საქართველოში სოციალურად დაუცველთა რაოდენობა იზრდება და სახელმიწიფოს ფულად დახმარებაზე სულ უფრო მეტი ადამიანი ხდება დამოკიდებული. ბოლო მონაცემებით, ქვეყანაში საარსებო შემწეობის მიმღებთა რაოდენობა მაქსიმუმზეა. საინტერესოა, როგორ გამოიკვეთა ასეთი გარემოება მაშინ, როცა ეკონომიკა იზრდება, უმუშევრობა ისტორიულ მინიმუმზეა და გარკვეულწილად იზრდება ხელფასებიც?

რეგიონის ქვეყნებში ეროვნული ვალუტები უფასურდება. როგორც რუბლი, ასევე თურქული ლირა განუხრელად განიცდიან დევალვაციას, რის ფონზეც ლარი საკმაოდ სტაბილურად გამოიყურება და დადებით დინამიკას ინარჩუნებს. რამდენად დააზარალებს ეს პროცესი საქართველოს და კონკრეტულად რა შედეგს გამოიწვევს, სპეციალისტებს განსხვავებული მოსაზრებები აქვთ. ნაწილი ფიქრობს, რომ რეგიონული ვალუტების გაუფასურება ამ ქვეყნებიდან იმპორტირებულ პროდუქციას გააძვირებს. ნაწილი ასეთ მოსაზრებას ემიჯნება და მიაჩნია, რომ გავლენა ექსპორტ-იმპორტისთვის უმნიშვნელო იქნება და საქართველო  ნაკლებად იზარალებს.

ევროკავშირის სანქციების 11 პაკეტის მიხედვით, რუსეთის ფედერაციაში მსუბუქი ავტომობილების რეექსპორტი იკრძალება. კონკრეტულად ამ სექტორში ოკუპანტი ქვეყნისთვის შეზღუდვა აქამდეც იყო დაწესებული, თუმცა მას ახალი გარემოება მიება. ავტომობილების რეექსპორტზე საქართველოს რუსეთის ბაზარზე გათვლა არასოდეს ჰქონია, ამიტომ ევროკავშირის გადაწყვეტილება ქვეყნისთვის ზიანის მომტანი არ იქნება.

საქართველოს ეროვნულ ბანკში სიტუაციის შესცვლისა და ნათია თურნავას მოსვლის შემდეგ, ლარის კურსმა ძალიან ნელი ტემპით, მაგრამ ყოველდღიური გამყარება დაიწყო და იმ ნიშნულისკენ დაიძრა, რაც რეალურად ქვეყანაში არსებულ ეკონომიკურ მდგომარეობას შეესაბამება. ეკონომისტები ლარის უცაბედ გაუფასურებას სხვადასხვა გარემოებებთან აკავშირებენ, თუმცა, საბოლოო ჯამში, ამბობენ, რომ ზაფხულის პერიოდში კურსი გამყარებული და სტაბილური იქნება.

უძრავი ქონების მფლობელების დიდი ნაწილი, ფინანსური სარგებლის ნაცვლად, მდგმურების თაღლითობის მსხვერპლი ისევ ხდება. მდგომარეობა განსაკუთრებით მას შემდეგ შეიცვალა, რაც რუსეთ-უკრაინის ომი დაიწყო და უამრავი მიგრანტი შემოვიდა ქვეყანაში. სწორედ ამ მიზეზების გამო დღის წესრიგში საპოლიციო გამოსახლების წესის აღდგენა გახდა, შეცვლილი ფორმით, თუმცა ჯერჯერობით ქმედითი კიდევ არ გამოკვეთილა.

კანონპროექტი, რომელსაც სურსათის ფასები უნდა დაარეგულიროს, დაპაუზდა. მთავრობაში საკითხს აქტუალურად აღარ მიიჩნევენ, ამიტომ პროექტი თაროზე შემოდეს. იგივე პოზიცია აქვთ სავაჭრო სექტორში, თუმცა დისტრიბურტორთა ასოციაცია შეჩერებას არ აპირებს და მუშაობას მაინც განაგრძობს. რა იქნება საბოლოოდ და რა გზით მოეღება ბოლო სიძვირეს?

მოგების გადასახადის ესტონური მოდელით დასაბეგრი ობიექტთა ბაზა ფართოვდება. შესაბამისი პროექტი ფინანსთა სამინისტროს აქვს მომზადებული, სადაც საუბარია ინდმეწარმეებზე, რომლებიც დღეს კლასიკური მოდელით იბეგრებიან. ეკონომისტები სიახლეს მიესალმებიან, და ადასტურებენ, რომ ესტონურმა მოდელმა ეკონომიკაზე კარგი გავლენა მოახდინა.

საზღვაო კურორტებზე მოთხოვნამ იკლო. მართალია, ჯავშნების მასობრივი გაუქმება არ დასტურდება, თუმცა ვიზიტორების რაოდენობის კლებაზე  ინდუსტრიის წარმომადგენლები ღიად საუბრობენ. გავლენა ამ მხრივ ზღვის დაბინძურებასთან დაკავშირებით ნეგატიურმა ინფორმაციის გავრცელებამ მოახდინა. აქედან გამომდინარე, დამსვენებლების ნაწილმა მთას მიაშურა.

პენსიის ზრდის ტენდენცია გრძელდება და საქართველოს პოზიციები რეგიონში მკვეთრად გაუმჯობესებულია. თანაც, მოსალოდნელია, რომ საპენსიო თანხა  შეიძლება გაიზარდოს იმაზე მეტად, ვიდრე ნავარაუდევია. კანონში ჩანაწერის მიხედვით, განსაზღვრულია, რომ ყოველ წელს მინიმუმ 20 ლარით უნდა გაიზარდოს პენსია ან მშპ-ს ზრდის შესაბამისად ნომინალში. ამ მხრივ 2024 წელს ცვლილება რეალურად მოსალოდნელია, რადგან საარჩევნო წელია, თუმცა კონკრეტულად რამდენით მოიმატებს, ოქტომბერ-ნოემბერში დადგინდება. არსებული მაჩვენებლით კი, რაც სავალუტო ცვლილებამ გამოიწვია, დოლარში გამოხატული პენსიით საქართველოს პოზიცია რეგიონში ერთბაშად გაუმჯობესებულია.

ხუდონჰესის პროექტი ტერიტორიის დატბორვის გარეშე განხორციელდება. მიდგომა შეიცვალა და ჰესს, ფაქტობრივად, ახალი სიცოცხლე მიეცა, რაც სპეციალსიტების შეფასებით, ,,ოქროს შუალედია", რომელიც მთავრობამ გამონახა. უცხოელ ინვესტორთან ერთად მიღწეულია შეთანხმება და ხუდონჰესი  აშენდება ისე, რომ ხაიში და მიმდებარე სოფლები არ დაიტბოროს. ენერგეტიკოსების ის ნაწილი, რომელმაც ანალოგიური სქემა წლების წინ წარუდგინა მთავრობას, აცხადებს, რომ გამოსავალი მოიძებნა და პროექტი ქვეყანას და ხალხსაც დიდ სარგებელს მოუტანს.