საქართველოში 257 ათასი მუდმივად მცხოვრები უცხო ქვეყნის მოქალაქეა, რაც მთლიანი მოსახლეობის თითქმის 7%-ია. ერთი შეხედვით, 7% შესაძლოა, ბევრი არ იყოს, მაგრამ მცირერიცხოვან ერში, სადაც მძიმე დემოგრაფიული ვითარებაა, ეს ოდენობა საშიშია. 

საქართველოში სავალუტო რეზერვების შევსება გრძელდება და მისმა მოცულობამ 5 მილიარდ დოლარს გადააჭარბა, რის შედეგადაც დაფიქსირდა ისტორიული მაქსიმუმი. სპეციალისტები ფიქრობენ, რომ რეზერვების შევსებას სებ-ი კვლავ განაგრძობს, მით უმეტეს, რომ წინასაარჩევნო პერიოდში ეს ნაბიჯი უფრო მეტად პრიორიტეტულია. 

რუსეთსა და სომხეთს შორის დაწყებული ეკონომიკური დაპირისპირება საქართველოს ეკონომიკაზეც უარყოფით გავლენას მოახდენს. აშკარაა, რომ რუსეთი ემბარგოს უცხადებს სომხეთის სასოფლო-სამეურნეო პროდუქციას. ამის მიზეზი კი შექმნილი გეოპოლიტიკური მდგომარეობაა. კერძოდ, სომხეთის კურსის ცვლილება ევროპისკენ, რასაც რუსეთის გაბრაზება მოჰყვა და გადაწყვიტა ეკონომიკური ბერკეტები აამოქმედოს. 

სამუშაო ძალების და წარმოების არათანაბარი განაწილება დედაქალაქისთვის დიდი გამოწვევაა. იმის გამო, რომ რეგიონები ვერ ვითარდება, მიგრაციული პროცესი გააქტიურებულია და ადამიანები სულ უფრო და უფრო მოიწევენ თბილისისკენ დასაქმების და საცხოვრებელი ადგილის შეცვლის მიზნით. ამ დროს პატარა ქალაქები და სოფლები ცარიელდებიან. ფაქტობრივად მთელი ეკონომიკური რესურსი თბილისში იყრის თავს, შემდეგ უკვე ბათუმში, რომელიც კიდევ ერთი თავკომბალა ქალაქია, სადაც მაღალი მიგრაცია შეინიშნება.

პროფესიული სასწავლებლების მიმართ ინტერესი მატულობს და წლიდან წლამდე მეტი მსურველის გადამზადება ხდება, თუმცა შრომის ბაზარზე კადრების პრობლემა მაინც  არსებობს. როგორც სექტორში აცხადებენ, ყველაზე პოპულარული ამ დროისთვის ტურიზმი და სამშენებლო  სფეროა, გაიზარდა მოთხოვნა შრომის უსაფრთხოების სპეციალისტზეც, თუმცა საკადრო გამოწვევა ჯერ კიდევ არსებობს. შესაბამისად, პროფესიული სასწავლებლების გაძლიერება და მისი როლის ზრდა მთავრობისთვის ერთ-ერთი პრიორიტეტია. 

საქართველოს გზებზე უამრავი ადამიანი იღუპება. დაუდევრობით, მაღალი სიჩქარით, შეუსაბამო ინფრასტრუქტურით და სხვა მიზეზით ქვეყანაში წლიდან წლამდე ავტოსაგზაო შემთხვევების შედეგები უმძიმესია. მხოლოდ მიმდინარე წლის 6 თვეში ავარიის შედეგად 216 ადამიანი დაიღუპა. იმისათვის, რომ მსგავსი უბედურება ქვეყანამ თავიდან აიცილოს გამოსავლის პოვნაა აუცილებელი.

ბინის კიდევ ქირა გაიაფდა. ტენდენცია იმდენად აშკარაა, რომ ახალი სასწავლო წლის დასაწყისშიც, მოთხოვნის ზრდის მიუხედავად, ფასები არ გაზრდილა და შედარებით დაბალ ნიშნულზეა. თუკი შარშან ამ დროს ბინის დაქირავება 800-900 ლარზე ნაკლებად წარმოუდგენელი იყო, წელს 700 ლარიდან იწყება და მაქსიმალური ფასი 1000 ლარია. ეს ეხება, ძირითადად, დაბალბიუჯეტურ ბინებს, ძვირადღირებულ სეგმენტში საფასო ცვლილება, ფაქტობრივად, არ მომხდარა და ქირის ფასი კვლავინდებურად 2000-3000 ლარის დონეზეა.

ქართული სოფლის მეურნეობის პროდუქციაზე უცხოეთში მოთხოვნა გაიზარდა. ადგილობრივი წარმოების ხილი თუ ბოსტნეული მეზობელ ქვეყნებში აქტიურად გადის, რაც, რა თქმა უნდა, კარგია, მაგრამ, მეორე მხრივ, საქართველოდან გატანილი სურსათი ადგილობრივ ბაზარს აკლდება და წელს ყველგან გამორჩეული სიძვირეა.

საქართველოსთვის უმუშევრობა ჯერ კიდევ დიდ პრობლემად რჩება, მით უმეტეს, რომ ბოლო პერიოდში კლების ნაცვლად, უკვე მატება შეინიშნება. ბოლო მონაცემების მიხედვით, უმუშევრობის დონემ 14%-ს გადააჭარბა, რაც საქართველოს მსგვასი ქვეყნისთვის საკმაოდ საყურადღებო საკითხია. ექსპერტების განცხადებით, მაღალი მიგრაციის ფონზე მთავრობამ ქართველების სამშობლოში დამაგრებასა და ადგილზე დასაქმების მიმართულებით აქტიურად უნდა იმუშაოს, წინააღმდეგ შემთხვევაში, უფრო მეტად გაიზრდება უცხოელების დასაქმება. 

2025 წლის პირველ 7 თვეში ელექტროენერგიის იმპორტი მკვეთრად გაიზარდა, ხოლო ექსპორტი შემცირდა. ამის უმთავრების მიზეზი მოხმარების ზრდაა. მაღალი ტემპერატურის გამო მოსახლეობა გაგრილების საშუალებებს აქტიურად იყენებს, რამაც ელექტროენერგიაზე მოთხოვნა გაზარდა. ამიტომ ქვეყანამ დენი ვერ გაყიდა და მეტიც, ყიდვა დასჭირდა. 

ბოლო პერიოდში საქართველოში ინფლაცია მუდმივად მზარდია, რაც მოსახლეობისთვის პრობლემაა, განსაკუთრებით მოწყვლადი ფენისათვის, რადგან სიძვირე ყველაზე მეტად სურსათის კომპონენტს ეხება, სადაც ორნიშნა ინფლაცია ფიქსირდება.  

რუსეთ-უკრაინის ომი დასრულებისკენ მიდის, რაც არაერთი ქვეყნის სავაჭრ-ეკონომიკურ ურთიერთობებზე იმოქმედებს და ახალ რელსებზე გადაიყვანს. საქართველოსთვის ერთგვარ გამოწვევას წარმოადგენს არსებული შესაძლებლობების შენარჩუნება და ახალი პოტენციალის გამოყენება. მით უმეტეს, ერთ-ერთი საკითხია რუსეთისთვის ეკონომიკური სანქციების მოხსნა, რაც ლოგისტიკის მიმართულებით ბევრ რამეს შეცვლის. ,,ბიზნეს-რეზონანსი" შეეცადა გარკვევას,  რა შეიცვლება რეალურად საქართველოსთვის, შესუსტდება ჩვენი როლი თუ მშვიდობიანობის პერიოდში ახალი შესაძლებლობები გაჩნდება?