ბოლო წელიწად-ნახევარში მთავრობის მიერ შემუშავებულმა ცვლილებებმა ფარმაცევტული სექტორი ნელ-ნელა დაარეგულირა. თვითნებურად მოქმედების მიყუხედავად, თურქეთის ბაზრის გახსნამ და შემდეგ რეფერენტული ფასების დაწესებამ, მოსახლეობას მედიკამენტები გაუიაფა და ამასთან ერთად, ბაზარზე უფრო მეტი და ჯანსაღი კონკურენცია ჩამოყალიბდა. დღეისთვის, აფთიაქები ახალ რეჯიმში ჩადგნენ და შესაბამისად, აღარც მთავრობისგან ისმის რაიმე სახის მოწოდება ანდა საყვედური.

წელს საზღვაო ტურისტული სეზონი ჯერჯერობით ვერ ამართლებს. თავდაპირველად უამინდობამ, შემდეგ უკრაინაში წყალსაცავის აფეთქებამ და ახლა კი სტიქიამ დამსვენებლების განწყობაზე ძალიან უარყოფითად იმოქმედა და ჯავშნების დიდი ნაწილი გაუქმდა. როგორც აღმოჩნდა, სულ ახლახან აჭარაში მომხდარი  წყალდიდობის გამო შეკვეთები ქართველმა დამსვენებლებმაც გააუქმეს. აშკარაა, რომ საზღვაო კურორტებისთვის მრავალი არახელსაყრელი გარემოებაა, რის გამოც სტუმრების სიმცირე იგრძნობა. ანალოგიური სიტუაციაა სამეგრელოს საზღვაო ზოლშიც, სადაც აღიარებენ კიდეც, რომ სეზონი ჩავარდნის პირასაა.

ხორბლის წარმოებაში პრობლემა ისევ ვერ გვარდება. მთავრობის მიერ მიღებულმა გადაწყვეტილებამ და ფქვილის იმპორტის დაბეგვრამ ქართული მარცვლეულის რეალზიაციის საკითხი რეალურად ვერ გადაწყვიტა. მთლიანობაში ისე გამოვიდა, რომ არც მწარმოებლები არიან კმაყოფილები და არც ფერმერები, რომლებიც ღიად დაუპირისპირდნენ ერთმანეთს. ფაქტია, რომ მიღწეული შედეგით ორივე მხარე უკმაყოფილოა. წისქვილკომბინატების წარმომადგენლები არ მალავენ, რომ ქართულ ხორბალს არ ყიდულობენ დაბალი ხარისხის გამო. ეს პოზიცია კი ფერმერებისთვის მიუღებელი, რომლებსაც აღნიშნულთან დაკავშირებით სულ სხვა არგუმენტი აქვთ და ხარისხთან დაკავშირებით ორგანზიაციის მეირ გავრცელებულ ინფორმაციას ემიჯნებიან.

სავალუტო რყევების და ეკონომიკის სხვადასხვა სექტორში მიმდინარე პროცესების მეტი სტაბილურობის გარანტად ფიქსირებული ლარის მოდელის შემოღებაზე საუბრობენ. საბანკო სფეროს სპეციალისტების ნაწილს მიაჩნია, რომ ეკონომიკური განვითარებისთვის მსგავსი გადაწყვეტილება ძალიან სასარგებლოა, რაზეც ქვეყნის მთავრობას გარკვეული ზომების მიღება მოუწევს და ყველაზე ოპტიმალური გზა ფიქსირებული კურსია.

ევროკავშირის რუსეთთან ვაჭრობა გასაოცარ რიცხვებში არის წარმოდგენილი. ეს ხდება მაშინ, როდესაც ევროპარლამენტარების მხრიდან საქართველოს მისამართით არაერთი ბრალდება ისმის. მიუხედავად არაერთხელ დამტკიცებული ფაქტებისა, რომ საქართველოში არნაირი „შავი ხვრელების“ არ არსებობს,  ქართულ ოპოზიციასთან ერთად, სხვადასხვა ქვეყნის წარმომადგენლები ჯიუტად „ამტკიცებენ“, რომ აქ სანქციების გვერდის ავლა ხდება და თანაც ირაკლი ღარიბაშვილის გუნდს რუსეთთან ეკონომიკური ურთიერთობის გაწყვეტისკენ მოუწოდებენ. ამ დროს კი, 2023 წლის 6 თვეში ევროკავშირსა და რუსეთს შორის მარტო წიაღისეული საწვავით ვაჭრობამ 18 მლრდ დოლარს გადააჭარბა.

მაღალმთიან დასახლებაში სამეწარმეო საქმიანობის ხელშეწყობის მიზნით პროგრამა წარმატებით ამოქმედდა. მისი მიზანია ეკონომიკურ საქმიანობაში მეტი ადამიანის ჩართვა და  დასაქმების ზრდა, რაც საბოლოოდ რეგიონების განვითარების წინაპირობაა. მაღალმთიან დასახლებებში სამეწარმეო საქმიანობის განვითარების ახალ პროგრამას „სოფლის განვითარების სააგენტო" ახორციელებს.

საქართველოში სოციალურად დაუცველთა რაოდენობა იზრდება და სახელმიწიფოს ფულად დახმარებაზე სულ უფრო მეტი ადამიანი ხდება დამოკიდებული. ბოლო მონაცემებით, ქვეყანაში საარსებო შემწეობის მიმღებთა რაოდენობა მაქსიმუმზეა. საინტერესოა, როგორ გამოიკვეთა ასეთი გარემოება მაშინ, როცა ეკონომიკა იზრდება, უმუშევრობა ისტორიულ მინიმუმზეა და გარკვეულწილად იზრდება ხელფასებიც?

რეგიონის ქვეყნებში ეროვნული ვალუტები უფასურდება. როგორც რუბლი, ასევე თურქული ლირა განუხრელად განიცდიან დევალვაციას, რის ფონზეც ლარი საკმაოდ სტაბილურად გამოიყურება და დადებით დინამიკას ინარჩუნებს. რამდენად დააზარალებს ეს პროცესი საქართველოს და კონკრეტულად რა შედეგს გამოიწვევს, სპეციალისტებს განსხვავებული მოსაზრებები აქვთ. ნაწილი ფიქრობს, რომ რეგიონული ვალუტების გაუფასურება ამ ქვეყნებიდან იმპორტირებულ პროდუქციას გააძვირებს. ნაწილი ასეთ მოსაზრებას ემიჯნება და მიაჩნია, რომ გავლენა ექსპორტ-იმპორტისთვის უმნიშვნელო იქნება და საქართველო  ნაკლებად იზარალებს.

ევროკავშირის სანქციების 11 პაკეტის მიხედვით, რუსეთის ფედერაციაში მსუბუქი ავტომობილების რეექსპორტი იკრძალება. კონკრეტულად ამ სექტორში ოკუპანტი ქვეყნისთვის შეზღუდვა აქამდეც იყო დაწესებული, თუმცა მას ახალი გარემოება მიება. ავტომობილების რეექსპორტზე საქართველოს რუსეთის ბაზარზე გათვლა არასოდეს ჰქონია, ამიტომ ევროკავშირის გადაწყვეტილება ქვეყნისთვის ზიანის მომტანი არ იქნება.

საქართველოს ეროვნულ ბანკში სიტუაციის შესცვლისა და ნათია თურნავას მოსვლის შემდეგ, ლარის კურსმა ძალიან ნელი ტემპით, მაგრამ ყოველდღიური გამყარება დაიწყო და იმ ნიშნულისკენ დაიძრა, რაც რეალურად ქვეყანაში არსებულ ეკონომიკურ მდგომარეობას შეესაბამება. ეკონომისტები ლარის უცაბედ გაუფასურებას სხვადასხვა გარემოებებთან აკავშირებენ, თუმცა, საბოლოო ჯამში, ამბობენ, რომ ზაფხულის პერიოდში კურსი გამყარებული და სტაბილური იქნება.

უძრავი ქონების მფლობელების დიდი ნაწილი, ფინანსური სარგებლის ნაცვლად, მდგმურების თაღლითობის მსხვერპლი ისევ ხდება. მდგომარეობა განსაკუთრებით მას შემდეგ შეიცვალა, რაც რუსეთ-უკრაინის ომი დაიწყო და უამრავი მიგრანტი შემოვიდა ქვეყანაში. სწორედ ამ მიზეზების გამო დღის წესრიგში საპოლიციო გამოსახლების წესის აღდგენა გახდა, შეცვლილი ფორმით, თუმცა ჯერჯერობით ქმედითი კიდევ არ გამოკვეთილა.

კანონპროექტი, რომელსაც სურსათის ფასები უნდა დაარეგულიროს, დაპაუზდა. მთავრობაში საკითხს აქტუალურად აღარ მიიჩნევენ, ამიტომ პროექტი თაროზე შემოდეს. იგივე პოზიცია აქვთ სავაჭრო სექტორში, თუმცა დისტრიბურტორთა ასოციაცია შეჩერებას არ აპირებს და მუშაობას მაინც განაგრძობს. რა იქნება საბოლოოდ და რა გზით მოეღება ბოლო სიძვირეს?