საქართველოს საფინანსო სექტორში მდგომარეობა სტაბილურია და არჩევნების მოახლოების პარალელურად მდგომარეობის გაუარესება არ იგრძნობა. სფეროს წარმომადგენლები ამბობენ, რომ მოვლენების შემდგომი განვითარება 26 ოქტომბერზეა დამოკიდებული, თუმცა რაიმე განსაკუთრებულ ცვლილებებს არავინ ელოდება. პოლიტიკური დაძაბულობას სექტორზე გავლენა ჯერ არ მოუხდენია.

თბილისში დასუფთავების სამსახურზე მომართვიანობა კატასტროფულად გაზრდილია. ამის მიზეზი დედაქალაქში ბაღლინჯოებისა და სხვადასხვა მწერების გავრცელებაა. პრობლემა, ფაქტობრივად, ყველა უბანში შეიმჩნევა. სადეზინფექციო სამსახურებსი აცხადებენ, რომ ბოლო რამდენიმე თვეა შეკვეთებს ვერ აუდიან. მოსახლეობას ამ მავნე მწერების ფონზე ეზრდება ხარჯიც. ოროთახიანი ბინის სპეციალური ხსნარებით დამუშავების ღირებულება 1000 ლარამდე ავიდა და ფასიც ფართის მიხედვით მზარდია.

ამერიკიდან იმპორტირებული მანქანების შემოყვანას ბოლო დღეებში გარკვეული ზიანი მიადგა. პრობლემა დოკერების გაფიცვას მოყვა. მართალია პროტესტი ოთხდღიანი იყო, მაგრამ ეს საკამრისი აღმოჩნდა ბაზარზე გარკვეული რყევის გამოსაწვევად. ამას თან დაერთო ოკეანისგაღმა კლიმატური პირობების მკვეთრი გაუარესება. მსგავსი შეფერხებები ცხადია, ამერიკიდან წამოსული პროდუქციის გაძვირებას იწვევს. აშშ-დან ჩვენთან ძირითადად იმპორტირებული მანქანები შემოდის. რა მდგომარეობაა ამ ეტაპისთვის საქართველოს ავტობაზარზე და რას უნდა ველოდოთ უახლოეს მომავალში.

არჩევნების ლეგიტიმურობის საკითხი, პრაქტიკულად, ეჭქვეშ აღარ დგას, თუმცა არავინ დავობს, რომ გარკვეული დაძაბულობა მოსალოდნელია, რამაც შეიძლება საქართველოს ეკონომიკაში უარყოფითი პროცესებიც წარმოშვას. ასეთ ვითარებაში ფინანსური ნაკადები შეიძლება შემცირდეს, მაგრამ ეს დიდ პრობლემებს არ გამოიწვევს. სპეციალისტები მთავრობას ექსპორტის ხელშეწყობასა და ზრდისკენ მოუწოდებენ, რაც ეკონომიკას მეტ სტაბილურობას მოუტანს.

სოფლის მეურნეობა მთავრობის პრიორიტეტებს შორისაა და სახელმწიფოს მხრიდან მაქსიმალური მხარდაჭერა აქვს. აგრარულ სექტორში განხორციელებული პროექტები მაქსიმალურად უწყობს ხელს  ქართული წარმოების ზრდას და ახალგაზრდობის სოფლად დამაგრებას, რაც აქამდე სერიოზულ გამოწვევა იყო. 

მინიმუმ 2026 წლამდე კომუნალური ტარიფები არ შეიცვლება. საქართველო ამ მხრივ ერთ-ერთი იაფი ქვეყანაა, თუმცა მოსახლეობის გარკვეული ნაწილისთვის გადასახადების მომსახურება მაინც პრობლემაა.

საქართველოში გამოთვლილი საშუალო ხელფასი რეალობას არ ასახავს და საერთოდ არ მეტყველებს მოსახლეობის დიდი ნაწილის შემოსავლებზე. რეალობას მედიანური ხელფასი უფრო შეესაბამება და მათ შორის სხვაობა 30%-ია. გამოდის, რომ დასაქმებულები იმაზე გაცილებით ნაკლებს გამოიმუშავებენ, ვიდრე სტატისტიკა აჩვენებს.

2025 წლიდან ქალქაიდან ქალაქში მიკროვატობუსებით მგზავრების გადაყვანა იკრძლება. ეს ვალდებულება საქალაქთაშორისო მგზავრობის სისტემას თავდაყირა აყენებს. გარდა იმისა, რომ მიკროავტობუსები შორ მანძილზე მგზავრებს ვერ მოემსახურებიან, მოსალოდნელია ტარიფების გაზრდა და  ტრანსპორტირების დროის გახანგრძლივება, რადგან "მარშრუტკები" გაცილებით მოქნილი სატრანსპორტო საშუალებაა, ვისდრე ავტობუსები.

ევროპარლამენტი საქართველოს მთავრობას მოუწოდებს, რომ რუსეთს სანქციები დაუწესოს. შესაბამისი რეზოლუცია უკვე მომზადდა, რის გათვალისწინებასაც ქართული მხარე არ აპირებს, რადგან ხელისუფლებას კარგად ესმის, რომ რუსეთისთვის ეკონომიკური შეზღუდვების შემოღება ქვეყანას მძიმე მდგომარეობაში ჩააგდებს.

წინასაარჩევნო პერიოდში ბიზნესში რაიმე დაძაბულობა არ იკვეთება. მიმდინარე ეტაპზე პოლიტიკური ვითარება სტაბილურია და არჩევნებამდე არსებული სიტუაცია მშვიდია. ამიტომ კერძო სექტორი განსაკუთრებულ საფრთხეს ვერ ხედავს, თუმცა არის გარკვეული მიზანმიმართული შეფასებებიც.

საქართველო აზერბაიჯანისგან უახლოეს მომავალში ბენზინის შესყიდვას დაიწყებს. მიმდინარე ეტაპზე მოსაგვარებელი მხოლოდ ტექნიკური საკითხები რჩება და მისი დასრულების შემდეგ, მეზობელი სახელმწიფოსგან დიზელთან ერთად, ბენზინიც შემოვა. 

ბოლოდროინდელი პოლიტიკური პროცესების ფონზე, როდესაც დასავლეთის მხრიდან ხელისუფლების მიმართ კრიტიკა გაძლიერდა და რადიკალური ოპოზიციაც ამას საკმაოდ უწყობს ხელს, არჩევნების არალეგიტიმურად ცნობის ალბათობაც გაზრდილია. ეკონომისტები იმედოვნებენ, რომ საქმე აქამდე არ მივა, თუმცა თუ დასავლეთი მსგავს გადაწყვეტილებას მაინც მიიღებს და არჩევნები არალეგიტიმურად გამოცხადდება, პირველ რიგში, ტურიზმი და მომსახურების სფერო დაზარალდება. ცხადია, მძიმე შედეგი იქნება ინვესტიციების მხრივ და ლარის კურსსაც შეარყევს.