ძალას გამალებით აგროვებს, მან ხელი უკვე მოაწერა განკარგულებას საშემოდგომო გაწვევის შესახებ, რითაც 133 ათასზე მეტ სამხედროს გაიწვევენ. როგორც კავკასიის უნივერსიტეტის პროფესორი და სამხედრო ანალიტიკოსი ვახტანგ მაისაია „რეზონანსთან" აცხადებს, რუსეთის პრეზიდენტი უახლოეს მომავალში ფარულ მობილიზაციას აპირებს, შექმნა სპეციალური კომისია, რასაც დავალებული აქვს ოთხ მილიონამდე ჯარისკაცის მობილზება. ამას კი შესაძლოა რუსეთში მასობრივი უკმაყოფილება მოჰყვეს.

საბურთალოზე მომხდარი სისხლიანი ანგარიშსწორების ახალი დეტალები ხდება ცნობილი. როგორც ირკვევა, კონსერვატორიის სტუდენტი 23 წლის გიორგი საყურაშვილი შემთხვევით მოკლეს, რადგან ის ჩხუბის მონაწილეების გაშველებას ციდლობდა. როგორც საქმის მასალებიდან ირკვევა, გლდანელებს და საბურთალოელებს შორის დაწყებულ კრიმინალურ გარჩევაში მუსიკოსი არ მონაწილეობდა, ის ადგილზე შემთხვევით მოხვდა. ჩხუბის მონაწილე პირები იცნო და მათ გაშველებას ცდილობდა. სწორედ ამ დროს მას გულ-მკერდის არეში დანით ჭრილობები მიაყენეს.

ივანიშვილის დაანონსებული ბოდიშს რუსეთის მხრიდან საპასუხო განცხადება მოჰყვა და საგარეო საქმეთა მინისტრი სერგეი ლავროვი ამტკიცებს, რომ აფხაზ და ოს ხალხებთან მიმართებით „ქართული ოცნება" წარსულს ადექვატურად აფასებს. ამბობს, რომ რუსეთი მზადაა, დაეხმაროს მათ ურთიერთობების ნორმალიზებაში და ხაზს უსვამს, რომ იგულისხმება თავდაუსხმელობის შეთანხმების უზრუნველყოფაც. ასევე ხაზგასმით ამბობს, რომ საუბარია მეზობელ ქვეყნებზე და რომ აფხაზებსაც და ოსებსაც ადრე თუ გვიან „მეზობელ" საართველოსთან ურთიერთობა მოუწევს.

მანქანის პარკირება ყველგან, როგრც ქალაქის ცენტრალურ უბნებში, ასევე მის შემოგარენში სერიოზულ პრობლემად იქცა. საპარკინგე ადგილები თითქმის აღარ დარჩა. მალე ავტომობილის გაჩერების პრობლემა საცობების პრობლემას უკან მოიტოვებს და მძღოლებისთვის ნომერ პირველ თავსატეხად იქცევა. სახლში მისულ ადამიანს მანქანის გასაჩერებელი ადგილი აღარ ხვდება და ხშირად ამას კონფლიქტი და დაპირისპირება მოსდევს.

„ნაცმოძრაობაში" აცხადებენ, რომ „ქართული ოცნება" ოკუპირებული აფხაზეთისა და სამხრეთ ოსეთის „აღიარებისთვის ემზადება". თავად „ოცნება" კი რუსეთის საგარეო უწყების ხელმძღვანელის განცხადებაში ცუდს ვერ ხედავს და ამბობს, რომ კონფლიქტის მოგვარებას „ხელს შეუწყობს". ანალიტიკოსებს ტერიტორიული მთლიანობის აღდგენის პერსპექტივაზე სხვადასსხვა მოსაზრებები აქვთ.

„მე არ ვნერვიულობ და თქვენ ნუ ინერვიულებთ" - დედაქალაქის მერი კახი კალაძე თავს არიდებს მედიაში გავრცელებულ ინფორმაციასთან დაკავშირებულ კითხვაზე კონკრეტულ პასუხს, თავადაც არის თუ არა აშშ-ის მიერ სანქცირებულ პირთა შორის. თუმცა ამბობს, რომ უცხოურ ბანკებში თანხებს აღარ ინახავს, რადგან „აღარ ენდობა".

ტერიტორიული მთლიანობის შესაძლო აღდგენა თანდათან „ქართული ოცნების" მთავარი წინასაარჩევნო დაპირება ხდება, ხოლო მოსკოვი კი ამასთან დაკავშირებით გაკეთებულ განცხადებებში მიანიშნებს, რომ ეს შესაძლოა რეალური იყოს. ანალიტიკოსთა ნაწილი ამაში კოორდინირებულ მოქმედებას ხედავს და მიიჩნევს, რომ კრემლი, ამ და კიდევ სხვა მეთოდებით, ირიბად ეცდება ქართველ ამომრჩევლებზე „ოცნების" სასარგებლოდ გავლენის მოხდენას. მეორე ნაწილის აზრით კი, ტერიტორიული მთლიანობის აღდგენის საკითხზე „ოცნებას" კარტები ბოლომდე გახსნილი არ აქვს".

ცდილობს თუ არა ხელისუფლება 26 ოქტომბრის არჩევნების წინ საერთაშორისო და ადგილობრივი სადამკვირვებლო ორგანიზაციების დისკრედიტაციას? - სწორედ ეს ეჭვი აქვს მესამე სექტორს და ოპოზიციას მას შემდეგ, რაც ფაქტურად ყოველდღიურ რეჟიმში, როგორც მმართველი გუნდი, ასევე ანტიკორუფციული ბიუროს ხელმძღვანელი რაჟდენ კუპრაშვილი, ცდილობენ ადგილობრივი თუ საერთაშორისო სადამკვირვებლო მისიები პოლიტიკურ მხარედ წარმოაჩინონ.