პრეზიდენტ დონალდ ტრამპის კვირას გაკეთებულმა განცხადებამ, რომ აშშ-ს გრენლანდია ეროვნული უსაფრთხოებისთვის სჭირდება, აშშ-სა და ევროპის ისედაც დაძაბული ურთიერთობა შეიძლება კიდევ უფრო გაართულოს. ტრამპმა კუნძულზე თავის სპეციალურ წარმომადგენელიც დანიშნა, რამაც დანიის ხელისუფლებასა და გრენლანდიის მთავრობაში სერიოზული პროტესტი გამოიწვია. დანიის საგარეო საქმეთა სამინისტრო აშშ-ის ელჩს იბარებს, ხოლო ევროკომისიის პრეზიდენტმა ურსულა ფონ დერ ლაიენმა ღიად გამოუცხადა მხარდაჭერა დანიას.

სუს-ის ყოფილი უფროსი გრიგოლ ლილუაშვილი წინასწარი დაკავების იზოლატორშია გადაყვანილი და 11-დან 15 წლამდე პატიმრობა ემუქრება. პროკურატურა მას მილიონობით ლარის ქრთამის აღებას და იმ ქოლ-ცენტრების მფარველობას ედავება, რიმლებიც, მათივე ცნობით, ოპოზიციურ მედიას აფინასებდნენ.

ოკუპირებულ ცხინვალში ცნობილი სამოქალაქო აქტივისტი, საქართველოს მოქალაქე თამარ მეარაყიშვილი ჯაშუშობის ბრალდებით დააკავეს. სუს-ის ინფორმაციით ამ საქმეზე ინტენსიური კომუნიკაცია მიმდინარეობს. ყოფილი სახელმწიფო მინისტრი პაატა ზაქარეიშვილი კი ფიქრობს, რომ ეს დაკავება სწორედ მეარაყიშვილის აქტიურობას უკავშირდება, რომელიც ხშირად უხერხულობას უქმნიდა დე ფაქტო ხელისუფლებას.

2025 საქართველოში ნავთობპროდუქტების ბაზრისთვის სტაბილური იყო. გლობალური გამოწვევების მიუხედავად, ქვეყანაში ბენზინსა და დიზელზე მოთხოვნამ მოიმატა, რაც ავტოპარკის ზრდას, ტრანზიტული ტრანსპორტისა და გადაზიდვების აღმავალ ტრენდს უკავშირდება. 2025 წელი სექტორმა დადებითი ტენდენციით დაასრულა.

ოქროს ფასი რეკორდულ მაჩვენებელზეა, რასაც განაპირობებს გლობალურ ბაზრებზე ძვირფასი ლითონის მიმართ მოთხოვნის ზრდა. ზედიზედ რამდენიმე თვეა, ცენტრალური ბანკები რეზერვებს ზრდიან და ეს ტენდენცია გაგრძელდება. ფაქტობრივად ოქრო ხდება წამყვანი აქტივი და მისი საინვესტიციო ღირებულება მუდმივ ინტერესს იწვევს. როგორც მსოფლიოში, ისე საქართველოში ვითარება გაურკვეველია და არაპროგნოზირებადია.

ეროვნული ბანკის გადაწყვეტილებას, რომ იპოთეკური სესხების კუთხით რეგულაციები გადაიხედოს, უძრავი ქონების ბაზრის სპეციალისტები სექტორში უხეში ჩარევის მცდელობად მიიჩნევენ. ისინი მოითხოვენ შესაბამის არგუმენტაციას, თუ რა განაპირობებს მოსალოდნელი ცვლილების აუცილებლობას. ის, რომ შიდა განვადებებზე შეზღუდვების დაწესება არაკეთილსინდისიერი ბიზნესის პრევენციას მოახდენს, სექტორი წარმომადგენლებისთვის არადამაჯერებელია. 

მაშინ, როცა ვაშინგტონი რუსეთ-უკრაინის მოლაპარაკების პროგრესზე საუბრობს და კიევი ტრამპის 20-პუნქტიან სამშვიდობო გეგმას მხარს უჭერს, ომის რეალობა ფრონტზე არ იცვლება - ტერიტორიული საკითხი ისევ ჩიხშია, ცეცხლი არ წყდება და უკრაინული არმია კი ბოლო დღეებია გააქტიურებულია და შეტევებსაც აძლიერებს.

მას მერე, რაც "კოალიცია ცვლილებებისთვის წევრმა ზურა ჯაფარიძემ ციხე დატოვა, ოპოზიციის გაერთიანება-კოორდინაციაზე კვლავ დაიწყო განხილვები. ოპოზიციის ნაწილი თანახმაა "ერთი მაგიდის გარშემო დასხდნენ", ნაწილი კი აცხადებს, რომ "ჯერ ნაცები გაერთიანდნენ" და მერე სხვა ჯგუფებთან სცადონ მოლაპარაკება.

პრემიერ-მინისტრის განცხადებით, ქვეყნის სტაბილურობა და მშვიდობა შემთხვევითი შედეგი არ არის - ხელისუფლება ამას გააზრებული, პრაგმატული და თანმიმდევრული პოლიტიკის შედეგად აფასებს. ელჩების კონფერენციაზე ირაკლი კობახიძემ გარე ზეწოლების, ოკუპაციის პირობებში დიპლომატიის როლის, ეკონომიკური ზრდისა და ეროვნული ინტერესების დაცვის მნიშვნელობაზე ისაუბრა.

22-25 დეკემბერს თბილისში ელჩების ყოველწლიური კონფერენცია იმართება, რომლის ფარგლებში ხელისუფლების წარმომადგენლები დიპლომატებთან და მოწვეულ სტუმრებთან ერთად საგარეო პოლიტიკის გამოწვევებზე და სამომავლო გეგმებზე მსჯელობენ.

რუსთაველის გამზირზე ყოველდღიური აქციები გრძელდება, თუმცა ამიერიდან პროტესტის მონაწილეებს ახალი წესების დაცვა მოუწევთ. შსს-ს მიერ გამოქვეყნებული რეგულაციების თანახმად, მათ ქუჩის მსვლელობების მოწყობა და ტროტუარზე გამვლელების მოძრაობის შეფერხება ეკრძალებათ. კიდევ ერთი ფაქტორი, რომელმაც აქციებზე შეიძლება გავლენა მოახდინოს, ოპოზიციის ერთ-ერთი ლიდერის, ზურაბ „გირჩი" ჯაფარიძის გათავისუფლებაა, რომელმაც საპატიმრო 19 დეკემბერს დილით დატოვა.

მაიამიში გამართული რუსეთ-აშშ-ის დახურული მოლაპარაკებების ფონზე, უკრაინის პრეზიდენტი ვოლოდიმირ ზელენსკი ვაშინგტონს მოსკოვზე ზეწოლის გაძლიერებისკენ მოუწოდებს. დიპლომატიური დიალოგის ფონზე კი ფრონტზე ცეცხლი არ წყდება. რუსული მხარე აცხადებს რომ მოლაპარაკებები კონსტრუქციულ რეჟიმში მიმდინარეობს, აშშ-ში პროგრესით კმაყოფილი არიან, კიევისთვის მთავარ თემად ისევ ტერიტორიული საკითხი რჩება, ევროპამ კი, ხანგრძლივი პაუზის შემდეგ, რუსეთთან პირდაპირი დიალოგის განახლება გადაწყვიტა.